‍

Whole text

A theachtaire thig ón Róimh

 p.220

GIOLLA BRIGHDE MAC CON MIDHE cct.

1. A theachtaire thig ón Róimh
   le n-a síoltar gach seanmóir
   déana mar a-deir an peann,
   ní gheibh séala achd an sgríbheann.
2. Tabhair mar tugadh a-noir
   crois ó chomharba Pheadair;
   duille doirche gan drud ris
   má do-ug toirche thairis.
3. Mar do ráidheadh ins an Róimh
   leasuighthear—lór do sheanmóir; [corrigenda]
   níor bh'éidir glór oile ann
   do bud lór d'oire a fhulang.
4. Níor hiomráidheadh san Róimh ribh
   díochur na gcliar, a chléirigh;
   fríoth ó neamhRóimh éigin uaibh
   seanmóir éididh re héanuair.
5. Caidhe an sgríbheann 'n-ar sgríobhadh
   an ealadha d'aithríoghadh?
   déana mar do fhógair inn,
   tógaibh séala do sgríbhinn.
6. Focal nach fríoth i leabhraibh
   gan ní ar éigse n-ildealbhaigh;
   is léigheann gránna Gallda
   dámha Éireann d'ionnarba.
7.  p.221"Donum Dei" an dán binn
   i gceartlár cuirp an léighinn;
   gaibh é is casgair a chéill;
   "asgaid Dé" sain go soiléir.
8. Gan a luach ar na laoidhibh
   má a-dearar le deaghdhaoinibh
   do ráidh gan aoradh gach fhir
   do shaoradh cháigh, a chléirigh.
9. Más do mhian méaduighthe an lóin
   beantar d'éigsibh a n-anóir
   nach lór, a chléirigh, re chais
   lón gach éinfhir 'n-a éagmhais?
10. Ciodh um nar dhíochuir an dán
    ar dtoigheacht a tír Romhán
    Pádraig an iris do b'fhearr
    a hinis fhádbhuig Éireann?
11. Créad thug ar Colum Cille
    nach fionnfadh achd fírinne
    gach Dar-daoin ag dul ar neamh,
    crodh ar laoidh mar do léigeadh.
12. Do hionnarbadh eacht oile
    cliara Fódla féaraighe;
    a gcomhall do na cliaraibh
    ó Cholam an chéidbhliadhain.
13. Tug gér oirrdhearc an t-eineach
    Mo Bhí cráibhtheach Cláireineach
    a shaoghal féin—fial an gníomh—
    don chléir do iarr gér bh'fhairbhríogh.
14. Tugadh lé ar an laoidh n-uallaigh,
    gér athchuinghidh anuabhair,
    an bhróg do chuir an dealbh dhi;
    go dearbh{⬌}í fhuil impe.
15. Duais nach tiubhradh damh duine
    do-bhéara mac mórMhuire;
    do-gheabh ar duain dom dheaghdhán
    neamh mar fhuair Ó hIfearnán.
16. Moladh daoine is dó as mholadh
    an neach do-ní a gcruthoghadh;
    ní bhí ar domhan ag duine
    ní achd moladh a mhíorbhuile.
17.  p.222Rinn gach roinn, rinn gach meadhra,
    ag teacht tar an Tighearna;
    foghar gach tuile re tír
    moladh uile don Airdrígh.
18. Gémadh bréag do bhiadh san duain
    is bréag bhuan ar bhréig dhiombuain:
    bréag uile gidh créad an cradh,
    bréag an duine dá ndéantar.
19. Ní ba liai-de ór ná each
    ag duine dámadh doichleach;
    gan sbéis i nduain ar domhan
    dá mbuaibh ní ba buanoghadh.
20. Dá mbáidhtí an dán, a dhaoine,
    gan seanchas gan seanlaoidhe
    go bráth achd athair gach fhir
    rachaidh cách gan a chluinsin.
21. Dá dtráigheadh an tobar fis
    ni béarthaoi muna mbeimis
    go deighfhearaibh saora a sean
    craobha geinealaigh Gaoidheal.
22. Do bhiadh i n-iarmairt fhada
    do mhíleadhaibh mórbhaga
    folach a sgéal—ní sgrios beag—
    gan fhios na bhfréamh ó bhfuilead.
23. Folach cliathach agus cath
    fear n-Éireann do budh easbhach
    dá n-éis gémadh maith a méin
    gan sbéis i bhflaith ná i bhfírfhréimh.
24. Gé tá marbh mairidh Guaire
    's Cú Chulainn na Craobhruaidhe;
    ón ló tá a nós thiar is thoir
    a-tá fós Brian 'n-a bheathaidh.
25. Beo ó mhaireas a moladh
    Conall agus Conchobhar;
    a nós 'n-a bheathaidh i-bhus
    nocha deachaidh fós Fearghus.
26. Lugh do marbhadh le mac Cuill
    ní mhaireann cnáimh 'n-a choluinn;
    a nós ar ndul don domhan
    fós do Lugh is leasoghadh.
27.  p.223Muna leasaighdís laoidhe
    a ndearnsad, gér dheaghdhaoine,
    i bhfad a-nonn do bhiadh brat
    ar Niall, ar Chonn, ar Chormac.
28. Rioghradh Chruachna is Chaisil Chuirc
    na filidh fréamha a lubhghuirt
    slata teaghlach na dtrí mbrogh,
    Dá Thí Teamhrach is Tuathal.
29. Ní bhiadh muna mbeith an dán
    ag cruit téidbhinn ná ag tiompán
    fios deighfhir ar n-a dhala
    ná a einigh ná a eangnamha.
30. Fios a seanchais ná a saoire
    ní fhuighbhidís arddaoine;
    léigid so i ndán do dhéanaimh
    nó no slán dá seinsgéalaibh.
31. Dá mbáidhtí seanchas chlann gCuinn
    agus bhar nduana, a Dhomhnuill,
    clann bhar gconmhaor 's bhar gclann saor
    ann do badh comhdhaor comhshaor.
32. Fir Éireann más é a rothal
    ionnarba na healathan
    gach Gaoidheal badh gann a bhreath
    gach saoirfhear ann badh aitheach.
    A Theachtaire.

Document details

The TEI Header

1. fileDesc
2. titleStmt
3. editionStmt
4. publicationStmt
5. sourceDesc
6. encodingDesc
7. profileDesc
8. revisionDesc
9. Source

‍

File description

Title statement

Title (uniform): A theachtaire thig ón Róimh

Author:

Responsibility statement

Electronic edition compiled and proof-read by: Margaret Lantry

Funded by: University College Cork and Professor Marianne McDonald via the CURIA Project.

Edition statement

2. Second draft.

Extent: 1574 words

Publication statement

Publisher: CELT: Corpus of Electronic Texts: a project of University College Cork.

Address: College Road, Cork, Ireland—http://www.ucc.ie/celt

Date: 1997

Date: 2008

Date: 2016

Distributor: CELT online at University College, Cork, Ireland.

CELT document ID: G402095

Availability: Available with prior consent of the CELT programme for purposes of academic research and teaching only.

‍

Source description

Manuscript sources

1. Dublin, Royal Irish Academy, MS 249 (alias 23 N 13: see Catalogue of Irish Manuscripts in the Royal Irish Academy, fasc. 5).
2. Stonyhurst College, Stonyhurst MS (A ii 20), written by Conchubhar Ó Corbain 1701.
3. Castlerea (Co. Roscommon), Clonalis House, Book of the O'Conor Don, c. 1631, 17.
4. Dublin, Royal Irish Academy, MS 490 (alias 23 N 15: see Catalogue of Irish Manuscripts in the Royal Irish Academy, fasc. 5).
5. Dublin, Royal Irish Academy, MS 256 (alias 23 G 23).

English translation

• N. J. A. Williams, The Poems of Giolla Brighde Mac Con Midhe, Irish Texts Society (London 1981); 204–213 (available for purchase via the RIA website).

The edition used in the digital edition

‘A theachtaire thig ón Róimh’ (1938). In: Dioghluim Dána‍. Ed. by Láimhbheartach Mac Cionnaith. Dublin: Oifig an tSoláthair [Government Publication Office], pp. 220–223.

You can add this reference to your bibliographic database by copying or downloading the following:

@incollection{G402095,
  editor 	 = {Láimhbheartach Mac Cionnaith},
  title 	 = {A theachtaire thig ón Róimh},
  booktitle 	 = {Dioghluim Dána},
  editor 	 = {Láimhbheartach Mac Cionnaith},
  address 	 = {Dublin},
  publisher 	 = {Oifig an tSoláthair [Government Publication
Office]},
  date 	 = {1938},
  pages 	 = {220–223}
}
 G402095.bib

‍

Encoding description

Project description: CELT: Corpus of Electronic Texts

Sampling declarations

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Editorial declarations

Correction: Text has been checked, proof-read and parsed using NSGMLS.

Normalization: The electronic text represents the edited text. Compound words have not been hyphenated after CELT practice.

Quotation: Quotation marks are temporarily retained.

Hyphenation: The editorial practice of the hard-copy editor has been retained.

Segmentation: div0=the whole text. Metrical lines and quatrains are marked and numbered.

Interpretation: Names of persons (given names), and places are not tagged. Terms for cultural and social roles are not tagged.

Reference declaration

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

‍

Profile description

Creation: By Giolla Brighde Mac Con Midhe, an Irish bardic poet c.1240–1260

Language usage

• The text is in Classical Modern Irish. (ga)

Keywords: bardic poetry; defence of poetry; function of poetry; antagonism between church and poets; Giolla Brighde Mac Con Midhe; 13c

‍

Revision description

(Most recent first)

1. 2016-06-30: Queries resolved using information from the Irish Bardic Poetry Database. (ed. Beatrix Färber)
2. 2010-11-18: New wordcount made; conversion script run. (ed. Beatrix Färber)
3. 2008-10-10: Header modified; keywords added; file validated. (ed. Beatrix Färber)
4. 2005-08-25: Normalised language codes and edited langUsage for XML conversion (ed. Julianne Nyhan)
5. 2005-08-04T16:08:26+0100: Converted to XML (ed. Peter Flynn)
6. 1997-08-25: Text parsed using NSGMLS. (ed. Margaret Lantry)
7. 1997-05-23: Header constructed, structural mark-up entered and checked. Lineation checked and verified. (ed. Margaret Lantry)
8. 1995-96: Text captured by scanning and proofed. (ed. School of Celtic Studies (Dublin Institute for Advanced Studies))