Unknown author

Tréide cétna labratar iarna genemain (LL)

14586 Cia trēde cētna-labrathar iarna genemain fó chétōir ⁊ cid ro14587  labraiset? Ni h-annsa. Aí mac Olloman meic Delbaīth. & 14588  Morand mac Cairpri Chind Chaitt & Noinniu Noíbrethach. Is14589  de chētus ro labrastar Óe macc Olloman .i. Baí Fiachu mac Delbaíth14590  rí h-Érend for cuairt ríg ⁊ a brāthair 'na ̇farrad .i. Ollam mac 14591  Delbaīth. Bātar laa and ic tomailt i n-Inis Tige i n-iarthur h-Érend14592  .i. in rí Fiachu ⁊ a brāthair Ollom. Leth in tige oc cechtar de. A14593  druí dano for bēlaib ind ríg .i. Fiachach. Ō ro bātar oc tomailt a14594  fessi, do-thaet athach gaethe móre tarsin tech conos-tarat uile i socht14595  mór mét in delma. “Cid for-canas ind athach?” ar Fiachu frisin druid.14596  “Iss ed ̇for-canas”, or in druí, “dán i̇ngnad do thurcbāil i nh-Érind”.14597  “Cinnas dāna ón?” or in rí, “⁊ cia ó n-genend ⁊ cia bale i ̇n-genfe?”14598  “Dán bas chom-gráid frit grād-so”, ol in druí, “& bid is tig-seo genfes ⁊ bid14599  ón mnaī út tall do brāthar genfes. Is torrach ⁊ bēraid mac innossa 14600  ⁊ bid com-gráid frit-so. & ticfa grád amra aile and bas úasliu, dia 14601  fo-gēnat for ̇n-grāda-si .i. grād ecalsi”.

14602 Ra fīrad trá anísin. Ra gēnair in mac fo chētóir ⁊ ro thríall14603  in rí a marbad in meic, coro thairmisc a athair .i. Ollam; ar níba 14604  lia in rí is taig andā-side. In tan ro bās ocond imrádud imme, co 14605  cualatar in mac oca rád: “Dom-urcbaid súas coro acilliur in ríg”.14606  Turgabair sūas iar sin. “Ní dam-sa dot inchaib, a Fiachrai”, orse.14607  “Cid do-bēr duit?” ar  p.273 in rí. “Ni h-andsa. Mo bruig, mo lánamain,14608  lón-chore co n-dabaig dān-dlugæ, tucthar ōm ríg mucra, escra,  126b cuach, 14609  carpat, calg, tricha bó, bró, fíann.Fiach ō Fiachna dam-sa in sin 14610  uile”, ar in mac. “Do-bērthar”, ar Fiachu. “Cia ainm regas arin mac-sa14611  i fect-sa?” “Tabar Aí fair”, ar in druī. Conid as-sain trá ro ainmniged14612  aí airchetail .i. ó Aí mac Olloman. & is sí-sein aí ceta-érbairt Aí mac14613  Olloman.

14614 Morand im mac Carpri Chind Chait, is de ro labrastar sede .i.14615  ro marbtha lasin Corpre h-ísin cech sōer-chland ro boí i nh-Érind.14616  Ar ba di athech-thuathaib h-Érend dó. & ro gab rīge ̇nh-Ērend ar14617  ēcin. & rap olc a rīge, ar ní bíd acht óen-grānne i cind cecha dési 14618  & óen-grāinne a c-cind na cuslindi ⁊ oen-dircu i m-mulluch na darach14619  ina rē. Ructha trī meic don Chairpriu h-ísin ⁊ ro bádidís leis fo  470 chētōir; ar ba dōig ropdís torathair, fo bíthin no bītis a cathbairr14620  fō cennaib. In tres mac rucad dó .i. Morand, ro thriall in cétna14621  do dēnam fris .i. a bádud. Ro h-erbad dā ōclach leis da chur i14622  m-beolu na tuinne. Ō ro lāiset ūadib é i tuind mara, brissis in tond14623  in cathbarr ⁊ tócbaid in tond ūasa in mac, co n-accatar a gnúis14624  for barr na tuinne. Is and as-bert-som: “Garg bé tond”, ar in mac.14625  Fo-lėngat chuce na ōcláig ⁊ do-fōcbat súas. “Nacham-turcbaid”, ar 14626  seseom, “úar bé gáeth”. “Cid do-gēnam din mac-sa?” ar in dara fer.14627  “Do-gēnam”, ar in fer aile, “fācbam é i téig ar beind chloche i n-dorus14628  tige na cerda .i. Máen a ainm-side, cerd in ríg. & cométam in mac,14629  dús in lessaigfe in cerd é”. Ō do-chuaid-side assa thig, co n-acca in14630  mac isin téig ⁊ nom-beir leis isin tech. “Fursain caindel, a ben”, ar14631  se, “co n-acther in frīthi-sea fuarusa”. Tucad cucu iar sin caindel.14632  Conid and at-bert Morand: “Solus bé caindell”. Ro alt in mac la14633  Moen iar sin for seilb féin. Ro-fetatar im na ōclaīg út narbo 14634 les-seom in mac.

14635 Fecht and iarum do-lluid Carpre do ól lenna do thig Moín. In14636  tráth rop ániu dōib oc ól, luid in mac as cach ucht i n-araile, co14637  n-dechaid i n-ucht Chairpri. “Ro maīnigther in gein”, ar Carpre,14638  “cóich in mac-sa?”, la osnaid móir do chur. p.274 Fo-cheird dana a máthair14639  in meic .i. ben Charpri osnaid aile. “Cid i táid?” ar Móen. “In format14640  no far-geib? Cid inmain lem-sa in mac ⁊ cid mac dam, ropad ̇ferr14641  lem combad lib-si é ara mét far seirce lim ⁊ ara riachtain a lessa14642  dūib”. “Ni tharla trā aní h-ísin dūinni”, ar Carpre. “Maith ém, a14643  Chorpri”, ar in dias ōclach út. “ropad maith a lúag neich do-bérad14644  duit mac amlaid”. “Ropad maith im”, ar Carpre “ro béraind a14645  chomthrom de argut dara chend ⁊ ropad trian de ór. Acht nī14646  tarba a rád, ar is erlabra dímaín a n-do-gníd”. “Amal bid oca no14647  bemmís”, ar na ōcláech, “fo-naiscther fort-so”. Fo-naiscther fair. Ō ro14648  naidmed fair, fo-lėngat na ōclaīg cuce co tucsat in mac ina ucht &14649  coro dílsigset dó. “Is é in mac-sa rucsam uait dia bádud14650  & iss ed-so da-rōnsam de”. “Is fír uile”, ar in cerd. Is de-sin trā ro14651  baī mac Maīn fair-seom. & it é-sin teōra briathra tōesecha ro 14652  ráid Morand iarna genemain fo chētóir .i. “Garg bé tond. Ūar bé gāeth. Solus bé caindel”.14653  Gabais trā Morand ard-brithemnacht h-Ērend iar sin. ⁊ ba 14654  marb a athair-seom .i. Cairpre. & ro ̇faīd-seom a mac co Feradach14655  Find Fechtnach i crích n-Alban dia thócuriud i r-ríge ̇nh-Ērend. Ar14656  ro theich-side ria Corpriu dar muir innund arna ro marbtha leiss. Co14657  tānic-side fō gairm-seom ⁊ co r-ragab ardríge h-Ērend. Ocus Morand14658  i n-ard-brithemnacht h-Ērend. &{⬌}

@article{G100035,
  editor 	 = {Rudolf Thurneysen},
  title 	 = {Zur keltischen Literatur und Grammatik},
  journal 	 = {Zeitschrift für Celtische Philologie},
  editor 	 = {Kuno Meyer},
  volume 	 = {12},
  date 	 = {1918},
  pages 	 = {272–274}
}
 G100035.bib