unknown

Ceithearn coilleadh clann Ádhuimh

 p.30
1. Ceithearn coilleadh clann Ádhuimh,
   clann ler coilleadh a riaghail;
   buain re crann as a gcánaidh
   clann Ádhaimh uaidh ar iarraidh.
2. Cé tá Dia ag díon gach pheacthaigh
   dá shíol cia nachar chiontaigh?
   is truaigh an tráth fá dtuigthir:
   tuitfidh cách uaibh 'n-a gciontaibh.
3. Gan sheilbh an ubhaill d'Éabha
   níor fhulaing gér fheidhm dána;
   dá cloinn do bhean a mbuadha
   bean bhuana croinn na cána.
4. Crann na haithne tré iomadh
   a aithne is ann do cailleadh
   do chuir sé mnaoi dar milleadh
   do bhaoi i gcinneadh hé d'aingeal.
5. Seal péine ar chorp an Choimdheadh
   tre ar bpéin-ne i bport a bhíodhbhadh
   ar loit sinn más é a adhbhar
   damhnadh Dé inn ro b'iongnadh.
 p.31
6. Do fhulaing bheith fa a mbreathaibh
   do leith ubhaill a fhachain;
   sé i n-uaigh gan fhear 'n-a fhochair
   teagh othair fhuair ar n-athair.
7. Cuir, a dhuine, re a dhéanamh,
   guidh ar Muire red mhúnadh;
   doilghe dheit é ná a dhéanamh
   séaladh Meic Dé gan dúnadh.
8. Re feadh diomdha Dé, a dhuine,
   do bhiodhbha is é t'fhear faire;
   biaidh sé ort 'n-a dá eire
   an t-olc reimhe is é ar th'aire.
9. Nocha bí acht ar bhrú baoghail
   san ní nach dú do dhéanaimh
   biodhbha Dé ar th'olc 'n-a fhiadhain
   gidh diamhair é ort ar fhéaghain.
10. Saor na cruinne ó nar charais
    ní thuille an t-aobh ór ailis;
    fuath do reacht Dé níor dhlighis,
    milis é re dteacht dthairis.
11. Foghnamh go bás dó dhlighe;
    mó sa mhó an grás do-gheibhe;
    má tá ar-aon re Mac Muire
    cuire lat gach aon eile.
12. Céim deacair dul ó a fhalaidh
    gan chur peacaigh i bpudhair;
    gidh suairc bhím fa mbí im dheaghaidh
    dleaghair dhínn ní ó a-nuraidh.
13. Lámh linn níor fhéad an umhla,
    is lán inn do mhéad meanma;
    níor fhaomh mé díol a dhiomdha
    biodhbha Dé dhíom go ndearna.
14. Mé an gort nach tig a thoradh;
    tig gach gort mar a gheamhar;
    is mé an síol nar ghabh glanadh
    ní taradh glan díom dhleaghar.
15. Saor sinn ar fhalaidh t'othair,
    sinn it aghaidh re hathaidh;
    nír fhaomh mé an corp do chaithimh,
    braithidh sé ar mh'olc, a athair.
 p.32
16. Síol Ádhaimh is síol sligheadh
    síol dá nach tárair toradh;
    dá chloinn do thuit a dtaradh
    coill fhalamh dhuit an domhan.
17. Tre ar fhás gach laoi d'fheirg t'othair,
    a leinb do bhaoi sa Bheithil,
    breith ar chách uaibh, a Athair,
    rachaidh uair nach tráth teithidh.
18. Fa-ríor is olc dot iarraidh
    gach olc do shíor im shúilibh;
    múin do réir dhúinn do dhéinimh
    réidhigh féin dúinn, a Dhúilimh.
19. Níor lór deit gach dál eile
    gan an ngrádh, a Mheic Muire,
    mo chradh tar cheann a ndlighe;
    fagh cridhe i ngeall do ghuidhe.
20. Maith mo dhíon ann ar aoibhneas
    fad dhíon an dann do-chuadhas;
    car red réir má do-ríneas
    díleas damh féin a bhfuaras.
21. A bhfuil reamhuin-ne id ríthigh
    dar bhfearainn-ne a bhfuil fúthaibh;
    bráthair dhuid mé ód mháthair
    druid bráthair Dé red dúthaigh.
22. T'fhearg, a rí, um cheann do chloinne
    re searg dí bu fhearr inn-ne;
    do shíodh, a chinn na cruinne,
    buime an Ríogh rinn do-rinne.
23. Do bhí raon dod ráth roimhe
    do bu caol re cách uile;
    súgh a cígh is a cridhe
    slighe sídh go múr Muire.
24. Do shíoth re cách do ceangladh
    bhar bhfíoch an tráth do toirneadh;
    breith t'fhine dhuit ó an damnadh
    adhbhar luit cridhe an Choimdheadh.
25. Tú it aonar fhuair a n-eire
    do saoradh uaibh an uile;
    dul sa leath chlé dod chridhe
    slighe i dteach nDé 'gun duine.
 p.33
26. Do theachta ón chóir 'n-ar gcoinne
    is eachtra do fhóir inn-ne;
    ón lán do bhíodh 'n-a bruinne
    's ó bhuime an ríogh is slán sinn- ne.
27. Tréan tú ar gach éinní eile
    is tú éinrí na n-uile;
    ort, a rí, go ria ar n-aire
    caidhe an ní as Dia don duine.
28. Diomdha ag uan Dé 'n-a dheaghaidh
    is truagh don té nach airigh
    grádh do Dhia an tann nach tabhair;
    cia as cabhair ann 'n-a aighidh?
29. An crann do-chóidh 'n-a chroidhe
    is ann do fhóir ar n-eire;
    gidh feidhm dhó deilbh na n-uile
    mó ná an duine a fheidhm eile.
30. Rí an Luain ag breith an bháire
    do-chuaidh ar gcreich na cróine;
    iomdha a bhfuar d'ulc san Aoine
    aoighe i bpurt fhuar na hóighe.
31. Aighneas ag maor na meidhe
    fa thaom thaidhleas ar gcridhe
    dú seal dí dá gach dhuine
    meadh na n-uile is sí ar slighe.
32. A shíodh ní headh do oileas
    neamh do shíor gé do shireas;
    is tearc acht an té thaghas
    ghabhas reacht Dé mar dhligheas.
33. Cur re teachta i dteagh nimhe
    ná lean ar eachtra eile;
    foghnaidh sí dheit, a dhuine
    guidhe is í ar n-a reic reimhe.
34. Dom dheaghail re dáil cheana
    'n-a dheaghaidh níor cháir cumha;
    críoch ar do ré ní ragha
    dá bhfagha shíoth Dé ar ndula.
35. An fear len mian mo mhúnadh
    triall i n-a theagh go dtúirear;
    gidh mór n-almsa dhó do dáileadh
    mó as dáileamh damh-sa an Dúileamh.
 p.34
36. Éiric áladh Dé im dheaghaidh
    mé i ngábhadh ó na gonaibh;
    gaol na craoibhe dar gcabhair,
    craobh tharaidh daoine an domhain.
37. Ní ghlac sé maith nach millfe
    gidh bé do chaith re caibhthe;
    gidh bé ag a mbí bean choibhche
    an teagh doirche is í a fháirche.
38. Gaol Muire maith an choimhdhe
    do chách ar chréachd na sleighe;
    mór gcás far chóir na huile
    gan ghrás Muire ar óidh eile.
39. Míorbhuile máthar Íosa
    iomdha fear fhuair a n-aithne;
    fios a sgéal cia nach cluinfe?
    lia uirthe ná féar faithche.
40. Mór dtáin ar tí ar mbáidhte,
    bás m'anma eagail linne;
    ó bhaoghal beoil na tuinne
    Eoin Bruinne saoradh sinne.
41. Rinn lasrach leice Ifrinn
    iomdhadh uaighe i n-am loite
    cás truagh téaghadh na leice
    déanamh seice as tuar toice.

@incollection{G402029,
  editor 	 = {Láimhbheartach Mac Cionnaith},
  title 	 = {Ceithearn coilleadh clann Ádhuimh},
  booktitle 	 = {Dioghluim Dána},
  editor 	 = {Láimhbheartach Mac Cionnaith},
  address 	 = {Dublin},
  publisher 	 = {Oifig an tSoláthair [Government Publication
Office]},
  date 	 = {1938},
  pages 	 = {30–34}
}
 G402029.bib