Tadhg Óg Ó hUiginn

 p.13

VII

1.  140Mairg danab soirbh an saoghal
   a mhuirn is mairg do ghéabhadh
   dá mbé {⬌} saoghal
   baoghal {⬌} a déanamh.
2. Gidh maith le fear fuair soirbheas
   ar n-uair is eadh as aimhleas
   ní báidh leam m'úidh ar m'ionnmhas
   fearr d'ionnlas dúinn an daidhbhreas.
3. Tuar neith i n-a dtú tacha
   bheith gan bhú bheith gan eocha
   neach nach tréig báire an bheatha
   téid beatha as sáimhe seocha.
4. Ní chuir seadh is an saoghal
   acht fear ar nach fuil uamhan
   ná bac do bhocht Dé a dhéanamh
   's ná déanadh sé ort uabhar
5. Leasg le Dia dala ó aonta
   madh lia a fhala ná a n-íocfa
   a n-íoc más é nach féadfa
   créachtá Dé dhíot is díolta.
6. Gion go bhfuair sé bhar sochar
   uaibh nochan é do rachadh
   a shliocht gé a-tá ar a theicheamh
   beithear lá ar iocht an Athar.
7. Sreabh chorcra a cíogh an Dúilimh
   dá shíol budh dolta ar déaraibh
   munar fhóir sé síol Ádhaimh
   síodh álaidh Dé ná déanaidh.
8. Bíodh an béal bíodh an croidhe
   ar sgéal an Ríogh le roile
   feacthair leat glún ag guidhe
   feac a dhuine an rún roimhe.
9. An laogh do bhí 'gar mban-óigh
   do ní ar gach n-aon a fhuráil
   ar an gcrádh fhuair im anáir
   grádh d'fhagháil uaim níor fhuráil.
10. Fuair deacra ag díon a chloinne
    is bearta ríogh do rinne
    ris an leic do bhí a bhruinne
    Rí an chruinne dá reic rinne.
11. Gé bheath tráth ar tí ar ndídin
    do chí áth as nach éidir
    fala Dhé ar tí mo thréagaidh
    gur mhéaduigh mé í ar éigin.
12. Tú id leanabh ag breith bisigh
    a-dearar red dhreich bhfosaidh
    sa chaithir i gcrú an asail
    braithidh lasair thú ar tosaigh.
13. Do bhean sé dhínn ar ndaoire
    ó rígh gus an té as táire
    a chrú re dealg 'gar ndín-ne
    leanb do ríne tú a táidhe.
 p.14
14. Ná tí a Dhé dod dhreich nua-bhuig
    mo bheith 'gun té 'gá dtámuid
    díod féin do bheith id bhráighid
    táinig béin neith dod námhuid.
15. Ceana an chuirp liom ní leigtir
    a uilc i gcionn gach chiontaigh
    an chnú ní 'n-a bláth beantair
    sbreagfaidh tú cách 'n-a gciontaibh.
16. Is fear eire mhóir misea
    ná lean cóir meidhe an mheasa
    déanam síodh sul tí tusa
    usa do dhíol ní as neasa.
17. Ag feitheamh a Dhé dhúinne
    go mbé breitheamh an tSléibhe
    do ghéabhtha neamh ní as saoire
    daoine ar tí chean a chéile.
18. Do mharbhadh dháibh a Dhúilimh
    madh áil ní hadhbar uamhain
    beid a Dhé ar iocht bhar n-álaidh
    sliocht Ádhaimh na sé sluaghaibh.
19. A mian don cholainn caithtir
    a riar orainn do fhocail
    tiocfa fós a Dhé a deacair
    tós peacaidh is é socair.
20. Tú liaigh na hanma d'aire
    is liaigh cabhra na cneidhe
    ní ribh bheireas a bhuidhe
    duine ar leigheas fhir eile.
21. Bean fad chomhair do cumadh
    romhaibh is eadh ro b'ollamh
    do thurn sé ar chlí nar cailleadh
    aingeal Dé bhí dá bhronnadh.
22. Fuair mé an saoghal go socair
    a thaobhadh a Dhé is deacair
    mar éan is é gan eitil
    mé ar eitibh phréamh an pheacaidh.
23. Dom thocht i dteach na glóire
    go ndeach mo chorp i gcaoile
    nach truagh só gidh díbh dhúinne
    mín na dúile dhó acht daoine.
24. Ní lugha as fhearta eile
    dula is teachta don tuile
    slat do bheith i n-a bile
    slighe go reich Mac Muire.
25. A chlann do fhóir i n-éin-fheacht
    an crann do chóidh 'n-a bhán-ucht
    is liom é tar gach n-aon-olc
    sionn ar daonnacht Dé ag dánacht.
26. Guidh an Rígh do rún chroidhe
    do shuidh ar glún mín Muire
    tabhradh cách é dá n-aire
    caidhe fáth Dé 'n-a dhuine.
27. Do ghein leanbh Moire móire
    roimhe do dhealbh na dúile
    is í siúr na sé ndíne
    do ríne iúl Dé dhúinne.
28. Dom éadáil ní fhuair athnamh
    éagáir ós uaidh do gheibhthear
    m'olc féin is é do aithfeadh
    réidh do mhaithfeadh sé an sein-chion.
29. Ní taghthar i dteach Mhuire
    neach nach anfadh fá eire
    gémadh naomh ní dhligh duine
    taobh re guidhe fhir eile.
30. An bonn 's an croidhe cneadhach
    trom an t-oire ré fholach
    maor Dé bhí nocha buidheach
    sé ag fuireach go dtí an tobhach.
31. A dhuine do ní neamh-uaill
    ní dá bhfuighe ní foráil
    biaidh uair a fhir an chonáigh
    's budh onáir libh uaigh d'fhagháil.
 p.15
32. Níor eol dí a cáin do chomhall
    do budh cáir gan í d'fhulang
    bean do chuaidh ar fhud abhall
    tug m'anam uaim ar ubhall.
33. Is le Saor an gha ghréine
    an chraobh is cna na craoibhe
    uasal riocht an té as táire
    sliocht láimhe Dé na daoine.
34. Ní tadhbhás dúinne ar ndochar
    forbhás fúinne ná feithear
    ní fiu mé a chorp do chaitheamh
    maitheadh sé m'olc re fheitheamh
35. Seacht bpeacaidh marbhtha ar meallta
    deacair m'anma ag teacht treampa
    truagh an bheart aghadh ionnta
    seacht gcionnta is rabhadh rompa.
36. Do luigh san uaigh tré umhla
    fuair guin ní guin gan tarbha
    do bh'í docracht 'n-a ndearna
    Rí neamhdha d'fhortacht m'anma.
    Mairg.

@incollection{G402152,
  editor 	 = {Lambert McKenna},
  title 	 = {Mairg danab soirbh an saoghal},
  booktitle 	 = {Dán Dé},
  editor 	 = {Lambert McKenna},
  address 	 = {Dublin},
  publisher 	 = {The Educational Company of Ireland},
  date 	 = {1940},
  pages 	 = {13–15}
}
 G402152.bib