Ó Géaráin

Edited by Thomas F. O'Rahilly

 p.20
1. Féach orm, a inghean Eóghain;
   mé ón éag-sa aithbheódhaigh,
   cidh ní is doidhéanta dhíbh sin,
   a roiréalta shídh shoilbhir.
2. Ná bí mar chách im choinne,
   féach dár-íribh orainne,
   (ní hé gurb infhéachta ar ndreach)
   a bhé chinéalta chráibhtheach.
3. Is fada an tréimhse a-tú sonn,
   gan aire ag aonmhnaoi oram;
   a mhian slóigh bhastana Bhreagh
   fóir mh'easbadha is mh'éigean.
4. Muna bhfóirthear led dhreich nduinn
   gach anbhuain dá bhfuil orainn,
   dul fá chriaidh is críoch dom cheas;
   ní fríoth ó liaigh mo leigheas.
 p.21
5. Córaide leigheas mo luit,
   do thréigeas gach ógh ordhraic
   ort, gér bh'fhoiréadmhar le cách,
   a fholt foighéagach fionnbhláth.
6. Díbhse bhós, a bhriathar nár,
   do radas toil is tromghrádh,
   gér chúis anbhuaine a dháil duit,
   a bhanGhuaire Chláir Chormaic.
7. Coimhéad mo chroidhe le a chois
   tug mé dhuitse le díoghrais;
   's an uair do b'fhéidir a dháil,
   uaibh níor bh'fhéidir a fhagháil.
8. Is mar sin fós, tar gach fear,
   (ní hiongnadh mé dá mhaoidheamh)
   ag cur do chlú tar sál soir
   a-tú, is fá Chlár Chobhthaigh.
9. Do léigeamar a-rís ruibh
   tar ógmhnáibh Inse Tuathail
   rún nár nochtamar do neach,
   a chúl foltramhar fáinneach.
10. A los ina ndearna dhuid
    fóirthear ribh tráth mo threabhlaid;
    's í uair an éigeantais so,
    a stuaigh ghéiggealtais ghrianda.
11. Cuir arís le tromghrádh te
    do lámha i gcoinne a chéile,
    a chraobh fhionn-sa ara gnáth gean,
    'na bhfonnsa tráth im thimcheal.
 p.22
12. Le póig badh milse ná mil
    sín chugam i n-áit uaignigh,
    a chiabh fhionnfholtach éan gcruinn,
    an béal bionnfhoclach balsaim.
13. Tabhair arís led bhais bháin
    fásgadh docht ar mo dheasláimh;
    fág rian do ghlainmheóir im ghlaic
    dom aimhdheóin, a fhial ordhraic.
14. Do rosg chomh réidh re gluine
    tógaibh gan fhios d'aonduine,
    a chúl réidh tioghchladhach trom,
    's féagh go friochnamhach oram.
15. Do bheith mar sin badh bádhach,
    is bheith soilbhir soghrádhach,
    fán toirmisgthe tráth ar ndoigh;
    soibhriste snáth ar saoghail.
16. Ós bás do-gheabhad go grod,
    so amháin a n-iarraim orad, —
    (tú féin ag an éag badh crádh)
    ná féag do sgéimh id sgáthán.
17. Sul mhealla sé sinn ar-aon,
    ná féach ar an bhfolt bhfionnchlaon:
    lugha sgéal duine ná dís,
    a ghluine mar néimh nuaighrís.
18. Mar sin fós, is cian ro clos,
    sgéal neamhghnáth ar Narcissus,
    an fear ba sgiamhaighe sgéimh,
    fiadhaidhe na bhfeadh bhfoiltréidh.
 p.23
19. Ar ngabháil dó (dia do bhail)
    lá éigin le taobh tobair,
    do dhearc san tsruth nár shearbh sreabh
    a chruth, a dhealbh, 's a dhéineamh.
20. Tug sé grádh fíochmhar folaigh
    go baothchroidheach banamhail
    dá ghnúis fhinnmhíolla féin,
    gur chúis dimbríogha doiséin.
21. A sgáth féin do mhill an mac;
    do bhí bhós agá iomlat,
    go dtug bás dó, mar deirthear;
    gá mó cás dá gcuimhnighthear?
22. Ná mealltar sibhse mar sin, —
    ort féin go fírghlic foiligh,
    a fhionnfholtach is séimh socht,
    do sgéimh iongantach éadrocht.
23. Do dhá chích comhbhán re laogh,
    foiligh iad, a bhas bharrchaol,
    's an dearc úr mharbhrosgach mhall,
    's an cúl gaibhleasgach géagcham.
24. Foiligh fós an béal mar shuibh,
    's an dá ghruaidh mar ghréin tsamhraidh,
    barr na gcraobh bhfíthe bhfeactha,
    's an taobh síthe soineanta.
25. Choidhche arís ná féach orra,
    glaca míne méarchorra,
    troigh ghealmhálla is trácht buinn,
    sál is seangmhálla séaghainn.
 p.24
26. Muna dtí dot áilleacht féin
    do bhuaidhreadh, a gheal ghnúisréidh,
    do chách ní sobhuainte ruibh,
    dobhuailte gach áth oraibh.
27. Dá mealltá re silleadh súl
    fir Éireann, a chiabh chladhúr,
    mo-nuar! ní soimheallta sibh,
    a stuagh shoineanta shoilbhir.
28. Usaide dhíbh, a dhreach nár,
    goid mo chroidhe óm cheartlár,
    ón ngoid cidh gearrshaoghlach mé,
    neambaoghlach doid a ndlighe.
29. A-tá an tuath go léir ruibh;
    's dá mbeadh aonduine it aghaidh,
    ní duit nách compánach cill,
    a chruit tiompánach théidbhinn.
30. Tug uait aiseag mo chridhe,
    a ghnúis álainn ainglidhe,
    a ré fhíornár ghorm mar ghloin,
    is orm re fíorghrádh féachaidh!

@incollection{G402270,
  editor 	 = {Thomas F. O'Rahilly},
  title 	 = {Féach orm, a inghean Eóghain},
  booktitle 	 = {Dánta Grádha},
  editor 	 = {Thomas F. O'Rahilly},
  address 	 = {Cork},
  publisher 	 = {Cork University Press},
  date 	 = {1926},
  pages 	 = {20–24}
}
 G402270.bib