CELT document G100030

Cathréim Cellacháin Caisil

Witness list

  • L: Chatsworth, Book of Lismore, folios 148-157
  • H: Dublin, Royal Irish Academy, 23. H. 18, pp. 59-88
  • Eg: British Library, Egerton 106

unknown

Edited by Alexander Bugge

 p.1 L 148a1

Caithreim Ceallachain Caisil annso. 1

Airdri oirrdhirc airdmhenmnach ro ghabhustar flaithius…

Airdri oirrdhirc airdmhenmnach ro ghabhustar flaithius ⁊ forlamus for dhá coiged Muman dar ainm Airtri mac Cathail meic Finguine. Is re linn ro gabatar Lochlannaig nert ar tus for Eirinn. Acht ro fhuaradar catha ⁊ coinblichta o aimsir Airtri gu caem-aimsir Cheallachain. Ocus ba h-iat-so na righa ro bhatar for Chaisiul frisin re sin ⁊ fad a bh-flaithiusa ⁊ na h-oigeda ruc iat.

Airtri mac Cathail .XX. bliadain. ⁊…

  1. Airtri mac Cathail .XX. bliadain. ⁊ ecc at-bath.
  2. Feidlimid mac Crimthain VII. m-bliadhna XX. for Mhumain ⁊ for Eirinn ⁊ d' éc do chuaidh tre escaine Chiarain Moir meic in t-Saeir.
  3. Olchobar mac Cinaedha IIII bliadhna. IS e ro bris cath Sceith Nechtain ar Ghallaibh inar marbad da C. X. dhibh um Thómar Iarla ⁊ d' ecc dho chuaidh.
  4. Maol Guala mac Dunghaile VII m-bliadhna ⁊ Goill do mharbh h-e.
  5. Ceann Faeladh mac Mochtigirn VII m-bliadhna. ⁊ d' eg do chuaidh.
  6. Donnchadh mac Duibh Dha Boirenn ceathra bliadhna. ⁊ d' ecc do chuaidh a Caiseal.
  7. Dublachta mac Mhaeil Guala VII m-bliadhna ⁊ a ecc da thamh ina choirmthigh.
  8. Finguine mac Laeguire VII m-bliadhna ⁊ a braithre fein da mharbadh tre leath-ol fleghi.
  9. Cormac mac Cuilennain VII m-bliadhna ⁊ Laigin da mharbadh a cath Leithlinde.
  10. Flaithbertach mac Inmainein VII m-bliadhna. XXX. ⁊ d' ec do chuaidh.
  11. Lorcan mac Coinnligain bliadhain gu leith ⁊ d' ec do chuaidh.

Ba h-iat-so cisa ⁊ cana na…

Ba h-iat-so cisa ⁊ cana na n-Gall n-grandba o mhiledaibh Muman .i. ri ar gach tricha ⁊ taisech ar gach tuaith. ab ar gach cill. maer ar gach m-baili suaitreach gacha tighe. Gan coibeis line ein-chirce ag duine da biadh fein na da digh gan brat gan blaithedach um righ na um ro-mnai p.2 acht ath-brait ⁊ aith-eduighi na n-Danar ⁊ na n-daer-Lochlannach gan sruithe gan saeir-cleirig gan leabhair gan lain-minna  L 148a2ar eclais na a mur na a muintir. acht Danair ina templuibh ⁊ ina ceallaibh ⁊ ina caemh-dhuintibh. gan feallsaim gan filid gan oirfidigh ag leanmhain dlighidh na duthchusa a n-deigh-righ tar grain na n-garbh-Lochlannach. gan ingin righ na ro-fhlatha na thaisigh dho lamhachtain druine na dhilsi na dhegh-lamhda. Gan mac righ na taisigh do lamhachtain luith na lamhachtain na lan-ghaisced do dhenam na dh' fhoglaim. Gan flegha gan sein-leanna do lamhachtain do Mhuimhnechaib do thabhairt da cing na dha comharsoin acht muna bheith tar fuigheall na fir-anflatha sin fria re aein-bliadhna dec ⁊ VII. XX. bliadhna doibh amlaid sin .i. on naemad bliadhain do fhlaithius Airtri meic Cathail cu h-aimsir Lorcain meic Conligain.

IS annsin do eirig in caemh-ri…

IS annsin do eirig in caemh-ri curata cathbuadach cosantach do dichur na docraiti-sin ⁊ do chosnamh na crich re cathaibh Lochlannach .i. Ceallachan mac Buadachain meic Lachtna meic Artghaile meic Shnedhgusa meic Donnghaile meic Fhaelghusa meic Nath Fraeich meic Cholgan meic Failbhe meic Aedha Duib meic Creamthaind meic Feilimidh meic Aengusa meic Nat Fraeich meic Chuirc meic Luigdech meic Oiliolla Flann Bic meic Fiachaig Muilleathain meic Eogain Moir meic Oiliolla Oluim. Doigh o Airtri gu h-aird-Bhriain nír saerait cuirid nait cricha na Muman do reir scriptra na scelaige. acht a n-derna in colg-laemdha Ceallachan da cosnamh. Ór as e an fer-sin do bhi bliadhain co leith ag iaraidh na Muman idir choill ⁊ chnoc ⁊ caeim-ghlenn. Idir linn ⁊ loch ⁊ lan-abhuinn idir chuan ⁊ chaemh-thraigh ⁊ caladphort. idir lis ⁊ laech-dhun ⁊ lethan-tuaith gach Lochlannaig ag iaraid dhérce in gach dun ⁊ caisced in gach cathraig cu bocht ara bhinn-cleircheacht ⁊ a thiagh brec ima bragait ag brath gacha baili ⁊ ag deigh-iaraid gacha duin innus gu m-beith eolus a h-iath ⁊ a h-es ⁊ a h-ur-choilltedh aigi in uair do-bered air a crich do chosnamh co nar fhagaibh aen-bhaili brugaid na biattaigh an da coiced Muman gan tadall gu m-beith ainm gacha baili  L 148b1⁊ gacha tuaithe ⁊ fis gacha flatha feruinn aige. Ocus tainic ar n-iaraid na crich gu Caisiul or is ann do bhi a mathair ⁊ ba ben do comarba Caisil in p.3 caeim-righan ⁊ tar a chenn do-ronad Ceallachan. Ocus an bliagain cu leith do bhi Ceallachan ag cuartugad na crich do bhi sisi ac tinol airm ⁊ eidid ⁊ innmais ⁊ ag fosdad ceithearn ⁊ caeimh-theglach. Ocus as e lin do bhi luingthi lan-cengailti aici V .C. fer n-armach.

IN la do riacht Ceallachan cu…

IN la do riacht Ceallachan cu Caisil ar bh-faghail na socraiti-sin do. as e-sin la do bi mor-shocraite dha choiced Muman a n-Glenndamhuin Chaisil ag togha righ ⁊ dar leo rob e Ceindeidig mac Lorcain do righfaitis. Or is e ordugad airdrighi do bhi idir Clainn Eogain Mhoir ⁊ clainn Cormaic Cais . an fer ba sine dona saer-clannaib in righi dho. Damad do Clainn Eogain in t-airdri in tanaistecht do clainn Cormaic Cais. Ocus damad do clainn Cormaic in caem-ri in tanaistecht do Clainn Eogain Mhoir. Gan righi do neoch dibh acht min bhudh e bhudh fhearr fis ⁊ fir-leigenn ⁊ flaith-einech dona fial-churadaibh. Ocus do batar in la-sin ag togha righ ⁊ do raidh a mhathair re Ceallachan. rochtain da n-indsoigid ⁊ cu rachaid fein roime ⁊ gu n-indeosad do Ceindeidig ⁊ do caem-Donnchad a scela-sum ⁊ in tan do bhédis maithe Muman na suidi. e-sium cona muinntir do techt fo ghléri arm ⁊ eidid ⁊ gheill ⁊ aideri dh' iarraid orro ⁊ a radh re Ceinneidigh in cert do chuimuigud.

Taínic an righan roimpi gu Glennamuin…

Taínic an righan roimpi gu Glennamuin ⁊ ar rochtain di and adubairt re maithibh Muman. Cuimnigidh an comordugad do rinne Cormac Cas Fiacha Muilleathan idir a mor-clannaibh. Ocus ata do Clainn Eogain fear as sine dh' aeis ⁊ dh' fis ina thusa a Cheinnédig ⁊ is ri ar deilbh ⁊ ar denam h-e. Ro fiafraig Ceinneidig cuich e. adubairt an rigan gur bo mac do Buadachan h-e ⁊ do rinne in laidh.

  1. Cuimnigh a Ceinneidig chais.
    dail Fhiachach is Cormaic Chais
    gur fhacsat Mhuman do roinn
    gu cert idir a caem-chloinn
    ⁊ rl.

O 't-chualatar miledha Muman na moir-briathra-sin ⁊ aithesc na h-ingine adubratar  L 148b2 Clann Eogain in t-oigrí do tabhairt cuca gu righdais h-e. Facbhais Ceinneidig in chomhdhal or nír mhiadh ⁊ nír mhaisi leis in p.4 righi d' airimh dh' fhir ele uadha fein. Ocus dono nir mhiadh leis a bhrathairsi do bhriseadh. Ocus facbhais Donnchad in duma o' t-connaic taisigh na tuath ic togha Ceallachain. IS ed do raidset nach troitfidis fris uair nach cis na cain na caen-tabhuch fo-gebhudh nech dhibh aisdi. acht a lan-mhaithius do Lochlannachaib. ⁊ do chosnaidis fein h-i ⁊ do falmhaiged mar sin.

IS andsin ro eirghedar na VII.…

IS andsin ro eirghedar na VII. tuatha déc gu des-urrlamh do coimrigad Cheallachain. ⁊ tucsad a ghairm righ ⁊ ro altaigset don fhír-Dhia fhurorda a fhaghail. IS iat ba ferr dona flaithib sin.

  1. in seingmhilla Suilleaban re g-Cenel bh-fleagach bh-Fingin.
  2. Ocus in reabach Ribhordan re Clainn data Donnghaili.
  3. Ocus in crodha Caellaidi.
  4. Ocus in laech-milid Laindacan.
  5. Ocus in dedla Duineachaidh.
  6. Ocus in calma Cuilen.
  7. Ocus in t-adhmhar Eigertach.
  8. Ocus in lainn-ghnimach Lighan.
Rancatar na maithi-sin gu Ceallachan ⁊ tucsat a lamh ana laim ⁊ ro ghabhsat a mhind righ uma cenn ⁊ ro mheduighset a mhenmanna ica mhoir-fheghadh air ba ri ar ro-dheilbh h-e ⁊ ba breithium ar binn-briathraibh ⁊ ba sennchaidh ar fhis ⁊ ba leoman ar loind-ghnimhuibh.

Cid tra acht ro agaill Ceallachan…

Cid tra acht ro agaill Ceallachan Clainn Eogain ⁊ adubairt friu cogad calma do dhenamh leis ⁊ adubratar gu n-dingnidis. Ocus ad-bertsat innsaigid co Luimnech da loscad X. C. fer a lín ⁊ o rangadar do chuirset fis uathaibh co laech-Amhlaibh Luimnig ⁊ gu clannaibh Connra .i. gu Morann ⁊ gu Maghnus ⁊ gu mor-Lochlainn da radh riu Luimnech do luath-fhacbail no braighdi do thabairt doibh-sium.

O ro siachtadar na techta cu laechrad Luimnig ro ghabsad ag fochuitbed ⁊ is ed ro shailedar nach coisenta Muma na Luimnech amhain friu gu brach. Ocus adubratar no bhertais in cath.

O at-chualatar Clanna Eogain sin ro…

O at-chualatar Clanna Eogain sin ro agaill in saer-shluagach Suilleban iat ⁊ adubairt friu calma ⁊ cruaid-irghal do denum  L 149a1 re Loclannchaibh ⁊ a righ do ro-coimhet isin ruathar-sin ⁊ adubairt re h-uaislib na n-Eoganacht: Na cluinet Clann Cormaic Cais comthaighi an bhar comhraidhtib ⁊ na cluinet Clann Eachach anfainne an bar n-airecaibh ⁊ coiminnsaighidh in chaith-irghal ⁊ tabhraidh p.5 bur céd-chath gu calma ag cosnum bur tire duthaig re Danaraibh. Madh romuibh bhus raen ⁊ bhus ruathar catha arna curadhuibh budh libh fein bhar lesa ⁊ bar litha ⁊ bar laithraca. biaidh Luimnech an bhar laim ⁊ Caisiul an bar comorbus ⁊ Muma 'ga bar maithibh mad lib coscur in catha-so aniugh ⁊ min bhadh libh ni fhaicim-si iath na inad arais ica bhur maithibh madh maidm ar bar miledaibh ⁊ madh leonad ar bhar laechraid isin laithi-so inniugh. IS uime-sin is coir dhaibh-si cosnum ⁊ curutacht fria laecraid Lochlainn. Ocus do-ronad in laidh ica n-greassacht.

Ticidh cu Luimnech na long.a Clainn…

  • Ticidh cu Luimnech na long.
    a Clainn Eogain na n-ardglonn.
    a timceall Cheallachain cain.
    gu Luimnech na cloch cengail.
  • Cosnaidh bhur crich dileas dil.
    a Clainn Oiliolla inmuin
    ag cath Luimnig na long luath.
    saeraid Mhumain na mor-thuath.
  • Cosnaidh Ceallachan gu cruaidh.
    ri bar tire saer bhar sluaig.
    na leicidh tosach catha.
    do a n-agaid na h-anflatha.
  • Ticedh Ribordan reachach.
    romuinn san chath chomhramhach.
    ticedh Caellaidi crodha.
    ticeadh Lighanlain-bheodha.
  • Ticedh Duinechaid dathach.
    is Fogartach arm-dhathach.
    ticedh Lainneachan na leas.
    romuinn san chath cruaidh choimhdheas.
  • Ticedh Donnchad ruadhas rann.
    romainn cu laecraid Lochlann.
    ocus Cuilen na cath cruaid
    ua Eoghain bereas blath-bhuaigh.
  •  p.6
  • Aedh mac Cuill cara na cliar
    ticedh romhuinn re n-guin gliagh.
    is Aedh mac Ailghinain fhinn.
    ticedh in ri reidh romhuind.
  • Raghat fein tri coecait colg.
    romhaibh gu Morand mor-borb.
    is muirbfet daibh laech na land
    ua righ fleagach Fuarlochlann.
  • Eirghidh a dream data dhes.
    dan dual Muma na moir-leas
    cosnaidh Caisiul gu n-dene.
    re sluagh Lochlann lainn-gheire.
  • Na cluinedh Ceinneidig cas.
    mac  L 149a2 Lorcain na lann nua-ghlas.
    bur n-irghala gu tlaith tim.
    a shluagh Caisil cleath-aluind.
  • Na cluineadh Donnchad 'ga thoigh.
    mac caeimh h-i Caeim comhramhoigh.
    sraeinedh catha gu claen cam
    orainn o laechraid Lochlann.
  • Secht tuatha dec desa dhuid.
    a mheic Buadachain blath-bhuig.
    trein-fer gach tuaithe tinne.
    do Clainn Eogain again-ne.
  • Cuirther libh in cath gu cruaidh.
    a fhiann Muman gu mor-uail.
    bentar libh bur n-iath a braid.
    a fhian Mhuman as dibh thic.
    Ticidh gu Luimnech na long.
  • IS andsin ro eirghetar Clanna Eogain…

    IS andsin ro eirghetar Clanna Eogain gu crodha ciallmar curata ima caem-ri im Ceallachan cum an chatha. Ocus do coraighhedh gu calma ag na curaduibh bro bhadhbha bith-aluinn bhuan-aicmheil bratac Ocus sonn sesmach sith-remhar sleagh ⁊ tor tenn triath-onchonta taisech ⁊ grinne p.7 gasda gadhamail gormlann ⁊ lonn-bhuaile ladhach línanart uman laechraid. ár ni rabhutar gorm-ait nait glan-luirecha 'gá n-gasraid. achtmad inair cuanna coir-tharblaithi ⁊ cotuin ⁊ muincedha maisecha min-gresacha re diden corp ⁊ cnes ⁊ caeim-cenn.

    IS and do coraighedh ag laechraid…

    IS and do coraighedh ag laechraid Lochlainn sonn trom treabar-dhaingen tren-luirech ⁊ dún dluith duaibhsech duibh-iarainn ⁊ cathair clogud-ghlas cruadh-fhaebrach chaith-sciath ⁊ ruadh-bhuaili remhar-crann um laech-Amhlaibh ⁊ um Lochlainn ⁊ um Morann ⁊ um Maghnus ár ba h-iat-sein ceathra cuingedha catha na laechraidi Lochlainn sin ⁊ .IIII. C. a coimeirghi gacha curad dibh.

    IS ann do chuiredar clanna echtacha…

    IS ann do chuiredar clanna echtacha Eogain a cenn in muighi gu mor-aicintach fa a caem-ri fa Ceallachan. ⁊ tucadar corrana a sciath tara cheli ⁊ tucsat snadmanna niadh ara lethan-cresaibh a leanmain da chele ⁊ do choraighset na VII n-deighfhir dec ba h-uaisli dona h-ard-maithib a timceall in righ-fhlatha da ro-choimhet. ⁊ do eirigh rect aicnid ana righ ⁊ ferg ana bh-feinneadhuibh ⁊ menma 'na miledaib ⁊ luinne ina laechaibh ⁊ crodacht 'na curadaibh ⁊ gairgi ana n-gillanraid.

    Cidh tra o dho riachtadar a…

    Cidh tra o dho riachtadar a n-oig ⁊ a n-eirrid ⁊ a n-aes feig foruallach  L 149b1 a n-urthosach na h-irghaile do chaithemh a cloch ⁊ a cael-shoighet ⁊ a coirr-shleg da gach leith dona laecraidhibh ⁊ do leiceadh lar in mhuighi dona miledaib ⁊ lathar an chatha dona curadhaibh ⁊ inadh na h-imgona dona h-airseduibh. Ocus o do riactadar cuingedha caem-Lochlainn ⁊ mileda Mumhan cu h-ait na h-ursclaidi ro ghabhadar ag rodinged a ruaid-sleg ⁊ ag laech-bualad a lorg ⁊ ag comthuarcad a claidem. Acht chena ba lethtrom in lan-chomhrac-sin. Ar ro tollta cuirp ⁊ cnis ⁊ cridhedha na n-gasrad n-glan Mhuimnech gu luath tresna línanartaib ⁊ ni ghabhdais a lanna lan-fhaebhracha-som na Lochlannaig tre gharbh-dhaingne na n-gorm-luirech ⁊ ni letraitis na lorga na laech ⁊ ni chirraidis na claidim na cind ar cruaidhi na cathbharr icca coimdhiten ⁊ tucsat na Lochlannaig ara mora ar Muimnechaib re h-athaig don lo-sin.

    Cidh tra o' d-connaic Ceallachan na…

    Cidh tra o' d-connaic Ceallachan na mileda aga marbad ⁊ na curaidh aga comach ⁊ na laeich aga letrad ⁊ Clainn Eoghain oca n-airleach do eirigh a brath ⁊ a bharann p.8 ⁊ a bheodhacht ⁊ rugasdar ruathar ro-fhlatha tre rabharta ro-fheirgi ⁊ saer-clanna Sil Eoghuin oca imdhiten gu maithibh na Lochlannach. Ocus ro siacht Ceallachan gu cath-Amhlaib ⁊ ro ghabastar gres a n-garb-luirigh in gaiscedaigh gur leag a cathbarr fo a bhraghait ⁊ gur scoilt in ceann dona cruadb-huillib gur thuit in Lochlannach leis.

    IS annsin do riacht Suilleban cona…

    IS annsin do riacht Suilleban cona tri l. calma curata caemh-fher ar colgaibh oca cosnam ⁊ rucastar bern bruitti borb-ainbthenach tre laech-lar catha na Lochlannach. IS annsin do eirig in tuir gan turbrodh ⁊ in tren gan traethad ⁊ in leoman gan lagad gusan la-sin .i. Morann mongach muinter-gharbh moir-menmach. .i. mac righ loingsi Leoghasa co tri C curad 'na coimeirgi ⁊ ar rochtain dona maithibh do tuairgeadar a cele gu neimhnech naimdighi nert-chalma. Cid tra saidhis Suilleban an sleigh tar brollach na bocoidi ⁊ fo cimuis in cathbairr L 149b2 isin churad cu tarla co luath isin laech-braghait gur chuir in cenn ar comus in caith-mhil ⁊ dichennais in daeigh-fher ⁊ beris leis in cenn gu Ceallachan da commaidhiumh ⁊ ad-rochratar muinnter in Lochlannaigh isin gleo-sin.

    IS annsin do riacht Donnchad ⁊…

    IS annsin do riacht Donnchad ⁊ degh-Mhaghnus do comrac isin caith-irguil Ocus do comhtuaircetar na cinn dona cloidhmhibh clais-lethna ⁊ ro leadairset na scéith dona lorguibh lan-troma ⁊ do gonsat na cuirp dona craisechaibh. acht cena ad-rochair Magnus le mor-Donnchad.

    IS andsin do riacht Lochlainn ⁊…

    IS andsin do riacht LochlainnRibordan ar beluibh Ceallachain do comrug Ocus do riachtadar gona áith-gera aicmhele o Lochluinn ar laec-Ribordan. O dho gonad in gaiscedac ⁊ o do treaghdadh in trein-fer o 'd-connuic nar ghabhadar a airm in t-airsidh bui na agaid rucastar Ribordan laechruathar gu Lochlainn ⁊ ro treic a claidem ⁊ a choirr-shlig ⁊ ro chuimhnigh a urgna aith iarann-gorm ⁊ tarraid ichtar luirigi in Lochlunnaig gu coimdhes ana cle-laim ⁊ tuc tarraing tinnesnach don trein-fer gu ledair leabhar-bruinne in laeic gur leicedar a abuch ⁊ a inathar as ⁊ dichennais in deigd-fher ⁊ commaidis in cenn. Acht ata ni chena ro tuitset an cethrar crodha cait-miled-sin do laechraid Lochlainn ⁊ ro fhacbhatar na laeic na laitrecha p.9 ⁊ ro mheabhuidh dona miledaib ⁊ innsaigedar co Luimnech da luath-conmhail. Ocus is tre deiridh na Lochlannach do chuatar maithi na Muimnech isin m-baili. cu nach rainic ona Lochlannchaib na doirrsi do dunad gur marbad isna tighibh ⁊ isna toraibh na trein-fhir ⁊ tuccait a mna ⁊ a maccaemha ⁊ a muintera a m-broid gu maithibh na Muimnech ⁊ ro tinoilset or ⁊ airget ⁊ il-mhaine in baili ⁊ tucait cinn ⁊ coscair ⁊ cath-fhaidhbh na curad gu Ceallachan ⁊ ro taispenad cinn in cethrair fa h-uaisli dona Lochlannchaib dho. Cunadh da fhoirgiull-sin do can in fili na focuil-si ag innisi na n-echt ⁊ na n-aithes ⁊ ac tuirim ar marbad dona mor-Lochlannchaib ⁊ ar milled dona Muimhnechaib isin mor-chath co n-debhairt

    Crodha sin a Chlainn Eogain.isat lonna…

     L 150a1
  • Crodha sin a Chlainn Eogain.
    isat lonna bur leomain.
    caemh bhur righ ac techt on chath.
    Ceallachan crodha coscrach.
  • Crodha Suilleban na sluagh.
    mac Maeil Ugra na n-arm ruadh.
    ar marbad Moraind mhongaig.
    a crich Leoghus Lochlonnaig.
  • Crodha Donnchad derg a dreach.
    dar marbh se Maghnas muirnech.
    is do imir air a fhearg.
    gu n-drochuir in laech laim-derg.
  • Crodha Ribordan na rann.
    leis ad-rochuir laech na lann.
    Morann mac Connra creachaig.
    d' fhorthuaith Eogain aird-brethaig.
  • Do thuit le Ceallachan cas.
    Amhlaibh Luimnig na lann n-glas.
    ocus trica le guin n-go.
    da muinntir isin moir-gleo.
  •  p.10
  • Cóic cétlaech fa cruaidh a cath.
    do shluag Lochlainn gan lanbrath
    as é lín do marbad libh.
    do shluag Luimnigh long-adhbhail.
  • Tri cét curad ceim nar gann.
    do shluag Mumhan na mor-lann.
    is e lin do thuit san cath.
    dar n-gasradhaib gu n-glan-rath.
  • Ní dul do Bhuadhachan binn.
    d' ua Aedha na n-arm n-alainn.
    o dho fhacuibh mac gan go.
    Ceallachan chosnas a chro.
    Crodha sin a Clainn Eoghain.
  • Asa h-aithle-sin ro tinoiled na creacha…

    Asa h-aithle-sin ro tinoiled na creacha ag na curadaib. Ocus adubhairt dream acu anadh in n-oighthi-sin isin m-baili ⁊ innsoigid arnamharach gu Caisiul da creach-loscad. Adubairt Suilleban risna saer-shluaghuibh dul in aghaid-sin gu Corcaig airm a rabatar a n-geill ⁊ a m-braigdi cu nach soichdis fesa nait techta rompa. Do cinnedh an comairli-sin ag na curaduib ⁊ rangadar in agaid-sin gu Corcaig. Tancatar DanairDuibhgeinnti in bhaili da n-indsaigid do chathugad friu ⁊ do brised in cath arna Duibhgheinntibh danardha ⁊ ro h-airgedh in chathair leis na curadaib ⁊ rucsat a m-braighdi as in m-broid a rabhadar. Do batar fir Muman in oighti-sin a Corcaig ac caithemh a flegh ⁊ a fuirlin ⁊ do bhatar tri trath isin baili ⁊ ro triallsat d' innsaighidh Caisil. Ocus ag dula seach uillinn Shlebi Crot doibh do tinolsat Fir Mhuighi ⁊ h-I Chuanach ⁊ buannadha na Lochlannach cuca ⁊ tucsat cath doibh ⁊ do brised in cath la feruibh Muman ⁊ do marbad IIII. C.  L 150a2 dona buannadhuibh ⁊ da socraidi. Ocus nir mhair dona X. C. do bhatar Clanna Eogain ag cath Luimnig acht tri C. isin lo-sin. Ocus gabuit rempa ag creachad gacha criche gu rancatar cu Durlus. Ocus tinoluit Ele TuaiscirtÉle Deiscirt na coinne cu Durlus do thabhairt chatha doib ⁊ Danair an dúnaid leo. O' t-cualatar p.11 h- LuigdechEoganacht sín ro thinolsat co Ceallachan da chabair um Cuilen mac Aindiaraidh meic Dunadaigh um thaisech a tuath ⁊ do riachtadar in da thuaith-sin cona trein-feruibh ar ghaib ⁊ ar colguibh V. C. a lin ag rochtain Ceallachain. Ferthar cath eturra ⁊ na h-Eili ⁊ ro ghabhadar-san ri Éle in la-sin ⁊ ro marbad na buannadh Lochlainn leo ⁊ do marbad da C. do Clainn Eogain isin lo-sin. Ro creachsad in crich ⁊ nir loiscset in baili. Ocus tiagait rompa gu Caiseal. se C. a lin. Ocus do riacht Donnchad mac Caeim gu Caisiul na g-coindi ⁊ do agaill Ceallachan h-é ⁊ do chuimhnig a g-caradradh ⁊ do gheall a seal don Mumain do ⁊ tuarasdal a dingmhala ⁊ at-bert an laidh.

    Mu chean a Donnchad dhédla.a ua…

  • Mu chean a Donnchad dhédla.
    a ua Eogain airm-ghegda
    na bris ar m-braitairsi binn
    a ua Oililla Oluim.
  • Na mor-Lochlannaig nar g-cenn.
    a ua Ecach na n-orlann.
    na laghdaigh do chinedh fein.
    a ua Mhogha gu moir-mhein.
  • IN bh-fhidir ua righ Muman.
    do shil Catail na curad.
    cia gar dhealad sinne fris
    o ata athaigh nar n-ecmais.
  • Aengus mac Nat Fraeich do chreid
    san tir-si ar techt do Phadroig
    is aigi do-scaradh sind
    a ua Oililla Oluim .
  • EochaidFeilimid oll.
    da mac Aenghais ba h-ard-glonn.
    acu m-brathairsi co m-buaigh.
    a Donnchad na creach cath-cruaidh.
  • Triar is da choicer gan coir.
    uaim gu h-Aenghus ua n-Eogain. p.12
    da choicer is fer ro-fes.
    uaith-si Aenghus na n-aird-leas.
  • Acsin fialus a bh-fine.
    a Donnchad gu n-dreich-ghile
    is nir cailled e o shoin.
    ag clannaib aille Eoghoin.
  • Fada bratharsi bhunaid.
    uait-si gaich laeic Lochlunnaig
    as gar a naimhdius cu neim.
    duit a ua Chathail cloidhmheigh.
  • Gabhail do shean-athar sheing.
    do shluag Lochlainn ar Laeic Beirn
    is guin h' athar cian ro clas.
    do shluag Lochlainn lin-amhnas.
  •  L 150b1Tabhrum araen glun re gliagh.
    dithaigheam iat diaig a n-diaigh.
    na leicem Muma na m-buadh
    do shluag Lochlainn lan-arm-ruadh.
  • Do-ber-sa tuarasdal tenn.
    duit a ua airdrigh Eirenn.
    is tect lium a cenn chatha.
    a n-agaid na h-anflatha.
  • Ced claidiumh ⁊ C. sciath.
    C. mogad re fognum triath.
    C. cathbharr ⁊ C. ech
    duit a ua righ na Muimnech.
  • An truagh leat-sa a Donnchadh dhil.
    a ua Oililla inmuin
    mna Mumhan a m-broid gan go.
    Lochlannaig ag breith a m-bo.
    Mo. cen.
  • RO ghabh tra Donnchad na comtha-sin…

    RO ghabh tra Donnchad na comtha-sin o Ceallachain ⁊ is amluidh do ghabh iat ⁊ cuing chatha Caisil do lecad do ⁊ gan Ceallachan do thecht ann Ocus tucadh in cath le p.13 Donnchad ⁊ do brised for Danaruibh h-e ⁊ do marbad CCC. acu ann ⁊ do bhatar in oighthi-sin i Caisiul ⁊ do chaithedar flegha ⁊ fureca na n-Danar ⁊ na n-Dublochlannach. Ocus do-ronad comairli leo isin mhaduin arnamharach .i. innsaigid gu Port Lairgi airm a rabhatar mna ⁊ muinntera na Loclannach ⁊ in baili do loscad. ⁊ tiaghait gu faighthi Phuirt Lairgi. Ocus ba h-esin la do riacht Sitriuc mac Tuirgeis gu Port Lairgi. lucht se long ⁊ C. an gach luing dhibh ⁊ ni riachtadar acht an tir in tan ro siacht tosach sloigh Muman isin mor-bhaili. Ro h-iadhaid na doirsi ag na Danaruibh ⁊ ro fhobradar in cathraig do cosnamh. Cid tra nír tarbha tachar risna trein-fheruibh or do ling Ceallachan ⁊ caem-DonnchadSuillebanRibordan ⁊ mileda mera moir-ghnimacha Muman isin m-baili. Ocus ro dluth-mharbad na Danair leo ⁊ ro ledrad na Lochlannaig ⁊ ro fhaguib Sitriuc in baili ⁊ ro innsaigh a luing ⁊ a ben leis. Ocus ni riacht acht ein-ced esbadach leo ina longaibh. Ocus ro loiscedar Sil Eogain in baili ⁊ ro creachsat an crich. Ocus tiaguit as-sin i crich na n-Deisi ⁊ gabhuit geill ⁊ aideri Domnaill meic Fhaelain Ocus do-ronsat cleamnas ⁊ caradrad fris ⁊ tucadh Gormlaith ingen Buadachain do. Ocus tiaghuid as-sin i crich h-Ua Meic Caille ⁊ h-Ua Liathain ⁊ ro gabsat a m-braigdi. Ocus rucsat slogh na crich-sin leo a crich Eoganachta Locha Lein ⁊ do creachsat an crich Ocus rucsat na creacha-sin leo a Muscraidhi ⁊ rucsat na h-Eoganachta orro ann ⁊ do marbad ri Eoganachta ann .i. Aed mac ScannailV. C. d' Eoganacht ⁊ tucsat na crecha  L 150b2 cetna leo cu da righ Aesa h-Isde ⁊ tucsat geill doibh ⁊ tancatar fein leo i crich Iarmuman .i. a n-Aes Irrais Ocus tuc Conghal mac Annrathain ri Irrais deabaid do thosach in t-sloig ⁊ do marbad CC. {} ann. O dho riacht Ceallachan ⁊ saer-clanna Sil Eogain isin cath do gabadh Conghal leo ⁊ do marbad moran da muinntir ⁊ do creachsat in crich ⁊ do batar innti cu cenn caeichdighis ⁊ do leicset Congal amach ⁊ ro ghabhsat braighdi uaidh.

    Tecaid iarsin i crich Ciarraigi ⁊…

    Tecaid iarsin i crich Ciarraigi ⁊ do-ronsat creacha na criche. Tinolsat Ciarraigi na coinne ⁊ na Lochlannuigh p.14 do chuadar uatha a cath Luimnig roime ⁊ tecait gu Gleann Corbraighi ana comhdail ⁊ do chathaigset ann ⁊ tucsat ara mora ar Clannaib Eogain. ⁊ gia tucadh do facbhadh in cath-lathair acu ⁊ do gabhudh Concubar ri Ciarraigi leo ⁊ do badar gu crodha caith-esbadach a h-aithle in catha-sin. ISin lo-sin ro thinoil Flannabra mac Ciarmacain ri h-Ua Conuill na coinne do thabairt ghiall doibh Ocus o' t-connaic a n-uaite shluaig iat as i comairle do-roine. braighdi no cath d' iarraid orro. Ocus in tan do bhatar cum in catha is ann do riacht Donn Cuan mac Ceinneidig gu Ceallachan da chabair ár is ann bai inn agaid roime-sin a tigh Uainidi meic Cathail righ Ua Cairbre ⁊ ar rochtain do ro ghabh ag fegad na n-Danar ⁊ na n-eachtrainn Ocus do fhailtighset Clanna Eogain oca fhaicsin ⁊ do raidset ris a chonnailbhe do chuimnigud Ocus do geall Ceallachan Ua Conuill do fein ara cosc isin cait-irghuil ⁊ ro fhaem Donn Cuan sin or ba h-olc lais Clann Eogain d' oirleach ⁊ d' uathugad ⁊ at-bert an laidh.

    Donn ChuanUathad sin a clanna Cuirc.munuar…

    Donn Chuan
  • Uathad sin a clanna Cuirc.
    munuar do cirred bhur cuirp.
    ⁊ ro faenad bhur bh-fhir.
    a cath Luimnig long-adbhail.
  • Dar linn do marbad bhur sluaigh.
    a Clanna Eoghuin arm-ruaidh.
    ⁊ do sraeined bhur suinn.
    a shil Oilella Oluim.
  • Truagh nach tanac isin cath.
    a shluaig Caisil gu caem-rath
    suil tainic Ciarraigi ann.
    ⁊ sluag laecda Lochlann.
  • Cellachan
  • O nach rucais orainn ann.
    a Dhuinn Cuan na ced cathbharr
    coisc dinn I Conuill crodha.
    ⁊ traeth a tinola.
  •  p.15
  • Cuimnigh a n-dernsadar thuaid.
    Mogh Corb is Fiacha fuair buaid.
    mac Eogain or silad sinn.
    is mac Oililla OluimmCormaic Cais cuil-fhind.
  •  L 151a1Guin EoghainAedha.
    do Mogh Corb ba dail daenna.
    mac Dimchadh2 in airm dathaigh.
    ⁊ mac da mhor-athaig 3
  • Denum ar n-dis a caem chais.
    a n-derna mac Cormaic Chais .
    ⁊ mac Eogain gan fheall.
    Fiacha Muilleathan moir-sheng.
  • Do-ghen is tu a chaeimh crechaig.
    a ua Eoguin aird-bhreathaig.
    a n-dernsat an dias gan fhuath
    o tharla dúin bheith gu h-uath.
    Uathad sin.
  • Is annsin dubairt Ceallachan re Donn…

    Is annsin dubairt Ceallachan re Donn Cuan gan rí O Conuill do mharbad da tecmad ar a comus h-e. Tuc Donn Cuan a briathar nach ainecadh duini a cath na a comhlann giamad cara dhó h-e roime Ocus do chuadar cum an catha dh' aentaeibh. Ro gabad Flannabra mac Ciarmacain leo ⁊ tucad ár mor ara muinntir ⁊ do meabaidh in cath ar Conallchaibh ⁊ do creachad an crich le Ceallachan ⁊ do ansat a n-Ibh Conuill in oighthi-sin. Do thinoil Uaithne mac Cathail ⁊ h-I Chairbre ⁊ ar' mhair d'Ibh Conuill gu Cromad na g-coinne do thabairt catha ⁊ in uair do badar cum in catha do thabhairt is ann do riacht Donnchad mac Caeim V. C. fer da bh-furtecht. Do cuiredh in cath ⁊ do marbad ri O Cairbri ann Ocus anait-sium a Cromad in agaid-sin. Ro tinoilset da Corca Mruadh ⁊ da Corco Bhaiscinn gu Cromad da n-innsaigid ór ni fhedadar nach roibhe cuid do Ceindeidig isna cathaibh ⁊ do cuireadar techta gu Ceallachan d' iarraid catha fair. O' t-cualaid p.16 Ceallachan sin adubairt re Donn Cuan dul ana n-agaid ⁊ gan a leicen doibh cathugad do denam fris ⁊ do-rinne in rann.

    1. Nocha n-ingnadh clanna Cais.
      do cosnam in fuinn fodglais.
      o thegaid Cuirc na cuaine.
      do troid mon bh-fonn bh-feruaine.

    Cid tra o dho riacht Donn…

    Cid tra o dho riacht Donn Cuan da n-acalluim do locadh in cath ⁊ do chuaidh Ceallachan gu Caisiul ⁊ ro thinoilset fir Mhuman na comhdhail ar n-dichur na n-Danar ⁊ na n-daer-Lochlannach asa cathrachaib ⁊ asa caem-duintibh. IS e rainic ar tus ann i. Ceinneidig mac Lorcain gu maithib Dail Cais ⁊ tucadh tanaisdeact Muman do ⁊ a righi tar eis Ceallachain. Do caithseat flegha Caisil cu soinmheach socair annsin Ocus do cuiredar feasa uatha dh' iaraid  L 151a2 a cisa ⁊ a cana ar Osraidi .i. ar Donnchad mac Ceallaigh Ocus ba fada do bhi in cis-soin gan tabhuch o mhiledaib Muman i. aen-bliadain dec ⁊ VII. XX. bliadain. in cein do bhui an crich ag Danaruibh. Ni tucsat Osraidhi cís doibh ⁊ o nach tucsat ro creachsat-som an crich Ocus ro brisetar IIII. catha for Laignibh isin bliadain-sin Ocus isin cethramad cath do gabhudh Donnchad mac Ceallaigh leo ⁊ tucsat Osraidhi bragdi da eis.

    Ar certugad na crich do Ceallachain…

    Ar certugad na crich do Ceallachain ⁊ ar n-dith a bhidhbudh as e eolus do innsaighedar na Lochlannaigh co h-Ath Cliath ⁊ do-níat comairli ann ⁊ as iat ba ferr dibh an tan sin. Sitriuc mac Turgeis ⁊ a braitre i. TorMagnusTurgeis ⁊ in Lochlannach Ladhuch ⁊ in Lochlannach na LannSean-AmlaibhLinn Turmun na h-Uidhi Lind Turmun na Pers ⁊ mac righ Findlochlainn ⁊ mac righ Fuarlochlainn Ocus as i comairli do-ronsad techta do cur co CeallachanBebinn ingin Turgeis do gheallad dho ⁊ a radh ris dul co h-Ath Cliath da tabairt ⁊ co leicfidis-sium crich Muman gan imchosnum dho Ocus is aire do-ronsat sin ar daigh Ceallachain do ghabhail doibh ⁊ do mharbhudh ar chuaid leis Ocus ro leicset in comairli re righ Eirenn a h-ucht na Lochlannach i. Donnchad mac Floind ri Temrach p.17 ár nír aemh Ceallachan cis na cain do ⁊ ro aentaigh ri Eirenn in chomhairli-sin ⁊ do cuirit techta gu Ceallachan.

    Do fhiafraigh Ceallachan do maithibh Muman…

    Do fhiafraigh Ceallachan do maithibh Muman cred do-ghenad uime-sin ⁊ adubhratar ris dul ann. Tinoilter sluagh linn ar Ceallachan. ⁊ eirgem inar cathuibh coraighthi co h-Ath Cliath ⁊ na h-eirgium isin dun anunn acht tabar an ben úd cugaind amach. Ni h-edh as coir ar Ceinneidig acht eirg-si IIII. XX. mac righ ann ⁊ beimít-ne a Caiseal nar comnuidhi or ní fhuicfium Muma gan coimet ⁊ ni fhuil a n-Eirinn lis Lochlannach nach roichfium da bh-fealltar fort-sa. Do-ronsad amlaid ⁊ do chuaidh Ceallachan IIII.XX. mac righ ann.

    Ba h-í-sin oighthi do-rala comradh idir…

    Ba h-í-sin oighthi do-rala comradh idir Sitriuc mac Turgeis ⁊ a ben ⁊ ro fhiafraigh a ben de cred ima tuc a shiair do Ceallachan. ⁊ gurub é do chuir ár na Lochlannach. adubairt-sium nach ar mhaithe ris acht da ghabhail fein ⁊ do mharbad a mhuintiri. Eirghius an ingen gu moch  L 151b1 isin madain arna marach ⁊ ro ghabh a h-eirred cumuili uimpi ór ba crádh le in comhradh-sin do cuala ⁊ ro-gradh Ceallachain aice fein ⁊ ro fhacuibh in baile ⁊ tainic isin sligid ar shaeil fir Muman do thecht Ocus mar do bhi ann gu bh-facaidh Ceallachan da h-innsaigid ⁊ ro innis an ingen na scela-sin do Ocus do fhiafraigh Ceallachan di cuich í fein. Mor ingen Aedha meic Eachach misi ar an ingen ingen righ Innsi GallSitriuc mac Turgeis mu cheli dona Finnlochlannchaibh ⁊ tucus gradh duit-si in la at-connac a Port Lairgi thu ⁊ adubhairt in laidh Ocus ní fhuil isin laidh acht innisin in sceoil aris.

       H 68
    1. Sgéala agam dhuit a laoich
      a ua Óluim p.18
      a rígh Múmhan na long lúath.
      a Ceallachain na caem-cuach .
    2. Da tusa go h-Áth Cliath.
      a rígh fíor-bhuidheach fiach
      nocha t-tiocfar arís c-cúl.
      a righ Mumhan na mór-dhun.
    3. Do rinnedar cómhairle chruaidh.

      an Áth Cliath na c-cliath c-catha
      Donnchad dreach degh-fhlatha.
    4. Do mharbhadh do ráidh go m-brígh.
      an fear ó thigh .
      sa rachaidh leat a measg Ghall.
      do shluaghaibh th' iath is .
    5. mo chéile do chuala.
      a fhir dá n-déantar dúana p.19
      sa rún madh ríghedh n-geal.
      a rígh Múmhan na
    6.  Ceallachan
    7. Cíodh ón cía thusa a bhean bhinn.
      a inghion uallach

      ar rígh Mumhan na moir-shlegh.
    8.  Mor
    9. gach baile buan.
      inghion Aodha fa geal gruad
      Sithrioch mo chéile ann gach cath.
      Mac Turgeis na t-tréan-chreach.
    10. Do-radas grádh ghnuis deirg.
      a bh-Port Lairge ar an laoch-leirg
      dot chródhacht trés na cathaibh.
      mhéid ider Múimhneachaibh.
    11. Má theid tusa ar feacht
      a áirdrígh dá t-tugas searc
      do-gheabhar lot ocus leán.
      nocha linne nách droch-sgeal.

     p.18

    Do fhiafraigh Ceallachan da muinntir cidh…

    Do fhiafraigh Ceallachan da muinntir cidh do-gendais. IS ed adubradar gan dul isin m-baili ⁊ a n-digailt fein ar macharibh ⁊ ar mor-maguibh ⁊ in fad do rachdais in ben do breith leo. O 't-conncatar na Lochlannaig sin do fuacradar da roibhi isin m-baili a leanmhuin idir chois ⁊ each Ocus ni cian rangadar .i. Ceallachan ⁊ a meic righ in tan rug tosach na Lochlannach orra.

    IS ann sin adubairt Aedh mac…

    IS ann sin adubairt Aedh mac Domnuill h-ui FaelainDomnall ua Neill Mhuighi Da Chonn . ataim-ne fiche fer dona Deisibh annso ⁊ anum ar deredh chaich ⁊ dighlam p.19 sinn fein suil berius tromlach in t-sluaig orainn. Ocus do ansad ⁊ do marbhsat XX. laech Lochlannach ⁊ ní riacht beo a measc a muinntire dibh acht cuicer.

    IS annsin do an Aedh mac…

    IS annsin do an Aedh mac Donnchada meic CaeimSbelan mac SuillebainMuircertach mac Muircertaigh ⁊ do marbsat XX. fer ⁊ ni thainic beo dibh a mesc ar muintiri act triur.

    IS annsin do an Aengus mac…

    IS annsin do an Aengus mac AissidhaDonnchad mac ConchubairFianghal mac Conghail ⁊ do mharbhsat XX. fer ⁊ ro marbhuit fein ann.

     p.20

    IS ann sin do an Cu…

    IS ann sin do an Cu Dubh mac FailbheDonnchad mac MuircertaighFinn mac Etersceoil ⁊ do marbhsat moran dona Lochlannchaib ⁊ do marbait iat-som.

    IS annsin ro loigh imarcraigh na…

    IS annsin ro loigh imarcraigh na laechrad Lochlannach ar in laechraid Muimhnig ⁊ ro gabhudh CeallachanDond Cuan leo ⁊ rucad gu h-Ath Cliath iat Ocus in tan do riachtadar faighthi in baili ad-connaicc Ceallachan fer cuigi ⁊ cenn ana laim ⁊ faidhbh san laimh ele ⁊ do fhiafraigh do Ceallachain cuich an cenn. Ceann Aedha mheich Donnchada meic Caeim sin ar Ceallachan Ocus cáinfid clanna Eachach in cenn-sin ar se.

    At-connuic fer ele cuice ⁊ cenn…

     L 151b2At-connuic fer ele cuice ⁊ cenn 'na laimh ⁊ do fhiafraigh do Ceallachain cuich é. Cenn Spealain meic Shuillebain ar Ceallachan ⁊ cáinfit caeim-righna Caisil in ceann-sin.

    At-connaic fer ele cuigi ⁊ cenn…

    At-connaic fer ele cuigi ⁊ cenn 'na laim ⁊ do fhiafraigh cuich e. Aithrech leam fer an cinn-sin do tabairt lium ar Ceallachan .i. Aengus mac Aissida ⁊ caínfid clanna Cairthinn Finn in cenn.

    At-connaic fer eli cuigi ⁊ cenn…

    At-connaic fer eli cuigi ⁊ cenn 'na laim ⁊ do fhiafraig in cétna do Ceallachain. ceann Aedha meic Domnaill h-i Fhaelain sin ar se ⁊ cáinfidir isna Deisibh fer an chinn-sin.

    At-connaicc fer ele cuigi ⁊ do…

    At-connaicc fer ele cuigi ⁊ do fhiafraig cuich in cenn bui 'na laim. Cenn Muircertaigh meic Muircertaigh ar Ceallachan ⁊ cáinfit mna Muscraidhi in cenn-sin.

    At-connaicc fer ele cuigi. ⁊ ro…

    At-connaicc fer ele cuigi. ⁊ ro fiafraig de cuich in cenn-so. ar se. Cenn Donnchudha meic Concubair sin .i. meic righ Ciarraigi Luacra ⁊ cainfid clanna Ceir in cenn-sin ar Ceallachan.

    At-connaic triar chuigi ⁊ tri cinn…

    At-connaic triar chuigi ⁊ tri cinn ina lamhuibh ⁊ do fhiafraigset do Cellachain cuich iat. Cinn tri mac righ Corco Duibhne sin ar se .i. Cu Dubh mac FailbheAedh mac SegdaFianghal mac Conghail ⁊ cainfit clanna Cuirc meic Cairbri na cinn-sin ar Ceallachan.

    At-connaic fer ele cuigi ⁊ do…

    At-connaic fer ele cuigi ⁊ do fiafraig in cetna de. Cenn Donnchada meic Muircertaigh sin ar se .i. mac righ Eoganachta ⁊ cáinfid clanna Cairbri Cruithnigh in cenn-sin Ocus cenn Find meic Eidersceoil in cenn ele sin ⁊ cáinfid clanna Luighdech in cenn-sin Ocus na taispenad p.21 dam-sa feasda iat or ni tualuing mhé beith ica bh-fegadh ⁊ gin gur gonad libh-se mhe is marbh mé do gonaibh na bh-fer ud ⁊ truagh nach bas fuaras na bh-farrad ⁊ at-bert in laid.

    1. Dursan na cinn gan colla

       H 69
    1. Dursan na .
      silfid déara donna
      níor gér fhortil na fir.
      do fhaoth marcraidh Shíl Eoghuin
    2. Aodh mac Donnchada gan ceann.
      dursan fuil ara thaobh seang
      ó caoim Chathail .
      óig ghlan-iódhna .
    3. Ceann t-Suibhne libh
      a bhuidhean-so do Ghallaibh
      .
      dursan leam ó .
    4. Truagh leam ceann fhuilt .
      Muircertach meic Muircertaicc
      go follus an geal glonnach.
      ar chumas na Lochlonnach.
    5.  p.22
    6. Aithreach
      an deagh-fer ad-chiú gan cheann
      bá caomh-dhos a ród ríogha.
      Aonghus Óg mac Aisíoda
    7. Ceann dá t-tugadar mná spéisi.
      Ceann deaghmeic righ na n-Déisi
      a thaobh a n-doghruing ghaibh.
      Aodh mac Dómhnaill í Fhaoláin
    8. Fianghal mac Conaill Creachaigh.
      Mac go n-árd-bhreathaib
      mna na n-Gall dá .
      gé atá a cheann dá cómaoidheamh
    9. Dob iomdha adhbhar deagh-sgeoil.
      ar Fhionn ar mac Eidersgeoil
      mór bh-fer dá gaibh.
      fear an cheinn-sin ad leth-laimh
    10. Truagh cómaoidheam
      deagh-mhac rígh Maighe c-Coinchinn  p.23
      bá raon a n-debaidh lé gá.
      an deagh-fher Aodh mac Séaghdha
    11. Ceann Donnchadha tug sibh libh
      a do Ghallaibh
      bhia temheal ar mo dhearcaibh.
      ó oighidh meic Muircertaicc.
    12. Dursan ceann bhur c-comhair
      Donchada meic Conchubhair
      nár bhrigh na ba.
      Mac righ Ciarruidhe Luachra
    13. Comaoin dibh goin an .
      deagh-mhac áluinn
      iomdha feart ó lamhaibh athar.
      ar fud Mumhan na morttachar
    14. liom an ceann an bhúr laim.
      ceann Spioláin í Shuiliobhain
      ni doilge leam ceann eile.
      ceann Domhnaill í Neill bhúighe
    15.  p.24
    16. Lé rómhéd thaisbleántaoi dham
      do cheannaibh macaomh Múmhan
      ge beó do sinn
      ní as mó a n-aríom ní fhéduim
    17. Ma mé a c-cuibhreach.
      ó theasda an mharcrad Muimhneach
      truag nach ann fuaras mo ghoin.
      a measg shaoir-chloinn Sil Eóghuin
    18. Déantar mh' óighedh as cead leam.
      is oighedh Dhuinn Cuain maraon riom
      ciodh pudhar teasda mo sheal.
      do shluagh Mumhan is dursan
    19. Truagh gan Mór do teacht liom.
      inghion rígh Innsi Fionnghall
      mé do bheith ar breith a soir.
      noch an libh-si nach dursan.
      Dursan.

     p.22

    ASa h-aithli sin do fhiafraigh Sitriuc…

    ASa h-aithli sin do fhiafraigh Sitriuc do Ceallachan in bh-fuaslaicfitis Muimhnigh é. Créd in fuaslacad ar Ceallachan. Fuasculad nach bha tualaing iat-som dh' fhagail .i. na .v. catha déc do briseabhair-si orainne eraic in gach einfher dar marbad inntib Ocus da .c. dec do marbad a cath Sceith Neachtuin um Thomar Iarla le h-Olchobar mac p.23 Cinnaedha eraic in gach ein-fir dhibh ⁊ fadhbh ar son na faidhbhe. CorcachLuimnechPort LairgiCaiseal ana n-duintibh dhuinn mar do batar againn roimhe. Mac gach righ ⁊ gach taisig a n-da coiced Mumhan duinn a n-gill ris sin. IS edh ro raidh Ceallachan  L 152a1leagar mhisi ⁊ Donn Cuan a comhairli ⁊ Aistrechan mac Ailgisaig p.24 gu cuirmis d' innisin na comhthadh sin h-e ⁊ innister duin cia port a bh-fuighter sib-si da bh-faghthar dhaibh iat. A n-Ard Macha ar Sitriuc or is ann berthar thusa dot coimhet. Do leicedh a comhairli iat ⁊ adubairt Ceallachan re h-Aistreachan na comtha-sin d' innisin do Muimnechaib Ocus at-bert in laid.

    Innis a Aistreachain áinInnis a Aistreachain…

    1. Innis a Aistreachain áin

     H 70

    1. Innis a Aistreachain
      d' feraibh Múmhan, is dá mnaibh p.25
      a rígh do beith a n-Áth Cliath.
      ag Sithrioch na c-céd c-crom-sgiath.
    2. Béaraidh Sithrioch leis tar tuinn.
      soir go Lochluinn laoidheang-dhuinn.



    3. a t-tabhairt dho Shithrioch tar t-tuinn.
      do chionn Cheallachain chleath-chuirr.
    4. Braighde Múmhan cíos a h-iath.
      rachaid araon go h-Áth Cliath
      Mac gach taoisig is gach righ.
      ar Múmhan na moir-ghníomh.
    5. Corcach is Luimneach longach.
      is Port Lairge lán-tonnach
      mar aon re Caisiol cladhach.
      do Shithrioch luath
    6. Cath Sgeithe Neachtuin go calma.
      do bhris amhra
      mar cuiredh dá chéad déag.
      do Lochlonnaibh a luath-éag.
    7. Béartar do .
      ó thug se a éitheach
      a c-comhall sin alle.
      lé h-Éiric righ na n-Innse.
    8.  p.26
    9. Donnchadh na n-Gall.
      Mac Cheallacháin na c-caomhlann
      braighde Mumhan leis go lí.
      ider thaoisioc is tréinrigh.
    10. Ag sin an abair rinne
      Mac Turgéis go t-trénluinne
      muna t-tugaid sin .
      .
      Innis. Ocus rl.

     p.26

    Ocus raidh a Aistrechain re feruibh…

    Ocus raidh a Aistrechain re feruibh Muman gan na comhtha úd do tabairt uatha ⁊ cosnaid crich Mhuman ⁊ righaid Ceindeidig mac Lorcain ⁊ raidh riu na briathra tucsat in la do fhacbus-sa Caisil do chuimhnigud ⁊ cosnait sinne a nert lann ⁊ luirec. Ocus raidh re clannaibh Cuirc coimeirghi mhaith do dhenum. Ocus raidh re Donnchad mac Caeim toidhecht dar n-iarraid co h-Ard Macha. Ocus tecat Clanna Eogain ann ria g-cach ⁊ tabrad gach taisech maithi a thuaithi ⁊ a fherainn leis. Ticedh ann Donnchad mac Caeim meic Airt meic Cathail ria Clainn Echach Ocus ticeadh Mael Fothartaigh mac Floinn. ticedh Suilleban mac Mael Ugra ria Clanna Fhinghin. Ticedh ann Donnchad mac Duineachaid meic Fhianghusa. Ocus Ribardan mac AissidhaDonnchad mac DomnaillDonnchad mac LorcainDomnall mac CathailEigirtac mac CormaicCú Calma mac Cind Fhaelaid. Ticeadh Cuilen mac Aindiarraid ⁊ tabrad clanna Failbhe leis. Ticeadh Muircertach mac Murchada. Ticed Fogartach mac Fianamla gu maithibh Ua Muiredhaigh leiss. Ticed ann Domnall mac DiarmadaFiana mac Feicine. Ticed ann Cuanachtach mac Con Gan Mathair ⁊ tabrad Eoghanacht Airrthir Cliach leis. Ticed ann Conaing mac Larcadha ⁊ tabrad Ua Cathbaidh leis. Ticed Fergal mac Elaigh ⁊ tabrad Clanna Sealbaigh leis. Ticed ann Anmchadh mac Dunchada. Ticed ann Flannabra mac Airindan meic p.27 Flannabra ⁊ tabrad Ua Conaill leis. Ticed ann Ceithearnach mac Ceileachair meic Comáin. Ticed ann Ceann Faelad mac Duibh Da Boirenn ⁊ tabrad Ua Cairbri leis. Ocus adubairt an laid ann.

    1. Innis do clannaib Eoghuin

     H 72

    1. Innis do Eoghuin
      don fhuirinn fhéil-éolaicc
      a n-áirdrígh dá bhreith bo thuaidh.
      go ró Lochluinn leabhar-bhuain.
    2. Innis d'Eoganuibh uile.
      idir righ ⁊ ró-dhuine
      mé dom bhreith ag Sitric tar tuinn.
      soir go Lochluinn laoidheang-dhuinn.
    3. Muna thísiad suinn na sluaigh.
      fo chenn aoinn mhís bo thuaidh
      go roichid Árdmacha m-binn.
      Ni bh-fághaid sinn a n-Éirinn
    4. Tionólaid clanna Chuirc cháoimh.
      Eóghanacht Chaisil chladh-cháoin
      sul rugadís tar muir amach
      a n-áirdrígh cródha cosgrach.
    5. Tigidh Clanna Eóguin óig.
      d'iarraidh a rígh tre ró-mhóid
      ó Thuinn Chliodhna na t-treas t-trom.
      go h-Abhainn Dá Bho Bennchorr.
    6. Donnchadh mac Caoimh na c-creac-ród.
      Mac áirdrígh na n-each n-árdh-óg
      tabhrad san sluagh gan oil.
      Clanna Eacach féil adhmhair.
    7.  p.28
    8. Tigedh ann Donnchad donn.
      ocus Súilliobhán súl-chorr
      maraon re Duinneachán dian.
      ocus Éigertach ar aon-rian
    9. Tigedh ann Riórdán reábach.
      a shluagh chrodha comhramhach
      Tigedh lucht tíghe an righ libh.
      ceithre ched do chaoimh-feraibh.
    10. Siól Eachach Siol Fhinghin fhéil.
      tigid uile ar aon-réin
      tigedh san sluagh tré bháidh.
      h- Meic Caille is Í Liathain.
    11. H-Uí Chonaill h-I Chairbre c-cruaid.
      tionólaid-sin líon a sluaigh
      tigid Í Chormaic ón tuinn.
      ar cheann Cheallachain chleath-chuir.
    12. Ionnsaigh go Dún bán Bailc.
      baile a m-bid cearrda an chaomh-fuilt
      Is tabhair leat ó Loch Léin.
      an dá Eoghanacht d' aon-mhéin.
    13. Raidh dam re Fergal fearrdha.
      déanaid tionól thréan-chalma
      sul bearthar uatha a loing.
      Ceallachan soir a hÉirinn.

     p.28

    Ocus in tan tair leat Clanna…

    Ocus in tan tair leat Clanna Eogain d' agallad ⁊ do tinol cu h-aein-inad innsaigh romad gu  L 152a2 righ Dhail Cais ar Ceallachan .i. gu Ceinnédig mac Lorcain ⁊ raidh ris anmhain ag cosnum criche Muman cu nach dernat Connachta a cath-arcuin ⁊ abair re h-Uaithnig ⁊ re h-Urmhumain techt isin tinol Ocus innsaigh cu h-Eilibh ⁊ raidh ríu anmain ac cosnamh criche Mumhan ⁊ abair re a tigerna .i. re Cerbhall mac Dublaidhi meic Ceannamhain gurub ag Oilioll ar m-braithairsi Ocus innsaigh gu Clannaib Connla .i. gu sluaghuibh Osraidhi ⁊ raidh riu Muma do coimét o Bladhma bhudhes co muir ⁊ coimetad Ele gu p.29 Bladma amail do-ní do gres Ocus innsaigh cu sluaguibh na n-Deisi ⁊ tecait ⁊ Muscraidi isin mhor-shlogad Ocus amar tháir leat CeinneidigClanna Eogain d' agallad innsaigh dam-sa gu taisecaibh mo loingsi ⁊ tuc leat iat co Sruth na Maeili ⁊ madh da m-berar mhisi a h-Eirinn gu bh-faghat fir Mhuman a longa dom leanmain áir ni cora do laechraidh Lochlann crodhacht ag cosnamh ar crichi-ne ina do miledaib Muman calma do denum ag cosnamh a criche-seom ⁊ agar n-dighailt-ne orro. indsaigh ar tus co tri righuibh Corco Laighdi. gu Flann ⁊ gu h-Eiterscel ⁊ gu Cobhtach ⁊ gu Dubh Dha Boireann cu righ Iarthair O n-Echach. gu Seghdha ⁊ gu Failbhe ⁊ gu Conghal cu tri righuibh Corco Duibhne. gu Concubar mac Meic Bethaig gu righ Ciarraigi Luachra. gu Domnall ⁊ gu Baiscinn gu da righ Corco Baiscinn. gu Conchubar ⁊ gu Lochlainn gu da rig Corca Mruadh ⁊ tabhrat .X. longa gacha tricha .c. leo or as-e-sin coimtinol ar cabluigh-ne.

    AS a h-aithle-sin do gluais Aisdrechan…

    AS a h-aithle-sin do gluais Aisdrechan roime gu Caiseal airm a rabhutar mileda Muman ⁊ do innis na scela-sin doibh .i. CeallachanDonn Cuan do ghabhail ⁊ na .IIII. fichit do cuaidh leo do marbad. Ba cumhthach cenn-trom ciamair do bas acu-som de-séin o' t-cualatar gabhail a n-glainn-righ ⁊ marbad a macraidi. Ro agaill Aisdrechan iat ⁊ ro innis na h-aitheasca do chan Ceallachan .i. a fuascalad a nert land ocus luirec ⁊ leathain-sciath ⁊ gan Muma do chur fa dhaeiri na fa docraiti do Danaruibh na do daer-Lochlannchuibh Ocus adubairt riu na briatra tucsat  L 152b1 an la do fhacuibh Ceallachan iat do cuimnigud ⁊ do innis doibh Ceallachan do breith cu h-Ard Macha da mhor-choimhet. O at-chuala Donnchad mac Caeim na comraitti-sin adubairt re clainn Cormaic Cais connailbhe do denamh ⁊ re Clannuibh Eogain innsaigid d' iarmoracht a righ ⁊ re clannuibh Cairbre coimheirghi ⁊ re clainn Luigdech lan-ghaisced ⁊ re clannuibh Ferghusa fir-uaisli ⁊ re clannuibh Ceallachain comdhuthracht ⁊ re clannuibh Taidg tren-choimhet ⁊ re clannaibh Fiachaigh Suidhe sair-thinol. Cidh tra ar Donnchad damad iat bur treoin ⁊ bur taisich-si do biaidh i laim ag Lochlannchaib do p.30 thinoilfedh Ceallachan slóg da bar n-iarraid ⁊ do berad catha da bar cosnam or tuc-somh .v. catha dec ar Danaruibh ga bar cosnam .i. in ced-cath dibh a Luimnech ⁊ in dara cath a Corcaig ⁊ in tres cath oc Sliabh Crot. In cethramad a n-Durlus in coicedh a Caisiul in seissed a Port Lairgi in sechtmad a Muscraidi in t-ochtmad a n- Ard Osraidi in noemad a n-Glinn Corbraigi in decmad a Senghualainn cladh-aird Ua Conuill in t-aeinmad dec a Cromaid Ocus ceathra catha for Laighnib ⁊ for Osraidhi ⁊ ceilfider-sin ag laechraid Lochlann da ria Ceallachan dan cosnam leo.

    IS annsin ro chinnset a comairle…

    IS annsin ro chinnset a comairle um tinnscetal inn t-sluagaid-sin ⁊ do h-ordaiged acu beith caeicdiges on lo-sin ar Magh n-Adhar a m-biadh ar tir dibh ⁊ a m-biath ar muir dib do beith a m-Bel Atha Laigin. Cidh tra in la ro gheallsat a sluaig beith isna inadaib-sin do badar amail ro geallsad. Ba h-e lin do riachtadar co Mhagh n- Adar IIII. catha commora. Ocus do riacht Ceinnédig mac Lorcain ⁊ maithi Dail Cais ann Ocus do fhreasdail Ceinneidig iat in oigti-sin.

    Do eirghedar arnamarach ⁊ do raidh…

    Do eirghedar arnamarach ⁊ do raidh Ceinnédig gu rachaid leo. Adubairt Donnchad nach leicfitis leo ider h-e. Or is d' iarraid bur righ ⁊ da chosnam thiagmait-ne ⁊ ni beram tusa linn acht an oc imcoimhead an tire. Ma as edh ar Ceinneidig o nach ragh-sa ann cuirfet XX. c. libh-se ⁊  L 152b3 anfat fein lín Muman do chosnumh ⁊ cuirfet mu thri dearbraitre lib-si ⁊ adubairt re h-ocláech maith da muinntir dul ar cenn a braithrech ⁊ at-bert fris. Ticed CoscrachLonngarcanCongalach cu .XX. c. maraen ru. Ticed Assidha mac Assidha.v. c. do Clannaib Cairtinn araen ris. Ticed and Deghadh mac Domhnaill meic Duinn.v. C. ele lais Ocus do fhedar-sa ar Ceinneidig in ní is doigh leam do brisedh catha foruibh .i. gan righ romuibh do-genad sibh comhairli ⁊ fa coisenad sibh cath-lathair ⁊ o nac fuil righthar libh Donnchad mac Caeim ⁊ da bh-faghthar Ceallachan. tabar a righi fein dó Ocus tuc Ceinnédig a lamh a laimh Donnchada re bh-feruibh Muman ⁊ tucadar-san uili dha eis.

     p.31

    Roghabh Ceinnédig aga radh re Donnchad…

    Roghabh Ceinnédig aga radh re Donnchad calma do denamh ⁊ aca innisi dho a mhet do righuibh doghab righi Mhuman uime .i. AirtriCathalFinguineCathalCui Gen MathairCathalAedhFlannCairbreCrimhthanEochaidAenghus mac Nath Fraeich ic ar deghlad na deigh-fhir conudh en-ri déc ro ghabh righi Muman o Aengus gu Donnchadda bliadain. l. fad a bh-flaithiusa conadh da forgeall sin at-bert an senchaide an laid .i.

    1. Gur meala do righi rain ⁊ cetera.

    Asa aithli-sin do gluaisetar rompa 'na…

    Asa aithli-sin do gluaisetar rompa 'na cathuibh coraighthi ⁊ do ghluais a cablach in la cedna Ocus as e inadh a raibi a slóg in oighti-sin a n-Ath na Righ Ocus do cuadar arnamharach cu Sliabh Cain ⁊ do-ronad botha ⁊ belscala leo ann ⁊ ger adhbul na h-uisceda ní clos neac ag a n-ecaine ar met na sainnti do bhi orra do rochtain na Lochlannach.

    RO leicset sirthe uathuibh gu Muaidh…

    RO leicset sirthe uathuibh gu Muaidh ⁊ ro tinoiled crecha leo d' innsaigid a longphuirt. Amhail ro bhatar ann confhacadur buigin cuca. X. c. ba h-edh a lín ⁊ is amlaid ro bhatar ⁊ fer ar en-tus rompa ⁊ ro fiafraigedar cuich e ⁊ cuich in buigin. Dream do Mhuimhnechaib ar se ⁊ ni fhedadar Muimnig a m-beith dibh .i. DealbhnaGailingaLuigne do clainn Tadg meic Cein Ocus atát tri h-oirrigha agmara rompa  L 153a1 .i. Aedh mac DualascaighGailinga uime Ocus Luighne um Diarmait mac Finnachta Ocus Dealbna um Donnchad mac Mael Domnaill ⁊ as e a l-lin. v. c. eidedac ⁊ v. c. gan eided. Ocus gabsat longport araen re Dail g-Cais ⁊ do-essidar in oighthi annsin gu soinmhech sidamail

    Do eirghetar gu moch arnamharach tar…

    Do eirghetar gu moch arnamharach tar Es Dara ⁊ tar droichet min-glan Matra ⁊ tar sen-srothaib Sligigh ⁊ lamh dhes re Beinn n-gaeth-fhuair n-Gulban. tar Duibh ⁊ tar Drobais ⁊ tar Magh n-uaine n-abhullblaith n-Ene ⁊ gu h-Es righda Ruaidh ⁊ ro leicset sirthe tar Ath Senaig soir ⁊ ro tinoiledar crecha Criche Conuill anoir leo gus an longport Ocus do lean Muircertach mac Airnelaig iat .i. ri Ceneoil Conaill ⁊ do bhi ag iaraid a creach orro. Adobairt Donnchad nach aislogad iat gumad saithech in sluag dibh ⁊ ni beram-ne linn a beg dar bh-fuigheall áir ni ba crich gan crogh in crich a ragam. Cidh tra do impo Muirchertach p.32 roime bhutuaid ⁊ do chuir techta go h-Ard Macha da innisi dona Lochlannchaib a m-beith-sen cuca ⁊ da radh re Cloinn Tuirgheis. Ceallachan do breith co Dun n-Dealgan O at-cualatar Clann Turgheis sin ro fhacuibhset an baili ⁊ in nonbur iarla do bhi malle re Ceallachan oca gabhail a n-Ath Cliath ⁊ do ansat Lochlannaig in baile fein ann .i. LulachAmhlaibhLagmannTurcaillGilla Ciarain mac Henruc in t-senrigh ⁊ Oitir Dubh Ocus ba h-e a l-lin VII. C ⁊ cath egair.

    IMthus fer Muman rancatar don taebh…

    IMthus fer Muman rancatar don taebh thes d' Ard Macha. IS annsin adubairt Donchadh riu a trealamh catha do gabhail ⁊ innsaighit ceathra catha againn an dunad. tecat Dail g-CaisGailingaDealbhnaLuighne don taeibh aniar d' Ard Macha. Teacat I Conuill ⁊ h-I CairbreUa Meic CailliUa Liathain a tuaid isin m-baili. Teacat na Deisi don taeibh anes. Ticeabh-sa ⁊ na h-Eoganachtsa .i. Eoganacht ChaisilEoganacht AineEoganacht GlennamnachEoganacht CliachEoganacht DurluisEoganacht Locha LeinEoganacht Raithlinn don taebh anoir  L 153a2 anadh cath Muscraidhi ⁊ na n-UaithneFher MuighiUa Cuanac na g-comhnaidi uair ni gnath cath gan chostadh ⁊ ni fedamar-ni nach bhudh mhaidm oruinn no ar dreim dar muintir. ⁊ damad edh gu m-beith eolus acu in t-sligi a ticfaitis. Do-ronsat amhlaid ⁊ do innsaigedar in baile mar do tecoisc Donnchadh doib.

    Scela Dhanar an dunaid do thinoiletar…

    Scela Dhanar an dunaid do thinoiletar a n-ein-inad. ⁊ do agaill Lagmann na laeic ⁊ is ed adubairt Ni fhuilmit lín freastail doibh-siut o nac d' aen-taíbh thecait ⁊ indsaighter cath dibh againn ⁊ feram cath riu ⁊ mad maidm ar dreim dhibh as doigh gu m-ba h-edh orrtha uili ⁊ ro cinnedh in comairli-sin leo ⁊ ro choraighset cath-bhuaili crithrech chomhartach ⁊ ro innsaighset in cath ba nesa dhoibh .i. cath na n-Deisi ⁊ ro feradh duir-gleo duilig eturra. gur mudhaighid milid leo ⁊ gu fadhbhadh feinid leo ⁊ gur cirred cnis. Acht cena ad-rochradar maithi na Lochlannach ⁊ ro sraeinedh gu cruaidh in cathlathair ar laechraid Loclainn tre lar Arda Macha bud thuaid gu tarla cath O Cairbre doibh ac cromadh a m-bratach ⁊ a mergedh a tuaidh 'na n-agaid gur h-impádh siar na Lochlannaig na lan-maidm. p.33 gu tarla cath Dail g-CaisGailingaDealbnaLuighne aniar na n-urcomuir gur h-impoiged soir iat gu grod gaibhthech ger-ghonach gu tarla cath Cloinne h-Eogain da n-innsaigid gur h-osluiced dorus dedla deigh-menmnach ar in n-dluth-bhuailid samhail leasa lan-mhoir ⁊ do coraighedh cimhsa comhdlutta cengailti na timcheall cu h-urmaisnech ag na h-Eoganchaib. gu bh-fuaradar an buinne borb-Loclannach-sin isin sligid ⁊ isin sluagh-bhuailid sin ⁊ ro duined gu dighair degh-dhaingen in dorus da n-eis ⁊ ro gabhudh comach ar na curadhaibh conach fuaradar raen na roishligi ona righuibh acht toitim 'na torainn truim trochamail ar an lathair-sin. Ocus is ed ruc as in tuatha thérna dibh uirthosach na h-Eoganacht L 153b1 O' t-connaic Donnchadh na catha mesc ar mhesc. do fuacair doibh uili imdhedhuil ⁊ oirisium ⁊ do-ronsat amlaid ⁊ tecait isin m-baili ⁊ do bi in baile ara comus in agaid-sin. Ocus ni fhuaradar scela Ceallachain.

    Do eirghedar isin maduin arnamharach gusin…

    Do eirghedar isin maduin arnamharach gusin cath-lathuir ⁊ ro thinoilset cuirp a muinntiri cu h-aein-inad ⁊ cind na Lochlannach ⁊ do cuirset ar bir-chuailli bodhbha na cinn. Do fiaraig Donnchadh mac Caeimh in raibhi nech do Ghaeighilib isin m-baili o bh-fuighbedh scela Ceallachain. Do fhregair fer 'sa m-baili do ⁊ adubhairt ba do clannaib Gaeighel a bhunadus. do fhiaraig Donnchadh cuich e.

    IS me ba primfhaidh a n-Ard…

    IS me ba primfhaidh a n-Ard Macha. suil tancatar na Lochlannaig. ⁊ is me anois is aistreoir ann. Scela righ Muman agad? ar Donnchad. atait ar se. in oighthi do babair-si oc Eas Ruaid. tancatar techta o righ Ceineoil Conuill don baili-si d' innisin bur scel-si ⁊ do gluaisedh Ceallachan co Dun n-Dealgan ⁊ an dechnebar iarla do bhi ica ghabhail maille ris cu h-airm a bh-fuilit a longa. gluaister againne 'na n-degaid ar Donnchadh air ni fhuicfim-ne lis Loclannach a n-Eirinn cus nach roichfium ac comull ar m-breithre.

    Gluaisit rompa 'na cathaib cóirigti i…

    Gluaisit rompa 'na cathaib cóirigti i Sliabh Fuait ⁊ a bh-Figh Conuill ⁊ a Magh Murthemhne ⁊ docum Duine Dealgan co direch. Ocus do chuadar na Lochlannaig 'na longaibh uatha ⁊ do cuadar-san gu taebh na tragha. IS i long ba nesa doibh long Shitriuc meic Tuirgheis ⁊ is innti do bhi Ceallachan ⁊ do fhiaraig Donnchad dibh in bh-fuighedh Ceallachan re fhuascalad. Tuc Sitriuc a briathar p.34 nach fuighthe ider acht muna tucdais-sium do-san ar marbad isna .v. catha déc tuc Ceallachan. ⁊ ar marbad a cath Arda Macha. O' t-chuala Donnchad sin do ghabh ica tathaeir ⁊ adubairt nach a g-cath na a g-comluinn do ghabhatar Ceallachan acht ar luighi ⁊ ar loim-eithech ⁊ adubairt nach tibred taebh re luigi Lochlannaig da n-eis. Tabraid onoir do Ceallachain a bh-fiadhnaisi na Muimhnech ar Sitriuc .i. cengailter don t-seolchrann h-e  L 153b2 or ni bhia gan phianad na n-anoir ⁊ do-ronad amlaid. Cáinfit bantrachta Muman sin ar Donnchadh ⁊ cáinfidh do ben-sa fein a Shitriuc ⁊ ni fhuil acuibh ac denamh in dochuir-sin do fer acht fuigheall a claidim no a chatha. Ocus do tocbhadh Donn Cuan mac Ceinnétig mar an cedna a luing mheic righ Fuarlochlann ⁊ adubairt Donnchadh cumad fhearr leis cumad comthrom comluinn doibh ⁊ at-bert in laid.

    1. A Sitriuc theithius ar tuinn
      ⁊rl.

     H 80

    1. A tuinn
      fan re h-agallamh againn.
      ó nach féadamaoid a fhir dhuibh.
      do leanmhuin isin leir-mhuir.
    2. Do gheallais do bhréithir theas.
      a Lochlonnaicc na lann n-glas
      do Cheallachán an fhuilt fhinn.
      nách millfeá é a n-Éirinn.
    3. Tugais briathar bréige a fhir.
      dá milltear leat an milidh
      ní thíubhra duine ad dheaighidh.
      taobh ré lúighe Lochlonnaicc.
    4. Caoinfid banntrachta Mumhan.
      da bh-fagha Ceallachán púdhar
      ní bá ciuin a n-gáire ghuil.
      ó Uighne go Dún Eocarmhaighe
    5. Dá c-cluine Gormfhlaith glac n-geal.
      inghion Bhuadhachain na bh-fledh
      ni bá ciuin a gáir mhail.
      deaghbhean Domhnuill í Fhaoláin
    6. Dá n-innister dot mhnaoi féin.
      bas Cheallacháin na n-arm n-gér
      caoinfidh é Mór na rosg mall.
      inghion rígh innsi Fionngall.
    7. Maith do thuill Ceallachán cas.
      uaib-si gan a léigion as
      do lean go cosaibh a long.
      go minic laochradh Lochlann
    8. Ní bh-fuil agaibh gan óigidh.
      laoch acht fúighioll a chloidhim
      do chuaidh tré meatacht gan bhrígh.
      an uaimh nó a n-gealtacht ón árdrigh
    9. Gach tuarasdal dár thógh fear.
      tug rígh Caisil na c-caomhfleadh
      as d'ionnmhas Lochlannach thug.
      do shluagh Mumhan a Shithriucc.
      A.

     p.35

    IS annsin as-bert Ceallachan. Narub e…

    IS annsin as-bert Ceallachan. Narub e dighailt do-bera sibh orum-sa ba immchainedh do denamh. uair do-berim-si dom breithir gurub doilghi leam-sa Caiseal gan comarba do Clannuibh Eogain ann ina bheith damh fein isin phein-si ⁊ mu bennacht ar Dail g-Cais luach na tosca tancatar. IArsin tocbus Ceallachan a cheann ⁊ at-bert. A Donnchaidh ar ghluais cabhluch libh? Do gluais ar Donnchadh. At-ciu-sa iat ar Ceallachan ⁊ adubairt in laid.

     p.36

    A Donnchaid donnus in crann.na tathaeir…

  • A Donnchaid donnus in crann.
    na tathaeir laechraid Lochlann.
    nir milledar sinn co-se.
    ac comull a bh-firinne.
  • An briathar tuc Sitriuc thes.
    as i fos atá 'gár les
    as trithi berar mé sair.
    dom milled oc Lochlannchaib
  • As mo dh' imshnim ar m' anmain.
    ina beith a pein adhbhuil.
    gan Caisil do cosnum dhuibh.
    a shaer-clanna Shil Eogain.
  • Oram-sa do h-airmhedh riamh.
    a n-dernsabair thoir is tiar.
    daibh fein áirmeochthar anois.
    denaid calmacht am ecmois
  • Ri dingmala cum Caisil.
    leitheit in Muimnigh maisig.
    foirfidh ibh as cach n-eicin.
    righthar libh-si Ceinneidig.
  • Mu bennacht-sa fir in fath.
    ar Dail g-Caiss cinnes ar chach.
    crodha thancadar i l-le
    do chomhull a m-braithirse.
  • Tancabar sluaiged bagha.
    a Clann Eogain in agha
    tre coiced Medhbha budh thuaidh
    romhor in menma mhor-shluaigh.
  • O thancabar tar Es Ruaid.
    tancatar techta bhutuaidh
    o Muirchertaich gu méd n-gluinn
    o airdrigh Ceneoil Conuill.
  •  p.37
  • Gia ro facsam Ard Macha
    ro facsam ann lin catha
     L 154a1re Ghaighealuibh da n-dith ann.
    do trein-fheraibh laech Lochlann.
  • A buidhi re Dia a claisdin.
    A shlóig Muman an ghaiscid.
    gur deargad gne gacha ga
    ane a g-cath Arda Macha.
  • Baidh leam aniugh bur faicsin.
    a shlóig Mumhan in gaiscid.
    bur n-aighthi n-uidhi gan t-sal
    ar faighthi Dhuini Dealgan.
  • Do-chiu is ni fhaicet bur treoin.
    os me fhuil isin crann sheoil
    cablach nach teithfe don linn
    is inad feitem a bh-fuilim.
  • Caeimh-righrad iarthair Mhuman.
    inmhain cablach nar tubhad
    mad do gluaiseatar o a toigh.
    as iat ad-chiu-sa a Donnchaidh.
    A Donnchaidh donnus in crann.
  • IS and sin do thocbhatar fir…

    IS and sin do thocbhatar fir Muman a cinn ⁊ a caem-roisc ⁊ ad-conncadar an cuan aga choimhlínad do longuibh ⁊ do luath-bharcuibh ⁊ as iat do bhi ann cablach fer Muman. Ocus do fiaraig Sitriuc cuith iat ⁊ do innis Donnchadh a n-anmunna. Ro budh fearr linn ar Sitriuc cu bh-faghmais a fhis cia dibh-sud do ghabh do laimh ar g-cosc isin chaith-irgail-si aniugh ⁊ uaisli na bh-fer fuileat ann. Adubairt Duineachad mac Fianghusa da bh-faghadh arthach fria h-imluchtadh ⁊ dilsi fria dul ⁊ fria techt cu raghadh d' fis na scel-sin o Sitriuc ⁊ fuair amail ro chuinnig.

    Teit Duinechad co h-airm i raibi…

    Teit Duinechad co h-airm i raibi in coblach ⁊ do fhiaraig scela dhibh ⁊ do indis scela fher Mumhan a n-Ard Macha doibh. ⁊ do innis Ceallachan do beith a luing Shitriuc isin t-seol-chrann cengailti Ocus aderaid sib-si ar p.38 Duineachad in tan do beidis bhur sluaig uili a n-aein-inad cumad lín tabartha catha duinni sibh ⁊ do budh nar dhaibh anois bhur triath ⁊ bur tigerna do leiced don muir cusna tonnuib o dho leanabair e

    IS briathar duinne ar iat-som da…

    IS briathar duinne ar iat-som da m-beidis MuimnighLochlannaig ar aen-chaei nach leicfimis-ni Ceallachan leo gan cath do thabhairt doibh. Mas eadh ar Duinechad innisidh dam-sa cuich na comluinn ghabhthai do laim don laechraidh Lochlannaig  L 154a2. Ocus as-iat so iat-sein. Loclannach na Lann ⁊ in Loclannach LadhachSen-Amlaibh. tri coimhedaigi Corcaighi. Leagar duinne iat ar tri righ Corca Laoighdhe .i. FlannCobhthachEidirscel or is rinn do-ronsad adhbhar ar techt co h-Inis Clere da rucsat ar mna ⁊ ar maccaeimh a m-broid ⁊ ni tharramar iat re dhigail forru ⁊ gabhmait-ne do laim iat-somh aniugh. Cia aguibh ar Duinechad ghabhus do laimh Lenn Turman na h-Uidhi. leagar damh-sa h-e ar Dubh Da Bhoirenn ri Iarthair O n-Echach. doigh ro mharbh se mac maith umum .i. Aedh mac Duibh Da Bhoireann. Cia uaibh ar Duinechad gabus do laim tri meic Tuirgheis .i. SitriucTorMagnus Ocus is 'na luing ata Ceallachan. leagar dhuinn-e iat ar Segda ⁊ ar Failbhe ⁊ ar Conghal uair do chuadar fo Sceilic Mhichil ⁊ do millset in tir ⁊ gabhmait-ne do laim iat-som do dingmail aniugh.

    Adbar ele ar Failbi tucsam breithir…

    Adbar ele ar Failbi tucsam breithir nach biath ar muir nó ar tir inad a bh-faicimis iat nach roichfimis da indsaigid. Cia uaibh ar Duinechad gabhus do laimh mac righ Finnlochlann. leagar dam-sa h-e ar Conchubar ri Ciarraidi Luachra or do loisc se Ard Fothaigh m-Brenaind ⁊ dighelat-sa fair aniug h-e. Cia ghabus do laimh Lenn Truman na Pers ar Duinechad. leagar dhuinne h-e ar Diarmaid ⁊ ar Baiscinn da righ Corco Baiscne áir ro creachsad Inis Cathaig ⁊ ni rucsam-ne orro cus aniugh. Cia ghabhus do laim ar Duinecad ri Fuarloclann? IS 'na luing ata Donn Cuan ⁊ h-e ceangailti. Leagar duinne h-e ar da righ Corca Mruadh air do chuadar for Arainn ⁊ do creachad leo h-i ⁊ dighelmait-ne orra aniugh.

     p.39

    Cinnas aitheonta longa a chele ar…

    Cinnas aitheonta longa a chele ar Duinechad Find air na sceith ⁊ na bratacha fuileat acuib-se ni h-iat rob' aithnid doibh-sium. Urusa sin ar Failbhe or is eolaigh iat 'san orduchadh ar bh-ferainn ag ar tighibh .i. Corco Laigdi as faidi bhudh dhes ⁊ Ua Echach is neasu dhi.  L 154b1 Corco Duibhne as nesa di-sein. Ciarraigi as nesa di-sein. Corco Baiscind as nesa do Ciarraigi. Corca Mruaid as nesa do Corca Baiscind ⁊ coireochmait-ne ar cablach do reir ar bh-feruinn ⁊ denuit-sium ar fresdal. Teit Duinechad roime cus in loingius Lochlannach ⁊ do innis na h-aithesca-sin do Clainn Turgeis.

    IS des tarla sin ar Sitriuc or as iat sin na comhlainn ro toghsam. Tainic Duineachad ar tir ⁊ do innis scela na comlunn-sin do Mhuimnechaib Ocus at-bert in senchaid in laid.

    Indis a Duineachaid dhuind⁊ cetera.Innis a…

    1. Indis a Duineachaid dhuind
      ⁊ cetera.

     H 82


    1. duinne cia h-iad na comhluinn
      do ghabh an oirrígha déag.
      ó iarthar Múmhan na mór-séadh
    2. Sloinn gach Lochlannach data.
      do thóg gach aoin-fer aco
      is gach fer dar gabhadh leó.
      do Lochlonnaibh 'san luath-ghleó
    3. Do ghabh Eidersgeól anall.
      uaibh-si Lochluinn na Lann
      do gheall Cobhthach is Flann Fáil.
      an dias eile dionghabhail
    4. Fáilbhe go Sithrioch na sluagh
      Séaghda go Maghnus Mong-ruadh
      Conall go Tor tar tuinn.
      Ciarrúidhe go Fionn-Lochlainn
    5. Concubhar go h-Íolbhrec árd.
      rígh Ciarraighe cloidhiomh-ghairg
      is Corco Bhaisgin ón tuinn.
      go Persiaibh dá tréan- Tormuinn
    6. Fuarlochlannaicc calma an chuain.
      do ghabsad da Chorca Mruadh p.40
      as iad-sin mar is léir linn.
      cómhlión na c-cómhrag do cinn.
      Innis.

    Cid tra o do riachtadar na…

    Cid tra o do riachtadar na h-oirrigha airm-derga-sin iarthair Eirenn .i. na saer-chlanna sochma sar-thinnlaicthecha o Thuinn coirpgil Clidhna anes gu cuan Tragha bithaille Baili a leanmuin a treoin ⁊ a tigerna ⁊ do chosnamh a curad-righ asin eicin a raibhi an righ-mhilid. o' t-conncadar ar na cengal ⁊ ar na chuibhrech re seol-chrann na luingi Lochlannaigi h-e. do aithrighset cuinn ⁊ cialla ⁊ cetfadha dona curadaib ⁊ ro buaidhrit dealbha ⁊ datha doibh ⁊ ro greannaighset a n-gnuisi ⁊ ro bhanadar a m-beoil. Ocus do coraiged co calma ag na curadaibh do chosnum Ceallachain luath-laem luth-ghasda long ⁊ cathair chumhdaigi clogad ⁊ buaili bunata boghadh ⁊ fal ferrdha fraech-neimnech finn-sleagh.

    IS ann sin ro eirgetar na…

    IS ann sin ro eirgetar na fir-laecdha lethan-armacha Loclannaig sin ⁊ na Goill gnus-ghorma grancda grainemhla ⁊ na Danair dhaera dho-chenelcha gan dilsi gan duthchus re h-innis bh-fhir-aluinn bh-Fhodla ⁊ gan bunadhus gan brathairsi re Banba Ocus ro coraiged acu-sein dun dighainn doinn-sciathach ⁊ sluagh-dhoire sesmach slegh neimhnech nert-chalma. Acht ata ni cena o dho riachtadar na milid cu tinnisnech talchair ro cingedar gu calma a cnairre isin caith-irgail gurub ris ba samalta na saer-chlanna re sir-eisdeacht .i. re coicedul calad cloich-imdha oca imtecht d' feghuin ⁊ d' almuibh ⁊ d'innilibh  L 154b2 do greaghuibh ⁊ do graifnibh ⁊ do ghlan-mharc-shluag na frasa fuilidi faebracha oca bh-ferthuin ⁊ coicidul a colg ⁊ a craisech ag luaith-thescad luirech ⁊ ar scoltadh sciath ⁊ p.41 ag coimmbrisedh clocat ⁊ cathbarre ⁊ caemh-cholunn a chele um Ceallachan.

    IS ann sin ro siachtadar ar…

    IS ann sin ro siachtadar ar a n-uillen n-deiscertaig dona degh-shluagaib. tri righ loinn-gnimacha Ua Luigdech. i. FlannCobhtachEiderscel ⁊ do-rala a ceann a cele iat ⁊ tri coimhedaigi Corcaigi .i. Loclannach na Lann ⁊ in Loclannach LadhachSen-Amhlaibh sinnser na sochraide ⁊ do comraicedar isin caith-irghuil. Acht chena nir tharbha don laechraid Loclannaig scairbhidheacht a sciath na sar-dhaingne a sleagh na sian-uirchair a soighet na comtuarcain a claidem ar na curaduibh or rolingset na h-oirrigha-sin is na longuibh Lochlanna gur sunnraiged fa seol-chrannaib na sith-long iat. gurub a certlar gacha cnairri do chomhraicsit co n-drochratar comhthoitim in seiser-sin cona sochraidibh amhail as-beart an fili.

    IS truagh leam toitim na triath.Clainni…

  • IS truagh leam toitim na triath.
    Clainni Luigdech na lainn-sciath.
    a deiscert Muman anes.
    le sluag Lochlainn na luaith-cles.
  • IS truagh leam Eiderscel ard.
    in cur calma claidim-derg.
    acht ge do-cer leis gu tren.
    Loclannach na Lann lain-gher.
  • Truagh leam Flann ua Luigdech luain.
    do beith i Traigh Baili buain
    ge dho ben gan feall 'san chath
    cenn don Lochlannach Ladhach.
  • Truagh toitim meic Meic Niadh moir.
    do clannuibh Itha in ard-sloig.
    saeth lium Cobhtach co n-dreich n-deirg.
    ua Luigdech laech gan lain-cheilg.
  • Deich longa. fichet cu fir.
    do chlainn Luigdech co lain-brigh.
    ni riacht a tech dib is fis.
    foirenn luingi da laeichlis.
    Is truagh.
  •  p.42

    IS annsin do riact oirri O…

    IS annsin do riact oirri O n-Echach .i. Dubh Dha BoireannLenn Turmun na h-Uidhi cona lugh-bharcuibh do comrac ⁊ do comtuarcain a chele amail da dreagan ar dhes-ghonuibh nó amail da seabac ar shaintgnimaibh. Ocus do lingedar sluagh Clainni gegdha glan Chais a longuibh na Lochlannach gur thoitset ar topthaibh ⁊ ar tren-ramhaibh na tarb-long.

    IS annsin do riachtsad in triar…

    IS annsin do riachtsad  L 155a1 in triar croda caith-milid .i. SegdaFailbhiCongal cu tarbh-chobhlach Clainni Tuirgeis. gu Sitriuc ⁊ gu Tor ⁊ gu Magnus ⁊ ro dibraiced cu h-athlum ona Eirenchaibh teda caela cnaib-righne tar leabar-corraibh na long Loclannach ar daigh nach scuchdais o cheli ⁊ ro dibraiced ona Loclannchaib slabrada garba glais-iarainn tar saeir-choraibh a sithlong-som ⁊ ro coraigheadh ider na curadaib cliatha crann-blaithi ceinn-gera do shleaguibh sith-righne sair-neimnecha ⁊ do threicetar a sdiurasmainn sdiuraighechta ⁊ do eirgedar a bh-foirne le ramhadhuibh um rig-borduibh a ruadh-long gur gabsat breisim barbardha ar a cheli gur bha muir mer mheall-ghaili tairm ⁊ trein-eirghi na tarb-cuithech-sin.

    IS annsin do greised ⁊ do…

    IS annsin do greised ⁊ do gnaith-imredh long laech-Fhailbhi co sluagh-luing Sitriuc ⁊ do ling Failbhi leim fir-ard fiadhamail do lethan-clar a luingi cu seol-crann Sitriuc ⁊ nochtais in rig-milid in da lainn gasda ger-fhaebracha ⁊ gabais claidem dibh 'na laim dighainn deis ag freasdal laech-mhiled na luingi ⁊ claidem 'na laimh curata cli ag leadrad na tet ⁊ na sas bai um Ceallachan.

    Ocus do coraighedh cro cleas-armach cruadh-fhaebrach…

    Ocus do coraighedh cro cleas-armach cruadh-fhaebrach d' uaislibh clainni Cuirc imon crann oiret bui in laech ag leadrad na leabar-thed gur leicesdar in caith-milid a cert-lar na cnairri ider na curadaib Ocus toirberis Failbhe in dara lann a laim Cheallachain isin cruaidh-irghail ⁊ gabais Ceallachan cnamh-comach arna curadaib re slis-borduibh na saer-luingi. gur ling a luing laech-Fhailbhi Ocus do doirtedh gu dighair dasachtach ar dhegh-Fhailbhe isin dubh-luing amail is gnath gu loigenn ilar ar uathaid.

    O ro mudhaighedh in milid ⁊…

    O ro mudhaighedh in milid ⁊ o ro fadhbudh in fir-laec ider na freach-Ghallaibh ro dicennsad an deigh-fhear ⁊ ro thocbhatar a cenn ar cuirr na cnairre. O 't-conncadar dian-gasrada p.43 duibnich an dicennad-sin ⁊ macrada mera Muimnich Ro cruadaighedh in comrac ⁊ ro dluthaiged an deabhuid  L 155a2 ag na degh-sluaguibh. Ad-raig Fiangal gu ferrdha ger bho tim tlaith teichthech gach deagh-laech ar toitim a fhlatha ⁊ ro ghabh oc accaine a thigerna ⁊ ro rad a breithir nach roisedh Sitriuc slan cu sloguibh Lochlainn uair ba comhalta do chaeimh-Fhailbhe in curaid ⁊ do thuic nach gebhdais a airm in t-airsidh eidigthi ⁊ ba truagh lais a tigerna isin cairbh gan coimhdigailt ⁊ at-bert in laid.

    1. Corp I Chonaire in truagh libh
      ⁊ rl.

    1. Corp
      do bheith 'san loing Lochlonnaicc
      is a cheann ara cuirr chais.
      ua Mogha Lámha laoch-mhais.
    2. Nochar dhlígh easan seach cách.
      gan a leanmhuin fíor an fáth
      da bh-féaduinn féin ina loing.
      Fáilbhe fer an fhuilt ór-thruim
    3. Súgach saoileach ar shluaghaibh.
      an mílidh go mór-bhuadhaibh
      bá tíodhlaigtheach tighe n-óil.
      ua Aongusa go n-árd-mhoir
    4. Failbhe Fionn ón Failbhe Fionn.
      do-rad a chorp tar mo chionn
      doilg leam a fhágbháil tar méis.
      a loing Shithricc meic Turgéis
    5. Ni rac am beathaidh bo dheas.
      a c-cric Múmhan na mór-leas
      acht mun fhágabar go h-olc.
      an fear do cior a chaomh-chorp.
      Corp.

    Is annsin ro lingestar Fiangal leim…

    Is annsin ro lingestar Fiangal leim sanntach seabhcaidhi cu sluag-luing Sitriuc ⁊ satius a gheal-glaca a m-brollach luirigh in Lochlannaig ⁊ sreang-thairrngius in Finnlochlannach fon bh-fairgi gu riachtsat araen grian ⁊ gainemh in ghnathmhara. gurub i-sin tarraid iat.

     p.44

    IS annsin do riactsat an da…

    IS annsin do riactsat an da oirrigh adhmara don cloinn crodha cedna .i. Seghda ⁊ saer-Congal gu da macuibh trena Turgeis .i. TorMaghnus Ocus nir aighti carut um cuirm ag na curaduibh ⁊ nir sherc ced-ingine da cele. gur lingset na laeich gu leomanda asna cnairribh comdluta ina m-buinnedhuibh diana doifresdail tar leabar-bhorduibh na long Lochlannach ⁊ ro fhacbhatur in laechrad a longa fein faen folumh ⁊ ba bronn-lan longa na Lochlannach ⁊ ba leath-trom na leath-buird or ba h-imarcraigh anbhail dona longuibh comdhortad cloinne Cuirc ina crislaigibh ⁊ siat lan do Loclannchaib. rompa. co nar fuirigset na longa re comrac dona curadaibh gan a slucud isin sal-mhuir gur baidhed gach barc guna buidhnibh dhibh. amail as-bert in fili na focuil-si.

    1. Mor menma na miled muai
      ⁊ rl.


    1. Failbe Seagda is Conall cruaid
      dias díobh do Shiól Chonaire an airm ghlais.
      fir bo calma re ciorrbadh cneas.
    2. Fágbhaid a longa féin fólam.
      na milidh sin ní dáil doilg
      gur lingséd ina longaibh dé.
      ar Cloinn Turgéis toghúidhe
    3. Cómhrag ar an muir mearrdha.
      do rín an triar tréan-chalma
      gur lingsed gér chruaidh an cleas.
      ar lucht na lúireach lán-glas
    4. Ba fórlann dá gach carb chruaidh
      lucht dá long gér lán anbhuain
      is bá leatrom búird na m-bárc.
      do Lochlonnaibh Chuirc na c-caomh-thracht
    5. Súghaidh chuice an mhuir monuar.
      gach long gach curach colg cruaidh
      níor threigsed a c-cómhlann de.
      Clann Turgeis is trean-Chairbre
    6. Ag sin óighedh mo laoch luath.
      ar an muir ní sgéal guach
      Séagda is Conall na slogh.
      Tor is Maghnus mer-mór.
      Mór.

     p.45

    IS andsin do riachtsad colg-longa cath-armacha…

    IS andsin do riachtsad colg-longa cath-armacha Ciarraide ⁊ foirne fraecda ferg-mora Finnloclann ⁊ ro dibraigedh eturra saitheda soigeat ⁊ groid-greasa garbh-cloch ⁊ frasa fir-gera faghadh ⁊ sleagh seolta sith-remar ⁊ do-ronsat trodach thulgarbh ⁊ gleo ainmin escardach. IS ann sin do riacht Conncubar ri curata Ciarraigi45 L 155b1Ilbhrech imgonach mac righ Finnlochlann ⁊ dochathuighset gu dur ⁊ gu dichra ⁊ rocuimnighset Ciarraige crecha a criche don curaid ⁊ ro imerseat imarcraigh a sainnti ara sleaghuibh ⁊ treisi a tachuir ara tuaghuibh ⁊ cruaidhi a comluinn ara cloidhmhibh ⁊ sceanamdeacht a scainder ara scenuibh uair ba dluith na deghlonga da cheli air doroichdis a n-airm ochta ⁊ urbhruinne aroile. gur comhtuitset alliu ⁊ anall ina longuibh. Sed enim rotharraing Concubar Ilbreach alos a chinn chuigi ⁊ ros dichenn in deighlaech ⁊ commhaidis an cenn ⁊ toitis fein ar muin in miled cu bh-fuair bas amlaid. Conudh da forgell sin do can in fili in laid.

     p.46

    1. Concubar ba calma in cing


    1. Rígh Chiarruidhe an fhuilt áluinn
      a thuitim as truag an cleas.
      le lucht na lúireach lán-ghlas
    2. Níor fhágsad a mhuinter mhear.
      ua Fhergusa an fer finn-gheal
      gur thuitsed tuaidh ar an muir.
      lé sluaigh Fionnlochlann fosuidh
    3. Conchubhar is Ilbhreac án.
      Mac righ Lochlainn fa laoch lán
      troidsed na curaidh chródha.
      ina longaibh lan-mhóra
    4. Bá farsiong fiór-chreachta fear.
      bá ciorrtha caomh-cheinn churad
      ba tollta a taoibh go tric.
      ba h-anbhfann gach laoch lán-ghlic
    5. Fágbhuidh an fear-sin go faon.
      Mac Righ Fionnlochlann folt-chaomh
      is beanaidh de a cheann gan chol.
      Mac Mic Beathadh Conchubhair.
      Conchubhar.

    IS andsin do riachtsad clanna Cairbre…

    IS andsin do riachtsad clanna Cairbre re n-abar Baiscnigh ⁊ loingius na Pers ar amus aroili ⁊ ro chuimhnighset a nua-fhalta ⁊ a n-escairdeas ⁊ ro suidhigedh gu sunnradac sarugad Senan ag na saer-shluaghuibh ⁊ creachad Innsi Cathaig ar an cruadh-loingius Ocus ro deigh-imredh ag Diarmaid ⁊ ag Baisceann a m-barc ⁊ ro dibraiged eturra a soighdi ⁊ a sleagha do chuadar ar a ramadaibh reamra ruadh-fuinnsin ⁊ ro gabsad cruadh-comairt ar a chele.

     p.47

    Cidh tra do riacht an dias…

    Cidh tra do riacht an dias dhighair dhoi-freasdail sin .i. DiarmaidBaiscinn ana m-borb-ruathar a luing in Lochlannaig. gur mharbhsat in milid ar lar-medhon a luingi .i. Lenn Turmun na Pers Ocus ad-rochuir Diarmaid isin dub-luing ⁊ ros-dicheann Baiscenn in borb-Loclannach amail is-bert in fili.

    1. Do thuitset isin cath cruaid.
      clanda Cairbri claidim-ruaidh.
      is sluagh na Pers gerb easbach
      acht mad Baiscenn buain-eascrach.

    IS ann sin do riactsat clanna…

    IS ann sin do riactsat clanna fortuil-beoda Ferghusa ⁊ clanna cian-airgnecha Cuirc gu Donn catharnaig Cuan. ó 't-conncatar an curaid 'na chimidh cuibhrighti cengailti adubratar long luath-trom Lochlainn do tabairt don dara leith don luing Lochlannaig ⁊ long clar-dhonn Conchubair don leith ele don ard-luing  L 155b2 ⁊ do cinnedh in comhairli-sin ag na curadaib ⁊ ro lingset tar leabhar-borduibh luingi in Lochlannaig gur scailset na scairb-cengail. gur tarnset na teda gur legadh in laech-milid ar lar na luingi .i. Donn Cuan mac Ceinneidig Ocus in cein do bad ar na h-oirrigh ag trascairt in trein-fhir asan t-seol-chrann ros-dithaighset Lochlannaig na luingi a muinntir.

    Ro fergaighet na feinnid gu fir-gharg…

    Ro fergaighet na feinnid gu fir-gharg uime-sin ⁊ ro innsaighset gu garb na grang-Lochlannaig ⁊ ro gabsad garb-gresa gaibhtacha arna gruam-Lochlannaig. gur scoilset a sceith. gur leadairset a luirecha. gur coimrebsad a cotuin. gu n-drocair mac righ Fuarloclainn gu bh-forbha a mhuinnteri Ocus in cein batar-som oc marbad in mhor-Lochlannach. dobatar Lochlannaig na luingi oca leadrad-sum ar dromannaib na n-degh-laech. Iarsin ro h-impoiged a cusan cu h-athlum urmaisnech ar na h-anradaibh ⁊ ro ghabsad urlaidi throm thindisnec arna trein-fheraibh cunar h-anad risna curadaib isin cairbh gur lingset laeich na luingi tara leabhar-bhordaibh isin linn-mhuir da luath-badad Ocus o nach fuaradar Lochlannaig re lan-marbad isin luing ro thocbhadar cenn meic righ Fuarlochlainn ar cuirr na cairbbi da commaidium Ocus tainic Conchubar a cuirr thosaigh na p.48 luingi ⁊ Lochluinn dhighuinn derid ⁊ ro scarsat cuirp re h-anmunnaib doibh Ocus ro ghabh Donn Cuan oca cained ⁊ at-bert

    1. Croda coscuir na laech lonn.
      ⁊ cetera

    Cidh tra acht ba traigh mhara…

    Cidh tra acht ba traigh mhara ac comrac dona cabhlaighibh ⁊ as iat buinnedha lethna in láin tuc longa na Muimhnech cu tir Ocus o do riachtsat na longa co tir do chuadar na Muimhnig inntibh do chabair ar mair da muinntir. O at-conncadar ar mair dona Lochlannchaib-sin do chuadar a tri longaib dec ⁊ do facbhadar in cuan a chedair ⁊ ni rucsad ri na ro-flaith leo.

    IS annsin do riacht Ceallachan a…

    IS annsin do riacht Ceallachan a luing Failbhe Finn Failbhe marbh innti ana cosair cro ⁊ do bhi Ceallachan oca chaine gu mor ⁊ adubhairt as esbuidh dhuin an fer-sa do thuitim ⁊ ni bh-fuighter da eiss  L 156a1 laoch do-bera a tigerna as amail tuc uair ba calma coigedal a claidim isin cairbh-si agum chosnumh-sa Ocus at-bert og ecaine Failbhe

    Easbuigh MuimnechFailbhe Finndo-rad a choluinn dom…

  • Easbuigh MuimnechFailbhe Finn
    do-rad a choluinn dom cinn
    do ling da tabairt tar eiss
    a luing Sitriuc meic Turgheis.
  • Do bhi claidem 'na laim dheis.
    lann 'na laim athluim aimhdheis.
    gur dhithcur iat fa thonnuibh
    dar dithaig na Lochlonnaig.
  • Do geired leis mu chengail.
    gin gur deoin leisna feraibh.
    in lann do bhi 'na laimh cli.
    do-rad am laim-si in laich-ri.
  • Do dhithaigh misi don colg.
    a raibhi edram is bord.
    do chomhruic Failbhi tar mh' eis.
    gur fhacbhus long meic Turgeis.
  •  p.49
  • Nir marbad Failbhe a aenar.
    dursan a bheith a m-baedhal.
    no gur derg da bh-fuil in long.
    a shluagh-san is sluagh Lochlann
  • Do ling uainn Fianghal ferdha.
    do digail a thigerna.
    ruc leis Sitriuc asa luing
    gur baidedh mac meic Laghmuinn
  • Beandacht ar anmain Fhianghuil.
    gia ro fuair bas gan dian-ghuin.
    muna beith Sitriuc fo muir
    bathad Fhianghail is esbuidh.
  • Dob e leannan na n-ingen.
    o h-Aenghusa in fer finn-gheal
    Tuc o Mogha mhe a cuibhrech
    dob e roga ar saer-Mhuimhnech.
  • Dob e tosach ar g-catha.
    dob e cosc gacha flatha
    ar bh-fer comlainn in gach uair.
    O Conuill echtaigh arm-ruaid.
  • Failbhi ri Corca Dhuibhni.
    ba fer seguinn re suirghi.
    dob e gradh na m-ban Muimnech.
    o Conuire caem-fhuighlech.
  • Ro budh aibinn lem anocht.
    ge fuarus ad is ard-olc.
    da marad Failbhe da eis.
    bathad Sitriuc meic Turgeis.
  • Truadh gan Failbhe in fhuilt maisigh.
    do rochtuin gu crich Chaisil.
    Ro budh aibinn duin budhes.
    da roiseadh lind da leighes.
  • A Donnchaid is a Dhuinn Cuan.
    tinolaid fesda bur sluagh. p.50 L 156a2
    {}triall dar toigh.
    ge tuccam{}
    Easbuid MuimhnechFailbhe Finn.
  • tinoilset na laec-Mhuimhnig na longa don…

    {}tinoilset na laec-Mhuimhnig na longa don leathan-mhuir ⁊ tucsat gu tir iat ⁊ ro feradh failti re Ceallachan ⁊ re Donn Cuan ag na curadaibh. Ocus ro gabsad oc egcaine a n-uasal ⁊ a n-oirrigh ⁊ a n-anrad Ocus at-bert Donnchad mac Caeim in laid.

    Deas duin a Cheallachain chaeim.a mic…

  • Deas duin a Cheallachain chaeim.
    a mic Buadachain blath-chaein.
    gan do rochtain tar lear lan.
    le Sitriuc soir tar serbh-shal.
  • Muimhnig rot-mor-fhuasluic as.
    a Ceallachain na lann n-glas.
    as iat tainic ceim crodha.
    d'Ard Macha na mor-thora.
  • Muna tisdais 'na longuibh.
    tar tuiltibh tar trom-thonnaibh.
    oirrigha iarthair Muimnech.
    ro bud cian do chruadh-cuibhrech.
  • Tangatar sect bh-fichit carb.
    dot' iarraid-se gu h-agarbh.
    Laighdigh is Duibnigh tar linn.
    Ciarraige Corco Baiscinn.
  • Ua Eachach is Corca Mruad.
    tancadar tar lear linn-fhuar
    cu riacht Sruth na Maeili mas.
    do marbad na n-Gall n-gle-glas.
  • Lingset ar catha cruaidhi.
    fa Ard Macha mong-ruaidhi
    a tuaidh anoir is anes.
    ocus aniar gu coimhdhes.
    Des.
  •  p.51

    Is andsin tucsat maithe a muinntiri…

    Is andsin tucsat maithe a muinntiri isin m-baili anund da n-adlacadh ⁊ do badar gu crodha cumthach caith-esbach re h-edh na h-oighti-sin ⁊ ro eirghedar gu moch arnamharach d' annlacad a muinntiri ⁊ rucsat uaisli a n-oirrig ⁊ maithi a muinntiri leo gusin cill don taeibh thuaidh do Dun Dealgan ⁊ do cuired a ceathra h-uaghaib a n-oirriga ⁊ tainic Donnchadh mac Caeim osa cinn ⁊ ro ghabh ag innisi a coscair ⁊ do-rinni in laid ar deredh in sceoil.

    Seact bh-fichit long ar in muir.tainic…

  • Seact bh-fichit long ar in muir.
    tainic leisna h-oirrighuibh.
    noca terna dib gan ghuin.
    acht tri fichid da muinntir.
  •  L 156b1
  • Do marbad Cobhthach na g-cath.
    do {}marbad Flann fuilech
    do baidedh Eiders{}cel ann
    is do marbad a fhoirenn.
  • Do comthuit Cobhthach san cath
    is in Loclannach Ladhach.
    {}n-imarchraigh oir.
    a n-Ath Cliath na corn comhoil.
  • Do comthuit Eiderscel ann.
    ocus Loclannach na Lann
    is do comthuit Flann fuilech.
    is Sen-Amlaib sarghuinech.
  • Dubh Dha Bhoirenn maith duine
    co Lenn Turmun na h-Uidhe.
    dar marbad an t-iarla ann.
    ba treisi d'feruibh Lochlann.
  • Do marbad Sghdha is Failbhi.
    duinne rob adbar mairgi.
    is do gonad Congal cruaidh.
    a h-iath Mumhan an mhor-shluaigh.
  •  p.52
  • Do chomhraicset riu ar in muir.
    Sitriuc gu luing Lochlannaig.
    ocus Maghnus in tuir tren.
    is Tora na renn roi-ger.
  • Torchuir Maghnus ar in moir.
    ocus Segda in ghaiscid gloin.
    Tora is Congal in cedna.
    Sitriuc Failbhe fir-ghegda.
  • Do comraic Ciarraigi cruaidh.
    re Finnlochlann on tir thuaidh
    dar chomthuit Conchubar caemh.
    is ri Finnlochlann folt-claen.
  • Corco Baiscinn buiden des.
    co Lenn Turmun chathrach Pers
    dar comthuitsed ar in linn.
    Persa ocus Corco Baiscinn.
  • Tachraid re chele 'san chuan.
    Fuarlochlann is Corca Mruad.
    no gur mharbsat a cheli.
    ar in ler co lanredhi.
  • Ann sin tuc in tuili a tír.
    ni dha longuibh gu lan-brig.
    inntibh do chuadar amach
    Muimnig ar in ler longach.
  • Ar n-dul Ceallachain 'san luing.
    co muinntir Fhailbhi arm-dhuinn.
    o do riacht a airm chatha.
    nir lamhsat mac na flatha.
  • Gabsat Loclannaig amach.
    a corraibh a long loindrech.
    nocha dechaidh dhibh for fecht.
    acht mad a se for a secht.
    secht.
  •  p.53

    A h-aithli a muinntiri do rochtain…

    A h-aithli a muinntiri do rochtain an aein-inad do thinoilset a longa fein ⁊ longa na Loclannach ⁊ do loiscset uili iat ⁊ do loiscset an baili Ocus do bhi dream 'ga radha in t-slighe a n-gebhdais do thoirismhedh ⁊ dream oca fiafraiged ca ragdais d' ascnam a tiri fein.  L 156b2 an t-slighi bhud des co direch ar dream acu. Ni ba h-i ar Ceallachan ⁊ ar Donnchad mac Caeim acht innsaighium gu h-Ath Cliath airm a bh-fuileat meic ⁊ mna ⁊ muinntera na Loclannach ⁊ in ben trear gabhudh Ceallachan ⁊ trear marbad ar muinter .i. Mor ingen Aedha meic Echach ⁊ do-rinni in laid.

    Denaidh comhairle crodha.a fhian alainn fhir-bheodha.'ga…

  • Denaidh comhairle crodha.
    a fhian alainn fhir-bheodha.
    'ga slighi a raghthaí budh dhes.
    a crich Muman na moir-les.
  • Da n-dechthai tar clar Cruachna.
    duibh-si bud forlunn fuachda.
    ni leicfit sibh da bhar toigh.
    gan cath is gan cruaidh-irgail.
  • Da n-dechthai tre clar Mhidhe.
    a shluaigh is lor leidmighi.
    do-ghebhthai ar in sligid toir.
    Donnchadh is na Lochlannaig.
  • Raghmait-ne tre clar Midhe.
    Os innti ata in ainmhfhine.
    no gu roisium gidh ceisd cruaidh.
    budhes a Mumain mong-ruaid.
  • Innsaighter lib co h-Ath Cliath.
    don Midhe guma moir-liach.
    aniugh gidh alainn an gne.
    beit ann duinti fa dhuibhdhe.
    Denaid comairle crodha.
  • IS annsin ro chuirset fir Mhuman…

    IS annsin ro chuirset fir Mhuman a ceann sheda ⁊ aisdir ⁊ imthechta gu cumthach crodha ciallmer ⁊ ro creacsat gach crich ⁊ ro loicset gach lis ⁊ gach lan-baili tharla p.54 doibh a seimh-dhirech gacha sliged o Dun Dealgan cu h-Ath Cliath Ocus do riacht fis rompa don righ-bhaili ⁊ do h-indisedh do mnaibh na Lochlannach a bh-fir do mharbad ⁊ Ceallachan do breith ar eicin uatha.

    IS ann sin adubhairt bean Tora…

    IS ann sin adubhairt bean Tora meic Thuirgheis .i. Mor ingen Donnchada. Do fhedar-sa ar si in comairli. dha ticfad bas Ceallachain. ⁊ maidm ar Mhuimhnechaib .i. dul duin isin grianan a bh-fuil Mor ingen Aedha meic Echach in ben do-rad gradh do Ceallachan ⁊ a innisi dhi Ceallachan do mhilled ⁊ Muimnig do mharbad ⁊ do-ghebha sisi bas do chumhaid Cheallachain ⁊ do-ghebha-sum bas da cumaid-si ⁊ budh maidhm ar Muimnechaib da bh-faga-som bas. Dentar amlaid ar na mna ⁊ do innisedar don ingin  L 157a1 na scela-sin. Ni fir dhaibh idir a mhna ar Mor ⁊ do budh ferr libh-si cumad fhir an scel-sin ⁊ as deimin gu bh-fuiged Ceallachan bas da bh-faguinn-si mh' oighed. Ocus do gheibhim-si a scela gach n-oighthi a m' imdhaid ⁊ nidam ben-sa fós do ar an ingen.

    IS annsin do riacht tosach sluaig…

    IS annsin do riacht tosach sluaig Muman cusin m-baili ⁊ ro tinoiledh bai ⁊ bo-thainti in baili leo ⁊ a ór ⁊ a aircet ⁊ a il-mhaine ⁊ tucad mna ⁊ maccaeimh in baili da n-innsaigid. ⁊ tucadh Mor ingen Aedha meic EchachBe Binn ingen Tuirgeis gu Ceallachan. ⁊ adubairt re Donn Cuan mac Ceinneidig Be Binn do beith aigi do bhain-cele. ⁊ do-ronad amlaid acu. ⁊ do bhi a rogha mna ag gach fhir dibh o sin amach. Ocus do bhatar gu cenn sectmaine ar an seolad-sin. Ocus oc imtheacht doibh ro loiscset in baili.

    Tancatar rompa iarsin gu cenn oirrtherach…

    Tancatar rompa iarsin gu cenn oirrtherach mhuighi na h-Almhaine Ocus mar do bhadar annsin co bh-facadar na .V. catha coraighthi ar lar an muighi fo glere sciath ⁊ lann ⁊ luirech fo ghlere shleagh ⁊ chotun ⁊ cathbarr Ocus as e do bhi annsin. Murchad mac Finn ri Laigen ⁊ a tri derbraithre .i. DonnchadFindAedhConghal mac Laigsigh ri Laidhisi Laigen Ocus Donnchad mac Aedha ri Fotharta Laigen Ocus Muirchertach mac Tuathail ri O Mail Ocus Concubar mac Donnchada ri O bh-Failghe Ocus Bran Bherba mac Amhalghaidh ri O m-BuideO Mairgi.

    Mar at-connuic ri Laigen slogh Muman…

    Mar at-connuic ri Laigen slogh Muman cuigi adubairt re sagart da mhuinntir. Eirigh ol se cu feruibh Muman p.55 cuinnig braighdi dhamh-sa orra ⁊ gumba h-iat na braighdi-sin CeallachanDonn Cuan ⁊ innis doibh nach geb-sa braighdi ele acht in dias-sin no cath do chuir ar an sleibh. Teit in sacart roime cu h-airm a m-batar fir Muman. ⁊ adubairt in ni-sin friu.

    Ro eirghetar ferga ⁊ fuasnada a…

    Ro eirghetar ferga ⁊ fuasnada a miledaib Muman ona moir-briathraibh-sin. Do raid Donnchad mac Caeim  L 157a2{}na ar sibhail-ne ⁊ ni budh soanach {}⁊ ar dithaigid d' uaislibh ⁊ d' orrigaib {}ag cosnum na deisi-sin da tucmais doibh-sium iat ⁊ abair-si frius umh an gilla is mesa ar an sluagh-sa nach tibrimis doib-sium h-e ar aba catha.

    IS annsin adubairt Donnchad as ail…

    IS annsin adubairt Donnchad as ail damh athchuingid uaibh. a fhira Muman .i. tosach in chatha-so do leiced damh fein ⁊ da bh-fuil do Clainn Eogain annso ⁊ gan Ceallachan do theacht isin cath. Tucad do-sum sin Ocus adubairt Ceallachan. O nach leacar mhisi isin cath diglaid gu maith Cormac mac Cuillennain ar Laighnibh or ata dá bliagain cu leith ⁊ da fhiceat gan dighailt ⁊ nir thaircset ar son cinn gacha cleirigh dar marbad ann acht enbo ⁊ at-bert in laid.

    1. Cuiridh re Laighnibh na leacht
      ⁊ rl.

    IS annsin do éirgeadar Clanna oiregda…

    IS annsin do éirgeadar Clanna oiregda admara Eoghuin ⁊ ro coraighedh acu fraecda fosaid feramail feinedh{}

    Cíodh tra acht iar m-báthadh na…

     87Cíodh tra acht iar m-báthadh na m-borb-Lochlonnach uile ⁊ ar t-tuitim na n-uasal-ttriath Muimhneach, tainic Ceallachan a t-tir, agus ró fhailtigh edar meanmanna ⁊ aigionnta na n-árd-taoisioc roimhe. Cuirios Ceallachan dá losgadh an médh don loingios nár báthadh san sal-mhuir ⁊ as i cómhairle ar chinnsiad na curadha, ionnsuighe go righ Chinéil c-Conuill, óir as é do chuir feasa (amhuil adubhramar reomainn) go h-Árd Macha a c-ceann Lochlonnach, dá rádh riu Ceallachán do breith go Dún Dealgain. Níor thóg Muirchertach a aghaidh dhóibh, gidhedh do-ronnsad airgne ⁊ éadála na criche uile, ⁊ tángadar as p.56 sin go Teamair, ⁊ cuirid uata d' fógrad catha ar Donnchadh mac Floinn Sionna .i. righ Eirean, óir do cheadaicc sé Ceailachán roime-sin do gabháil a n-Áth Cliath. ró diúltaicc Donnchad cathughadh ríu, ⁊ ód díultaidh, ro chreacsad tuatha Teamrach. Rangadar as-sin go Caisiol Mumhan, ⁊ do roinnedh na criócha go cubhaidh le Ceallachán ider ua h-uaislibh, ⁊ ro chaithsiad in aimsir go suaimhneach siothchanta ó sin anonn, go bh-fuair Cheallachán Caisil mac Buadhacháin bas ionmholta a c-Caisiol Anno Domini 952.

    Document details

    The TEI Header

    File description

    Title statement

    Title (uniform): Cathréim Cellacháin Caisil

    Author: unknown

    Editor: Alexander Bugge

    Responsibility statement

    Electronic edition compiled by: Philip Irwin, Bart Jaski, and Maeve MacAllister

    Funded by: University College, Cork and Professor Marianne McDonald via the CURIA Project.

    Edition statement

    2. Second draft, revised and corrected.

    Responsibility statement

    Proof corrections by: Philip Irwin, Maeve MacAllister, and Donnchadh Ó Corráin

    Extent: 18295 words

    Publication statement

    Publisher: CELT: Corpus of Electronic Texts: a project of University College Cork

    Address: College Road, Cork, Ireland—http://www.ucc.ie/celt

    Date: 1996

    Date: 2008

    Distributor: CELT online at University College, Cork, Ireland.

    CELT document ID: G100030

    Availability: Available with prior consent of the CELT programme for purposes of academic research and teaching only.

    Source description

    Manuscript sources

    1. Chatsworth, Book of Lismore (at Chatsworth since 1930), folios 148–157 (facsimile foliation, 148a–157a); published in facsimile: R. A. S. Macalister (ed), The Book of Mac Carthaigh Riabhach otherwise the Book of Lismore, Facsimiles in Collotype of Irish Manuscripts V (Dublin: Stationery Office for Irish Manuscripts Commission 1950). The Book of Lismore was temporarily deposited in the British Museum by its owner, the Duke of Devonshire, to allow Bugge to do his edition.
    2. Variants and additional material are taken from Dublin, Royal Irish Academy, 23 H 18 (MS 707) [erroneously described throughout by Bugge as 23 H 1a], pp. 59–88, written in 1701–02 by Uilliam Mac Cairteáin (for a description of the MS see Catalogue of Irish Manuscripts in the Royal Irish Academy, fasc. 17 (ed. Lilian Duncan), 2143–46). With this Bugge compared Dublin Royal Irish Academy, 23 G 20 (MS 211), 98, written by Mícheál Ó Longáin, 1786–1814 (for a description of the MS see Catalogue of Irish Manuscripts in the Royal Irish Academy, fasc. 5 (ed. J. H. Delargy and Kathleen Mulchrone) 541–59). Bugge notes that other versions are found in Dublin, Royal Irish Academy, 23 M 47 (MS 973, see Catalogue, fasc. 22, 2781), 23 K 43 (MS 482, see Catalogue, fasc. 10, 1292), 23 B 21 (MS 184, see Catalogue, fasc. 4, 502), and 23 K 46 (MS 38, see Catalogue, fasc. 1, 120), but he does not use them. Variants are taken from London, British Library, Egerton 106, written by William Lynch, Richard Tipper, Seón Mac Solaimh and Edward O'Reilly 1715–17. (For the MS see O'Grady and Flower, Catalogue of Irish Manuscripts in the British Libarary, ii (London 1926, repr. 1992) 329–41).
    3. Bugge edits the poems not found in the Book of Lismore from 23 H 18 (MS 707) with variant readings from Egerton 106.

    Edition and Translation

    • Alexander Bugge (ed. & trans.), Caithreim Cellachain Caisil: the victorious career of Cellachan of Cashel (Christiania [Oslo] 1905).

    Sources, comment on the text, and secondary literature

    1. John Ryan, 'The historical content of Cathréim Ceallacháin Chaisil'. Journal of the Royal Society of Antiquaries of Ireland 71 (1941) 89–100.
    2. Brian Ó Cuív, 'Literary creation and Irish historical tradition', Proceedings of the British Academy 49 (1963) 233–262.
    3. Kathleen Hughes, Early christian Ireland: introduction to the sources (London 1972) 288–298.
    4. Donnchadh Ó Corráin, 'Caithréim Chellacháin Chaisil: history or propaganda?', Ériu 25 (1974) 1–69 (for an extended but incomplete list of later MSS not used by Bugge, ibid. 2–3).

    The edition used in the digital edition

    Bugge, Alexander, ed. (1905). Cathréim Cellacháin Caisil: The victorious career of Cellachan of Cashel, or the wars between the Irishmen and the Norsemen in the middle of the 10th century‍. 1st ed. xv + 56 pp + 115 pp (translation, notes and indexes). Christiania [Oslo]: J. Chr. Gundersens Bogtrykkeri for Det Norske Historiske Kildeskriftfond.

    You can add this reference to your bibliographic database by copying or downloading the following:

    @book{G100030,
      title 	 = {Cathréim Cellacháin Caisil: The victorious career of Cellachan of Cashel, or the wars between the Irishmen and the Norsemen in the middle of the 10th century},
      editor 	 = {Alexander Bugge},
      edition 	 = {1},
      note 	 = {xv + 56 pp + 115 pp (translation, notes and indexes)},
      publisher 	 = {J. Chr. Gundersens Bogtrykkeri for Det Norske Historiske Kildeskriftfond},
      address 	 = {Christiania [Oslo]},
      date 	 = {1905}
    }
    

     G100030.bib

    Encoding description

    Project description: CELT: Corpus of Electronic Texts

    Sampling declarations

    All editorial introduction, translation and indexes have been omitted. Notes have been omitted except where they elucidate an editorial decision. Editorial corrigenda are integrated into the electronic edition. Additional verse from manuscripts other than the Book of Lismore and printed by Bugge as running sub-text is included.

    Editorial declarations

    Correction: Text has been thoroughly checked and proof-read. All corrections and supplied text are tagged.

    Normalization: The electronic text represents the edited text. The editor's punctuation has been retained, including lower-case letters following a period, and the absence of quotation marks. The editor's divisions of words have been silently changed to bring them into accord with modern practice. All compound personal names are segmented and capitalized in accordance with CELT practice.

    Quotation: There are no quotation marks in the body of the text.

    Hyphenation: Soft hyphens are silently removed. When a hyphenated word (hard or soft) crosses a page-break, the page-break is marked after the completion of the hyphenated word.

    Segmentation: div0=the whole work; div1=the editor's numbered divisions; paragraphs are marked; passages of verse occurring within them are marked lg and l, and are embedded in a separate body; passages of verse supplied from MS 23 H 18 and printed over several pages in parallel with the main text are here presented as continuous text; page-breaks are marked; MS folio breaks are marked. Witness list is contained in an unnumbered div in front matter outside div0.

    Interpretation: Names of persons, groups (dynasties, tribes, peoples etc.), places are tagged. Non-Irish words are tagged. Cardinal and ordinal numbers greater than three are tagged.

    Reference declaration

    A canonical reference to a location in this text should be made using “Section”, eg Section 1.

    Profile description

    Creation: By (an) unknown Irish author(s). 1127–1134

    Language usage

    • More than 99% in Middle and Early-Modern Irish (ga)
    • Less than 1% in Latin. (la)
    • The witness list is in English. (en)

    Keywords: histor; prose; medieval

    Revision description

    (Most recent first)

    1. 2008-09-27: Keywords added; file validated; new wordcount made. (ed. Beatrix Färber)
    2. 2007-12-10: Typos corrected, new SGML and HTML versions created. (ed. Beatrix Färber)
    3. 2005-08-25: Normalised language codes and edited langUsage for XML conversion (ed. Julianne Nyhan)
    4. 2005-08-04T15:27:14+0100: Converted to XML (ed. Peter Flynn)
    5. 1997-09-15: Header modified; file parsed using SGMLS. (ed. Margaret Lantry)
    6. 1997-08-27: Header re-structured; text parsed using SGMLS. (ed. Margaret Lantry)
    7. 1996-02-02: Creation and extension of the header. (ed. Donnchadh Ó Corráin)
    8. 1996-02-01: Checking of word-divisions and the mark-up of personal names. (ed. Donnchadh Ó Corráin)
    9. 1996-01-29: Parsing of text using SGMLS and correction of markup. (ed. Mavis Cournane)
    10. 1996-01-22: Markup completed. (ed. Philip Irwin)
    11. 1995-12-08: Second proofing completed. (ed. Philip Irwin)
    12. 1995-08-01: First proofing completed. (ed. Maeve MacAllister)
    13. 1993: Data capture completed. (ed. Bart Jaski)

    Index to all documents

    CELT Project Contacts

    More…

    Formatting

    For details of the markup, see the Text Encoding Initiative (TEI)

    page of the print edition

    folio of the manuscript

    numbered division

     999 line number of the print edition (in grey: interpolated)

    underlining: text supplied, added, or expanded editorially

    italics: foreign words; corrections (hover to view); document titles

    bold: lemmata (hover for readings)

    wavy underlining: scribal additions in another hand; hand shifts flagged with (hover to view)

    TEI markup for which a representation has not yet been decided is shown in red: comments and suggestions are welcome.

    Source document

    G100030.xml

    Search CELT

    1. This title is only found in O'Curry's copy, and not in the original manuscript. 🢀

    2. O'Curry in his copy writes in the margin: Duinchad(?). 🢀

    3. 🢀

    4. Tiumnuim mo bú do bochtduibh.
      m'olc do macaibh mallachtduibh
      mo clí don talmuin o d-tig.
      m'anmuin donti o d-tainicc.
    5.  🢀

    6. Misi Ricard Baired do sgribh so ⁊ tuccadh gach n-duine bennachtuin ar m'anmuinn. 🢀

    CELT

    2 Carrigside, College Road, Cork

    Top