Unknown author

Tréide cétna labratar iarna genemain (YBL)

1 Cia treidi ro cet-labrastair ar tus a nn-Éri2  iarna gein fo chetoir ⁊ cid ro lobairseaid? Ni hannsa.3  Ai mac Ollaman meic Delbaith & Morand mac Cairbri4  Chind Chaid & Noindiu Noembreathach mac in Scail ⁊5  Finngile ingine Daire meic Deadhad.

Cet-labrai Ai meic Ollamon, id est: Da n-dechaid7  Fiachnai mac Delbaith ri h-Erenn for cuaird rig ⁊ a brathair8  .i. Ollam mac Dealbaith, co m-badar oc tochaithem bidh a9  n-Inis Tigi i n-iarthur h-Erind, dos-fic athaich gaithi oc tomailt10  a feisi. “Cid for-chanas ind athach gaithi-so?” ar Fiachna fria11  druidh. “Gein do genemain ot brathair-siu”, ar in drui, “⁊12  bid com-graid duid-se fein eiside”. Ro gen iarum in mac fo13  chetoir isin tig-sin. “A marbad”, ol in ri. “Domm-ocaib  p.1941  suas”, ar in mac. Tocabair suas iar sin. “ni dam-sa dot2  inchaib, a Fiachna”, olse. “Cid do-ber duit?” ar Fiachnai.3  Conad and as-bert: “Mo bruigh, mo lanamain, lan-choire co4  n-dabaig dan-dlughai. Tucthar on rig mugna, escra,5  cuach, carpad, colcc det, tricha bo, bro, fiand Fiachno”. “Is6  h-uad-sin ro h-ainmnigead Ai arin mac”, ar Fiachna .i. ai7  aircedal .i. o Ai mac Ollaman meic Dealbaith. Cet-labra Ai8  meic Ollaman sin.

Cet-labra Moraind and-seo .i. da ro marb a athair sær-chlanna10  h-Erind .i. Cairpre Chind Chaid, ar ba do dær-tuathaib11  h-Erind do. ⁊ do rucaid da mac do cona cath-bairrib impu12  ⁊ ro marbaid lais-seom ara n-oman, no ar ra toimnettar13  badar arrachta iad. Berair iarum in tres mac do cona chathbarr14  imme, ⁊ beraid da oclach do Chairpri o mnai in mac i tuind15  mara dia badud. Brisis in tonn in cathbarr ⁊ tocaib suas16  in tond in mac, co n-acatar a gnuis for barr na tuindi. Atn-agad17  leo cen fis, coro ̇facsad for bendaib ceithri rot.18  Do chuir Muin cerd do ⁊ beris leis ⁊ non-ailand i richt meic19  do fen. ⁊ bai a fis ac na h-oclachaib sin.

Do-luid Cairpre do thig na cerda for fleidh. Tic in mac21  bec ina ucht, ⁊ leccait a n-osnaid .i. Cairbri ⁊ a bean .i. a22  saithe leo  139b a m-beith cen mac. Ad-berad ind oclaig:23  “A Chairpri”, or siad, “cia log do-bertha ar mac amail in mac-sa,24  damad lat?”. “Do-gebtha a chomthrom d' or ⁊ d' argad”,25  ar Cairpri. “Adamta fort”, ar siad. “Atamaim”, ol26  Cairpri. Fo-lėngad na da oclaich chuice, co tucsad in mac27  ina ucht. “Is e-seo do mac-so”, ar siad, “rucsam-ne h-uaid da28  badud, ⁊ is ed so do-ronsam de”. “Is fir h-uile”, ar in cerd. Is29  de-sin bai mac Muin fair-seom. At e-seo teora briathrai tuisecha30  ro raid Morand iarna genemaín fo chetoir .i. oca thobairt  p.1951  forin tuind as-bert: “Garg be tond”; ica tocbhail suas don2  tuind as-bert: “Fuar be gæth”; ica tocbail na caindli do mnai3  na cerda dia ̇feghadh as-bert: “Solus be chaindell”.

Gabais iarum Morand ard-breithemnacht h-Ereand, ⁊ ba5  marb Cairpri, ⁊ teit-seom for cend Feradaich Find Fechtnaich6  i n-Alpain iar teched do ria Cairpri, gabais Feradach rigi7  n-Erenn. ⁊ gabais Morann ard-breithemnacht h-Erind o8  Feradach. An cathbarr iarum ro bris in tond ima chend9  co tarla ima bragaid, is h-e non-eadarscarad fir ⁊ go i nh-Erind10  ⁊ is do ba h-ainm id Moraind; in braige ima tabairthea,11  damad chintach, nos-tachtad; minbad chintach, ni tachtad.12  Is h-e Morand cet-duine ro chreit do Dia i nd-Erind tria13  ̇feghadh na n-duile ⁊ tria deag-thuigsin fein.

Is h-e didiu tarraid a mnai i comlige fri Lug Scigmaig15  tria thaiscelad a gilla fen Moraind, coro n-dealb Lug i n-deilb16  luig bric, ⁊ co nd-ebairt-seom, ba h-ed íc a galair feoil luig17  bricc. Ad-bert-si: “Ro charasa læg cet lulgach”. “Do-ronsam18  seach a maith riam”, ar Morand. Eirgid suas Morand do bualad19  in laig do chlaideb nocht. “Nom-agaill, a laig”, ar Morand,20  “⁊ abair firindi frim. Cid”, ar Morand, “as omun laisin claideb?”21  “In chloch fil fom bragaid”, ar in læg. “Caidi omun na22  cloichi?” ar Morand. “Tene”, ar in læg. “Caidi oman na23  tenead?” ar Morand. “Uisqui”, ar in læg. “Caidi oman24  an uisqui?” ar Morand. “Gæth”, ar in læg. “Caidi oman25  na gaithi?” ar Morand. “Na cnuic”, ar in loeg. “Caidi26  oman na cnoc?” ar Morand. “Na tuirc”, ar in loeg. “Caidi27  oman na torc?” ar Morand. “Na coin”, ar in loeg. “Caidi28  oman na con?” ar Morand. “Na droch-mna dia nemthairbert”,29  or in loeg. “& in bean”, or Morand, “cid as oman le?”30  “Ni ̇feadar”, ar in loeg. “Dall bean, robæth ben, saint fir31  uile”, ar Morand. “Do breatha buain a ben”, ar Morand,32  “dia marbadh cach a droch-mnai, nod-mairfind-sea tusu leo33  Acht do-berthhar cursochad  140a droch-mna fort .i. teora34  sluaiste thorud .i. sluasad do chacc each ⁊ sluasad do chacc35  con ⁊ sluasad do chacc duine”. Dinech droch-mna sin do reir36  ̇feasa Moraind meic Cairpri.

Cet-labra Noindiu Næmbreathaich meic Fingile2  ingine Dairi meic Dedad ⁊ in Scail tainic don fairrce. No3  bidh comet fuirri na ra thoirchead neach h-i; ar ad-bertadar4  a druide fri Daire combad h-e fot a sægail cein co rucad a5  ingen mac. ⁊ ro firad on. Bui iarum ind ingen feacht and6  imalle fri h-ingin Noidin meic Noimaill dia cluiche co7  bru in mara co ṅf-acca in Scal; deillich fuirri ⁊ nos-toirchend.8  ⁊ ro mair torrach, amail ad-berad, co cenn .ix. mis ⁊ .ix.9  m-bliadan. Berthuss iarum in mac ⁊ ad-bail Daire, ⁊ berid10  nai m-bretha iarna gein fo chetoir .i.11  “Do-leic for lar”, ar a mathair. “Acc, a mathair”, ar in12  gein, “tuc ni fom”.13 

1. “A bas”, ar in mathair, “ar ro lobair”. “Acc, a mathair: cach tėngad a derosc; is comaes mo thėnga frium”.
14 
2. “A bas beos”, ar in mathair. “Acc, a mathair: ma bera15  beo, biathfa; cach bi a biathad”.
16 
3. “Bi sund”, ar in mathair. “Acc, a mathair: ni ærbiatha17  nach noidiu a oenur”.
18 
4. “Nod-berar do th' athair”, ar in mathair. “Acc, a mathair:19  la cach mac a mathair; gach mathair a crioslach”.
20 
5. “Ro chaithis do re occum-sa”. “Acc, a mathair; ni ail21  con-ber”.
22 
6. “Ni airme co n-at-rala bo leis ⁊ a l-loeg dam-sa”. “Acc, a mathair: la cach m-boin a boinin; leic a l-loegan le”.
23 
7. “Beir i l-leith eile uaim”, ar in mathair. “Acc, a mathair:24  gech deidhil a deirbh-̇fine: is i in chich mo deirb-̇fine-sea”.
25 
8. “Berar co r-rig”, ar in mathair. “Coir, a mathair: cech26  dicend co rig; acht cach urrad a murchairte; deid-seo as27  murchorta m' athair ⁊ me fein”.
 p.1971 
9. “Tocaib suas in mac ⁊ berar lat da leasugud”, ar in mathair2  fria muimich. “Acc, a mathair: gech cintach 'na3  chin; fot sar fuigleasa friut, beba ind”.

FINIT.

@article{G100036,
  editor 	 = {Rudolf Thurneysen},
  title 	 = {Die drei Kinder, die gleich nach ihrer Geburt sprachen},
  journal 	 = {Zeitschrift für Celtische Philologie},
  editor 	 = {Julius Pokorny},
  volume 	 = {20},
  date 	 = {1936},
  pages 	 = {193–197}
}
 G100036.bib