Unknown author

Edited by Kuno Meyer

 p.3

Fingin macc Flaind .cc.

 50b2
1. A ̇fir thall trīallus in scél,[…]cen innisi nínathgēn,
   a chara, cin hē hi tass,[…]dotrala fo ainēolass.
2. Int ēolus-sa rádi rimm,[…]ferr duit nā cloisti as do chínn
   cāit Cruithnech gius Gédel ̇ngęl ¹[…]condat secht maccu Míled.
3. Dā macc dēc oca ic Milid,[…]mased rāide darírib,
   secht micc oca ic Fál ffrriuin(?)[…]is a cōic a mBretanmuigh
4. Britus, iss ē in cōiced ² cōir[…]rorāidis frimm fo chētōir,
   ainm athar Britáin fó nimh[…]nochon ̇fetar-sa, a f;ir..i. Isicōn athair Brite(sic) no Mīlid, mar aderid drong ali, acht nī hē, acht Issiccōn.
   A.
5. Cīa hairmm būi Britus cen brath,.i. isin Grēic robūi Brittus conid rochlannaigh innte.[…]abair frimm masat éolach,
   caidhe a lín for sét īar sain,.i.trī chōeca fer ⁊ trī chéco ban, is é lín tánic Brittus assin Gréic.[…]dia rochlann i mBretanchaib?
6. In tor-sa, cīa hairde ō lár..i. trī chaéca cubat ina hairde in tuir.[…]noco romesc Crīst gan crád?
   cīa lín luid Fēnius Farsaid[…]do gnīm in tuir trēnchabsaid?.i. trī cét lánamno lánanamno luid Fēnius Farrsaidh don tur.
 p.4 51a1
7. Cīa hairm ruccad Gōidel Glas.i. i nĒigipt dano rucad Eber Scot.[…]inniss mas imdo th'eolus,
   cīa do chlannaib Gōidil glicc[…]rogab in Sciathia scīathbricc?.i. Ēber Scot mac Srū maic Esrū rogab rīge na Sciathia re secht mblīadna.
8. Cīa lastorchair Ēber Scot.i. Noénius mac Nenuail, is hē romarb Eber Scot.[…]co rabi in rīgi robocc?
   dar Muir Luíis, lethan ler,[…]cīa lin lung luid Agnoman?.i. dar Muir Luius lucht tri lung tāncatar Gāidhil asin Scithia.
9. Īar ndul immach for linn lir[…]cīa forfācsat dia muintir?.i. Glass mac Agnomain atbath oco i nInsi Carónis for Muir Luiis.
   cīa fūair in leigius dóib thall[…]ar medhrad na murdúchann?.i. Cacher drūidh atbert friú cēir do leghad in cluássaib.
10. Fechtus tāncatar cen táir[…]clanna Góidel a hEspāin,
    ceithri ³ tūathao tair tall[…]fora roémsat trī madmand?.i. in aimser tāngatar clanna Gōidil Glaiss maicc Niuill a hEspāin rofichsit na catho-so .i. cath for Langbardu, cath for Baccrachu, cath for Toissendu.
11. Cīa lin lotar d'Inis Fáil[…]in chlann-sa Míled Espáin?.i. xxx. iii. do thōisechaib ⁊ deich mīli cathmīled ⁊ .ccc. (.i.amus) ⁊ .xiiii. (.i.mogad) ⁊ cert cēit (.i. in cach āe) ⁊ .ccc. ban, is é sin a līn.
    cīa tōisiuch adbath dib thall[…]ar medrad na murdūchann?.i. Ernán ósar na clainde, is hé atbath díb ar tús.
12. Cīa haided fūair Fōtla in bean,[…]siur do secht maccuíb Mílead?.i. bádud dano robáidhed Fōtla i n-Inbiur Bóinne. 51a2
    cīa ceathrur gabsat ōs Bōin.i. cethri maic Ebir .i. Ér, Orba, Ferón, Fergna.[…]tar éis trī macc nErimōin?.i. Muimne, Luighne, Laighne.
13. Cīa las torcuir Cuála cain.i. la Tūatha Dé Danann, .i. la Crimthann Scīathbél.[…]ocus Brego a degbrāthair?.i. éc atbath Bregho i mBregmaigh.
    cīa lin dia brāithrib gin brōn[…]dorochair la hÉremón?.i. triar díb dorochair laiss .i. Amairgin ⁊ Ēber ⁊ Colpha.
14. Ceti trī breatha co mblaid[…]ructha ar tús i nGóidlib?.i. in breth hi Cinn tSáile.
    cīa do chlainn Iareóil fo leth[…]forsa ruc Conmóel claénbreth?.i. Fforollach mac Nethreóil maicc Iáreóil Fáthaigh maic Éremóin.
 p.5
15. Cadet trī hanmunn Temra?.i. Līathdruimm ⁊ Druimm Cāin ⁊ Temair.[…]cīa fer docer hi Cerna?.i. Conaire dano docher hi Cerna.
    cīa mac do Mīlid a bus[…]dorochuir i nArgatruss?.i. hi cath Argatruiss dano dorochair Eber la hĒiremón.
16. Rothechtaid Roth in rí ruád,[…]cia bās rusfuc cona slūag?tene geláin roloiscc Roechtaig Roth i nDún Soburci.
    Sírna is Lugaid mac Lug roth,[…]cid romarb riasinn armgroph?.i. tám romarb Sírna ⁊ Lughaid hic triáll in chatha.
17. Cīa rī 'sin Uanua na mberg[…]las torchair Rechtaid Rigderg?.i. Iughaine Mór, is hē romarb Rechtaig i ndígail a muimme .i. Macho.
    cīa do chlainn in fir romarb[…] docōid i mbās n-olc n-acgarb?.i. Cobthach Cóel Breg rosloscad la Labraidh Luingsiuch i nDinn Righ.
 51b1
18. Atchúala mac is athair[…]gabsat Ērinn illdathaig,.i. Crimtann mac Lugdach ⁊ Lugaid Sríab nderg mac na trí Find Emna, tri meic sin Echdach Feidlig ⁊ Clothra ingen Echdach māthair Lugdach. ⁊ luid Lugaid post co a māathair co nderna Crimtann fria.
    inunn māthair dóib, cēn ,air[…] ocus inunn senathair.
19. Cadé bás Lugdach na lann?.i. ēc adbath do chumaid.[…]ceitni trī seōit fūair Crímthann?.i. carpat ⁊ fidchell ⁊ in cétach Crimthainn .i. lenn.
    cīa ben rochar Lugaid lainn?.i. Derborgaill inge ríg Lochlann[…]cīa dia raba int id Moraind?.i. do cathbarr būi 'mo chenn a mbroinn a māthar.
20. Innis cīa robris in maidm[…]for Connad Cerr mac Guill bailb,.i. Tūathal Techtmar, is hē robriss for Connad .i. rí Cruithnech
    cīa robris co tenn in cath[…]for Sílén seng slabradach..i. is hē dano robriss cath for Silén, in Tuáthal cētna.
21. In ēol duit in glece co ngail[…]romudaig ⁴ Art hūa Tuáthail?.i. Lugaid romarb Art hi cath Muighi Muccruime
    is ithi lochad coa lloss,[…]cīa dia fil in senāross.i. dia tucait na nōe lochaidh do Lugaid mac Con conusdūaid cona n-erblaib.
 p.6
22. Cīa ainm na mná, monur nglē,[…]roait Fīacho Araide?.i. Araide Bibre ainm a muimme, is de rolil Fīacho Araidhe.
    Connla, caidhi in locht rolen,[…]cor ort leis Fīacha in fer?.i. Connla mac Taidg bōi hi claimhi nogur marb Fīacho Muillethan ⁊ co n-eissib a ̇fuil.
    A.
 51b2
23. Cīa haided rucc mac Nathī[…]Ailill, roba calma a crī?Ailill mac Nathí meic Crimthainn meic Énna Chinnselaig, is hé atbath éc luiuni.
    cīa las torchair Fergus Glutt[…]acus caide in bás rofucc?
24. Bás Béicci, baile co mblaid,.i. a éc extenso dolore .i. inngalur fato.[…]7 aided ⁵ Chein cellaig,.i. a éc do ūacht nō laighi dó a ngalur bréci a óenar.
    apair, ma ̇fetar, a fir,[…]cīa diarbo mac Aéd aithgin.
25. Cīa ainm inn ōinfīir co n-ágh[…]lasa torchair Cú Chúarán?.i. Scannal hūa Rabān romarb nō Flann Fina mac Ossu romarb Coin Cūarān mac Dúngailli.
    mac Mōile Dúin Congal cain,[…]cīa óenfer lasa torchair?.i. Scolaige mac Léighinn romarb Congal mac Máili Dúin.
26. Cīa do rígaib Saxan slán[…]dorochair la mac mBáetan?.i. Oreth mac Alfraid rí Saxan, is hé dorochair la Fīacha mac mBáetāin.
    Flann mac Ossu cusinn úaill[…]cīa romarb do Chruithentuáith?.i. mac d'Eochaid Buidhe Conradh Cerr rí Cruithentūaithe dorochair la Flann ⁊ is hé Conraidh do marb Fīacho mac Demáin.
27. Congal Cerr cīa hairm thorchair[…] innis dam, a ̇fir comthaigh,.i. hi cath Fedha Eoín la Connachta, iss ann docher.
    7 inn innisfe dún[…]cia docer hic sruth Charún?.i. Domnall Brecc mac Echach docher hi cath Calatruimm hic sruth Charún.
28. Ainm māthar Echdach cin ail[…]nocho tucat acht eólaig,.i. Corpach ingen Fiachach meic Nuí.
    maith sén doluidi ō thigh[…]Muiredach ūa Airt Ōinfir..i. Muiredach Tírech doluid a cath Duib Cumair co romarbad a athair dia ēis, co ruc sum cona s%íl rīge hĒrenn co bráth ind ō maccaib brāthar a athar.
    A.
 52a1
29. Cīa hairdrīg romarb mac Cirp?.i. Sārnía mac Cirp, is hé romarb Cairpre Liffechair.[…]caidhe compert maic da Birp?
    cīa rí buáid in maighi[…]hi torchair mac Fergaile?.i. Domnall mac Murchada, is hé romarb Āedh Allán mac Fergaile.
 p.7
30. Cīa dorigni do Diarmaid[…]airbid āghmair ar īarmairt?.i. Fráechán mac Tenussáin dorigni in eirbi ̇ndruád do thrumm.
    in lóech rosling in deirbb lib,.i. Maglaine rosling ⁊ domarbad hē[…]cīa ruslā dia chind,Tūathān mac Demāin meic Sárāin meic Cormaic, is hē roslan (sic) dar a chend. Is hē fáth in chatha .i. Caurnán mac Aédha meic Echdach Tīrmchārna robāi hic Diármuit i ngīallacht ō Chonnactaib, is hē is céimiu robūi in aimsir. Co romarbad la Dīarmuit hic Crois Coluim Cille hi Leirgin Ūa nAilella, conid ē fáth catha Chúile Dremne.

A. t.

@article{G503021,
  editor 	 = {Kuno Meyer},
  title 	 = {Mitteilungen aus irischen Handschriften: A fhir thall thriallus},
  journal 	 = {Zeitschrift für celtische Philologie},
  number 	 = {13},
  address 	 = {Halle/Saale},
  publisher 	 = {Max Niemeyer},
  date 	 = {1919},
  pages 	 = {3–7}
}
 G503021.bib