Unknown author

Edited by Kuno Meyer

Aibidil Cuigni maic h-Emoin so.

• Cach breitheam a baegal,
• cach crích a coindealg,
• cach drúith a diubriucud,
• cach rīgi a rāmad,
5 
• cach dúnad a dītnae,
• cach tōisich a thulach,
• cach lāimi a lāindīrgi,
• cach coirmthigi a chomrād,
• cach fīr a fursundud,
10 
• cach fiadain a foirgell,
• cach flaith a fhdorfūacra,
• cach fēine a folad .i. solad dolad,
• cach fēili a forbrithi,
• cach dān a nemed,
15 
• cach mac a malubra,
• cach fuith a mac noco n-eirceltar de .i. secht cumala dó,
• cach athair a cétchoibchi,
• cach túath a tindscra,
• cach aigni a aetain,
20 
• cach tobaich a trian,
• cach rāth co h-aithi cāch iar m-bliadain,
• cach mes co cubus,
 p.227
• cach cubus co fír,
• cach úain co tōiscach,
25 
• cach tōiseach co taisealbad,
• cach tōsaich a thuigmi,
• cach deidmea a díchur,
• cach ceard a tuairsin,
• cach dán a duilgine,
30 
• cach murigi a meithi,
• cach cinn a chonrach,
• cach báith a baegal,
• cach coibchi a certugud,
• cach fola a frecor,
35 
• cach folaid a furechair,
• cach lái a forshoillsi,
• cach curaid a gleó,
• cach mná a taigi,
• cach altóir a h-idbairt,
40 
• cach eclais a h-udnocht,
• cach baithsigi a crislach,
• cach céili a cédmuinter,
• cach cundrad cen dīchell,
• cach snaidm co fiadnaib,
45 
• cach fiada co'roili,
• cach altrom co dīaltrom,
• cach marrath gan mīne,
• cach gairi co réir,
• cach réir co cubus,
50 
• cach cubus co togáis,
• cach coicertach co slán,
• cach breath iar n-dliged,
• cach dliged iar forus,
• cach faesam co fognom,
55 
• cach snadmad co h-inill,
• cach urrudus co deoraidecht,
• cach deoraidecht co h-urradus,
• cach fiach co dísli,
• cach dīsli i láim rātha,
60 
• cach rāth co forus,
• cach forus co slán,
• cach slán co forus,
 p.228
• cach coirpeil d'fhotaib, nī folach fine,
• cach fine iar comarbus,
65 
• cach comarbus iar cintaib,
• cach cin iar nós,
• cach nós co dībad,
• cach comarbus co síd,
• cach comarba co rind,
70 
• cach altrom co dīsli,
• cach dīsli co rūn,
• cach rūn co tubad,
• cach n-aithni co coimdi,
• cach coimde i lāim n-urrad, is urraid cacha roar a lāim bodeisin,
75 
• cach dīri iar n-aithgenib id' lāim bodēin,
• cach aithgein iar n-indrucus, ūair is inraic cach n-aithgein arani ar ana n-aithinter olc i n-uilcgeinib,
• cach dīri ar n-easbaid,
• cach easbaid cen forcleith ō bec co mōr.
• Úasal cach n-eoda,
80 
• fisich cach fáid,
• fáid cach sen,
• sean cach ecnaid,
• ícaid cach n-eōlach,
• āl cach n-aingid, ¹
85 
• énirt cach n-écond,
• dímāin cach sendu,
• diardain cach díscir,
• dochētfadach cech dona,
• dīdraid cach dimda,
90 
• écond cach fuithi,
• drúth cech annlaid,
• imrisnach cech sigaich,
• badach cach borb,
• borb cach aineacnaich,
95 
• aineacnaid cach aeitil,
 p.229
• doirchi cach n-ainfis,
• ellmaig cach lorgach,
• toimdinach cech móirfhdesach,
• tormaidid cech sercach,
100 
• miscneach cach tromda,
• mīanach cach guidech,
• sochraid cach comairci,
• rurach cach n-ainfial,
• dochraid cach daer,
105 
• daer cach duirbi,
• dulbairi cach doichthe, ²
• doithir cach n-úathach,
• cain cach sái,
• dīscir cach dái,
110 
• dámach cach brugaich,
• sab catha cech dána,
• cuidbidi cach n-úallach,
• dimbrīgach cach n-doblōir,
• obann brīathrach cach bras,
115 
• athisech cach n-urrachtaig,
• coibsech cach calad,
• comairleach cach iriseach,
• mórda cach menmnach,
• aigi cach n-indīrech,
120 
• indbera (?) cach damnad,
• dōinmech cach daidbir,
• úallach cach ainecnaid,
• anloisne cach comslán,
• díglach cach n-daer,
125 
• úasal cach fir,
• find cach cóir,
• dub cach n-debaid,
• imchisnech cach oimnech,
• āl cach n-imoman,
• 130 duthain cach ānroth,
 p.230
• suthain cach m-beōda,
• ūdmall cach n-ecol,
• anairi ³ cach n-eslabra,
• airdmesach cech lesc,
135 
• londbriathraid cech n-imreasnaich, ⁴
• imchisneach cach santach,
• sochuidmid cach n-édaig,
• ainmnidach cach gaeth,
• geilbriathrach cach flaitheamain,
140 
• mucnaid cach borbchraideach,
• mórda cach slúagadach,
• suibdillig cach sotal,
• imráiteach cach sochraid,
• sái cach suthgnai,
145 
• subaid cach síth suthain,
• suthain cach flaith lasa forbaithear fír.
• Measam dál debaich,
• measam dúthracht {⬌},
• measam fear forglidi,
150 
• measam fine fonn fledach,
• measam āi ūdmailli,
• measam airli iargāis,
• measam cundrada carlinad,
• measam bean banchánti,
155 
• measam laidi lethard,
• measam ūath imgabāil,
• measam ugra imnead.
• Finit.

@article{G504001,
  editor 	 = {Kuno Meyer},
  title 	 = {Das Alphabet des Cuigne mac Emoin [Buch von Lecan, 176a2]},
  journal 	 = {Archiv für Celtische Lexikographie (Neue Mitteilungen aus irischen Handschriften)},
  number 	 = {3, part 3},
  address 	 = {Halle/Saale},
  publisher 	 = {Max Niemeyer},
  date 	 = {1906},
  pages 	 = {226–30}
}
 G504001.bib