Donnchadh Mór Ó Dálaigh

Garbh éirghe iodhan bhrátha

 p.86

DONNCHADH MÓR Ó DÁLAIGH cct.

1. Garbh éirghe iodhan bhrátha
   ní bu hanfadh aontrátha;
   gach síon mar do róigh reimhe
   do sgríobh go cóir Cirine.
 p.87
2. Cirine is cách dá shaighidh
   fuair a bhfios ag Eabhraighibh;
   sgéala laoi an Luain re leanmhain
   fuair an saoi sna seinleabhraibh.
3. Do fhágaibh Cirine ag cách
   cúig lá déag rias an ndianbhráth
   plágha troma do thoigheacht
   tonna trágha ag teachtaireacht.
4. A-tá ar an mbráth sonn slighe
   nach fríoth go bhfuair Cirine;
   más fhíor Cirine is ceart soin
   tearc ar slighei-ne ag seanchoidh.
5. Dá fhichid cubat ceart dó
   fuair Cirine san chéadló
   go mbí an fhairge ós gach eisgir,
   is í a hairde innistir.
6. Tráighfidh muir ar n-a mhárach
   go hiongantach ioldánach
   go ró gach bánuisge a bhun
   san ló thánuisde ar dtrághadh.
7. An treas lá líonfaidh gach áth
   ar dteacht na maidne i mochthráth
   go mbí an fhairge 'n-a hionadh
   gan airde gan íslioghadh.
8. Búirfidh gach péisd sa mhuir mhóir
   an ceathramhadh lá lánchóir
   nach fidir neach an ní a-dir
   acht Rí na mBreath, Rí an ríchidh.
9. An cúigeadh laithe budh lán
   d'uisge gach cladh 's gach cabhán;
   bádhfaidh glasmhuir ruadh gach rinn
   lasfaidh gach cuan mar choinnill.
10. An seiseadh lá budh lán d'fhuil
    gach ní thiocfas tré thalmhuin;
    ní bhia craobh ná cora clach
    gan bhraon fola gá bhfolach.
11. An seachtmhadh lá—lór d'ainimh—
    budh hé an lá-sain leagfaidhir
    na clocha arda eagair:
    anba an fotha foircheadail.
 p.88
12. An t-ochtmhadh lá—lór do dhoirr—
    do-níd na clocha comhroinn
    do-ní gan chairde agus croid
    trí cairrge dá gach charraig.
13. Troidfidh gach trian rer-oile
    mar budh clocha ciallaidhe;
    roithe agus budh teo ná te
    gleo gach cloiche re chéile.
14. An naomhadh lá cian ó ad-chlos
    géisfidh an talamh tonnghlas,
    tiocfa fan mbioth torann tréan
    crioth oram ris an uirsgéal.
15. An deachmhadh lá léighthear de
    muirfidhear cnuic na cruinne
    gan fhán fan gcruinne gan chéim
    gan uille acht 'n-a chlár choimhréidh.
16. An t-aonmhadh lá déag a-droigh
    cách a huamhaibh 's a hallaibh
    's a mbéal re lár an lá-soin
    le hár is le uathbhásaibh.
17. Tuitfid sin uile d'éag de
    réaltanna is reanna nimhe
    tuitim dá gabhlaibh don ghréin
    go talmhain gcnuicfhinn gcoimhréidh.
18. Ní urmhais neach ní do rádh
    acht bheith ar sraon 's ar seachrán;
    ge dheach ar aghaidh gach fhir
    ní labhair neach re naoidhin.
19. Sgarfar gach fear re mhnaoi a-muigh,
    sgarfar gach mac re mháthair,
    nocha bia dias ar domhan
    bhias ó Dhia gan dealoghadh.
20. Truagh bhar dtoisg ar an dtalmhain,
    a chlann Ádhaimh éadtarbhaigh;
    a shluagh déarach an domhain,
    truagh an féarach fuarobhair.
20. An treas lá déag—doirbh an dáil—
    marbhthar cách uile d'aonláimh;
    nochan ria duine dearmaid
    nach bia uile i n-aointreabhlaid.
 p.89
21. An ceathramhadh lá déag a-droigh
    comhard airde re n-uaghaibh;
    ní cheil féar taise nach tig
    i mbéal gach claise i gcuirid.
22. An cúigeadh lá déag don dáil
    lasfaidh talamh mar theannáil;
    do ria an mráth ar n-a mhárach
    ó mbia cách go ciulánach.
23. Cuirfidh Dia a dheaghMhac dia Luain
    do mheasrughadh an mhórshluaigh
    Luanchar Dé do mheas na marbh;
    budh é an treas uathmhar athgharbh.
24. Do-bhéara Críosd—cruaidh an airc—
    dúin-ne an t-achmhusán orrdhairc;
    Rí na ndúl a-déara riom
    a éara dhún tre dhoichioll.
25. "Cuin do bhí againn t'éara"
    cantar uainn tre aithmhéala
    "duit do-bhéarmaois bú ar sealbha
    dá bhféaghmaois thú, a Thighearna."
26. "Mé an bocht do bhí san doras
    i n-íotain 's i n-ocaras
    gan luagh ar mhír ná ar dhigh dhamh
    do bhínn is sibh go seasgar.
27. "Mé gach fear do bhí go bocht,
    mé an bhansgál do bhí tárnocht,
    mé gach aonbhocht do b'fhíor dáibh
    do bhiodh taobhnocht gan tógbháil.
28. "A lucht rom fheith amhlaidh sain
    téighidh i dteaghdhais nDiabhail
    is caithidh mar as cubhaidh
    an chaithir do cheannchubhair."
29. Budh hiomdha ann soin gáir guil
    ag lucht dealuighthe Diabhail:
    truagh, is diabhail ghá ndeaghail,
    nuall an fhiallaigh imneadhaigh.
30. Mairg cheannchas a chur san mbeirn
    i gcathraigh uathmhair Ifeirn;
    ní cumhaing lucht an lis-sin
    a bhfuluing d'olc d'innisin.
 p.90
31. A chur ón gcathair neamhdha
    mairg thuaras, a Thighearna;
    mairg sgarthair—nár sgarthair sinn—
    ris an gcathraigh n-aird n-aoibhinn.
32. A-déara Críosd chongmhas smacht
    "tigidh do bhrígh na mbeannacht,
    a dhream-sa nach deachaidh uaim,
    leam-sa san mbeathaidh mbiothbhuain.
33. "Gach aon do fhágaibh a fhleidh
    im onóir" ar Rí an ríchidh
    "do-ghéabha teagh n-óil bhus fhearr
    ar nach róigh feadh nó foircheann."
34. Oisgeolaid dhóibh na doirrse
    aingil gheala ghruadhshoillse;
    budh feidhm aithne ar an ngréin ngil
    tar néimh aighthe gach aingil.
35. Lánamhna is ógha is feadhbha
    suidhid suas fan Tighearna
    'n-a dtrí naoimhshreathaibh ar nimh
    ar aoinbheathaidh le hainglibh.
36. Máthair Chríosd 'n-a colainn féin
    ar nimh do chách is coimhléir;
    do-chíthir i gclí duine
    Rí an ríchidh 'n-a ríoghshuidhe.
37. Soraidh don lucht bhéaras bás
    ria n-a gciontaibh don chéadfhás;
    saoghal don ulc ó nach an
    baoghal don lucht dá leagar.
    Garbh.
38. Peadar Pápa na Rómha
    soighid dronga díomhóra
    cách fa seach do sóigh Peadar
    mar theach óir gá oireagar.
    Garbh.

@incollection{G402052,
  editor 	 = {Láimhbheartach Mac Cionnaith},
  title 	 = {Garbh éirghe iodhan bhrátha},
  booktitle 	 = {Dioghluim Dána},
  editor 	 = {Láimhbheartach Mac Cionnaith},
  address 	 = {Dublin},
  publisher 	 = {Oifig an tSoláthair [Government Publication
Office]},
  date 	 = {1938},
  pages 	 = {86–90}
}
 G402052.bib