Tuathal Ó hUiginn

 p.32

XVIII

1.  192A dhuine chaitheas corp Dé
   ar do chroidhe cuir {⬌}
   an t-olc muna nighe a-niogh
   ní dhlighe a chorp do chaitheamh.
2. Nocha cabhair corp an Ríogh
   má chaitheam i gceann míghníomh
   re béal a theachta don toigh
   is beanta fréamh an pheacaidh.
3. Is dána caitheamh an chuirp
   má tá fúd feacadh d'iarmuirt
   gurab glan gidh bé do bhir
   's go rabh é {⬌}.
4. An cuirp-se do naomhadh do nimh
   le briathraibh Meic Dé dhúiligh
   ól an chuirp-se i gceann na gcean
   is fearr duid-se ar an Dúileamh.
5. Dá ndearnta a chaitheamh gan chion
   ní biadh acht corp an Choimdheadh
   mairg do ríne seacha soin
   beatha fhíre {⬌}.
6. A chaitheamh 's an t-olc im ucht
   is bás {⬌} daonnacht
   is uar dán soghabhtha sin
   gidh tuar cobhartha a chaithimh.
7. Ní fheadar d'fheabhus a ghnímh
   don {⬌} Aird-rígh
   uch sinn uile ar Dhia dána
   cia an duine budh diongmhála.
8. Déanamh thort ní tualaing sinn
   a chorp Íosa is é (chuingim)
   {⬌} thuigse ní {⬌} d'fhior
   {⬌} do chaitheamh.
9. Ní fiú mé re méad mo chean
   ucht ort a chuirp an Choimdheadh
   gion go bhfagha soitheach sunn
   go ngabha ar {⬌}.
10. Toil na gciontadh im chroidhe
    a chuirp Chríosd i gcomhnoidhe
    dá gcaitheam thú leis an toil
    a-tú ag aithfheall ar mh'anmain.
11. Fan anam-sa ar ar fheall mé
    iomdha créacht ort ón Aoine
    mar tá tú uainne is ionnsa
    's a fhuaire a-tú id thimchioll-sa.
12. Ag so an corp lér saoradh sinn
    ar theinidh thighe Ifrinn
    ceadh ná tabhraim é dom óigh
    's é 'n-a abhlainn im onóir.
13. A dtug an Dúileamh dearbh linn
    daoibh a chlann Ádhaimh d'uirrim
    ag so an corp do fhoráil air
    gidh olc a onáir eadraibh.
14. Gan thoghairm a-nuas do nimh
    ní thiocfadh corp Dé dhúiligh
    re a chuireadh níor bh'fhoráil d'fhior
    go bhfuigheadh onáir aoidheadh.
15. Glan an croidhe ar a chionn sin
    más áil onóir don aoidhidh
    ní bhí go dána ar dhuine
    's a námha ní as neartmhaire.
 p.33
16. Déana agus tiocfa a thoradh
    an t-aoidhidh-se dá chádhoghadh
    is é luibh na sláinte sin
    cuir fáilte ris an aoidhidh.
17. A-tá agaibh adhbhar cóir
    fá ndligh a t-aoidhe onóir
    a bhfuil uaibh-se don aoidhidh
    uaisle ar chuir dá chomaoinibh.
18. Ort gion go mb'é budh treise
    díol onóra an t-aoidhei-se
    tugtha dhó í ar a fheabhas
    is ní as mhó ar a mhuinntearas.
19. Más fá uaisle as áil a mheas
    corp Chríosd rén cubhaidh deithneas
    cia ar an gcor-sain fear 'gá bhfuil
    a theagh cosmhail fá chomhair.
20. An t-Athair neamhdha do nimh
    Muire máthair an Dúilimh
    a tuigse uaibh-se níor eol
    uaisle an chuirp-se ón dá cheineol.
21. Tuig ná budh teaghdhais chubhaidh
    dó an croidhe nar chaomhnubhair
    an uair cheise ar an gcroidhe
    smuain gur treise an trócuire.
22. Íosa Críosd isa chorp sain
    luach a chuarda ag cloinn Ádhaimh
    ní cóir chuingeas ar a chloinn
    do chóidh a cuibhdheas chugoinn.
23. Do fhágaibh ag cách a chorp
    mar aodhaire ar a n-annsocht
    maith feitheamh Dé ar an duine
    is é ar dteicheadh trócuire.
24. Dia Dhardaoin i ndiaidh an bhraith
    fríoth an abhlainn ón Ard-fhlaith
    dán déantair feoil agus fuil
    'n-a réaltain eoil dom anmain.
25. Do dheibhléanaibh Dé nimhe
    san aimsir-se d'áiridhe
    an Rí do roighne ionnladh
    's do ní an Coimdhe ceiliobhradh.
26. Do gheall an Rí go rachadh
    ar son cháich dá chréachtnachadh
    ar lucht toighe an Ríogh do roinn
    fíon ler oile agus abhloinn.
27. M'fhuil agus m'fheoil is iad so
    do ráidh an t-Aird-rí Íosa
    a chaithimh mar as cubhuidh
    do aithin dá easbalaibh.
28. Do mhian chobhartha a chloinne
    a chorp i gcruth abhloinne
    mar shéala ar a shíodh ó shoin
    ag síol Éabha do fhágaibh.
29. Tabhram onóir 'n-a ionadh
    do chorp dhaonna an Dúiliomhan
    tar éis sgarthana an Ríogh ruinn
    bíodh an t-athchara aguinn.
30. Beag dá ghaol do ghéabhadh neamh
    dá mbeath thuas corp an Choimdheadh
    obar is a bheith i bhus
    breith na bpobal i bParrthus.
31. O do fhágaibh Mac Muire
    do thoirbhirt a thrócuire
    é i ndeaghaidh Dé ar an domhan
    deaghail de níor dhealoghadh.
32. Dia Dhardaoin i n-a dheaghaidh
    tug sa tiomna dhéidheanaigh
    gidh olc do thoill ó thosaigh
    dá chloinn an corp céadna-sain.
33. Ag imtheacht a-nonn ar neamh
    ó dheibhléanaibh don Dúileamh.
    sochar Dé dhúiligh dhamh-sa
    do núidhigh sé an sochar-sa.
    A dhuine.

@incollection{G402163,
  editor 	 = {Lambert McKenna},
  title 	 = {A dhuine chaitheas corp Dé},
  booktitle 	 = {Dán Dé},
  editor 	 = {Lambert McKenna},
  address 	 = {Dublin},
  publisher 	 = {The Educational Company of Ireland},
  date 	 = {1940},
  pages 	 = {32–33}
}
 G402163.bib