Tadhg Óg Ó hUiginn

 p.15

IX

1.  143Ag so brágha dheit a Dhé
   as dána ar do reic a Rí
   ullmhuigh geimheal damh a Dhé
   mo ré is gar a deireadh dhí.
2. Gan bheith san idh ní háil liom
   a fhir do cháidh is an chrann
   mo char id gheimhil i ngeall
   fearr dhamh iná mh'eidhir ann.
3. Mo chúig cialla 'gum brath bíd
   gan ghialla ní rach ón ruaig
   ar ais ní fhuighbheam do mhóid
   cóig glais muna fhuilngeam uaid.
4. Lot mh'anma a silleadh na súl
   do rinneadh is damhna déar
   ní bhiú id ghlas a Rí na ríogh
   muna thí dhíom bas rem béal.
5. Ní smuainim nach biam i bhus
   ón luaighill do niam a-nos
   nocha hí a-bháin acht an bhas
   id ghlas a Rí is cáir an chos.
6. Feadh mo ré d'éigin nó d'áis
   go dtréigear é mar budh fhís
   gach ní at-chluinim leis an gcluais
   fá bhfuighinn guais a Rí a-rís.
7. Na cóig námhaid do ní ar gclódh
   a-támaid a Rí 'gá rádh
   a n-aire nó go ndeach dhíom
   bíodh faire ar an dteach i dtám
 p.17
8. A-tú ar bhaois gidh bé nach fuil
   is mé i n-aois i n-a haois shein
   far léig mé toram dod thoil
   a Dhé nach foíl oram th'idh.
9. Coim tar an anam lér fhaoi
   an chalann ní budh loinn lé
   ná déantar lámh dhearg acht dí
   ar ghrádh na dtrí ndealg a Dhé.
10. An corp féin i n-a olc uaim
    lé mbudh olc do réir fo ríor
    dá n-aomhtha mo bhreath do bhéar
    gach sgéal saortha dá ndeach dhíom.
11. Cóir dhamh ó nach damhann ceart
    an chalann do chur 'n-a tocht
    munab áil a thogha thart
    cáir smacht dá chara ar an gcorp.
12. Fillidh umam líon gach laoi
    ná bíom ag cumann 's an chlí
    fada ó théarnamh dhamh a Dhé
    dá rabh mé ar éan-mhagh is í.
13. Do ním ort ní ag tagra a-tám
    dá n-agra budh olc mo sgéal
    gach cion tháinig a Dhé dhíom
    bíodh sé ar an mbráighid do bhéar.
14. Cuir fhaire a Choimdhe ar an gcorp
    go dtoirne a aire don olc
    ag so an bhrágha as annsa ar th'iocht
    dána is sliocht m'arm-sa ar th'ucht.
15. Go dtéidhe an t-anam ar aon
    le chéile is an chalann chriadh
    dul as dámadh é mo rún
    dún a Dhé an glas ar do ghiall.
16. Corcra an dealg do bhí sa bhonn
    's is dearg an chlí dom chionn
    dearg an bhas gidh bé ar a geall
    go mbeam a Dhé id ghlas i ngioll.
17. Do dhul as mo los fan lia
    is do bhos do chur fan gcló
    dá ndeach sé liom rem lá
    a-tá im chionn a Dhé fa dhó.
18. Dom chionn do chuadhais fan líg
    mar do fhuarais riom an ruaig
    mh'fheidhm i dtarbha gion go dtéid
    ná léig seilbh an anma uaid.
19. An tsealbh is breath 'n-a breith naoi
    ar a bhreith muna bheath sí
    fada is a breath urlamh é
    cunnradh gidh bé neach do ní.
20. Fuair a bhonn 's a lámh a lot
    ar dhá chlár is an chronn bhrioc
    mh'fheacadh gion gur fhéad do Mhac
    lat an séad do reacadh riot.
21. Tuigid cách an t-aighneas úd
    'n-a ainbheas go bráth ná bíod
    sealbh an anaim is sé an séad
    créad fa raghainn a Dhé dhíod.
22. Síol Ádhaimh gidh olc an greim
    ar do thocht díobh slánaigh sinn
    fóir gach ní as cás ar do chloinn
    'n-a roinn do ghrás a Rí rinn.
23. Méin Eabha im leanmhain gach laoi
    a ceana gér mheabhraigh mé
    ní bhréagfa a cuimhne as an gclí
    's do ghéanta ní as doilghe a Dhé.
 p.18
24. Cia do fhéadfadh tuile is trágh
    ná téachtadh uighe san eon
    call is abhall taobh re taobh
    fagham saor ann dá mbudh eol.
25. Nochan fhuil míorbhal as mhó
    'gá dhíorghadh ó thoil gé a-tú
    is an chorp dá ndéantar Dia
    cia do fhéadfadh tocht acht tú.
26. Dlighei-se geall an dá ngréas
    a cheann an tighei-se tuas
    gá doilghe ná beatha is bás
    cleatha ag fás a Choimdhe a cnuas.
27. Roinn ar uainibh uair an lá
    dá uairibh an uair as liú
    an adhaigh an uair as mhó
    raghaidh don ló uainn a fhiú.
28. Ar gcoimhghe is daoibh-se budh dluigh
    a Choimdhe is a Shaoir-se shein
    ná díoghail an leic far luigh
    cuir fíon-fhuil do Mheic sa meidh.
29. Re lia gcorr do chuir a shlios
    ar nguin a bhonn is a bhas
    níor aithnidh do chách an cleas
    an treas tráth gur aithrigh as.
30. Do chogair creich 'n-a creich mhóir
    do bhreith an phobail ó phein.
    mar rug leis an gcreich do chuaidh
    uainn ar a leith ndeis bu dhéin.
31. Beatha shaothrach budh lór leis
    's an ógh ag caomhthach a chnis
    do b'fhíor-bhocht é is é ré cois
    sé a-nois is a ríoghdhacht ris.
32. Don uile is umhal an Rí
    cumhal Muire dá gach mhnaoi
    grádh don mhoghsaine ag Mac Dhé
    slat é as cosmhaile ré cnaoi.
33. Gan bheith íseal olc an bhail
    an corp go dtíseadh fa thoil
    ní fiú é an bheatha do bhir
    gidh bé do shir seacha soin.
34. Guidheam uile ar a son súd
    gan duine acht ag dol ar séad
    ag dul uadh gidh eadh a-tád
    an t-ág 's an sean uann ag éag.
    Ag so.

@incollection{G402154,
  editor 	 = {Lambert McKenna},
  title 	 = {Ag so brágha dheit a Dhé},
  booktitle 	 = {Dán Dé},
  editor 	 = {Lambert McKenna},
  address 	 = {Dublin},
  publisher 	 = {The Educational Company of Ireland},
  date 	 = {1940},
  pages 	 = {16–18}
}
 G402154.bib