unknown

Edited by Käte Müller-Lisowski

Texte zur Mog Ruith Sage

1. Verse über Mog Ruith

LL 144a 50 (im Gedicht von Gilla-in-Chomded ua Cormaic)

1. Ré nói rig déc diaid in diaid
   Saegul Moga Ruith ra gliaid,
   Ó Ruth m. Rigo borr in blad
   co Cairpri lond Liphechar.
2. Croéib craind fhorbba ¹ i Sleib Elpa
   do buaib Shimōin is tshneachta,
   ed robriss a lethrosc lór
   X mbliadna dó la Simōn.

2. Tlachtga

BB 406

Tlachtga canas roainmniged? Ni ansa. Tlachtga ingen Moga Ruith meic Fergusa. fordaroebleingatar tri meic Simoin druad. doluid lie athair do foglaim druideachta in betha. Ar bith is i do righni do Thriun in Roth Ramach ⁊ in lia i Forcarthu ⁊ in Coirthi hi Cnamcaill. Tarlai iarum anair ⁊ in dēde sin lei co toracht Tulach Tlachtgai. conid and roslamnad. ⁊ ruc tri maca .i. Doirb a quo Mag nDoirb ⁊ Cumma a quo Mag Cuma ⁊ Muacha a quo Mag Muaich ⁊ co ndechsat na tri hanmann sin indermat a hEre nistoraig digal echtrann. Unde Tlachtga dicitur. ²

1. Tlachtga tulach ordan uais
   Forbad mōr rīgh corocruais
   ōn cēm rosgabh Tlachtga toich
   ingen modha rēil righ Roigh p.159
   Mog Roith mac Fergusa Fāil
   meic Rosa rīghdha ronāir.
   Cacht ingen Caitmind na cleas
   a māthair daith-grind dhiles.
   Roth mac Riguill rohalt hē
   de ba Mog Roth rogaide.
   Da meic Mogha: Buan is Corb
   sona dar sluagh ac saerord.
   ba hī māthair na mac mas
   Der-Droighen dūr dron —amhnas
   ⁊ māthair cert Cairpri
   is becht romoblain Húi-Bairdne. ³
   Inghen Moga mīlib sluag
   Tlachtga toga na r'thaebfuar—
   Luid le hathair ndīmor ndil
   co Simon saer seacht-maisidh.
   Tri meic la Simon ba sām
   ba dīmōr an diabulbhāgh p.160
   nero cairpeint ⁴ i su-etir ⁵
   ba balcgeint ⁶ co mbeogletin ⁷
   Doradsat na meic mo alle
   serc do Tlachtga trathaite
   cor silsat a broind ⁸ gan brēig
   du chloind ⁹ a comadais coimēid
   Tlachtga do Triun ¹⁰ nirbo thim
   dorigni in Roth ruad roigrind
   moraen la Mog ndīmōr ndil
   is ra Simon seachtmaisigh
   hī durod lē in fuighell fis
   forfāgaib in roth roclis
   Lia foirbthi Forcarthain faind
   ⁊ in Coirthi hi Cnāmhcaill.
   Dall gach n-aen nodn-aiccfe sell,
   bodhur gach aen nod-chlunend
   marb risambenfai ni de p.161
   dun roth gharbh grennach grinne.
   Iar tuideacht anair don mnai
   ruc tri macca co morghnai,
   adbath diambreith in mer mend,
   scēl mor gan chleith do chluinam.
   Anmand na mac—luadh nad creas—
   Muach is Cuma is Doirb diles.
   In tsloig o toraid roseacht
   dōib is comaid a cloisteacht
   hi cēin bed os Banba ¹¹ bil
   anmand na mac i martain
   i scel fir fri silad sin
   na tic dibad dia daīnib.
   In cnoc in rohoilad uag
   do mnai na n-airer nad uar
   tar gach soghairm sui sana
   is dō is togairm Tul Tlachtga.

Tlachtga.

3. Stammbäume.

Rawl. B 502, 157 Z. 36.

Mug Roith m. Fergusa a quo Fir Maigi Fēine. Is e luid do fhoglaim druīdechta co Simon n-druid. ⁊ is maroen doronsat in roth ramach tic dar Eoraip riambrath hisin bliadain ri cathugud do Simon fri Pol ⁊ Peter. Ocus is aire chairigthir for Eoraip ar daig dalta cach gnee (?) robae moalle fri Simon i cathugud fri Peter.

Cacht ingen Cathmind rig na mBretan māthair Moga Ruith.

Roth mac Riguill rodnalt. Is de asberar Mug Roith.

Da meic Moga Ruith: Buan ⁊ Fercorb.

Derdraigen mathair 2 mac Moga Ruith ⁊ mathair Chairpri Lifichair, di siair do Chorco Barddeine ō dūn Chermna.

Dron immorro ingen Lairine cētmuinter Moga Ruith. Ocus ingen do Mug Ruith Tlachtga tualudnert cho rustoirrchitar 3 meic Simoin ria techtain anair ⁊ ruc tri macco doib  p.163 hissi tuc lē Coirthi Cnamchaille .i. fuidel ind roith ⁊ is ē nodmbrisse. Dall cach n-oen nodnaiccfe, bodar cach oen nocluinfe, marb cach oen frisambenfa {⬌}

Clann Celtchair dano Eogan ⁊ Ailill, Sem ⁊ Fer Tlachtga, Cathnia ⁊ Huathnia ⁊ Druithnia a quo Muindruine ¹² la Connachto. Clann Uathnia Huaithni Thīre ⁊ Uaithni Cliach. Clann Cathnia Coenruige {⬌} Clann Fir Tlachtga diatā Dāl nUmain ⁊ na da fortuaith Arad {⬌}

Genelach Sil Moga Ruith (Rawl. B 502, 158a 38).

Cū allaid m. Laisre. m. Finain Bic m. Laithre m. Dathail Suire m. Saiglenn m. Dee m. Dere m. Labrada m. Caiss m. Buen m. Moga Ruith m. Fergusa vel ita Mug Roith m. Cuinisc Firthechet m. Firglainn m. Loga m. Mathlam m. Mathrai Magdoin m. Matheirm m. Alloit m. Noende et rel. Vel ita Mug Roith m. Ceithirn m. Fintain m. Ailella Nertlaim m. Trichim etc.

4. Notiz über Mog Ruith

BB 253a 17

Mug Ruith .i. Roth mac Riguill rodnalt. Is de ba Mogh Ruith vel Mod Ruith .i. Magus Rotarum .i. is a rothaib do-nidh a taiscēlad.

Oranienburg. KÄTE MÜLLER-LISOWSKI

@article{G105020,
  editor 	 = {Käte Müller-Lisowski},
  title 	 = {Texte zur Mog Ruith Sage},
  journal 	 = {Zeitschrift für Celtische Philologie},
  volume 	 = {14},
  address 	 = {Halle/Saale},
  publisher 	 = {Max Niemeyer},
  date 	 = {1923},
  pages 	 = {157–163}
}
 G105020.bib