unknown

Edited by J. G. O'Keeffe

Cáin Eimíne Báin annso

Do-lotar flaithi Laighen isin duinebath co a r-rig .i.2  prim-acallaim co Bran h-ua Faelain dus cidh do-ghentais3  ar cind na foicheda tanic a tír Laighen .i. imbad cách4  dia eclais duthaig do gabail bachla banaba i n-aen-chathair5  .i. i n-aentaig na righ gebhthar ina toghaid-side.6  Fris-gart didiu Bran doibh ⁊ is-bert friu: issed at-gegainn-se7  .i. i n-ddimda fri Dia ro bamar cose ocin neoch aga8  ro bhamar. Iss ed is cóir ann innosa beith dun immaleith9  fri fot ar saeghail oc dighde ar cinn in duinebath.10  Fris-gartatar iarum na flaithi: is toghadh duinne uile anni-sin.11  Iss ed is-bert doibh {⬌} a n-imacallma .i. taudacht cu12  h-Eimeine m-Bán. Do-llotar iarum. Im-raidit co h-Eimeine13  m-Bán aní imde-racht fri h-aithridhe do Dhía ⁊ fri gabail14  bachla lais ⁊ fri les a n-anmanna do denum oirit15  no beth i saeghal. Fris-gairt Eimine: as doibh: guidim16  Dia uile anocht co tarda comairli dúin forsani ime-raidit-si.17  Ainsit iarum uili ind oidchi-sin. At-gladastar18  iarum Eimheine a muindtir tosach laithe ⁊ is-bert friu:19  cacha m-biam frisin greis donn-ainic? Ma ata-bosum iarnar p.411  toichid bid bare leo, ma anat linn bid mélad duin2  ma at-balat din plaigh seo, otte diar n-attug im chobair3  doib. Fris-gart iarum a muindter do Eimene: inní bus4  comairle lat-sa is sí bas chomairle linne. Is si eim mo5  chomairli-si, mad coir libh-si: attach duinn in Choimdhedh6  im anacul na fer-so din plaigh ⁊ a comlín uainne do7  dhul tar a cenn, meise fein tar cend m-Brain. Cet, cet,8  ol a muindter fri Emene; is coir linne inní-sin.

At-gladastar Émene na flaithi iarum ⁊ is-bert friu:10  immunn-arlasamair-ni tra, ol Emene, umuib-si ⁊ ro gadamar11  in Coimdidh im fortacht duinn im bar n-anacol-si12  din plaigh-so ⁊ is e cruth asin-cotatsum: bar comlín dom13  muindtir-si do dul tar uor cenn dochum neime, meissi14  féin tar cenn m-Brain.

Atlaighsetar iarum na flaithi buidhi do Dia ⁊ d' Eimine16  acht ba n-dúais la Bran do dul do-sum tar a chenn17  ⁊ slechtsat uili in caeca flaithi imme righ for oigreír18  Emene Áin ce secha ce beradh forro. As-bert iarum Émine19  friu: isi-so mo riar-so, oman De daib ⁊ a sherc ⁊20  aitherrach cáin-bescna daib fri Dia doní a ratha dó is ferr21  araile. As-bertatar iarum na flaithi fri h-Emene: Cisne22  folaid tra rot-biat-sa uain-ne tar éis na fortachta do-berar23  duinn? Imba ar n-dilsi conar claind a mainche duit-si24  co brath? Fris-gart Émine: ni taet dam bar mainche;25  ard-chaerich adob-comnaic-si, ard-lias duib, lias bec ani-siu,26  caerig beca ann, ataet mor i toil Dé.

Cesc tra, cidh do-beram? Imbad tíre ⁊ feranna fa2  set ⁊ máine? Fris-gart Emene dóibh: ni taurga n-dam3  báa n-de arna h-eipri is cunnrad ro gadamar-ne Dia lib-si4  im uar n-anocal ossib-si co foltaib máine ⁊ tíre tar a5  éise.

Cest tra, in fuil innaill do-bermais deit? Fuil eim,7  ol Emine, nert ⁊ sochraidi duib in puirt-so ⁊ a shaeirid8  co brath ⁊ saeirid a fheraind indni ad-roipre ⁊ do-ruaicle9  ⁊ ado-ibertair ⁊ cid urthar ar cinn a chesta ⁊ a caingne10  re cestaib Laighen do dénum.

Madh fri sil m-Brain beit a cestud-sum, riar na muintire12  fodeisin im sodhain; madh fri nach aile, it feichemain ⁊ it13  brethemain t-shil m-Brain ⁊ raithi Laighen olchena a n-ogh lesaigte14  Emine Ain ⁊ a muintire fri Laighniu.

Ad-raeghaid tra Bran h-ua Faelain co flaithi Laigin16  olchena ratha i n-ogh na saire-seo. At-raegatar na flaithi17  olchena airriu fadeisne ⁊ ara clannaib co brath.

It é na ratha at-rogesa sunn ⁊ do-dechatar fri laim19  Emine Ain .i.

1. Cellach mac Aedha Croin ⁊
2. Culdub mac20  Certain
3. Degchairdil mac Brocain
4. Fínán mac Maeil Dibid
21 
5. Ardmesach mac Maeil Ruis
6. Dubh Cluana mac Furodran
22 
7. Eltine mac Brocáin
8. Buidhe mac Laighnein
9. Dub Da Crich23  mac Maeil Ochtraidh
10. Dimusach mac Congaile
11. Mael Tuile24  mac Maeil Uidhir
12. Aedan mac Echach ⁊
13. Fabnith h-ua Tusechain, ⁊
25 
14. Lapan ⁊
15. Mescell do Leighis

It aena tra na fir-seo do-ruirmisum ro saertha don p.431  mortla la Bran ⁊ is cusin flaith theit in muinter; is2  iside do-gair na tigerna chuca fri fual no fuasna no3  indilsi na saeirid-seo Ruis Ghlaise.

Is é ord tra bai la h-Emene for tighnacul a muintire:5  in coica righ-seo ima righ .i. mórseisiur cach laithi co6  cenn sechtmuine ⁊ Emene féin fa deoigh tar cenn m-Brain7  iar n-gabail écnairce a muindtire ⁊ anas Bran afos a8  coicait laech co cenn sechtmuine co taiselbud don coicat9  flaithi in coicat clerech do-chuaidh tar a cend, ⁊ fo-cres10  a crannchor forsin coica fer do muinntir Émene co 'ma-fitir11  cach cach morseisir no thegadh tar cenn alaile. No thegedh12  didiu in mórseisir do muintir Emene i n-aentaig a manach13  do laubair. In morseisir tara teitis cenn. No chlaidis uadha14  doibh co tictis iarum, no gabhdais a n-étach sacarbaicce15  umpu, no teigdis do laim ⁊ no theighedh Émene16  reime docum na flaithi tara teitis cenn ⁊ is-berid: uinnsi17  secht slan dochathig dib sunn gin cneit cin galur ⁊18  nis-ber nach accais aile acht dul tar bur cenn-si. No ceilebraitis19  na clerig dona laechaib tara teitis cenn ⁊ do-berid20  cach dib laim tar bragait alaile. No ciitis na laeich21  oca; failti immurgu na clerig oc dul dochum neime.

Cene tra, ol Emene, bes cumain lib a n-ad-ruiglisid23  dam-sa ro m-biadh fortacht Dé do neim ⁊ ar n-itchi-ne uile.24  Is dual daibh mo chlocc ad-chondarcid ⁊ do-chualaid oc p.441  talgud mo muintire tar bar cenn ni fouirne a beim foraib.2  Ar, a l-la m-bither da bur n-escaine in bur cintaib do-imdibaidter3  uar saeghul. Ni biadh righ na rigdamna on righ4  na on flaith na on oc-tigerna forsa m-biter ⁊ ni 'mman-aicim5  for neim ⁊ ni ba soinmech didiu doibh i talum ⁊6  siccib e forsa m-bentar olchena, acht co m-beth cinaid leo, ni7  ba neime na talman. Is aen didiu ad-roighle i saire na8  h-eclaisi cidh be manach doda-goad ⁊ cib can a cinel acht9  rop airithe laisin muindtir aig-dilmuine do Eimeine Ban10  cin fuasna cin indilsi. Ocus neimbiathad laech na laeichis11  a tri corgusaib na bliadna nach a cétain nach a n-ain ditin12  na i n-domnach nach iar n-espartain na ria teirt ⁊ na13  h-imirtar ⁊ na tardar sall na feoil na im do fiur Laighen14  co la m-bratha ⁊ is tar turtugud Émine Bhain ⁊ tar a15  miscaid conid uile naemaib ⁊ fhírénu ⁊ is tar turtugud na16  righ-seo ⁊ na flaithi cin chomallad na timna-so co la17  m-brátha.

Anais Emine iar sin .xl. aidhche fri gabail écnairce19  a muindtire ⁊ fri cosc ⁊ cuindrech na caingen. O20  thanic dó co dul dochum neime do-grath Bran co maithibh21  Laigen lais do cheilebradh dóib ⁊ do thaisilbad do Bran22  dula do-sum tar a chenn dochum neime ⁊ ni roibhe co23  m-beredh aes ⁊ críne mina thísad a n-urlaithibh-so tar24  cenn m-Brain. Do-forgeis dó aní ima-ragha a charbat do25  neoch bu mellach lais do Laighnibh ⁊ ni ro et o Bran p.451  annsin acht aen namá, ol Eimine, gurba uladh ríg mo2  reilicc. Ticfaid nech dod chloinn-si, ol Eimeine, ⁊ bidh3  Bran a ainm ⁊ bid im purt-sa bet a auladh curob4  tormach saire ⁊ airmitiu dom muindtir ⁊ dom purt la5  Laighniu uili.

Berid Émine bennachtain ona flaithib ⁊ facbaidh-sium7  alaile. Luid iarum cin cneit cin galar for snadad dochum8  neime for saire Ruis Glaise o Laighnib co brath ⁊ reliqua.

@article{G201028,
  editor 	 = {J. G. O'Keeffe},
  title 	 = {Cáin Eimíne Báin annso},
  journal 	 = {Anecdota from Irish Manuscripts},
  editor 	 = {O. J. Bergin, R. I. Best, Kuno Meyer, J. G. O'Keeffe},
  address 	 = {Halle a. S},
  publisher 	 = {Max Niemeyer},
  volume 	 = {1},
  date 	 = {1907},
  pages 	 = {40–45}
}
 G201028.bib