Muireadhach Albanach Ó Dálaigh

 p.108

Tomhais cia mise, a Mhurchaidh

Muireadhach Albanach cct.

1. Tomhais cia mise, a Mhurchaidh;
   maith do dhúthchas deaghurchair;
   do chinn t'athair ar aithne
   ar na cathaibh córaighthe.
2. Cá healadha fhoghnas damh?
   tomhais, mása thú Murchadh;
   eirg is iarfaigh d'Ú Dhálaigh,
   a dheirg lianchair leannánaigh.
3. Tomhais damh cá baile i mbím,
   a fhir nach uis re hairdrígh;
   tomhais a dtúirim i dtigh,
   a sholais chúilfhinn chneisghil.
4. Tomhais cá hainm fhuil ormsa,
   a chuilén saor súlghormsa;
   a ghille mhín sholais sheing,
   tomhais cá tír as dtigim.
 p.109
5. Tigim, a fholt fleasgach fiar,
   tar Muir dtaobhsholas dToirrian;
   atú ag tiomcholl an domhain,
   a chnú d'fhionncholl fhoghamhair.
6. Muireadhach Albanach mh'ainm,
   a ghille náraigh neamhghairbh;
   gairid Clann Bhloid inn ré n-ais,
   dar linn, gidh goid do-ghénmais.
7. Falmaire agus fear dána
   labhras réd ghnúis ghealmhálla;
   tabhair ní dhamhsa ar mo dhuain,
   is almsa í i n-énuair.
8. Donnchadh Cairbreach is Clann Táil
   do-ní ar dtarmann 's ar dtógbháil;
   tusa mac athar is fhearr,
   a shlat d'achadh na hÉireann.
9. Ní fhaca riamh a rosg corr,
   níor cheanglamar ar gcomann:
   a Mhurchaidh, a mhinn na súl,
   budh cumthaigh inn ag iompúdh.
10. Suidhfe i Mumhain, a Mhurchaidh,
    sgothaigh fhéraigh fhionntulchaigh;
    suidhfe, a Mhurchaidh, sa Mumhain,
    ar a tulchaibh tiobradhaigh.
11. Urthain t'einigh nochan fhuil
    ar maigh Mhumhan, a Mhurchaidh;
    ní shaoilim t'urthain d'eachaibh,
    a Mhurchaidh, ag Muimhneachaibh.
12. Do-bhér anmanna oile
    ortsa, a í Bhriain Bhóroimhe;
    dot ainm baiste atáim re treall,
    a ghaiste áigh na hÉireann.
 p.110
13. A Chú Chulainn ar chleasaibh,
    a Osgair ar imreasain,
    a í Dhuibhne an táidhe theinn,
    ar áille ar shuirghe ar shoicheill.
14. A Chearmaid ar chaoine nglóir,
    a mheirge dhualach dhonnshróill,
    a Ábhartaigh, a shaoir sheing,
    a chaoimh ábhachtaigh fhoirteill.
15. A Bhuidhbh Dheirg ar dheirge ngruadh,
    a Mhanannáin ar mharcshluagh,
    a chiabh fholláin ar fhighe,
    a Mhongáin ar mhaisighe.
16. A Mhidhir mheic an Daghdha
    ar ábhacht, ar urlabhra;
    id chéibh fhighigh nochan uil
    acht réim Mhidhir, a Mhurchaidh.
17. A Mhurchaidh, a mhala dhonn,
    do-bhér do chédainm chugam;
    cóir fuilleadh mór dod mholadh,
    ní bruinneadh d'ór aonghoradh.
18. Gorm do shúil, bán do bhráighe,
    a rí Sionna sreabháille,
    geal do ghlac, tana do throigh,
    ragha na mac 'gud mháthair.
19. Gile do thaobh ioná an tonn,
    buidhe th'urla ioná an t-ubhall,
    caise t'urla ioná an snas slán,
    blas an chumhra ar do chomhrádh.
20. Fraoch an earraigh ar th'armaibh,
    ar h'innsgne 's ar h'urlabhraibh;
    fraoch gríbhe id cholainn i gcath,
    míne cholaim red chumthach.
 p.111
21. Beirse leat uaim it ainm féin
    a Mhurchaidh mheic Bhriain bhuinnréidh,
    beir go daith athdroing oile,
    maith an acmhaing fhalmaire.
22. Do-bhér do dhearbh, a dhéd glan,
    aor agus í 'na moladh,
    a shlat chuanna na gciabh dtrom,
    nocha gcuala riamh romham.
23. Oineach Ghuaire, a ghnúis leabhar,
    rét éigsibh, rét fhileadhaibh;
    time Chonaill chaoimh Chearnaigh
    id cholainn shaoir shoidhealbhaigh.
24. Mineas Chonchubhair na gcath,
    is Con Raoi na rosg mongach,
    is Con Culainn na gceardadh,
    nár fhulaing a imdheargadh.
25. Ainm iarmhaoi Almhaine ort,
    míndealbh Oisín dá adhart,
    is anáir an fhir Osgair,
    a bhranáin ghil ghormrosgaigh.
26. Mineas Meic Lughach na lann,
    a rí Cliach, ar do chumann,
    is meic Lir do luaidh greagha,
    mo chin fhuair na haisgeadha.
27. Béra aisgeadha áille,
    nós is cruth is comhláine;
    mac brughadh nocha bhí it toigh,
    acht rí Mumhan, a Mhurchaidh.
28. A Mhurchaidh mheic Bhriain í Bhriain,
    a chrann fíneamhna a finnChliaigh,
    a gcuire d'armaibh tar ais,
    duine ar talmhain ní thomhais.
 p.112
29. Ceadaigh dhamhsa dul dom thír,
    a Dhonnchaidh Chairbrigh chneismhín,
    i nAlbain bhfeadhaigh bhféraigh
    bhfleadhaigh n-ardaigh n-oilénaigh,
    mo ruaig i nÉirinn tar mh'ais,
    ní huaid téighim, is tomhais.
    Tomhais.

@incollection{G402223,
  editor 	 = {Osborn Bergin},
  title 	 = {Tomhais cia mise, a Mhurchaidh},
  booktitle 	 = {Irish Bardic Poetry},
  editor 	 = {Osborn Bergin},
  address 	 = {Dublin},
  publisher 	 = {Dublin Institute for Advanced Studies},
  date 	 = {1970},
  pages 	 = {108–112}
}
 G402223.bib