Unknown author

Vol. 4

Edited by R. I. Best and M. A. O'Brien

Book of Leinster, formerly Lebar na Núachongbála

1. Incipit Cath Ruis na Ríg

 171a INam i mbai Conchobor i nEmain mínétrocht Macha ár cur chatha na Tana lais. Conna baí bíad ra 22630  tholathar dó ⁊ connar chotail co sám. ⁊ connaro  171a 5 ataim do neoch d'Ultaib cid donrat samlaid ri tremsi na teora coícthiges. & atchuas d'Ultaib anísin .i. Conchobor do bith i sergg ⁊ i sírgalar. ⁊ conna baí biad ra tholathar dó ⁊ connar chotail co sám. ⁊ connaro ataim do neoch d'Ultaib cid donrat 22635  samlaid.  171a 10 And sin dori̇ngned tinól ⁊ tochostul ac Ultaib co hEmain minetroct Macha. & ra comarliced accusom dano. Cia bad chóir do choibsegud na cnedi ra cnedaig ríg Ulad. ⁊ in galair buirb ras básaig. ⁊ ros bánaig ra tremsi na coicthiges. Conn a baí biad ra 22640   171a 15 tholathar do ⁊ connaro ataim do neoch d'Ultaib cid donrat samlaid. Iss ed ro raidsetarsom uili dano corop é in nech ros ail ⁊ ros n-irthócaib .i. Cathbad druí degamra.

Ro luid reme dano Cathbad druí degamra co hairm i mbai  171a 20 Conchobor ⁊ cíís déra folcmara forruada fola corbo ̇fliuch blae ⁊ 22645  brunni dó Airchisis Conchobor do déor Chathbaid. Maith ám and sin amo phopa Chathbaid ar Conchobor. cid dotgní tursech dobbrónach domenmnach. Ro fail ám a morabba damsa sain  171a 25 ale for Cathbad. Na fetar ca cned rat chnedaig. ⁊ ca galar borb rot básaig. ⁊ rot bánaig ra tremsi na teora coicthiges. Fail áni a 22650  morabba damsa bar Conchobor. dáig damriachtatar cethri ollchóiceda Herend. & tuctha leosum a n-áes ciúil ⁊ airfiti ⁊  171a 30 admolta combad lériti na hairgni. ⁊ combad moti na hurbada. ⁊ ra loscit ar ̇ndúnaid ⁊ ar ̇ndegbaleda connach arddi íat nas a n-airidni ⁊ a n-immellaige. & barroebris dano Ailill ⁊ Medb cath 22655   171a 35 formsa. ⁊ rucad láeg mo bó fadéin a purt éicne uaimse. & is samlaid ro boí ca rád ⁊ atbert na briathrasa and.

1. Ro fail limsa domna bróin
   dia festasu a Chathbaid chóir
   Ulaid uile aidble gal
   22660 nirbo chommairge d'óendam.
 p.762
2.  171a Ra thinóil Medb aníar.
   ingen Echach ciarb anríad;
    171a 40 co ruc lé búar ⁊ brat.
   ⁊ ór ⁊ arget.
3. 22665  Ra airgestar Medb co mín.
   co dún Dáire na ̇ndegthír.
   co Dún Sescind ciped de.
   co Dún sirglan Sobairge
4. Ni ̇farggaib nar coiciud chain
   22670 múr vel bale can argain'
   na dún na maítís coscur.
    171a 45vel múr cana díanloscud.
5. Mo damsa is dam dond Dáire
   ma láifeit óic ilgaire;
   22675  nocho raba riam mac bó
   man mó donither d'anró
6. Ni lia esbaid daim na bó
   acaind i coiced Emnó
   na esbaid laich da dluig
   22680  arna ̇fothrucud na ̇fuil. F.

 171a 50 Maith ám a m'anam a Chathbaid bar Conchobor Cade do chomairlisiu dún. ⁊ is amlaid ra baí ca rád ⁊ atbert na briathra.

1.  171b A Chathbaid comairle dún.
   donringni mertain mírún.
   22685  térna Medb assin chath glé
   iss ed am rar medairne.
2. Nirbo chóir do Meidb don Maig.
   tinol ar cend mo daim;
   ciarsa dam co nda mbeind óir.
   22690  beth acum nirb ̇furóil.
 p.763
3.  171b 5 Cembad é a damsi bad mó
   irb ̇furail di láeg a bó;
   áeg ar mbó féin fath amne
   irbo chóir a iarraid ̇foirne.
4. 22695  Meir is forni im laeg ar mbó
   uc ingen Echach anró;
   ithig dún dul da dígail.
   ar Meidb barsin mórrígain.
5.  171b 10 Ra díglais chena co crúaid.
   22700  a Chonchobuir chlaidebrúaid;
   brissiud catha cuman lem.
   bar cethri choicid Herend.
6. Noco chath na tuitt rí redg.
   ar cruadbach ar coṁferg;
   22705  sluag do thérn am a cath chain.
   bothait rí mat ruanaid.
7.  171b 15 Súail nach ed domgní marb.
   mo tharbga ac troit na dá tarb;
   meni thí mo throitse de.
   22710  ⁊ mac Matae Murisce.
8. Meni thaeth Ailill is Medb.
   lemsa man dáilse co derb;
   atberim rib aidblib tuir.
   mebais mo chride a Chathbaid. A.

22715   171b 20 Is hí mo chomairlese duit ale bar Cathbad. anad din chursa. Daig at garba na gáetha. ⁊ at salcha na sligeda ⁊ at móra na haibni ⁊ na huscida. ⁊ at gabalta lama láech ra den am dunad ⁊ dindgna i  171b 25 crichaib echtrand. & an dún in tsín co tudca samratta chucaind. corop cerchaill cach fót feránach. corop suntaich ar seneich. Corop 22720  séitrig ar serraig. Corop slána ar fir da fuilib. ⁊ chnedaib a haithli  171b 30 chatha Thanad Bó Cualnge. Coro gairdi na haidchi ri fot ⁊ ri foraire ⁊ ri freccomas i n-iathaib bidbad ⁊ i críchaib echtrand. Is amlaid ra boí ca rád ⁊ atbert na briathra.

1.  171b R. Ni hinam inrim errach.
   22725  is fúar gabél gáethach.
   garfit ili Elga
   airderg in bith
    171b 35 bebsat buale febra fáebra.
   fanna mila marta.
   22730  trena uile aperóil
   oenach morc maimthi
   moaigsem ri céim nítha
   connach inaim inrim erracn. N.

& an dún ale bar Cathbad dáig ní fuil tár do t inchaibsiu and 22735   171b 40 sin. Dáig echlach ras ruc i n-aithed ⁊ i n-élúd uaitsiu tri lár catha fer ̇nHerend síar sechtair. & da ructha can digail bad chotamus do chétamus fair sin. Acus faítti fessa ⁊ tecta uaitsiu chena cot  171b 45 chairdib écmaissi .i. Co Conall crúaid coscorach commaidmech cathbuadach claidebderg co airm i fail ac tobuch a chisa ⁊ a chanad 22740  i crichaib Leódús i n-insib Cadd ⁊ i n-insib Or. ⁊ i críchaib Scithia ⁊  171b 50 Dacia ⁊ Gothia ⁊ Northmannia ac tastel Mara Ict ⁊ Mara Torrián ⁊  172a ic slataigecht sliged Saxan. & faítte fessa ⁊ tecta uait no cot chairddib écmaisse co iathaib Gallecda co Gallíathaib na nGall. .i. Co Amlaíb Ólaib hua Inscoa rig Lochlainne. Co Findmór 22745   172a 5 mac Rȯfir co ríg sechtmad rainni de Lochlainn. Co Báre na Sciggire Co dunud na Piscarcarla. Co Brodor Roth. ⁊ co Brodor Fiúit. amp  172a 10a co Siugraid Soga ríg Súdiam. Co Sortadbud Sort co ríg Insi Orc. Co secht maccaib Romrach Co hIl co Ile Co Mael co Muile. Co  172a 15a Abram mac Romrach Co Cet mac Romrach Co Celg mac Romrach 22750   172a 20aCo Mod mac Herling. Co Conchobor coscarach mac Artuir meic Bruide meic Dungail. co mac ríg Alban. ⁊ Clothra ingen Conchobuir a mathair.

Cia do ragad risin tectairectsin bar Conchobor. Cia do ragad  172a 10b and bar Cathbad acht mad Findchad mac Conchobuir and sut. & 22755  Aed Cáem mac Conaill Chernaig. & Oengus mac Oenláma Gábae.  172a 15b & Cano Gall do múnud eoluis dar muncind mara ⁊ móṙfairge dóib. Is and sin ra lotar sin rompu dar muncind mara ⁊ móṙfairgi co  172a 20b hairm i mbaí Conall Cernach i críchaib Leodús. & condnoathatar dano na scela ro batar accu do Chonall. Ferais dano fálte fri

22760   172a 25 Findchad mac Conchobuiramps. ⁊ dobretha a láim dara bragit ⁊ dobretha teora póc do. Is and dano barridnachtatarsom dósum Táin Bó Cualnge do breith a hUltaib. Sceinnis a chridi cruaid colomda Conaill a miduactur a chléib. immar thoirm tuinne trethanglasi  172a 30 ra tír. Atdirsa brethir am bar Conall mad da mbeindse i crichaib 22765  Ulad conna bertha in táinsin can digail bad chotamus don chetamus fair. Is samlaid ro baí Conall dano ⁊ fessa ⁊ furic arna ndén am  172a 35 dó and sin. ⁊ ba gléire descad ⁊ ba aibbgetus a hóla and sin. amp robretha Conall in fleidsin do mathib Ulad. & faítte dano fessa ⁊ techta uad coa chairddib écmaisse fo iathaib Gallecda co 22770  Galliathaib na nGall. Is and doronad tinól ⁊ tochostul leosum  172a 45 dano. & ro hellamaigit a llonti leosum dano. ⁊ ra. glinnigit a llȯnga ⁊ a llaídėng. & tancatar co hairm i mbaí Conall.

Is and confaítti nonall fessa ⁊ techta uad co iathaib Ulad. conná  172a 45 betis Ulaid i n-etarlén rithalma ar cind a mbidbad ⁊ a nnamat ⁊ 22775  a n-echtrand. Is and sin rogniad comairle la Ultaib dano. ⁊ darónait fessa ⁊ fuireca leosum dano. Dogensa fled ar Cu Chulaind  172a 50 i n-accill ⁊ i n-airichill Conchobuir ac Dún drechsolus Delgga. Dogensa fled mórchaín móradbul aile bar Celtchair mac Uthechair  172b i n-accill ⁊ i n-airichill Conaill Chernaig meic Amairgin ac 22780  Carraic Murbuilg. Dogensa no fled morchain móradbul aile for Loegaire ac Inbiur Seimne thuaid.

 172b 5 Ra ergitar tra in tromchoblach mór muride amal at rubramar ba Chonall Cernach mac Amairgin. & ma Findchad mac Conchobuir. amp ma Aed Caem mac Conaill Chernaig. & ma mathib Lochlainne. & 22785  tancatar rempu immach bar Sruthair na Maile Chind Tiri. &  172b 10 atraacht glassanfud in mara móradbuil dóib. & atraachtatar a róin ⁊ a rossail ⁊ a chorrcind ⁊ a chenandáin ⁊ ilríana in mara moradbuil dóibsium dano. Is é tressi inn anfaid ra érig dóib coro rainned in coblach i trí Tanic trian dib ma Chonall Cernach 22790   172b 15 mac Amairgin. Co Carraic Murbuilg. Tanic trian aile ma maccaib Romra co hInber Semni. Dolluid in trian aile mo Álaib hua Inscoa ríg Lochlainne. ⁊ ma Findmór mac Rȧfir ríg in sechtmad raind  172b 20 do Lochlainn. & ma Báire na Sciggiri a dunud na Piscarcarla. amp dollotar sain co Tráig ̇mBale meic Buain. co hInber Linni Liiach- 22795  ainne. Is in tansin ro lluid Conchobor reme cóiċfiur ⁊ tri fichit ar noí cetaib co hInber Linni Luachainne. & ra hecrad tech n-óil ⁊  172b 25 airaibniusa leis i nDún drechsolus Delga. Nirbo chian do Chonch- obor dia mbaí and co facca na corrgabla siúil ⁊ na lȯnga luchtlethna. 22800  ⁊ na pupla corcarglana. ⁊ na merggida alle illdathacha. ⁊ na confingi  172b 30 catha. ⁊ na síblȧnga gorma glainidi ⁊ na hidna áig. Maith and sin

 172b a degáes dána sa thís. Tabraid curu ⁊ tenta ⁊ trebairi damsa. Maith a thríath ⁊ a thigerna bar Sencha mac Ailella. cid má tá latsu sain. Mét far ndolaid ⁊ far murir dam far Conchobor. Febus 22805   172b 35 mo chommain crichi ⁊ ferainn ⁊ ̇forbbaid foraib. Febus mo chommain sét ⁊ maíni ⁊ indmassa foraib. Nabad ̇furáil dam na ticfad d'ulc ⁊ do maith dam ón chind bliadna ca chéile sibsi na  172b 40 remúr ⁊ na airichill dam. Maith a thríath ⁊ a thigerna bar Sencha mac Ailella cid ma tá latsu sain. Nad ̇fetarsa am bar Conchobor 22810  act manip íat in Galián Lagen. vel in Mumni mór Muman. vel choiced Ól nEcmacht dariacht and. acht is midlán Inber Linni Luachainne.  172b 45 ⁊ Traig Baile meic Búain. Atiursa brethir ám bar Sencha mac Ailella. nach tarmchillend Herind óclách do neoch dobeir a láim i llaim tigerna nach aichnid damsa. & mad iat fir Herend bes and 22815  iarfatsa sossad catha forthusom no co cend cían coícthigis for  172b 50 mís. Acus mad iat do charait écmaisi bes and a iathaib Gallecda ⁊  173a Galliathaib na ̇nGall. ba ferr son letsu cach maín. Dambad iat bar Conchobor rapad lugaiti bar n-eneclannsi.

Is and sin ra luid reme Sencha mac Ailella co airm i mbaí in 22820   173a 5 tromchoblach mór muridisin. ⁊ ro iarfach dano díb. Cia dothaet and. Iss ed ro ráidsetarsom dano corbo iat carait écmaisi Conch- obuir ro batar and. Tanic remi Sencha co hairm i mbaf Conchobor. Maith ám a m'anam. a Chonchobuir. iss iat do charait écmaisisiu  173a 10 failet and sút a íathaib Gallecda ⁊ a Galliathaib na nGall. Cid tra 22825  acht nir chutulsa do Chonchobur in Heriu etir ra mét leis a brotha ⁊ a bríge ⁊ a báige. & ro mebaid loim cráo ⁊ ̇fola dara bél sell sechtair. & in cháep chró ⁊ ̇fola ro boí fora chride is sí ro sceastar ra halt na huairesin.

 173a 15 Maith a Chu Chulaind bar Conchobor gabtar latt gabra Maige 22830  Murthemni. Indliter carpait chethirríad forro. & tabar lett mathi Lochlainne i carptib ⁊ i cethirriadaib co Dún drechsolus Delga.  173a 20 Corop fa dreich ríg Lochlainne ecairther in tech óilseo ⁊ aíbniusa. Is and ro gabait gabra Maige Murthemni ⁊ ro hindlit carpait ⁊ cethirriada forro. ⁊ rucait i n-agid ríg Lochlainne. ⁊ tucait iat co 22835  Dún ̇ndrechsolus ̇nDelga. & ra falmaiged in bruiden la Conchobor.  173a 25 Corop fa dreich ríg Lochlainne ro hecrad assa aithle hí & ra ergitar iar tain rannair fri raind accu ⁊ dalemain fri dáil. & ro

 173a dáiled in ̇fledsain for mathib Lochlainne. corbat mesca medarcaíni.  173a 30 In n-uair ropo thressiu flaith firu. ⁊ ba comrád cacha dessi ⁊ cach 22840  thrír díb. ra curit ina n-aitib ⁊ ina n-imdádaib ⁊ ina cotaltigib iat. Ro canait ciúil ⁊ airfiti ⁊ admolta dóib. ⁊ tarrassatarsom and co solustrath éirge arnabarach.

Ro érig im Conchobor mochtrath arnabarach. & tucad Cu  173a 35 Chulaind da saigid. Maith sin a Chu Chulaind bar Conchobor. 22845  Tabar in deired fledi fail acut do mathib Lochlainne corop budechaiti íat. & faitti fessa ⁊ techta uait fó iathaib Ulad cu hócaib Ulad. Frithálter leosom no a carait Gall a Galliathaib na ̇nGall. Co  173a 40 ndigiursa co hInber Linni Luachainne. Co ̇ngabthar sossad ⁊ long- phort lim and. Ráid dam dano risna tri coicait senorach senlaech 22850  ro failet ina ligi aísi fá Irgalach mac Maclaíg meic Congaile meic  173a 45 Vudraige ár ̇ndichur a ̇ngascid ⁊ a n-arm. Ráid damsa riu tiachtain lem in fectsa ⁊ in sluaged. combad da réir ⁊ da comairle donethea é Messi da rád riu bar Cu Chulaind ni ebber ⁊ a ndul ní mesti lem dano.

22855   173a 40 Is and ra lluid Conchobor reme issin rigthech romór i rrabatar na senóraig ⁊ na senlaich. Is and sin tuargabtarsoin a cind assa  173b n-atib ⁊ assa n-imdadaib ra facsin in ríg rosclethain romóir. amp nirbo chutulsa dano dóibsium a menma. Suail nach farroeblȧngatar in bruiden i rrabatar díb. Maith a thríath ⁊ a thigerna bar iatsom 22860   173b 5 cráet rot astraig ⁊ rot imluaid chucainni indiu. Nach cualabairsi ar se in sluaged combágasa tancatar cethri ollchoiceda Herend chucaind da tucsat a n-aes ciúil ⁊ airfitid ⁊ admolta leo. combad leriti na hairgni ⁊ combad moti na hurbada. ⁊ ra loscit ar ̇ndúnaid  173b 10 ⁊ ar ̇ndegbaleda connach airddi iat nas a n-airidni ⁊ a n-immellaigi. 22865  & rop áil damsa dano sluaged combága chuccusom. ⁊ combad dabar reirsi ⁊ dabar comairle donethe in fecht ⁊ in sluaged. Gabtar ar  173b 15 sengabra latt ⁊ indliter ar sencharpait co ndechsum in fectsa ⁊ in sluaged latt. Iss and ro gabait a sengabra leosom ⁊ ro hindlit a sencharpait. & táncatar rompu co hInber Linni Luachainne. in 22870  n-aidchisin. & rocuas do chethri ollchoicedaib Herend sain. & ro  173b 20 chrithnaigsetar tri tonna Herend remisin in n-aidchisin .i. Tond Chlidna. ⁊ Tond Rudraigi. ⁊ Tond Tuage Inbir. Is and sin folluid Eochu mac Lucta remi co clannaib dílsib dorecartachaib Dedad co 22775  Temraig Luachra anairtúaid. Is and sin Ailill ⁊ Medb co  173b 25 Cruachanráith Connacht. Is and sin falluid Find inac Rosa rí

 173b Galían co clannaib Deirg imme co Dinn Ríg ós Berba bansolais. Is and falluid Carpre Nia Fer co Luagnib Temrach imme co Temraig.  173b 30 Is and sin ra comarleiced comairle ac Eochu mac Luctai ⁊ ac 22880  clannaib Dedad .i. Cach beó da aissec ⁊ cach aissec da beó imden am a chríchi ⁊ a ̇feraind do Chonchobur mac Fachtnai. Fathaig .i. Sond i nn-inad cach suind. ⁊ gríanan i nn-inad cach grianain. Teg  173b 35 i nn-inad cacha tigi. Bó i nn-inad cacha bó dam i nn-inad cach daim. & in Dond Cualngi fair anúas. Comleithet a aigthi do dergór 22885  do Chonchobor don chursain. ⁊ can sluaged combáge d'insaigid fer ̇nHerend.

Is and sin dano ro faitte fessa ⁊ techta ó Eochu mac Luctai  173b 40 co Ailill ⁊ co Meidb risin comaidsin. Docúas do Ailill ⁊ do Meidb anísin. Ro gabtha gólám dontí o tuctha na comairlisin. Uair 22890  in n-airet bes ocainni nech risba heitir erdorn claidib ⁊ sciathrach  173b 45 scéith do gabail fó brágit ní raga dósum in chomasain. Nad orgenamarni ̇fortsu in chomairlisin a merddrech. út bar Ailill. Dáig ni mmó ar cuitni dá ícc sain anda cuit cech ̇fir do chethri  173b 50 ollchoicedaib Herend do neoch ra buí for sluagud Tana Bó Cualnge. 22895  At fua limsa ón bar Medb. Cia do ragad risin techtairechtsain bar Ailill. Cia ar Medb. acht  174a Dorn Ibair hua Cipp goband. ⁊ Fadb Darach hua Omna. Mebais a ̇fáitbiud gáire for Fergus. Cid dobeir th' orfáiltius bar Ailill. fail a morabba damsa sain bar Fergus. Duni is mó is bidba

Is and sin dano ro faitte fessa ⁊ techta ó Eochu mac Luctai  173b 40 co Ailill ⁊ co Meidb risin comaidsin. Docúas do Ailill ⁊ do Meidb anísin. Ro gabtha gólám dontí o tuctha na comairlisin. Uair 22890  in n-airet bes ocainni nech risba heitir erdorn claidib ⁊ sciathrach  173b 45 scéith do gabail fó brágit ní raga dósum in chomasain. Nad orgenamarni ̇fortsu in chomairlisin a merddrech. út bar Ailill. Dáig ni mmó ar cuitni dá ícc sain anda cuit cech ̇fir do chethri  173b 50 ollchoicedaib Herend do neoch ra buí for sluagud Tana Bó Cualnge. 22895  At fua limsa ón bar Medb. Cia do ragad risin techtairechtsain bar Ailill. Cia ar Medb. acht  174a Dorn Ibair hua Cipp goband. ⁊ Fadb Darach hua Omna. Mebais a ̇fáitbiud gáire for Fergus. Cid dobeir th' orfáiltius bar Ailill. fail a morabba damsa sain bar Fergus. Duni is mó is bidba  174a 5 22900  d'Ultaib barsin bith do Meidb da saigid. Uair cenco dernad d'ulc ríam vel iaram friu. acht mad Mend niac Salcholgan do goin bar Renaib na Bóinne ropad lór d'ulc dó ⁊ cid ed bar Fergus  174a 10 ni hecal dó ní don chursa ⁊ teigedsom and. dáig nit feltaig airecta in luctsain. Is and sin tancatarsum rompu co Temraig.

22905  Is and sin falluid Find mac Vosa rí coicid lámdeirg Lagen co  174a 15 clannaib Deirg immisium co Temraig fathúaid co airm i rrabi a brathair Carpre Nia Fer. & atchúas dóib na comadasain. & ra comarléiced acu cia do ragad risin tectairechtsain. Iss ed ro raidsertarsom combad é Fidach Ferggach Feda Gaible. dáig fer 22910   174a 20 fathach fíamach fírglicc é Is and r lotarsom rempu fathúaith co airm i mbaí Conchobor. ⁊ ro innisetarsom dó na comasain .i. Cach beo da assec ⁊ cach assec da beó imdénam a chríchi ⁊ a ̇feraind  174a 25 do Chonchobur mac Fachtnai ⁊ sond i nn-inad cach suind. ⁊ grianán i nn-inad cach grianain. teg i nn-inad cach thigi. bó i nn-inad cacha 22915  bó dam i nn-inad cach daim. ⁊ in Dond Cualnge ̇fair anúas.

 174a Comleithet a aigthi do dergór do Chonchobur. ⁊ can sluaged combáige d'insaigid fer ̇nHerend don chursa. Amlaid baí Conchobor  174a 30 cá n-acallaim ⁊ atbert na briathra.

1. Can as tancatar na techta
   sund do chéin
    174a 35 22920  in slainnid damsa bar n-echtra
   in dam réir.
2. Tancamar ón Chruachain chróda
   nach bec blad
   cucutsu a Chonchobuiramps chóra
   crúaid do gal.
3. Tancamar ra himluad n-athisc
   dait a rí'
   á Meidb is a Ailill amra
   calma a crí
4. 22925 Slainnid dam bar n-athisc n-amra
   nach bec blad
   a cheithern rogasta raglan
   cipé chan. C.

 174a 40 Atbiursa brethir ám bar Conchobor connach gebsa comaid dibsin. naco raib inad mo phupla cacha cóicid i nHerind feib ro saidsetsom a pupla. a mbotha ⁊ a mbélscálana. Maith a Chonchobuir bar  174a 45 22930  iatsom Cáit i ̇ngabaisiu sossad ⁊ mórlongphort innocht. I rRos na Ríg ás Bóind bansoluis bar Conchobor. Dáig nír cheil Conchobor riam bara namait bail i ̇ngebad sosad vel longphort. conna hapraitis combad ecla vel uamun doberad fair cana rád.

 174a 50 Is and sin ra lotarsom rempu co Temraig fades co hairm i mbaí 22935  Carpre Nia Fer. ⁊ Find mac Rosa. & batnoathar dóib na scélasain.  174b Maith and bar Carpre Nia Fer mad cucainni dobera Conchobor ⁊ Ulaid a n-agid. ticed Ailill ⁊ Medb nar furtactni ⁊ nar forithin. Mad sechoind digset i coiced cenḋfind Connacht ragmaitni na ̇furtachtsom. ⁊ na forithin.

22940   174b 5 Is and sin dano ra lotar na techtasin rompo co airm i mbaí Ailill ⁊ Medb. & an uair rancatar ro gab. Medb. ac iarfaigid scél díb. Is amlaid ra buí ca rád ⁊ atbert na briathra.

1. Can tecait na techta.
   slainnid dam far slecta
   22945  co Conchobor Cairn.
   in n-anand i nEmain
    174b 10 in flaith cusna fledaib.
   vel inn ed tic do debaid
   i ndegaid a tairb.
 p.770
2. 22950   174b 12 Nochon anat Ulaid.
   nocho chert na cubaid
   damait d'airecht Breg.
   niba crecha gairdi
   naco roisset ̇fairggi
   22955  naco ndernat airgni
   far Carpre Nia Fer.
3.  174b 15 Beit ina rith romaind
   ticfat a cind da colaind
   mad da tí a thig.
   22960  biatsa sund i mbalib
   can locht is can anim.
   dáig is lór lim Lagin
   i n-agid ind ̇fir.
4. Da torset meic Magach
   22965  in slúag brotla bágach
   bud croderg a llamach
    174b 20 i cath Ruiss na Ríg.
   Da tora rí Macha.
   saifitir a datha.
   22970  claifitir a ratha
   tairnfithir a brig;
5. Da torset ar sluaigni.
   tinólfaider úanni
   bid condalb in cúani
   22975  i fir catha can. C.

 174b 25 Imthúsa Conchobuir tanicside reme dírrám slóig móir co Accaill Breg ⁊ co sligid ̇mBreg. And barrecaim Ailill flathbriugaid dosum and. Maith and a Chonchobuir bar Ailill. Cid in dirram slóig móir rofail it egaid ⁊ cid ass áil latt dol.

22980   174b 30 Co rRoss na Rig ás Bóind bansoluis and so. bar Conchobor Noco glinnigthi duitsiu sain ale bar Ailill acht is foenglinni. Daig ron fuilet in Galían ⁊ Lúaigne na Temrach and sain bardo chind.  174b 35 Geiss damsa dola dom chonair ale bar Conchobor & geiss dam dola i cath can lín. Gabar sosad ⁊ longport acainn and so fodectsa 22985  bar Conchobor. Sáitter ar sosta and so ⁊ suidigter ar pupla. Gníter

 174b ar ̇mbotha ⁊ ar ̇mbélscáláin. Dentar irgnam bíd ⁊ lenna. Dentar  174b 40 praind ⁊ tomaltus. Cantar ciúil ⁊ airfiti ⁊ admolta acaind and. Is and ro saittea a sosta ⁊ ro suidigthea a pupla. rognithea a mbotha ⁊ a mbélscálain. ra ataithé a tenti. Dori̇ngned urgnam 22990   174b 45 bíd ⁊ lenna. Doronait gretha glaṅfothraicthi leo. ⁊ ro slemunchirtha a fuilt. ra minglanta a cuirp. Ro caithed praind ⁊ tomaltus leo. amp ro canait ciúil ⁊ airfitid ⁊ admolta leo.

Maith and sin a Ultu bar Conchobor. in fagum acaib nech dig  174b 50 do midem ⁊ do mórdescain barin slúag. Ragatsa bar Féic mac 22995  Follomuin meic Factna Fathaig. Is and sin luid remi Féic mac Follomuin meic Factna Fathaig. Co rránic co Dinn na. Bóinne  175a bánsoilsi. Ar sain ro gab ac midem ⁊ ac mórdescain arin slúag. & ceisis a menma cu mór forthusum 'no. Ragatsa fathúaid innossa  175a 5 bar Féic co hairm i failet Ulaid. ⁊ inniasat dóib in slúag do bith 23000  icom fuatechtsa. Ticfait Ulaid atúaid. Gébaid cách a lathir catha ⁊ comlaind ⁊ comraic dib. Niba mó a nós na allud na erdarcus damsa in chathaigthe assa aithle andá do cech oeṅfir  175a 10 d'Ultaib. & cid damsa na curfind mo chomlund a chetóir romum. & ra lluidsium reme innund dar inber na Bóinne. & tuc bleith 23005  mulind tuathbil forthu. Tuc a n-airthiur fora n-iarthur. ⁊ a ndesciurt fora tuasciurt. ⁊ ro gairset in slúag i n-oeṅfecht immisium.  175a 15 & ni forul̇ngither dósom beith i cind in tslóig romóir. ⁊ tanicsium romi d'innaigid inn inbir dara tanic innund. & ní hed barroe- blȧngair dosom itir ón. acht ra li̇ngestar saebléim isin ̇mBoind 23010   175a 20 ̇mbansoluis. Mara boí inber bud domni a cheili ara Bóind ro lingestar sáebléim and coro thib tond tairis. Coro báded sin lindsin can anmain etir. Corop búan ⁊ corop marthanach da éis a innchomartha. Corop Lind Féic ainm na linni inro báded.

Rop imgen ra Conchobor ⁊ ra Ultu ro boí in fersain na écmais. 23015   175a 25 Maith ém a Ultu bar Conchobor. in fagaimse acaib nech dig do midem ⁊ do mórdescain dam barin slúagsin. Ragatsa and bar Daigi mac Dega de Ultaib. & ra luid reme connici in tulaig tigernais  175a 30 cétna as ur na Boinne bánsolsi. Ro gab ac midem ⁊ ac mordescin in tslóig. ⁊ cessis a menma ⁊ a aicned ⁊ a innithim ̇forthu fon cumma 23020   175a 35 cetna. Ra baí ca rád na cétna. ragatsa fathúaid ám bar ésium ⁊ inniasat d'Ultaib na slúaig do bith i comúaitecht út. Dorosset Ulaid atúaid. Gebaid cách a lathir catha ⁊ comlaind ⁊ comraic. ⁊ niba mó a nós na allud na irdarcus damsa in chathaigthe anda do cech oeṅfir díbsium. & ragatsa d'innaigid in tslóig coro churiur

23025   175a 40 mo chomlond romom. Is and sin do lluidsium dar inber na Boinne innund. ⁊ ro mesc barin slúag é & ra theigsetar na slúaig immisium do dib lethib 'no. ⁊ bognítha guin galann de. co torchair accu.

 175a 45 Ba imgén ám ra Conchobor ro bátar sain. Maith ám a Irgalaig meic Maclaig meic Congaile meic Rudraige. in n-abbrai cia as 23030  chóir do thechta do midem ⁊ do mordescin barin slúag. Cia do ragad and ale bar Irgalach. acht mad Iriel gascedach Glunmar  175a 50 mac Conaill Chernaig. Acht is Conall ar choscor é is Cu Chulaind ar chlessamnacht. Is Cathbad druí degamra ar chéill ⁊ ar chomairle. Is Sencha mac Ailella ar síd ⁊ ar soberla. Is Celtchair 23035   175b mac Uthechair ar chalmacht. Is Conchobor mac Fachtna Fathaig ar rígdacht ⁊ ar rosclethni. ar thinlucun sét ⁊ maíni ⁊ inmass. Cia do ragad acht mad Iriel. Ragatsa and ale bar Irial.

 175b 5 Is and luid Iriel reme connici in taulaig tigernais cétna ós ur na Bóinne bansolsi. Gabais ac midem ⁊ ac mórdescin in tslóig. 23040  Nir cheiss a menma na aicned na innithim forthusum itir. Atetha a tuarascbáil leiss co hairm i mbaí Conchobor.  175b 10 Cinnas a m'anam a Iriel bar Conchobor. Atdiursa brethir ám bar Iriél dar limsa na fail áth for abaind. na lia for tilaig. na chend róit na sliged bar crig Breg vel Mide nach lán dá ̇ngraigib ⁊ da ̇ngillaib. 23045   175b 15 Andar lim at lassar rígthigi di leirgg a tlachtga ⁊ a n-errid ⁊ a n-éttaid bar Iriel. ro ráid Conchobor.

1. In fir a n-atfiadat na fir.
   a Iriel galaig glungil;
   teora catha for clár chliu.
   23050  arar cind i comnaidiu.
2. Atát i ceilg ardo chind.
   issin ross imthéit Boind;
   teora catha clainne Deirg.
   lassait mar lassair dar leirg.
3. 23055   175b 20 Na techta dachuatar úan.
   da ̇fis ca lín atá in slúag;
   ni thicfat sund miad nar lac.
   is e a ̇fír a n-arfiadat. In.

Maith a Ultu bar Conchobor cade far comairle dún in tibirther 23060   175b 25 in cathsa lind. Is i ar comairle ar Ulaid anad co tisat ar treóin

 175b ⁊ ar tóisig ⁊ ar tigernmais ⁊ ar ful̇ngidi catha. Nirbo ̇fata inn irnaide dóib ⁊ nirbo chían in chomnaide co faccatar tri carptig dá n-innaigid. Buiden dá cét déc i comair cecha carptig díb. Is  175b 30 iat ro baí and sain triar degaesa dána d'Ultaib .i. Cathbad drui 23065  degamra. & Aithirni Algessach. ⁊ Amargin in fer dána. Maith a ócu bar Conchobor cade bar comairle dún. Is i ar comairle ar iatsom anad co tisat ar treóin ⁊ ar toísig ⁊ ar tigernmais  175b 35 ⁊ ar ful̇ngidi catha. Is and sin ra ansat. Nirbo chían in chomnaidi ⁊ nir ̇fata inn irnaide. Co faccatar tri cairptig aile da n-insaigid. 23070  ⁊ buiden trí chet dec i comair cacha carptig. Is iat tánic and sin.  175b 40 Eogan mac Durthacht. & Gaíne mac Daurthacht & Carpre mac Daurthacht.

Cade bar comairle dún a ócu bar Conchobor. Is í ar comairle ar iatsum anad co tisat ar treoin ⁊ ar tóisig ⁊ ar tigernmais ⁊ ar 23075  fulngidi catha. Ro ansat. Nirbo chían in chomnaidi ⁊ nir ̇fata  175b 45 inn irnaide. Co faccatar tri carptig aile dá n-insaigid. Is iat tanic and sin. Tri meic Connaid Buide meic Iliach .i. Loegaire Buadach. ⁊ Cairell Coscarach. ⁊ Aed Anglonnach. Buiden cethri chét déc i comair cach carptig díb.

23080  Cade bar comairle dún a ócu. Is i ar comairle ar iatsum anad.  175b 50 co. tisat ar treoin. ⁊ ar toisig ⁊ ar tigernmais ⁊ ar ful̇ngidi catha. Nad orgen amarni ̇foirbsi siii a ócu. Dáig atá trian slóig Ulad sund.  176a ⁊ ni ̇fail acht trian slóig fer ̇nHerend and sút. bar Conchobor. Cid dún na tibrimmis in cath.

23085  Is and sin atraacht Conchobor ⁊ ro gab a chatheirred catha ⁊ comlainn ⁊ comraic imme. Atraacht trian slóig Ulad laisium 'no.  176a 5 & lotar dar inber na Boinni innund. & atractatar na slóig aile dóib ar ̇ndul dar inber na Boinne innund. & ro gab cách díb ar slaide ⁊ ar slechtad araile. far foirtched ⁊ far foillged. conna baí 23090   176a 10 samail Ulad ra halt na huairesin. Acht na beth rúaddaire romór bar lár machaire ⁊ na gabad mórslúag na farrad. ⁊ ra étlaithé a cháel ⁊ a mín in ̇feda ass. ⁊ ra factha a railge rúada romóra da éis. Is amlaidsin ra slaidit a ̇ngillai óca aitedchasum. ⁊ a n-aesócbad.  176a 15 conna raba acht a curaid ⁊ a cathmilid ⁊ a ndegláith gaile da n-éis. 23095  Cid tra acht nir barul̇ngither da ̇ngillaib óca aitedchasum. Na cor memaid roscbéim rígdaide díb triasin cath fothúaid.

 176a 20 Is and sin ra tuairced inn Óchaín scíath Conchobuir coro gésestar. Coro gésetar trí tonna Herend .i. Tond Chlidna. ⁊ Tond Rudraige.

 176a ⁊ Tond Tuage Inbir. Coro gésetar scéith Ulad uile inn uairsin. 23100  Cach óen ra boí ara nguallib díb ⁊ ina cairpdib.  176a 25 Is é in lásain barrécaim d'Ultaib tidacht immach. & barrecaim Conall i rremthús resna sluagaib. Acht cid airchind ra betís eich bad luaithiu ná eich Conaill and. Niro lam nech d'Ultaib aiged a ech na charpat do thabairt sech Conall. Iss and sin ra 23105   176a 30 chonncatar glasláth Ulad gnúis Conaill cucu ra halt na uairesin. & ra ansatar. dáig rap anad fa inneoin leo. & rapo doss díten ⁊ rapo buinne bratha. ⁊ ropo lám i n-uachtur leo Conall. Dáig ba demin leo ni ̇fil inad i faicfithé gnúis Chonaill ara teichfithe and.

 176a 35 Is and sin ra lotar fón fid ba comnessam dóib. ⁊ ro benatar 23110  dairbre glasdarach i lláim cech ̇fir. & ro redigsetar inad da ̇ndornaib intib. ⁊ tuargabtar rian -aiss na glasgesceda darachsain. ⁊ tancatar maróen ra Conall i cend i chatha.  176a 40 Is and sin barrecaim á rig Ulad tri traigid techid do breith assin chath fathúaid. Dercais ⁊ fégais Conchobor dara aiss ⁊ ra. chonnaic 23115  gnúis Conaill da saigid. Maith a Chonaill bar Conchobor in cath bar th'oesam ⁊ bardo chommairge. Atiursa brethir ám ar Conall  176a 45combad assu limsa in cath do thabairt m'oenur a chianaib. andá in maidm do ̇fossugud innossa. & dimbúaid do ríg cóicid farsin ̇mbith a ̇facciáil i mmaidm vel i mmórthechiud. & is samlaid ro 23120  boí Conall ⁊ atbert na briathraso and.

1.  176a 50 Dimbúaid fir
   frithrosc madma.
   maidm ria ̇ngnúisib.
   ócbad n-essairm.
   23125  gillanrad diairm.
   dichra fedma
   fuidb do anocht.
   follogod féile.
    176b rith fri geltaib.
   23130  gair ri dogur.
   dál ri dimbúaid. D.

Is and sin selais Conall in claideb aithgér. iarlebur assa intig bodba. ⁊ dobert cocetul a chlaidib barna sluagaib. Atchloss rucht  176b 5 claidib Conaill darna cathaib cechtarda ra halt na huairesin. Cid 23135  tra acht feib rachualatar cocetul claidib Conaill. ra chuclaigetar a

 176b crideda. ⁊ ra luamnaigsetar a ruisc. ⁊ ra bansatar a ̇ngnúisi. ⁊ ra scuich cách dara ais díb ina inad catha ⁊ comlaind ⁊ comraic. Cid tra acht is and sin ra dercastar Conall dara aiss. & rachonnairc da innaigid Mes Dead mac Amairgin. Maith a m'anam bar 22140  Conall a Meis Dead in cath ar th'oesam ⁊ ardo chommairgi. Is  176b 15 ucht ra mórdilind alt neich mar sein itradsa ale bar Mes Dead. Is and dercis ⁊ déchais Mes Dead mac Amairgin dara ais. & rachonnairc da innaigid Ánruth Mór mac Amargin. In cath bar th'oesum ⁊ bardo chommairgi a Ánraid Móir meic Amargin. bar Mes Dead 23145   176b 20 coro cherddaind mo búraig ferge ⁊ mo thigardail ̇mbodba farna sluagaib. Is saiget i coirthi alt neich mar sein i trathsa ale bar Ánruth Mór mac Amairgin.

Is and sin fégais Anruth Mór mac Amairgin dara aiss. ⁊ atconnairc  176b 25 Feithen Mór mac Amairgin. Maith a Feithin Móir meic Amairgin 23150  in cath for th'oesum ⁊ ardo chommairgi. Coro cherddainse no mo búraig ferge. ⁊ mo thigardail ̇mbodba forna sluagaib.

 176b 30 Is and sin ro dercastar in Feithen Mór mac Amairgin dar ais. Atconnairc da innaigid in Fethen Bec mac Amairgin. In cath for th'óesam ⁊ ardo chommairgi a Fethin Bic meic Amairgin. ar 23155  in Feithen Mór coro cherdainse nio buraig ferge ⁊ mo thigardail mbodba. forna sluagaib. Is essarcain cind fri hallib ám alt neich mar sain ale ar in Fethen Bec.

 176b 35 Is and sin fegais in Fethen Bec dar aiss. Atchonnairc Atherni Algessach da saigid. In cath for th'oesam a Atherni Algessaig 23160  for in Fethen Bec. coro cherdainse no mo buraig ferge ⁊ mo thigardail bodba forna sluagaib Ba chuta dom seilbse sain ale for seilb neich n-aill n-aile.

 176b 40 Cid tra acht iss and sin atchondairc Atherne Algessach Cu Chulaind da saigid. In cath bar th'aesam a Chu Chulaind bar Aitherni 23165  Algessach. Ba chuta damsa ón ale bar Cu Chulaind. inund són ⁊ daic dím. Act doberimse mo brethir ris ar Cu Chulaind nach  176b 5 fail do Ultaib nech dobera a agid ̇formsa assin chathsa arnad tressiu slaidfetsa cach fer d'̇feraib Herend. na cach fer díbsium. Is and rabert Cu Chulaind béim da lorġfertais barna sluagaib. corbdar 23170  comardda comchuibdi iat. Imthúsa Conaill sund innossa. Tanic fona sluagaib. ⁊ dobert  176b 50 cocetal a chlaidib forru. Co torchratar deich cét fer n-armach  177a leis. Rachuala sain Carpre Nia Fer cocetal claidib Conaill Chernaig. ⁊ nir brul̇ngither do Chairpriu Niaid Fer eside itir. Naco 23175  tanic reme co hairm i rraibe Conall. & tucastar scíath fri scíath ⁊

 177a 5 dóit fri dóit ⁊ einech fri einech ⁊ ro gab cách díb oc slaide ⁊ oc slechtad araile. Co clos glóbéim scéith scéith Cairpri Niad Fer fá déis claidib Conaill. & dariachtatar na trí ríġfilid ro batar oc ríg Themrach da ̇fortacht ⁊ da ̇forithin .i. Eochaid Eolach. ⁊ 23180   177a 10 Diarmait Duanach. ⁊ Fergal Fianach. ⁊ ra chommoratar in tigardail i cend Conaill. Fegais Conall forru. Atdiursa brethir ám bar Conall menbad ̇filid ⁊ áes dána sib. dogebad sib bás ⁊ aided limsa a chianaib ⁊ úair is rábar triath ⁊ rabar tigerna berthai  177a 15 far ̇mbáig cid damsa nach dígelaind ̇foraib 'no. & dobert béim 23185  din lorġfertais chatha boí na láim dóib co topacht a trí cindu díb. Is and sin dariachtatar buden cóic cét déc do Luaigni na Temrach  177a 20 co tancatar eter Conall ⁊ Carpre Niaid Fer. Co rucatar leo é ar lármedón a catha fodéin. Ro gab Conall ac slaide in tslúaig co dremun ⁊ co barbarda co uathmar ⁊ co dícheillid. coros cuir úad 23190   177a 25 ina n-ágib minta. ⁊ ina cethramthanaib fodalta. Co torchratar deich cét leis ar larmedón in chatha.

Rochuala sain rí Temrach. ⁊ nir borul̇ngither dó beith oc éistecht ra rucht claidib Conaill. ⁊ tanic reime co lármedón in chatha  177a 30 co torchratar ocht cét laech lánchalma leis. Co rocht co airm i 23195  rrabe Conchobor. ⁊ dobert scíath fri scíath ⁊ dóit fri dóit ⁊ einech fri einech dó & ro thuairgestar a scíath for Conchobor .i. in nOchain sciath Conchobuir. & feib ro geisestarside ro geisetar  177a 35 scéith Ulad uile. Maith ám a Ultu. nad ̇fetarsa cosindiu ar bad chalmu in Galian Lagen na Lúagni na Temrach andathisi.

23200  Is and sin tanic Loegaire Buadach mac Connaid Buide meic  177a 40 Illiach budin trí chét oclách. Commorais a thigardail i cend Cairpri Niad Fer. Is and sin luid Fintan mac Néill Niamglonnaig buiden cét oclách coro mór a thigardail i cend Cairpri Niad Fer.

Is and sin tancatar deich cét ar ̇fichit cét din Galián ⁊ di Luagni 23205   177a 45 na Temrach & tuargabtar leo Cairpre Nia Fer i llármedón a catha fadéin.

Is and sin cunnis Cu Chulaind barna sluagaib ⁊ bar Carpre Niaid Fer. & dolluid da insaigid. ⁊ tuc sciath ra sciath dó ⁊ tuc dóit fri dóit. ⁊ einech fri einech.

23210  Is and sin ra immir Carpre Niaamps. Fer a nert for Coin Culaind ⁊ ro íad a da laim dara armaib ammaig. ⁊ tarlaic rout n-urchair  177b secha {⬌}ar catha Galian. Is and sin roluid Cu Chulaind

 177b trisna sluagaib immach can ̇fuligud can ̇fordergad {⬌} Is and barécaim Láeg mac Riangabra dosum ⁊ a airm sénta degniathi 23215   177b 5 Con Culaind ina láim .i. in Cruadín cotutchend ⁊ in Duaibsech eclach. Is and sin ro gab Cu Chulaind in Duaibsech .i. a sleg fadéin ina láim. ra boc ⁊ ra bertaig hí ra chroth ⁊ ra chertaig. ⁊ tarlaic rout n-urchair uad di 'no. d'innsaigid Cairpri Niad Fer.  177b 10 co tarla na ucht ⁊ na brunni. coro thregd a chride na chlíab coro 23220  raind a druim. dar dó Ni ranic a chorp lár inn uair dobert Cu Chulaind side da saigid ⁊ co topacht a chend de. & crothais a chend risna slúag iar tain.

 177b 15 Is and atraacht Sencha mac Ailella ⁊ ra chroth in craib sída ⁊ ra ansatar Ulaid. & dollotar in Gálian fa Find mac Rosa. ⁊ 23225  dobertatar scíath dar lorg dara n-eis. & ro lenastar Iriel gascedach  177b 20 Glunmar mac Conaill Chernaig iat. & ro gab ac slaide ⁊ ic slectad in tslúaig fades cach ̇ndíriuch. Is and sin ro impá Fidach Fergach Feda Gabli ris. & dorat comlund ar áth dó Fata in rigi doberat Ulaid ̇foraind ar cóiced Lagen. Conid de atá in Rigi Lagen arinn 23230  abaindsin.  177b 25 Is and sin dano lotar Ulaid co Temraig rempu in n-aidchisin. & tarrasatar and co cend secht lathi na sechtmaine. Corop i cind sechtmaine rachualatarsum culgaire na carpat. ⁊ bascbennech  177b 30 na n-ech ⁊ tetimnech na tét. ⁊ glondbéininech na claideb. ⁊ 23235  muadmuirn in mórslúaig dochum in baile. Is é ra buí and Erc mac Carpri. ⁊ mac Feidilmi Noíchruthaige ingini Conchobuir. & dobrethasum a chend i n-ucht a senathar. ⁊ comnattacht tír  177b 35 a athar ̇fair. & bachotasum anísin á Chonchobor. Maith a meic ar Conchobor beir mo bennachtainse ⁊ bí dom réir. Is amlaid 23240  ra boí ca rád ⁊ rabert na briathrasa.

1. Beir mo bennact bí dom réir.
   na dena féin frithbeirt frind;
   da tuca dún tend fri tend
    177b 40 is derb lem dafaethais lind.
2. 23245  Na cocthaig ra Coin na cless
   na cuir tress for slicht do sen.
   narat ruibther im raind crích.
   immar bíth Carpre Nia Fer.
 p.778
3.  177b Do gessaib ríg Temrach tair.
   23250  a ̇flaith Cermna can ni clé
    177b 45 airdairc scél scaílter fa chách
   cocad ruind co bráth ce bé B.

Dori̇ngned síd eter Erc mac Cairpri ⁊ Coin Culaind. & tucad Fínscoth ingen Con Culaind do mnaí dosom. & tancatar i cind 23255   177b 50 sechtmaini do dechain inn áir. co hor na Boinne. Bamarni lathi and so ⁊ ba dulig cor ristí ro boí and .i. ri Carpre Niaid Fer ⁊ ba  178a esbach comrac ris. ⁊ menbad Chonall is forainne bad róen. amp ro ráid na briathra.

1. Bamar lathi romda rind.
   23260  i túaith.Temrach tess Boind.
   baí freccomas ós ard ̇feirt
   ar ar sibthib baí ecrait.
2. Munbad Conall Cernach clóen
    178a 5 ropad forainne bad róen
   23265  arin leirg leith i fus.
   is aire ro gabsum fos.
3. Ba escomol comrac fris
   dichor Cairpri do chlár fiss.
   sochaide am rodas cloe
   23270  cossin laithesin ros bae. B.

 178a 10 Tancatar rempu co Temraig aris. Maith ám inti ro boí and so cona brathrib. Rapa leosum Heriu. ⁊ atbert na briathra.

1. Trí meic Rosa Ruaid in rig.
   gabsat in tír buidnib sel.
   23275  Find i nAlind Ailill i Crúaich
   Carpre thuaid i Temair Breg.
2.  178a 15 I nn-oeṅfecht comterbtis a ̇ngnim
   a triar brathair im cach gleó
   i n-oeṅfecht dobertis a mbáig.
   23280  ba crithail óenmucci leo.
 p.779
3.  178a Batar na tri n-uatnib óir
   ina tilchaib buan in balc.
   is bern ina cȯngaib catha.
   o fochera in tres mac. T.

23285   178a 20 A hain slúaged catha Findchorad. & in tromlonges timchell i Connachtaib. ⁊ Cath na Macraide.

2. Sanas Cormaic

 179a Fuirim gein toracta tairet aicned n-oll o Adam co n-imthet tre cach n-amsir n-adamrai co betha bráth. berid aicned 23290   179a 5 enbetu di cech duil derb disin óen conie. cosin oenduine ̇ndeden bías co brunni brátha.

Aliter Turigein .i. toeraegeini .i. gein nerae .i. gein ̇ngainethar  179a 10 .i. a da choiss reime. ⁊ a chend fó deóid. Dobeir dí a thurigeinsin do chosmailius breithe .i. canaid in brithem fásach fíraicnid ⁊ 23295   179a 15 roscad filed da chossin inna breithe insin a cend fa deóid .i. in testimoin canone. Inde dicitur. Ni ní nech breth berair  179a 20 rád iar legund léir leraichther nad fri canóin cáid cumtastar. nad fri apstal n-uasal n-ascaider. nad fri Spirut Náem nertar conid cád cach rét co canone coṁfí. 23300  Teist .i. a nomine testis.  179a 25 Taurad .i. taur. cech tírim. ⁊ suth ⁊ sín. Taursuth .i. sín tírim. Torc .i. nomen do chridiu. ut Etan ingen Dian Cécht dixit. Ní  179a 30 fó indam dom mo thuircc .i. mo chridi im chliab co fil for crith. Trėfoclae .i. tri foccuil bite indi .i. da foccul di molud do brith 23305   179a 35 for culu iiid imderggtha. dofarci an tress foccul .i. foccul ind imdergtha ⁊ aire.

Taurthait .i. taurrachdath .i. arosc reire .i. foceirrdi aurchur  179a 40 n-úait do ermaisin nach rét. Tocuirethar opund a n-anmannae ara chend ⁊ gonti. nó dentai no marbthai i rrec dii tairriuchtsin 23310  iarum asrubrad taurthat.  179a 45 Tigrathas .i. tiugaurradass .i. tigba cach ̇ndedenach. is he dī is tigradas as tiugaurrad intí scaras frisin mmún fo deóid.

 179a 50 Tugen quasi togen .i. a toga. Aliter. Tugen .i. tuge én. ar  179a 55 is de chrocnib én find ⁊ ildathach dognither in tugen filed coa  179b criss de braigtib cailech lochend. ⁊ da currcib coa cend suas. 23315  coa bragit. ⁊ rvel

Tap .i. pound .i. bidg inde est ni beir tap tigradas is aitte  179b 5 dichíallathar tassec opunn.

 179b Tamlachta .i. támslecta .i. tám ro selaig duíni sin maginsin .i. 23320   179b 10 in duineba mór. Totegtís na tuatha i mmuige móra. co mbítis i n-oenmagin béus ria n-ec .i. fo bíth a n-adnacuil isna muigibsin. oinafib nad beired in duineba. Ar mad cách ar núair bed marb ina magin fessin. ni bértais dia cellaib. ar ni chumgitís in t-uaithed  179b 15 no bíd i mbethaid a tarrud. inde Tamlachta nuncupatur.

23325  Tendál .i. tene dál .i. dál co tend .i. cosin tenid i nn-ataither  179b 20 in tendál.

Ussarb .i. bás. inde dicitur isind Amrath Chon Ruí ríg ro det ro ussarb nUltaib .i. ro det do Ultaib a bás.

 179b 25 Udmad .i. ud ⁊ damnad .i. crann ar lías .i. gobenn gaibthir 23330  forsin cethrae co ndamnaiter a n-úde i cumu̇ng. Udim .i. nomen dond roi tarsa tét a crand bís darsin cléith ocon  179b 30 udmad.

Úr. tréide fordingair. úr chetmus .i. talam ⁊ úr cech nuae. amal aṡmberar immb úr. Úr dano cech n-olc. inde dicitur isna 23335   179b 35 Brethaib Nemed lán do síathach cach n-úr .i. cech n-olc Uch. ab eo quod est ucha .i. clungat. Ubull quasi abull Aball im o burgg Etale dianid ainm Abellum  179b 40 .i. is ass tucad síl na n-aball prius.

Uimm .i. uma. 23340  Uinci etha .i. uaitni etha.  179b 45 Ucht osnae .i. hucht osmenta .i. smuainiud smuaines .i. scrútan scrútas in fili a n-airchetul. in baile dī i scrutan is do is ainm  180a ucht osnae. Finit

3.  181aFland Manistrech cecinit.

1. CIa triallaid nech aisnis senchais
   23345  Ailig eltaig
   d'éis Echdach áin. is gait a chlaidib
   a lláim Hectoir.
2. Ermor neich ro iarfaig uli
   o Mael Choluim.
   Eochaid iar cund
   ro sluind ria sund do druing Dobuill.
3.  181a 5 Derb ma ro iarfaig cia sóer
   doroni Ailech.
   ni cheil Eochaid armslán airech.
   23350  Garban is graigech.
4. Cia ro bui aice ca denam
   Imchell ̇finer.
   is Garban sóer oa Gairb o gáel
   fáel no ̇figed.
5. Fég cia las ̇ndernad iarum
   in gním glanda
    181a 10in fer las tucad a domna
   i ndel Dagda.
6. Da n-iarfaigther
   23355 cia fochond ara ndernad
   a meic im lecht
   condailt ro ̇fecht in fert febglan.
7. Fegthar cid dia n-apar Ailech
   airdairc aitir.
   dond ail tuargaib Corrcend Cicuil
   torged gletin.
8.  181a 15 Geguin Corrgend mac Flatheman
   o Chruach clunid
   Aed ard amra
   23360 ropo mac don Dagda dulig.
9. Dia ndechaid Aed co mnai Corrgind
   inna lepaid
   ba holc opair
   uair nach fer cotaig ro chetaig.
10. Cechai̇ng Corrgend
    iama chrád for lár a thaige
     181a 20 coro marb Aed iar n-aeth aile
    ba báeth bine.
11. Batar oic Herend co iarair
    23365 amra in luctsin
    cona fuaratar dond ̇fechtsain
    isind lucsain.
12. Oirggther or cách na hanagar
    daig na nderna
    ní tha a díth ol in Dagda
    fo bíth Temra.
 p.783 181a 25
13. Acht tocbaid in marb ro mudaig
    fora muinseom
    ferr dún trá trell dia thoilseom
    23370  anda a guinseom.
14. Co rraib fo mela fon marbsin
    cen nach caemna
     181a 30 co fagba licc bas bert búada
    for lecht nAeda.
15. Arigis líc os Loch Febail
    ba feidm feinned
    co tuargaib súas
    co crúas chórad uais in t-einer.
16. Ed asbert oc breith ind eire
    23375  dar sreith slige.
    ach ach do ail
    is do sain domaid mo chride.
17. Coir cid Ailech do rád ris
    ol in Dagda
    corop ed ainm in dindgna
    airm i tarla.
18.  181a 35 Techt Neit mac Indui Ailech
    brathair athar.
    ⁊ Nemain a ben brethach
    23380  na cned cathach.
19. Corop Ailech Neit asberthar
    o cech duine.
    gibis glaine
    or is leis ind inis uile.
20. Iarfais nech and
    cia díne ro gab in inse
    tan doringned in gním glandsa
    osind lindsea.
21.  181a 40 Lánmemor lim
    23385  it Tuatha Dé Donand drȯngaig.
    cona ̇ngaib cona scíathaib
    cona cȯngaib.
22. Cia rí ro buí for Herind uile
    glebind.
    acht in Dagda druine
    ni chlune nach n-amra n-aile.
23. An amser i ndernad in dindgna
    demni dolaid
    tomsech trebaid
    23390  in tres amser torsech domain.
24. Dorócht mór ndine do Ailiuch
    i mbíd Imchell
     181a 45 ailig airmend
    co tánic in fairmend Frigrend.
25. Frigriu mac Rudi rúaid roglain
    co n-úaill ergnaid.
    tuc la hór a Alpain ergnaid
    óg a ernaig.
 p.784
26.  181a23395  Ergnaid in cerdd
    diarbo aindir Ailech imgel
    ciarbo do Fubthaire ̇fondgel
    ropo ingen.
27. I n-athiud dofuc dar muir mac
    Rudi rathaig
     181a 50 iar cnis chlochair
    rop fochaid cen ̇fis dia hathair.
28. Atraacht Fubthaire dia iarair
    ciarbo indsa
    23400  glicc in bandsa
    co toracht con ice in dindsa.
29. Do sin bretha isin dai̇ngen
    ̇nglúair ̇ngraigech
    uair ba debech
    ro ̇fucad Ailech i nAilech.
30.  181bAnd ba huamon ri Fubthaire
    Frigriu Fothart
    Fiacha Sroptine rod n-anacht
    noco toracht.
31. 23405  Tech daringned
    and má mnaí la Frigrend foglaig
    ropo ergnaid os roi rebraid
    ara roblaid.
32.  181b 5 Rogníd do dergibur drumnech
    iarna dlugu
    co ̇ngargbrut glór
    de arggut de ór de umu.
33. Ro hecrad do gemmaib glainib
    gním ro nglenón
    23410  ba samail trá
    adaig & la na medón.
34. Mad ngiuil di sein Ailech Frigrend
    fegaid findchill
     181b 10 Ailech Néit ni tréic tre thairthim
    Ailech Imchill.
35. Ní fil i crí
    rofessad cach ní acht Dia
    ríaguil rea
    Rofitir o chianaib cia. C.

4. Fland Manistrech: Cind cethri ̇ndíni iar Frigrind

1.  181b 23415  CInd cethri ̇ndíni iar Frigrind
   forraig gleogal
   Ailech ágmar
   ro gab anrath airech Eogan.
2.  181b 15 Eogan mac Néill
   ro rígad i nAiliuch iaram
   uaig arrálad.
   ri ré da ̇fichet buan bliadan.
3. Baí Muridach and dia éis o
   dún ni dichet
   23420  fialglan fethet
   ri ré cethri ̇mbliadan ficet.
4. Fichi fa dí
   do Murchertach mór Mac Erca
   clethail chachta
   ⁊ a cethair co certa.
5.  181b 20 Cerṫfichi a trí
   do Fergus do Domnall cen deochaid
   a .uii. do Baetán co mbrethaib
   ⁊ d'Eochaid.
6. 23425  Oenocht ̇mbliadan
   do Cholgain mac Domnaill dírig
   cobrad n-eolaig
   la trí secht do Cholmán Rímid.
7. Oenocht ̇mbliadan
   do Aed Ollán mac Domnaill os iathbla
    181b 25 dá secht do Subni Mind mórtha
   mac find Fiachna.
8. Fég a dó do Máel ̇find Fithrig
   iarna iarair
   23430 Ernain. mac Fiachnai in fénnid
   ré sé bliadnaib.
9. A sé fo chethair do Chrundmáel
   mac saer Subni.
   cen locht do Fergus co foibdi
   a .uiii. umli.
10.  181b 30 A deich do Mael Duin mac Mael Fithrig
    mar ro faemad
    Fland let ós lind.
    a .xuiii. do mac Cind Faelad.
11. 23435 Sé mís do Erthaile o Chrundmael
    cétaib cure
    gaine gaile
    sé mis do mac Maile Tuile.
12. Tri secht ̇mbliadan
    do mac Maile Duin do Fergal
     181b 35 clandad chomram
    tri .uii. do Aed Alláin na n-ergal
13. Erbb úait.uii. cóic do Niall Frossach
    cia ̇fuair forrán
    23440  a .x. daena
    do Mael Duin mac Aeda Allain.
 p.786
14.  181b Oen ar trichait do Aed Ordnide
    naro fubthad
    dá dó cen rúin
    do mac Máele Dúin do Murchad.
15.  181b 40 Mad Niall Caille
    mac Aeda Orddnide airig.
    xx. a trí os laechMaig Lí
    ba rí Ailig.
16. 23445 A cóic fá thrí
    do Mael Duin do mac Aeda ind Orddain
    a trí da secht
    do Aed Findliath fecht ni terc torcaib.
17. Triallais Murchad mac Mel Duin
    ré .uii. ̇mbliadan.
     181b 45 réil ro rélad
    conna gebad acht a giallad.
18. Gabais a mac
    Flathbertach fri ré .ix. ̇mbliadan
    23450  comrand caeṁfer
    malle ⁊ Domnall dianglan.
19. Domnall iar sin
    fria .ix. déc fri dúrdul
    fial in fáelur malle
    ⁊ Niall Glundub.
20. Gabais Niall for Temraig tírig
    ríge riarglain
     181b 50 Flaithbertach i nAiliuch Eogain
    teora bliadnaib.
21. 23455  Noí ̇mbliadna déc
    do Fergal mac Domnail dela.
    a .u. iar céin
    do Murchertach mac Néil neda.
22. Teora bliadna déc do Domnall
    cona degblaid.
    i rríge Ailig co hergnaid
    riasin Temraig.
23.  182a Tarraid Flaithbertach is Chond is
    Tadc co taigib
    23460 re ré .u. ̇mbliadan co mbladaib
    ar mag Ailig.
24. Oenbliadain déc
    do Murchad Glún i lLár lainech
    iar ̇ngreis galach
    cen anad ropo leis Ailech.
25.  182a 5 A .uiii. do Domnall Ú Néill i
    nAliuch ergnaid
    firu fo dlaib
    iar mbeith i rrígu for Temraig.
26. 23465 A trí fó thrí
    do Fergal i rrige Ailig.
    tri cóic la hóen
    eret ro gab Aed ind ainig.
 p.787
27.  182a Trícha bliadan
    do Flathbertuch Hu Néill nemthruim
    Aed and ro thriall.
    málle ⁊ Niall mac Mael Sechnuill.
28.  182a 10 Sé rig déc dib
    ro gabsat for Herind ule
    23470  na ríg aile
    fuaratar bríg o cech dune.
29. Díb Murchertach ⁊ Domnall
    Fergus fírdil.
    Baetán na ndám
    Eochaid is Cholman Rímid.
30. Rím Aed Uaridnach Subne Mend
    is Fergal fossad
    Aed Ollan riam
    ⁊ a brathair Níall Frossach.
31. 23475   182a 15 Fég Aed Ordnide is Niall Caille
    cetaib comland
    Aed Findliath fial
    in Glundub Niall ⁊ Domnall.
32. Derb ro sechnus drem na llethríg
    ciabtar laṅfir
    ardgus n-eolaig
    connachas tarddus i n-arim.
33. A cóic cethrachat do rígaib
    ro gab Ailech
     182a 2023480  ó Eogan ̇fíal co toract Niall
    na ̇ngiall ̇ngraigech.
34. Gébas Ailech
    armothá i rré arbia
    acht dréch ros foid
    ni fitir nech coich na cia. C.

5. Ascnam ni seol sadal

1.  182a AScnam ni seol sadal
   iar sain slicht cen breobail
   23485  co n-écsem cen didail
   do gnímaib síl Eogain.
2.  182a 25 Ba remib ro mebaid
   nirbo debaid tua
   cen brath briathar goa
   23490  in cath i Sleib Chua.
3. Ba remib ro mebaid
   cath Segsa for Duaich.
   ili a ngluind gnoaig
   daig betis cruaich.
4. 23495  Cath cruaid co nnirt armach
   ar búaid tuath líth Luignech
    182a 30 nirbo lén in tarrgrach
   for Eogan ̇mBél ̇mbudnech.
5. Cath Cúle. cath Uchbath.
   23500  ardd bruthgal bág toche.
   cath Dromma. cath Dathe.
   cath Ache. cath Oche.
6. Im chath Chind chruaid n-aithle.
   Lasnadó cen lethbe
   23505  i torchair cain craebdus
   Oengus ⁊ Eithne.
7.  182a 35 Im chath i nDún Chethirn
   letḣfeidm laech rod len i
   cath Roith ni rad ̇ndétla.
   23510  cath Detla con teni.
8. Cath i torchair Ailill
   Inbanna ruad roglach
   taccomol glond claidbech.
   Aed Fortamail fodbach.
 p.789
9. 23515   182a Forlond co ndathi.
   cath Elli nad chlethe.
   cath Slemna co sithi
   cath Lifi. cath Lethe.
10.  182a 40 Lotar .uii. cét armach
    23520  uadib ȧngbaid dulad
    tucsat iar triall Lagen.
    cét ̇ngíall a tir Muman.
11. Trenchath Insi Áne
    for sluag nAlban n-ulach
    23525  i farcbad bét bladach
    fairend tri chét curach.
12. In cath oc Áth Medóin
    milib glond garg tarbe
    lathe ̇mbratha ̇mbodba
    23530   182a 45 cath Atha Da Chairne.
13. Gabsat iar troch togairm
    sodbraind coscair comlaind
    i nDruim Ríg rád n-imlaind
    luid bág for mac ̇nDomnaill.
14. 23535  Geguin oeṅfer uadib
    ard arim no sechid
    .xx. deich flathib
    la sé deich do dechib.
15. Fer co riab cen sodain
    23540  do guin ba gargg dune
    deorata ̇ngaile
    míl Europa uile.
16.  182a 50 Eól dúib a ndoringni
    mac Néill Ailig airgnai.
    23545  Aed Finni co fodbai.
    i cath Cilli Ua nDaigri.
 p.790
17.  182a Deich cétaib co n-úagai
    iar sétaib ro síni.
    don debaid conrúali
    23550  mebaid for cóic míli.
18. Gabsat riam ind ríg rogaig
    bríg ̇mbladaig bectai n-airig
     182b selad forrán co feraib
    ria nAed n-ard nAllán nAilig.
19. 23555  Art athnertach ind úabair
    Flathbertach dín cech deoraid
    dorimmart gairgiu tólaib
    i nInsi n-ólaig Eogain.
20. Ardrí Alpan art Arand
    23560  bag barand brúthi bairend
     182b 5 tuc aníar dar srían rudach
    tri choícait curach Cairell.
21. Cechai̇ng Aed aidchi n-oraig.
    foraib ba sáer imrulaid.
    23565  ros marb fri Fergna fairend
    acht Cairell lucht a churaig.
22. Cath aile i nOscur uallach
    ba broscur bladach bágach.
    for Fland ̇nGoan ro raíned
    23570  ro maíded arna barach.
23.  182b 10 Reraig roí roríg ri̇ngthi
    for mac Lȯngsig lúaith laimthi
    ba cloí dia icimúaill chaidchi
    di airdi oenuair aidchi. C.

6. Aní doronsat do chalmu

1. 23575   182b ANí doronsat do chalmu
   clanna Eogain.
   cia 'meradid
   ní etat a arim eolaig.
2. Inn eol dúib cath Slebe Cua
   clú co certa
    182b 15 mebaid cen brón
   ria Murchertach mór mac Erca.
3. Ocus cath Ocha
   for Ailill Molt is mó gessib
   23580  triathach tossach
   i torchair hua Fiachrach fessin.
4. Ocus cath Gránne for Findchath
   fegait eolaig
   ria Murchertach co clú cáeṁfir
   ria n-u nEogain.
5. Cath Cell Osnaid for sluago Muman
   is mó sechme
    182b 20 i torchair Oengus co n-achri
   ⁊ Eithne.
6. 23585 Ocus cath Inde for Illaind
   i mbíth glaṅfer
   fraech for feraib
   isin debaid fri laech Lagen.
7. Is cath Delgga
   cath Mucrama ba mór glondalt.
   cath i Tuaim Drubi dia ndrėngat
   for slúag Connacht.
8. Is cath cegsa
   i torchair Duach Tėnga Uma.
   23590   182b 25 mebaid ria Murchertach Mena
   ba mór guba.
9. Is cath Culi cath Dromma
   troeta flathi.
   cath i mMaig Airb
   ⁊ in cath i nArd Machi.
10. Cath Almaini
    cath Chind Eich ⁊ cath Ailbe
    ro bris in tríath
    ⁊ in cath i n-iath Adni.
11. 23595  Is cath Detna
    i torchair Ardgal mac Conaill
    rige ferand
    la cath Átha Sige sonaim.
12.  182b 30 Serbchath Slebe
    Eblinne for mathe Muman
    is for Echaid Sremm i farcbad
    ilar cend curad.
13. Cerṫfichi cath
    is a dó ro rath rele recta
    23600  ro briss cen brón
    Murchertach mór mac Erca.
 p.792
14.  182b Cath Slicige
    ria Fergus ria nDomnall ̇ndruimnech.
    ni scél scenmnech
    i torchair Eogan Bél buidnech.
15.  182b 35 Cath Culi Conairi i Cera
    riana ̇fairind.
    craeb chem chrobang
    i torchair Aed ⁊ Ailill.
16. 23605  Cath Cule Dremne for Diarmait
    demni scélaib.
    i torchair.xxx. cét caínid
    dona trenaib.
17. Is cath Mona Daire Lothair
    co llín Chruthne
    im Aed ̇mBrec co mbríg docersat and
    secht ríg Cruthne.
18.  182b 40 Cath Gabra Lifi for Lagniu
    immaid chomland.
    23610  ollgus imgand
    mebaid ria Fergus ria nDomnall.
19. Cath Slemna ria Colman Rímid
    na roraind.
    and ba dodaing
    do cheniul Eogain ⁊ Chonaill.
20. Is cath Slabri
    for Brandub mac Echach ollguirm
    caem in forran
    ro briss Aed Ollán mac Domnuill.
21. 23615   182b 45 Cath Slebe Tuad ria Subne Mend
    for claind Conaill
    toga trebaind
    i torchair Mael Coba Coraind.
22. Cath Ratha Both ria Subne beos
    rodas broena.
    ollband ága
    mebaid for Domnall mac Aeda.
23. Cath for Cummascach ria Crundmáel
    cetaib cumne
    23620   182b 50 for mac Ailella cen anble
    ria mac Subne.
24. Ocus Conall mac lond Lȯngsig
    réil a reimend.
    roba garggním
    i rrubad mac ardríg Herend.
25. Cath Slebe Fúait
    ria Fergal dos fanair foí
     183a dluthach ̇nglee
    i mbíth Tnuthgal is Cú Roi
26. 23625  Cath Findabrach
    for laechraid Lagen na luamland
    áeb na Herend
    i mbíth Aed mac Cellaig Cualand.
 p.793
27.  183a Cath i torchair
    Inrechtach argg Connacht cnedmar
    mac Dúnchaid dúir
    la mac Mael Dúin la Fergal.
28.  183a 5 Cath in Oscair ria nAed Ollan
    cosinn ollgail
    23630  i torchair Fland Goan co ̇nglanbail
    mac crón Congail.
29. Cath Maige Ítha
    ria nAed for clanna Conaill
    foglaid feraind
    i rrubad mac Congail Conaing
30. Cath for Airgiallo i fích Fiachrach
    naro omnus
    ba guban ̇ngarb
    dia rubad oco charn Congus.
31. 23635   183a 10 Cath Insi Áne for slúago
    Alban ulach
    ba bét bladach
    i farcbad lucht trí .c. curach.
32. Cath Focharta
    for coímu in Chóicid nad chromthar
    og in t-anfad.
    i rrubad Aed Rón is Chonchath.
33. Is cath Uchbath
    for laechraid Lagen lín orggain
    23640  Bran and ro bíth
    ⁊ Aed mac Colgain
34. Cath Fraechmaige
    is cath Átha Medoin magdai.
     183a 15 ba bráth bodbai
    ced in cath oc Áth Da Charnai.
35. Cath Irchara
    la Mael Duin nad charad cuindeilg
    olband aebda
    for Domnall mac Aeda Muindeirgg.
36. 23645  Cath Clóitige
    ria nAed Ordnide ro eta.
    foroll fuacra
    forsin Domnall crodond cetna.
37. Cath Dromma Ríg
    ria nAed for Claind Colmain comlaind.
     183a 20 co n-alt imrind
    i torcratar da mac Domnaill.
38. Diarmait Odor
    ⁊ Finnachta na fodbrand
    gle n-imrall
    23650  derb roptar é a n-anmand
39. Ocus Fallamain fial fuiglech
    ba dían degrach
    ropo garggnim
    inro bíth mac ardríg Temrach.
 p.794
40.  183a Cath Sailtere
    ria Murchad muad ba mó gresaib
    cruadach cossair
    i torchair Mael buadach Bresail.
41. 23655   183a 25 Cath for Danaru
    i nDaire Chalggaig nad chumthar
    fial in tairchel
    mebaid ria Niall is ria Murchad.
42. Cath Maige Ítha for Gullo
    co ̇ngnim gainne
    flaith fial Finne
    rodas cinne Níal cían Caille.
43. Cath Leithe in Chaimm ria Níal Caille
    na slúag saindían
    23660   183a 30 cuman comdian
    for rig nUlad for ríg nAirgiall.
44. Atrullai ass
    rí Ulad mac Echach uamnach
    rig Airgiall ule i n-árbach
    acht mac Ruadrach.
45. Ro bítha and tri meic Cathail
    cetaib cennach
    Cummascach Congalach corrach
    ⁊ Cellach
46. 23665  Cath ria nAed Findliath for Gullo
    i nGlind Aichle
     183a 35 co rrabatar fó sár theichle
    iarna aithbe.
47. Amnas cath Locha Febail
    ria nAed Arad
    cian bas cuman
    i rrubad da trian na nDanar.
48. Andso in cath cerbb
    for Conaillib cerdd co ̇nglanbríg
    23670  burbbu borbgnim
    mebaid for Ulto is for Anbith
49. Doiḋngiu in cath i Cill Ua nDaigri
    andá cech dodaing
     183a 40 cen dianblait and
    Diarmait ⁊ Flann mac Conaing.
50. Cath Gulbain Guirt ria Niall ̇nGlundub
    ní gnim sruthe
    rig Connacht cáem doscomart
    im Mael Cluche.
51. 23675  Cath Maige Uatha ria Fergal
    ferad flandbríg
    and ro scaíl badb
    dia rrubad Mael Garb mac Garbíth
52.  183a 45 Cath ria mac Néill
    i mBairind i mbitha oaic
    ríg Gall na ̇ngarglond.
    Aufer Albdon mac Roailt.
 p.795
53.  183a Cath ria Murchad
    for Connachtu cen nach caemna
    23680  Cathal Cruachan
    i mbith is mac uathmar Aeda.
54. Cath Formaili riam for Conall
    Cloen cen chisu
     183a 50 is for sluag Gall ̇ngarg. i rrubad
    arg Mael ard Ísu.
55. Cath Maige Nathrach ria ̇nGlún
    i lLar os lógaill
    ni dál deróil
    i farcbad ár Cheneoil Chonaill.
56. 23685  Cath Maige Glaiss
    ria n-ú Néill for clanda Conaill
    faen fua baraind
    ua cáem Conaing Gilla Colaim.
57.  183a 55 Cath i n-iath Ulad
    ria Murcherdach mac Domnaill
    i fargbad sluag Arad án
    iar crád Chomgaill.
58. Cath Craíbe Telcha for Ultu
    ria nAed Arddaig
    23690  eochair orddain
    i torchair Eochaid mac Ardgair.
59. Ocus Cu Dulig a mac is
    Garbith glondchar
     183a 60 luinde londbarr
    Dub Tuinne I omnall is Dondchad.
60.  183b Na catha dedencha dremna
    a Dé dúlig
    i torcratar fir cena n-arim
    fora ̇nglúnib.
61. 23695  Cath Tracta Eothaili armid
    céim cen chorracht
    ro bris Ardgair ua na mallacht
    for slúag Connacht.
62. Cath Maige Lenai na llurech
    ria slúag Ailig
     183a 5 cruaid in chomraind
    foruair mac Domnaill a aidid.
63. Cath Corre Cullen na cuanart
    for Claind Conaill
    23700  nocorbo thimm
    ro deligthe a cind ria colaind.
64. Cath Maige Lenai ro lamad
    ba leor derbaid
    Domnall co rrath
    ro briss in cath oc Ath Ergair.
65.  183a 10 Cath Craind Crichid
    ria Feraib na Craibe atchuala
    for Feraib Luirg
    ro brissed ropo chuaird chuanna.
 p.796
66. 23705   183b In ruac i mMaig Adar úane
    ria n-óa Lachlaind
    ní riachtatar chill
    ro batar cind iarna n-athraind.
67. Olc ro batar Gaill in dune
    a Dé demin
    nocorb olc lim
    a mbeith cind ar chind ros tenid.
68.  183b 15 Cath Cind Chorad
    ria nDomnall mac Ardgair inmain
    23710  i torcratar fir cen anmain
    isind imguin.
69. Cath for Ulto
    ria mac meic Lochlaind ind lacha
    Dond Slebe sėng
    tucad a chend co hArd Macha. A.

7. A Ngluind a n-echta a n-orgni

1.  183b ANgluind a n-echta a n-orgni
   batar iṅfir
   is lia turim
   connachas clunid o ̇filid.
2. 23715   183b 20 Fecht ro buí Muridach mac Eogain
   and i mbaegul
   ina thalgud.
   osin tracht ágmar a oenur.
3. Ba and dolluid
   Eocho Abratchain mac Écuind.
   co mbert in mac
   co tart fo thlacht ina thétluing.
4. Dar trethan trom
   ro ̇fuc in goll leis in ̇ngilla
   23720  na crích cranda
   fúair gním ̇ngalla o ríg Crinna.
5.  183b 25 Ci̇nged issin sliab
   co tabrad fiad in dian drechach
   téitgel triathglan
   dó ba hecen biath ad Echach
6. Ingnad in gnim
   don mac cen lín cen choin celig
   ar luas a choss
   tarrachtain oss isna slebib.
7. 23725  Sechtmain .uii. mís
   ⁊ uii. ̇mbliadna boí amlaid
    183b 30 darsin lindmuir
   co tanic inbuid samraid.
8. Slecht leis iar sein
   Eocho do rúadgním a roairm
   dia beirt bindgil
   tuc Eirc ingin Loairn.
9. Lán ind Heriu
   do gnímaib sil Eogain Ailig
   23730 co mbuaid bladaig
   oc saigid ni suail ro sainig.
10. Slecht .lx. ríg ⁊ da coicait
    ruirech rathach
     183b 35 brechta brígail
    mac Erca i ndigail a athar
11. Im fer co riab
    nad chloitis catha na cure.
    gleorgda glaine
    im mil Europa ule
12. 23735  Orgain na Cliach
    o Luachair co Cassel Muman
    im iath nArad
    on triath ro thogal mag Muman
13.  183b 40 Mor gním Ainmere mac Setnai
    nirbo snedbéim
    gledgus glemin
    dofuit la Fergus mac Crundniaíl.
 p.798
14.  183b Ni lugu in scel
    Conall Cael no chanad dublaíd
    23740  ergnus n-imléir
    doceir la Fergus mac Crundmaíl.
15. Cid arg Airgiall
    Dunchad mac Ultan na orbbo
     183b 45 Mael Dúin dordmass
    rod ciúir i nDún forglas Forgo.
16. Fecht aile dó
    dorat for triuno tuath tetchill
    ba broscur bríg
    loscud na ríg i nDún Chethirn.
17. 23745  Clothrí Ciannachta Cenn Faelad
    and ro anmaid
     183b 50 cond Cruthne crích
    ⁊ Dungal mac scíth Scandail.
18. Selaig Fergal
    flaith Féic follnastar for Bregmnaig
    ni Frȧnc forbbaig
    acht is Conall Grant ua Cernaig.
19. Conaing Cnogba
    mac Amalgada co n-ainiuch.
    23750  la Aed nAllan
    fuair in fael farran i nAiliuch.
20.  183b 55 Ort leiss Tommaltach mac Dunechda na ndiberg
    cen aichnius cuir
    ⁊ Flaithgius mac Duib Diberg
21. Dochuaid Aed síar co Tír Da Glass
    ba gnim n-achar
    caem alt i céin
    taeb. acht a réir o Chathul.
22. 23755  Cechaing Niall Frossach secht cétaib
    cian bas cuman
     183b 60 iar triall Lagen
    co tuc cét a tír Muman.
23.  184a Mad Aed Ordnide ros
    cacht fri coemgrís.
    sadbrite in rí
    ort Lagniu o trí sinn oenmís.
24. Mór in siriud
    ó Áth Chlíath co Carn caem Cornáin
    23760  teri am imslán
    iar n-argain im germaig Gabráin.
25. Garg in chrech dorat dar Ultu
    cen nach sena
     184a 5 ganna grianna
    rosiacht o Banna co Brena.
26. Troethais cu
    Essa Ruaid co rrogail rolaind.
    marbsat a slóig
    Rogallach clainne cóir Conaill.
 p.799
27. 23765   184a Cond clainne Cein
    Cumnascach mac Tuathail tolgda
    la Murchad már
    dorochair ardrí án orbba.
28. Ardrí Herend
    Niall Caille la chobair daidbre.
     184a 10 is turim ̇fír
    ro sudig da rig for Laigniu.
29. Lanorggain leis
    Mide co Bondammair ̇mbechda.
    23770  ní drend dochla
    Fer Cell ⁊ Tethba.
30. Ro briss Aed Findliath for Gaillu
    i nIthu achar.
    Alpdu for tuind
    ro élai a llu̇ng a athar.
31. In tAed cetna
    ro ̇folaig Gaillu in gormthorc
    ros cacht fo cháin
    is dorat lám dara longphort.
32. 23775   184a 15 Lamair Lorcán
    mac caem Cathail ciarbo bine
    ro and brónbríg
    in tan ro dall morríg Mide.
33. Morarggain Maige ⁊
    Mide miduill
    trebar ros túir
    otá Belach nDúin co Sinaind.
34. Slecht leis Flannacan fial feithmech
    in dían debthach
    23780  rí Dáil Araide nos othrad
    mac án Echdach.
35.  184a 20 Orggsit in Gaill
    Insi Dar Gargrend na curchach
    ciaptar arntha
    uile ro narbtha la Murchad.
36. Muridach mac Maele Duin din
    nAirther n-aebda
    glacc na ̇ngormland
    ro bíth la Domn all mac Aeda.
37. 23785  Ardrí Airgiall
    Mael Duin mac Fergaile ind forlaind
    rothuir na rand
    dorochair la Fland mac Domnaill.
38.  184a 25 Dochuaid Niall Glundub co Grellaig
    Elte i nEchdruim
    leis ar oenlus
    dorochair Oengus hua Mael Sechnaill.
 p.800
39.  184a Slecht la Fergal
    ár ̇nGall i ̇nGlind Gerg co ̇nglasse.
    23790  da ̇fichet déc ni dám disse
    i n-ár Asse.
40. Assin Taltin inbaid oenaig
    ed adfédem
    dréim dar firu
    ro chacht mac Neill firu Herend.
41.  184a 30 É féin dia n-éis
    ro chacht i n-oenuch na n-ollchar
    co slán salmchar
    araí ciarbo chrad do Dondchad.
42. 23795  Do sein dolluid co firu Fotla
    finnu fialu
    dune as dánu
    corra gaib ule a ngiallu.
43. Conos tuc iarum do Dondchad
    molbthar massib
    ellach n-ossaid
    ro chossain im Chellach Casil.
44.  184a 35 Cathroíniud riam forsna Gaullu
    co Snám Aignech
    23800  nirbo bét and
    na da chét iarna n-airlech.
45. Ort leis Gamandrad Locha Cuan
    co n-echtaib umal
    torcaid anad
    co horgain Arad is Ulad.
46. Ulaid iar n-ír
    ⁊ na Gaill im gním ̇ngretha
    ba trian trucha
    lotar ass síar co Sliab Betha.
47. 23805   184a 40 Ro briss mac Néill forro do léir
    lith cen chaemna
    for Amlaíb argg
    is for Matudán mac n-ard nAeda.
48. Ar da ̇fichet
    ⁊ da cét cend rochlune
    díb co Rige.
    isna gabala ile ule.
49. Ort leis in tríath
    Torolb ro tríall cach rían rethach
    23810 tollais trocha
    dia mboí i llȯngais Locha chach.
50. Oirggis Insi Gall in gargrí
    ba gním ̇nglegrach
     184a 45 nirbo dograch
    tuc a forbach i tír Temrach.
51. Troethais Ciannacht Glinne Gemin
    ní gn ím ̇ngoa
    Goach do guin
    is de contuil mac Duib Roa.
 p.801
52. 23815   184a Ro airgset Gaill glóir Ard Macha mór
    imma sniib.
    mac Neill ni bréc
    ro marb for sét da cét diib.
53.  184a 50 Dith leis ríg Loegaire laindrig
    linib ilaeb.
    nirbo dogairm
    in caur i diarbo chomainm Cinaed.
54. Ba cruaid in céim
    ruc mac Néill Conaing in chumtaig.
    23820  sar for sét sėng
    ar trí .c. cend leis do Ultaib.
55. Dochuaid hua Neill i mMide múad
    mó cech dechraind
    co clú chlothbind
    coro dall hua Mael Shechlaind.
56.  184a 55 Selaid Murchad
    mathe fer nÓl nÉcmacht n-ollalt
    míne mennat.
    ⁊ ro gab rígi Connacht.
57. 23825  Caemua Cerbaill
    Laidgnén Locha Uatne foraill.
    in del delbglan
    dolluid la Fergal mac Conaing.
58. Cechaing Aed Ailig for creich i
    mBrefni bladach.
    leis cid cían cuairt
    dorochair Niall ua Ruairc rebach.
59.  184a 60 Ro slecht Conaire ocon cheti
    in caur cetna.
    23830  Matudán már
    is and forurim ág n-éca.
60.  184b Éclond aicme Énna Oengus
    ardd a chonggaib
    docer la síl Eogain ammail
    ciarbo ollam.
61. Ardrí cheneoil Lugdach laindrig
    luadit gormraind
    rodas bruí síl Eogain n-imrind
    tri uí Domnaill.
62.  184b 5 23835  Degrí Derluis
    dothutim im Furadrán fuatlán
    Cú Chaille chrúaid
    ⁊ romac in ruaid Ruarcán.
63. Rí hua ̇nDorthaind
    Maelán docer leo i rroí chatha
    i tessaig thrucha
    ro bith flaith hua ̇mBresail Macha.
64. Mandrais Flaithbertach fial
    na ̇ngíall ̇nglacban
     184b 1023840  las rubad fael
    Cú Ulad is Aed is Artán.
 p.802
65.  184b Ard hua Canaind Caille Conaill
    cirrsit claidib.
    rotrén reraig
    coro ndedaig Aed Ailig.
66. Anrad aile
    Mathgamain clainne Céin calma
    ba fial fodla
    dorochair la Niall n-ard n-amra.
67.  184b 1523845  Árim a crech
    ní étann nech ní nach ada.
    cid as aidbli coro áirmi
    gainmi in mara.
68. Meraid co bráth
    a n-adchoad do chach dia ̇nglonnaib
    ní ara n-écnach
    ní écind cétmad dia ̇nglonnaib.
69. Fland fer legind ó Manistir
    rod mór Dia.
    23850  iss é dosróna
    dia n-iarfais nech croda cia. C.

8. Mide magen clainne Cuind

1.  184b MIde magen clainne Cuind
    184b 20 forod clainne Néill nertluind.
   cride na Banba bricce
   Mide mag na mórchipe.
2. 23855  Mór ríg ro gab for Mide
   eter ̇fine is anfine;
   oro gab for Inis Fáil
   longas mac Miled Espain.
3. O amsir Hérimoin ain
   23860  co hamsir Nuadat Find Fáil;
   o amsir Nuadat ille
    184b 25 co amsir n-aird nUgaine.
4. Ó Ugaine ule anall
   co Echaig Feidlech Fremand;
   23865  ó Echaig amra inn athach
   co Cond calma Cetchathach.
5. Ó amsir Chuind co cét cath
   co clannaib Néil meic Echach
   ra clannaib Néill o sein ille
   23870  in magsain mag mór Mide. M.
6. Conall cétrí clainne Néill
    184b 30 ro gab ós Mide mongréid.
   .uii. ̇mbliadna déc dó don dund
   coro n-ergab éc opund.
7. 23875  A secht fichet oc fledaib
   d'Fiachaig mac Néil na degaid
   coro chloemchlae ni dalb daith
   forin maig oc Carn Feradaig.
8. Ardgal mac Conaill na crech
   23880  secht ̇mbliadna os Mide magnech
   deog a topur éca itib
    184b 35 i cath Detna la Lagnib.
 p.804
9.  184b Mane mac Cerbaill Cluana
   .xu. bliadna drechbuada.
   23885  iter troche
   sin maig i cath Chlo enlocha.
10. Diarmait mac Cerbaill chrechaig.
    xx. bliadan 's a cethair;
    ardruri Mide na mmed
    23890  i mMaig{⬌} ra losced
11.  184b 40 A.iiii. Colmain Móir mo raith.
    meic Diarmata ba deġflaith
    Dub Sloit Cruthnech mac Trenz
    ro marb do rind ruadbera.
12. 23895  Bliadain ar .xx. iar tain
    do Cholman Bic dia brathair.
    dorochair flaith caem na crech
    la Aed mac n-ard nAnmerech
13. .Uiii. ̇mbliadna 's a deich cen táir
    23900  ro ̇feith Suibne mac Colmain
    ro marb Aed Slane na sleg
    tair ocon tsale thondgel.
14.  184b 45 Tri bliadna fa dó don dus
    do mac Colmain d'Fergus
    23905  fríth ilach dó fo dered
    i cath birach Blattened.
15. Oengus mac Colmain chetaig
    ro glacc in ̇mBanba ̇mbétaig.
    uii. ̇mbliadna dó iTemraig thall
    23910  a bás ro derlaig Domnall.
16. Conall Guthbind mac Subne.
    a coic fa chethair tre chuibde
     184b 50 cora ben a dianblaid de.
    Diarmait mac Aeda Slane.
 p.805
17. 23915   184b Sé bliadna déc co demin
    Mael Doid mac Subni serig.
    forracsat a daíne thair
    i Cnoccaib Maele Doaid.
18. Diarmait mac Airmedaig áith.
    23920  ui. Bliadna .xxx. nir thláith
    ro thascair in Bregach brass
    Finnacta Fledach foltchass.
19.  184b 55 Fiche bliadan nir fata
    do Murchad mac Diarmata
    23925  darochair sin alt iar tain
    la Conall Grant hua Cernaig.
20. Diarmait Airmedach iarma.
    Aed Colggu cóic certbliadna.
    .iiii. ríg Mide na mmed
    23930  ro marbtha oc Bile.Theined.
21. Domnall mac Murchada móir
    .ui. bliadna .xl. cóir.
     184b 60 tuc Dia dó flathius fata
    co n-erbailt hua Diarmata.
22. 23935   185a Niall mac Diarmata in daig derg
    flaith Mide na lomlerg.
    .ui. bliadna i rrígi rebach
    co torchair la Muredach-
23. Murchertach mac Domnaill dían
    23940  di bliadain don ̇flaith láṅfíal
    rop é rí in borrfaith cen brath
    nóco torchair la Dondchad
24.  185a 5 Dondchad mac Domnaill na ndrech
    ropo leis Temair tollmech.
    23945  xxx. bliadna dó derb lend
    co n-erbailt iarla Herend.
 p.806
25.  185a Oenbliadain i rrigi réil
    do Domnall mac Dondchaid déin
    tair i táeb na halla
    23950  darochair la hectranna.
26. Muridach mac Domnaill daith
    cunnid in chomlaind choicdaig.
     185a 10 tri bliadna ós Chluain Chobthaig cain
    ro ndorchaig éc anapaig.
27. 23955  Diarmait mac Dondchaida daith
    bliadain i flaithius ̇firmaith.
    i mmudu dochuaid con chaill
    tiar i cath Ruba Chonaill.
28. Conchobor caem. a mathius
    23960  ós Herind.i n-ardflathius.
    is éc atbath rí in Broga
    degmac duanach Dondchada.
29.  185a 15 Deich mbliadna i flaithius nar fóen
    dó do Mael Ruanaid rocháem
    23965  atbath mac Dondchaid dil
    rí in borrfada 's in bissig.
30. Dí bliadain flaith in meic maith.
    dar éis Mael Ruanaid in raith.
    ro marb na brethlaind co mblaid
    23970  Mael Sechnaill a derbrathair.
31. Mael Sechnaill saer a Slemain.
    uii. mbliadna déc na degaid.
     185a 20 atbath iar ̇mbuadaib co mblaid
    mac Mael Ruanaid co rogail
32. 23975  Lorcan mac Cathail na crích
    dí bliadain i flaithius fríth
    rí for Midi mall na miach
    coro ndall Aed Findlíath
 p.807
33.  185a Dondchad hua Conchobuir chrúaid
    23980  da sé ̇mbliadan band for búaid
    la Fland in tochuir cen tar
    dorochair mac Eochocan.
34.  185a 25 Fland mac Mel Sechnaill amra
    .xuii. bliadna os Banba;
    23985  cia tír naro threnglacc trell
    noco n-erbailt rí Herend.
35. Hua Mael Sechnaill cen omon
    tri bliadna do Chonchobor.
    malle ro Niall ̇nGlundub ̇ngel
    23990  dorochair grian na ̇nGaedel.
36. Domnall mac Flaind fuair bliadain
    eter Chluain is chorrLiamuin
     185a 30 rod marb ciarbo glond co ngail
    Dondchad dond a derbrathair.
37. 23995  Donchad cen bét cen binne
    fuair éc i n-echMide.
    fúair iarla Crinna ba cet.
    ui. bliadna finna fichet.
38. Fuair Oengus airdairc cen ail
    24000  iarna athair oenbliadain.
    .xxx. cét lín a chatha
    co n-erbailt mac Dondchada.
39.  185a 35 Dondchad mac Domnaill diamra
    ro chaith .iiii. oenbliadna
    24005  ro marb flaith gót in gossa
    Fergal óc mac Oengusa.
40. Fergal fuair ráite co rrath
    coro n-indarb Congalach
    oc Luain Iraird co cliaraib
    24010  nínro n-uair acht oenbliadain.
 p.808
41.  185a Oenbliadain aile do Aed
    do mac Mael Ruanaid ro cháem.
     185a 40 fuair bás na chomland chatha
    la Domn all mac ̇nDondchada.
42. 24015  Domnall bliadain co ba thrí
    bord ro Liamuin in lethrí
    bét do chlaind Chobthaig cliaraig
    éc meic Dondchaid drechmiadaig.
43. Carlus mac Cuind meic Dondchaid.
    24020  remes .ui. ̇mbliadan mborrfuid.
    and dorochair hua Flaind Fáil
    ait i rrollsat Gaill crithgair.
44.  185a 45 Murchertach riagla lat sain
    .iiii. bliadna fo chethair.
    24025  fuair forlund ic Druim Chriaig cain
    la Domnall mac Congalaig.
45. Cóic bliadna do Mide maith
    fás cen tige cen deġflaith.
    Fergal ro chrechaig cech claind
    24030  ra dered flatha Domnaill.
46. Coic bliasna .xl. coir
    flathius Mael Shechnaill echmóir.
     185a 50 rí mórMide co millse
    ec atbath issin ChroInse.
47. 24035  Mael Sechnaill Got a cethair
    éc olc ra scar ra bethaid.
    uii. ̇mbliadna Rena rubnib dán
    cosin cath i mMóin Milán.
48. Domnall dí bliadain a band
    24040  co torchair la Mael Caland.
    roba rí Midi na mmol
    dia éis ro gab Conchobor.
 p.809
49.  185a 55 Dar éis Domnaill delbglain dil
    ro gab for Temraig tírig.
    24045  di bliadain .iiii. deich dron
    iss ed ro ̇feith Conchobor.
50. Conchobor magMide maith
    nachorb anfine in arḋflaith.
    do láim Murchada meic Flaind
    24050  dorochair hua Mael Shechnaill.
51. Secht ríg da fichet ríg rúad
    iar Con all Breg ni bec slúag.
     185a 60 co Conchobor na ̇ngním ̇ngle
    is é lín ro gab Mide.M.

9. Síl Aeda Sláne na sleg

1. 24055   185b SÍl Aeda Sláne na sleg
   dia sásar mór ríg ragel.
   innisfet ara mathius
   a n-aided a n-arḋflathius.
2. Ba flaith Aed Slane na slat
   24060  ré choic mbliadan cethorchat
   co torchair in rí do rind
   la Conall ̇ngasta ̇nGuthbind.
3.  185b 5 Conall Loeg Breg ós Boin bricc
   a cethair don ríg roglicc.
   24065  dorochair i cath Odba.
   la Oengus n-óc n-ardomna.
4. Conall Cerna ⁊ Clettig
   cóic bliadna ós cach banlettir.
   lasin Conall ̇nGuthbind ̇ngle
   24070  dorochair oc Loch Threithne.
5. Ailill Crundere cliaraig
   .iiii. bliadna acht oenbliadain.
   la Conall ̇nglic glan
    185b 10 dorochair oc Ath Go an.
6. 24075  Gabais Diarmait Blaithmac bán
   a cóic ficet ni furáil
   da ardrí Herend uile.
   ros marb in teidm tondbuide.
7. Conaing mac Congaile Cuilt.
   24080  iii. bliadna os Boind bláthbuic;
   co torchair isin debaid
   la Diarmait mac Airmedaig.
8. Sechnassach mac Blaithmeics braiss
   .ui. bliadna os Bregmaig barrglais.
   24085   185b 15 Dub Dúin rí Corpri co rath
   leis dorochair Sechnasach.
 p.811
9.  185b Sé bliadna Chind Faelad aird
   meic Blaithmeic buadaig bithgairg.
   dorochair rí Cairn Chachta
   24090  issin maidm la Finnachta.
10. Finnachta fichi bliadan
    báe in Heriu ca ardriarad;
    i ̇nGrellaig Dollaid co ndath
    dorochair la Congalach.
11. 24095   185b 20 Congalach a .iiii. cluin
    co n-erbuilt i Taltenbruig.
    bliadain i flathius Néill na ndath
    coro marb in cáem Irgalach.
12. Irgalach mac Conaing cain
    24100 .uiii. ̇mbliadna d'éis meic Cernaig.
    dorochair Irgalach án.
    tess oc Inis Mac Nessán.
13. Da bliadain ós Bóin bladaig
    d'Amalgaid mac Congalaig.
    24505  dorochair la Conall gle
     185b 25 tair oc Cill scothair Scire.
14. Conall Grant hua Cernaig crúaid
    .ui. bliadna ós Bregmaig bratruaid.
    dorochair i lló in madma
    24110  la Fergal na findBanba.
15. Bliadain Fogartaig na feb
    co torchair i cath Delgthen.
    rí Fotla ⁊ rí Fabair
    la Cinaed mac Írgalaig.
 p.812
16. 24115   185b Cinaed .u. bliadna fá dó
    ós Herind nf himmargó
     185b 30 ro marb Flathbertach find Fáil.
    i cath Dromma caiss Corcáin.
17. Conaing Crach costid ri sain
    24120  .x. ̇mbliadna aile os Bregmaig.
    fuair aidid la Aed ciar fell
    i ndorus Ailig Rigrend.
18. Se bliadna ruirac co rogail
    Inrechtach mac Dungalaig.
    24125  i nDún Chromtha cétaib gal
    and dorochair la Dungal.
19.  185b 35 Dungal Cnogba co cliaraib
    a sé fa dó acht oenbliadain.
    i cath Emna Macha i mmaig
    24130  dorochair mac Amalgaid.
20. Uiii. ̇mbliadna radit na raind
    do Chongalach mac Conaing.
    Dondchad co rath co rogail.
    rod marb i cath Forcalaid.
21. 24135  Uiii. ̇mbliadna co cath Liac Find.
    dó do Diarmait ba deglind
     185b 40 i ndígail abbad Tuilén
    dodrat Dondchad i nderglén.
22. Dá ndeich sé bliadna ar bladaib
    24140  do ̇flathius Flaind meic Congalaig
    oc Manistir Móir molaim
    dorochair hua caemChonaing.
23. Cernach hua Congalaig caiss.
    sé bliadna os Taltin toebglaiss.
    24145  dorochair i taig Cnogba
    la Cinaed cruaid comchalma.
 p.813
24.  185b 45 Cinaed dar ési Cernaig.
    a sé déc i tromThemraig.
    ic Dún Sinche ria samain
    24150  rod marb hua cruaid Congalaig.
25. Cummascach da bliadain i fos
    flaith os Bregmaig na mbendchros
    i nDaim Liac Cíannain canair
    marb hua ciallmair Congalaig.
26. 24155  Cinaed coic bliadna cia bé
    co ár torsech Treote.
     185b 50 coro baded mac meic Flaind
    lasin flaith la Mael Sechnaill.
27. Secht ̇mbliadna fichet sain sluind
    24160  ropa rí Fland mac Conaing.
    i cath Chilli Hua ̇nDaigri a díach
    dorochair la Aed Findlíath.
28. Fichi bliadan a cóic cen chrád
    mac Cellaig find Flannacán
    24165  dorochair la sluag Gall gargg
    i mmulluch Cerna chlaidard.
29.  185b 55 Secht ̇mbliadna Mael Finniain áin
    degmeic luchair Lannacáin.
    ic Inber na mBárc
    24170  atbath hua cháem Congalach
30. Tri choic bliadan bil
    da brathair do Mael Mithig
    {⬌} Lorcan cen len
    rod marb Fland mac Mael Finnéin
31. 24175   185b 60 uii. ̇mbliadna Flaind cosin cath
    i torchair la Hu Echach.
 p.814
32.  186a Aed mac Mael Mithig miadaig
    niro chaith acht dí oenbliadain
    dorochair Aed in Broga
    24180  la Oengus mac ̇nDondchada.
33. Congalach in t-iarla in t-abb
    ro chaith .uii. ̇mbliadna fichet.
    la slúag Lagen ⁊ Gall
    dorochair oc Taig Giugrand.
34. 24185   186a 5 Glaṅfiche bliadan co mblaid
    do Domnall mac Congalaig.
    oc Taig hua ̇mBuiden ̇mbrogda
    docer culen caemChnogba.
35. Oenbliadain Dondchaid na ndám
    24190  co torchair la Claind Colman.
    di bliadain Murchertaig maill
    co torchair la Mel Sechnaill.
36. Íarra lat iarmothá sein
    a baird Fintain a eolaig;
    24195   186a 10 or nach fail sunda co se
    saegul síl Aeda Slane. S.

10. Immacallam in dá Thúarad

 186a ADna mac Uthidir de thúathaib Ól nÉcmacht ollam Herend i n-écsi ⁊ ̇filidecht. Atacomnaic mac laiside .i. Néde. Luid 24200  iarum in macsin do ̇foglaim écsi i nAlbain co Eochu Echbél. ⁊ ro buí i farrad Echach corbo eolach i n-écsi.

 186a 15 Luid laa and in gilla co mbuí for brú mara. ar bá baile fallsigthe éicsi do grés lasna filedu for brú usci. Co cuala in gilla fogur issin tuind .i. córus cainiuda. ⁊ torsi ⁊ bá i̇ngnad leis. Rola iarum in 24205  gilla bricht forsin tuind coro ̇fallsiged dó cid ro mboí Co tárfás dó iar sain conid ac caíniud a athar ro buí in tond ⁊ co tucad a  186a 20 thuignech do Ferchertne ̇file. ⁊ ro gab ollamnas. i nn-inad a atharsom .i. Adnai.

Luid iarum in gilla dia thaig ⁊ adfét dia aite .i. do Echaid. & 24210  asbertside fris eirg do tír i fectsa. ni thalla adar n-écsi ar ndís i n-oenbale. uair forosnaí th'eicsi duit it ollam ar eolas.

Luid iarum Neide reme ⁊ a trí brathir leis .i. Lugaid. Cairpre.  186a 25 Cruttíne. Docuridar bolc belce dóib for conair. Asbert fer díb. cid dia n-apar bolc belce. Uair na fetatar lotar for culu co Echaid 24215  co mbátar mís aice. Lotar for conair doridisi. docuridar simind doib. Asbert fer dib. cid dia n-apar semind. Uair na fetatar lotar for culu coa n-aiti. Documlat úad i cind mís aile. Docuridar  186a 30 gass sanais dóib. Uair na fetatar cid dia n-eper gas sanais. tiagait for culu co Echaid co mbatar mís aile aca.

24220  Oro íctha dóib trá a cesta documlaiset do Chind Tíre. ⁊ luid iar sin do Rind Snóc. Documlaiset iarum a Purt Ríg dar fairgi. corra gabsat i rRind Roiss. as saide for Semniu. for Latharnu. for Mag  186a 35 Line. for Ollorbai. for Tulaig Roisc. for Ard Slébe. for Craíb Telcha. for Mag nErcaite. for Banna. iar nUactur. for Glend Rige. for 24225  Tuathaib Hua ̇mBresail. for Ard Sailech fris raiter Ard Macha indiu. for Sídbruig na hEmna.

Is amlaid dano documlai in mac ⁊ craeb airgdide uaso. uair iss  186a 40 ed no bíd uasna hanrothaib. Craeb óir im uasna ollamnaib. Craeb umai úasna filedaib archena.

24230  Documlat iarum dochum Emna Macha. Docuridar dano Bricriu doib. forsind aithche Asbertsaide friu dia tuctais a lóg dó ropad Néde bad ollam Herend. triana chomairle ⁊ triana impide. Dobert  186a 45 Neide lenid corcra do cona cumtuch oir ⁊ argait. Asbert Bricriu

 186a ris dula coro suided i n-inud ollaman. ⁊ asbert riss ba marb Fer- 24235  chertni. & ba hand baiside fri Emain atuaid oc tuidecht écsi dia éicsinib.

& asbert dano Bricriu ní geib fer amulchach ollamnacht i nEmuin Macha. ar ba naídentasom araí n-aisi. Gabais Neide lán a duirn dond eór ⁊ focheirt brict fair conid ed dommuned cach ba ulcha 24240   186a 50 baí fair. & luid co ndessid i cathair ollaman. ⁊ gabais a thugnig imme.Tri datha na tugnigi. .i. tugi do ittib én ̇ngel ar medón. frosbrechtrad findruine forind leith ichtarach dianectair. ⁊ fordath fororda forind leith uachtarach.

Luid Bricriu iar sain co Ferchertni. ⁊ asbert ris. Ba dirsan 24245  a Ferchertni do chor a hollomnacht indiu. Ro gab fer óc airmitnech  186a 55 ollamnacht i nEmuin. Na lond Ferchertne fri side. & luid is tech rigda co mbaí forsin irlár. ⁊ a lám forsin gabail. condid and asbert. Ciasu file. fili.

Loc tra dond immacallaimsea Emain Macha. Amser dano di 24250  amser Conchobuir meic Nessa. Persa dano Nede mac Adnai de Chonnachtaib. vel is de Thuathaib De Danand dó amal atbeir féin issind Immacallaim. macsa Dana. Dán mac Osmenta ⁊ c. amp  186b Ferchertne fili. do Ultaib. Tucait a denma .i. tuignech Adnai do thabairt do Ferchertni ó Meidb ⁊ ó Ailill. iar n-éc Adnai. Co 24255  tanic Neide mac Adnaí a hAlpain amal atrubrammar co hEmain co ndessid i cathair ollaman. co toracht Ferchertne istech ⁊ co n-epert ic fascin Nédi.

 186b 5 CIASU FILI FILI IMMA LI TUGEN—CO N-ALLI. .i. Cia suí filed imma llaigend in tuigen co n-álli. 24260 DODONAIRB IAR CETUL CHRETH. .i. dodonasbénand iar cantain a aíi. a éicsi. LA DECIM FELMA C. .i. Is amlaid atchiim conid mac foglamma. FÉR DES ROGREIND 24265  .i. Is de ra orddaig a greind dond éor.  186b 10 I N-AIRB CHRETH CHETAIL .i. in bali ata á cantain a écsi. CIASU FILE FILE NEIT .i. cia suí filed in fili as Nede. vel in file notlach. 24270  Ni chuala cuich inní meic Adnai

 186b i. ní chuala co n-immud fessa. vel ni chuala combad ní etir mac Adnai.

NI CHUALA CO SOLMFIS. .i. ní chuala co fiss solam aice. 24275  Mell suide dar ninu Néde.  186b 15 .i. Is aíbind in suide i ndessid Néide. vel dano darmo littre is melta Nede don tsuide i ndessid .i. suide i cathair ind olloman. Rad n-onórda in so atbert Nede fri Ferchertne. Arsan. A mmo sruith. 24280  .i. a mmo suí ind raith. Suí coisc cach suí .i. is súthemail tecosc cech suad. Suí cech anim aisc  186b 20 .i. dlegair de suid aisc cech aneolaig. 24285  Asecha riasiu rofiastar .i. dena ar sȯfégad riasiu dogné feirg rind. Cia aisc. Cia súg .i. cia súg aisci móri fogebi form. Fo chen cid sathchíall suthe 24290  .i. Is mochen limsa docheilsiu áith súthemail a Ferchertni. Séim anim ocnait. mani chiastar ceird.  186b 25 .i. Is étrom vel is bec ind anim do neoch a bith óc menip cesti fora eladain. Ci̇ng mál 24295  .i. cémnig a uasail innas as dligthechu. Mithadbait .i. is míthaidbsiu sain innossa. Mitharfaid. ⁊ is míthasselbad o chíanaib doratais form. 24300  Domairbir fiadfath co rrubec  186b 30 .i. dorónad mo thairbert do biud ⁊ séot ar m'̇foglaim órbam bec. Ro selai delai fir muaid moínig .i. ro denusa sini ind ̇fir maith moínig. ica rabatar moíni na hecisii. Echu 24305  Ceist a gillai ̇forcitail can dodechadais. N ede. N i handsa. A sail suad .i. a comaitecht suad.

 186b A commur gaíse  186b 35 .i. asin baile a tá comimmad na gaíse. 24310  A forbthib fio .i. assin baile a tá forbthecht in mathsia A lluachair throgan .i. assin baile i fil lí chóir na heicsi. vel trogan ainm do turcbail deirg na grene sin matin. 24315  A caillib .i. a noí collaib na Segsa. Crínmond  186b 40 .i. crethmon .i. creth aí ⁊ mon cles. a caillib dī assa mbenaiter clessa na súad tanacsa. 24320  A cuardaib ane. .i. a caí uird inna fíraíi. inna fíréicsi. Asmidetar fír iar febaib .i. do réir a n-eolais. I forcantar fírinni. 24325  .i. i mbrithemnaigther fírinni. I funethar gó .i. i fescrigend gó I fegaiter datha .i. find i mmoltar. dub i n-aerthar. ⁊ rvel 24330   186b 45 I nuigter dana .i. immon foglaim. Os tussu a mmo sruith can dollod. Ferchertne Ni handsa. Iar colomnaib aíse .i. iar colomnaib sé áes in duni. 24335  Iar srothaib Galion .i. Boand. uair is ic Laignib atá ⁊ atibseom sruth immais eiste. Iar síd mna Nechtain. .i. ainm do Boind ben Nectain. Iar n-ól dī digi inmais dosom  186b 50 a Boind dodechaid. 24340  Iar rig mna Nuadat .i. iar nirt ̇filidechta Nuadat .i. Nuado Necht ainm filed do Lagnib. ⁊ is dó ba ben Boand. IAR FUTHIUR GRÉNE .i. iar ̇ndegthír inna haí grianda .i. inna heicsi. 24345  Iar n-adbai escai

 186b .i. Rofitir in n-adba i mbí int ésca i llo. ⁊ in grían i n-aidchi. vel  186b 55 iar n-aidchi thanic. issin ló deside tánic.

Iar srinci óic .i. iar srei̇ng uaim inna haf óci. vel inna hai as forcthe. vel iarmo 24350  srei̇ng oic .i. nomen alicuius partis paruae quae sit in ore infantis in utero matris. cuius nomen est srinci.

Ceist a gillai forcitail cia th'ainmsiu. Nede Ni handsa. Robec 24355  .i. i persaind. Romór .i. i n-eolas. Rothet .i. réid im étail mad gudi nod gesta. vel ro thatnid uaimse. Rochtot 24360   187a .i. ro chotut é ri écin fair. Rosre tened .i. am rossir amal tenid. vel roseich cucut minchrecad amal tenid. Tene feth .i. Tene na haí .i. foclad co n-imdergad. 24365  Fogroll sese  187a 5 .i. fogur oll in tsȯfessa ocum. Sopor somma .i. am topur co n-immud eolais. Slocrech dána. 24370  .i. claidim aí mo dána. Droncherdach .i. am díriuch im eladain. Co teinm a tein .i. co tenmnech amal tenid 24375  Os tussu a mmo sruith cia do ainmsiu. Ni handsa.  187a 10 nessu célaib .i. nesso ciallaib. Cur fethach 24380  .i. am cóir ic fethugud aí foaisnís .i. o ̇fir adgair. Freisnis .i. o fir adgairther. 24385  Fochmorc foruis

 187a .i. ata fiss finnitnech acum dia n-athchomarter dim.  187a 15 Fíthe cerda .i. dluthaim eladain. Comrar dana. 24390  .i. cométaim d n. Dramm de muir .i. is dírim in muirse na hecsi. Ceist a gillai forcitail cia dán dognísiu. Ni handsa. 24395  Romna rossa  187a 20 .i. romnad aigthe ic aerad. vel ic molad co tí a nnáre im thidnacul sét dond ̇filid. Rind feola .i. fáebur áere i feóil intí na tincand immo dán. 24400  Fonoch feile .i. fonige na hagthe tria molad. Foscnad anbli .i. nemnári oc cungid neich.  187a 25 Altram creth 24405  .i. foglaim écsi. Cluith do thúr .i. in lucht in mbf enech do thúr. Tochmarc fáth .i. fochmarc inna heicsi. 24410  Cerd cach ̇mbél. .i. eladu cech duni do ̇foglaim ar dáig forcitail caich. Bruud n-immais  187a 30 .i. scailid immad rȯfessa do chách. Imscothud n-insci 24415  .i. séim scoithes a indsci conna bít faidb furri. ImsciNg bic .i. biim i llepaid immalle fri ríg. Búar súad .i. airchetla beca. vel airchetla mora. ara tabraiter bai do suid, 24420  Sruth fail  187a 35 .i. aiste imda. vel immad na hecsi. vel fál gotha cáich. vel Inis Fáil. Forcital n-imda .i. fogla im do écsinib. Áil ríg risi rede 24425  .i. is áil dona rigaib na scéla taitnemcha uaimse.

 187a Os tussu a mmo sruith cia dán dognisiu. Ni handsa.  187a 40 Foram cotaith .i. forsemnigud do chungid seoit ⁊ bííd. 24430  Costud sída .i. álim síd do chách .i. brithemnas do chach.

Sretha fairne  187a 45 .i. seoit do ̇fairind .i. srethugud a dáme for fecht féle .i. cétadaig aígidechta duni do thig a cheli conid lánbiathad dliges iarum in 24435  n-aidchisin. acht corop deithbir no n-imluade. ⁊ a biathad iarna dáim ⁊ iarna grad ⁊ iar n-úasli ⁊ iarna lín. Gnáth les immorro dó  187a 50 cech tan rachas o sain immach. ní dlig acht lethbiathad ⁊ ni dlig cid éside menip ra deithbir dig.

Fochoid ocnóe 24440  .i. is fo chataid biim con ríg co mbiim i n-amsa. Noud cerda .i. erdarcaigim eladna. Cossair ócríg .i. biim for comdergud fri ríg.

24445   187a 55 Riascad Boinne .i. indsce ind immais doci̇ng iar ̇mBoind .i. Ro ascim na cnú docuridar Boand .i. cnoi ind immais.

Briamon smethrach  187a 60 .i. bri briathar ⁊ mon cles .i. cles briatharda sin dognítis ind 24450   187b ̇filid .i. cenéle nemthiusa in sin .i. smitt a chluasi do gabáil inna láim .i. amal ná fil cnáim and sin. is amlaid na fil enech vel nert acontí écnaiges in file.

Sciath Aithirni .i. áer ⁊ glám dícend ⁊ áilges. Ailges .i. gudi ail dobertis ind 24455   187b 5 ollomain for cech oen dia túaith im sechtmad lóig a einig cech aín iarna grad ⁊ iarna thochus do thabairt dia ollomain dílis do chind airm ⁊ étaig. dó ria techt i tír n-echtrand. Bá hí im a chommaín sin ond ollomain .i. tobuch dia thuathaib a cruid dar cocríchaib  187b 10 dia n-argtis eat .i. tria rennaib áer ⁊ glám ̇ndícend bale i femdebtais 24460  im assec tria brectrad molta. ar rosegat renna na n-aer conair nach rochet renna na n-arm.

Erraind n-ais a sruth buais .i. is uais ind rand rosiacht ar immad a daġfessa .i. ollomnacht  187b 15 Barand immais

24465   187b .i. is lia ind rand immad in tsoais fil acum .i. na .uii. n-asti. bííd a bara forsintí nom cráide co ndenand a aír. Aicde menman. .i. do réir menman cáich no mmolaim. Minairbe cerd 24470  .i. aiste beca. Costud réil  187b 20 .i. sídugud solusta do chach. Rissi ruada .i. scéla gaiscid ⁊ imdergtha cáich riana briathraib. 24475  Rout noithe .i. erdarcaigim aisti iar setaib dligid. Némain i fothud .i. is gilidir némaind aní ̇fothaigim. Furiud fáth 24480   187b 25 .i. fethnaigthir seoit damsa. Iar nath .i. iar n-asti. Ceist a gillai forcitail cid fotlaimtherso .i. c'eret not luamnaigther. Ni handsa. 24485  i mmag n-aesa .i. i forlethet aísi thegim. I sliab n-oíted .i. i n-ard na oíted .i. i n-óclachas. i fiadach n-aise 24490   187b 30 .i. issin n-aís fathaig i tucand nech fátha. i lluna threith .i. i llenmain ríg inna magrianan. I nn-othrai .i. i n-adbai. uathuinni .i. i n-adbai úre ⁊ chloche .i. úath úir ⁊ 24495  ond cloch. Eter othain ⁊ a chend .i. eter in n-adnacul ⁊ in mesrugud. Eter cath ⁊ a ̇fuath  187b 35 .i. sídugud eter lucht in chatha. ⁊ iss ed is ̇fuath issin chath na24500  hairm. vel eter fid ⁊ a imscothad. ⁊ eter fid ⁊ tech .i. conara. eter imda ⁊ airidi. Eter triunu Tethrach .i. eter na treono Tethrach .i. ainm ríg Fomore.  187b 40 Eter sostu siloin

24505   187b .i. eter na sostuda i silend cach .i. taige na mbriugad. ⁊ rvelvel silóin .i. imda dessi ⁊ tríir. vel síloin .i. sil daglaech. vel siloin .i. ili sceo oen. Eter sruthu íuil .i. eter srothu ind eolais imdai .i. ind forcitail. 24510  Os tussu a mmo sruith. Cid fotlaimtherso. Ni handsa. I sliab ̇ngraid .i. i n-uaislidetaid na ̇ngrád.  187b 45 I commuin fáth 24515  .i. commuin na foglamma. I fuithriu aesa iúil .i. fothir ind aesa iúil .i. uasail. I n-ucht n-osnai .i. i n-ucht na sona .i. na rríg ⁊ na mbriugad. 24520  I n-inber raithe .i. i n-inber ind ratha .i. i n-ollomnas. I n-oenuch thuirc thréith  187b 50 .i. i n-oenach meic ind ríg .i. clúim ⁊ cholcid. ⁊ rvel I fochataid fer nai24525  .i. is fo chataid na fer nua .i. na rríg nua biim. vel fo chátaid na scíath ferna. I fanu folerbad fal romiad .i. is fán i mbíd immad na fer romiadach i mbás.  187b 55 Ceist a gillai forcitail. Cisi chonar dollodsu. 24530  Ni handsa. for clar find fessa .i. for clár da less .i. in loc asa téit ind noídiu. For cúl tréith .i. ulchi fri ulchi frisin ríg biim .i. i frithchetfaid ina imdai. 24535  For fidrád n-ais  187b 60 .i. iar cach aís i n-araile vel for fathrath ind ̇fessa nuíi. na hecsi. For drumni daim inn air  187c .i. for drumni in daim aires in n-aír. For soilsi samlaam 24540  .i. mo dán trén amal solsi ind laí samraid .i. in tan bís caín domnach is menic m luan alaind ina diaid. For maethla matha.  187c 5 .i. forsna maethla mathi .i. mess ⁊ torud. vel na .uii. n-aiste.

 187c For dructu déa. 24545  .i. ith. vel cenele forcitail. For unce n-etha .i. uate ind etha .i. becan do arbur la biad n-aile dó vel for óenchoí  187c 10 ind iatha .i. ind ̇feraind.

For ath n-uamain 24550  .i. for in n-aí n-áith is uamon la cách .i. ind écsi. For sliastai sadbai .i. sliasait fri araile frisin ríg in tsoadbai i mbí i tig midchuarda.  187c 15 Os tussu a mmo sruith cisi chonar dollodsu. Ni handsa. 24555  for echlaim Loga .i. is e Lug arránic óenach ⁊ liathróit ⁊ echlaisc. For luani ̇mban ̇mbaeth .i. for lonloi̇ngiu ban vel chiche ban ro diul.

For folt feda 24560   187c 20 .i. for dagalt feda ⁊ déich ⁊ réime ⁊ rvelvel cranna gai. For cend ̇ngai .i. i commaid ríg ar 's é is chend isin táth. vel claidib .i. techta n-anruda. For fuan n-argit 24565  .i. etach co n-argut.  187c 25 For creitt cen ̇fonnad .i. eich cen charpait. vel for creit in dána. For fonnad cen chul .i. for carpat cen chlaine.

24570  For trian fessa Meic ind Óc  187c 30 .i. ní fitir cuin atbela ⁊ cia haided no mbérad ⁊ cia fót forsa n-epelad. vel fot geni ⁊ fot a bais ⁊ adnacuil

Ceist a gillai forcitail cia doaisiu mac. Ni handsa. 24575  Macsa Dana .i. im macsa ica tá dan. Dan mac Osmenta .i. iarna múnud damsa co úais.  187c 35 Osmenta mac Imráti. 24580  is tuisechu in t-imradud oldás in. munud uais. Imradud mac Rȯfis

 187c .i. is tuisechu in sin oldás imrádud a ̇foglamma o neoch. Rȯfis mac Fochmairc  187c 40 .i. is tuisechu in dagimchomarc forin fis oldás in fis do bith oc 24585  neoch. Fochmorc mac Rochmairc .i. is tuisechu in roimchomarc ón magisteroldás a dagimchomarc on descipul deside. Rochmorc mac Rȯfessa 24590   187c 45 .i. is tuisechu in rȯfis do bith oldás in roimchomarc. Rȯfis mac Rochuind .i. is tuisechu do neoch rochodnaige aice andas foglaim do denam aice. Rochond mac Ergnai 24595   187c 50 .i. is tuisechu etargna vel intliucht do bith aici oldás codnaigi do thasselbad dó

Ergna mac Ecnai .i. Is tuisechu do neoch in t-ecna do bith i n-anmain oldás a thasselbad.

24600  Ecna mac na trí ̇nDea ̇nDana. na tri dei Dana. tri meic Brigti baṅfili .i. Brian ⁊ Iuchar ⁊ Úar tri meic Bressi meic Eladan ⁊ Brigit baṅfile ingen in Dagdai Móir ríg Herend a mmathair. & ainm dóside in Ruad Rȯfessa atberar sund. vel Cermait ⁊ Dermait ⁊ Aed.

24605   188a Brigit baṅfili ingen Rúaid Rȯfessa. .i. ainm don Dagda. Ruad Rȯfessa mac na n-ule ̇ndana .i.  188a 5 mac oca mbí in dán uile. Is aire dano beres Nede a genelach cosin luctsa ar is occu ro buí suithe na hécsi co comlán. A dualus a aíse dano atbeir Neide conid mac cech oen dibseo diaraile. ar24610  is é in t-athair leis intí bís i rremthechtas. ⁊ is é in mac intí bís i tiarmoracht.

 188a 10 Os tussu a mmo sruith cia doaisiu. mac. Ni handsa. Macsa fir ro buí nad rogenair 24615  .i. Ádaim. Ar adnacht i mbrú a mathar .i. i talmain. Ro basted iarna écaib .i. i césad Crist.

24620   188a 15 Arnaisc a chetgnúis .i. is é cétgnuis dochuaid i mbás peccaid. Cétlabrad cech bí .i. á Iachtad cech mairb 24625  .i. ach. Ailm irard a ainm. .i. is uasal ⁊ is ard a ainm .i. ailm .i. Adam.  187c 20 Ceist a gillai forcitail. in filet scéla latsu. Filet écin. Scela mathi 24630  muir thorthech .i. im iasc ⁊ rvel Tracht ruirthech .i. Roirthach do lȯngaib ⁊ bárcaib. Tibid fidraid 24635   187c 25 .i. bolga in blátha. Techtait fidlaind .i. tiagait ass na lanna co ff .i. in gentliucht. Fechait oblaind .i. ablanna ⁊ corp Crist. 24640  Asait ithgoirt .i. Asaid ith isna gortaib. ili becha maíni  187c 30 .i. immad maíne bech. vel is imda somaine issin bith. Bithsorchi 24645  .i. solus. Síd subach .i. fáilid. Sam sogar .i. is dagthorthech in samrad. 24650   187c 35 Sluaig rathaig. .i. gabait rath o ríg ⁊ doberat diarailib .i. d'aes dána. Ríg griandai. .i. solustai. Gafs adamrai 24655  .i. admórdai. Echtraid cath .i. Regait ass na catha. Cách dia cheird

 188a .i. fora eladain ̇ndligthig.24660  Fir d'̇fogail .i. do dénam gaiscid.  188a 40 Grés for mna .i. nná fri druine. Munbrec láith 24665  .i. latir grega i n-imriadaiter. Muín gárit .i. gárit maíne dona filedaib dar cend a n-aiste. Laith lán  188a 45 .i. bid comlán in flathius i mbiat sain. 24670  Lán cach cerdd .i. bid comlán cech eladu. Caín cach fó .i. taitnemach cech maith isind amsirsin. Fó cach scél. 24675  Scéla mathe. .i. is maith cech scél atchuas anuasana.  188a 50 Os tussu a mmo sruith in filet scéla letso. Filet écin scéla uatha olc amser bithbias. i mbiat ile cenna. 24680  i mbiat úate enig. ar bebait bí banmessu. .i. epelait na henig ona beoaib. iar firmessamnacht.  188a 55 Biaid búar in domain dithoraid .i. cen lacht vel cen dáir. Dichrechnaigfit fir feile 24685  .i. nare vel guth cen einech. Friscichset midaig moṙflathe  188a 60 .i. friscuichset as na mmóṙflathe móra vel miadacha. Biat olca fir. Biat uati rig 24690  .i. iar ̇ndligud.  188b Biat ile anflathe. Bit dala athisi .i. biat imda daini co n-aithis forro. Bid ainmech cech duni. 24695  Dobebat iar curiuch carpait .i. epelait ass na carpait iar cóir ̇fích. Conmelat n amait Niallmaige

 188b 5 .i. Ériu. Niam fir febaib 24700  .i. ni hanacol do neoch a ̇firinni nach a thochus. Fessaiter im chella cathasa .i. fichfiter catha ac cosn am na cell. Bid furside cech dán. Bid furglide cech gó 24705  Ragaid cech oen assa richt .i. assa dirgidetaid.  188b 10 la úaill ⁊ dímmus. cona fogentar feb .i. tochusa. 24710  na haes .i. sinsirecht. na enech .i. im eneclaind. na hordan 24715  .i. im grád. na dán .i. im ̇filidecht. na forcital .i. im legend. 24720  Forbrisfider cech trebar .i. gabail a eille ond áes dímaínech. Bid pauper cech rí  188b 15 .i. bid bocht cech rí cen chuind tairismi oca .i. tri cuind tairismi dlegair don ríg oca .i. tri puirt. 24725  Dimicnigfider cech sáer .i. cech socheniuil. Conutastar cech dóer .i. conturcebthar cech drochcenel. Cona aderthar Dia na dune. 24730   188b 20 Dobebat flathi ria n-anflathaib. la fursmalta fer ̇ndubga .i. la formailt na fer oca mbít na gai duba. Dobaidfither cretem .i. cen adrad Dé Ro fuasnabthar adbarta 24735  .i. cen tabairt edbart. Focichsiter solaig

 188b .i. cemnigfiter for sailgib na n-ecailsi a gait estib.  188b 25 Docichliter cella. Forloscifiter ecailsi. 24740  Arfássaigfiter culi cessachtaig .i. cen biad intib. Airdibada dochell blatha .i. mess ⁊ to rud. Artisat toraind audbretha 24745  .i. Toitsat ass na toraid triasna gubretha.  188b 30 Adbeba cach a choí .i. epelaid cach a choíi. a chuaird gemrid fora doercheli .i. fora dóerbiatachu. ar ni biat aci biataig. tria olc na hamsire.

Forcichret for collaib coin congala. Co tossnófa cách fora dáim 24750  tria duba ⁊ díbi ⁊ dothchernas.  188b 35 .i. cach fria daim dia marbad .i. im anfalti ⁊ im dailus. ⁊ im dothidnacul.

Attach ̇ndaibri ⁊ dibi ⁊ dothchernais fri diaid in domain dedenaig .i. Ragaid cách i mmunigin a daidbri ⁊ a dothchernais. i nderiud 24755  domain. Dala ile fri aes cerd  188b 40 .i. tair imbárach vel innairther. Fochiura cách cainte do chániud dara chend .i. cennaigfid cách cáinte do imcháined dara chend. 24760  Dobera cach crích for araile. .i. ar dochill. Echtrannfaid fele for cach dind. connach ain lepaid na luge  188b 55 .i. fellfaid cach for inti bias ina lepaid. Genfaid cach a chomaithech. 24765  Mairfid cach brathair araile. Genaid cach a choimthechtaid di chomol ⁊ comlongud conna bia fir na enech na hanim and.

Immuscredfaifet duthernai  188b 50 .i. immuscraidfet drochthigernai ara lín. 24770  Immusnaerfat anflathi .i. lécfit a n-aír La anfeth cach duba. Doirtfiter grada .i. tusliud.

24775   188b Dorromnaibter clerchechta. .i. brécairecht. Dimicnigfiter suid. Sóifit ceóil co bachlachu.  188b 55 Sóifid fiannas i cella ⁊ i cleirchiu 24780  .i. étaige amsaide vel cumri. Saifither ecna i ssaíbretha .i. gebthair ciall ecoir ass. Soifid dliged flatha for eclais .i. Rath do thabairt dond laith a eclais. 24785  Sóifid annach i corraib bachall .i. i n-aes ̇ngráid.  188b 60 Sóifid cech lanamnas i n-adaltras .i. i rreib irgarthaib. Soifid roúall24790  .i. sechtair.  188c & roimtholtu i mmaccu aithech .i. grád Fene vel chille. Sóifid rodíbi ⁊ rodochell ⁊ rochessacht i córaidi .i. i mbrugaidib cen chathim cen tidnacul. 24795  Combtar duba an-anai.  188c 5 .i. co mbatar dorchi. Sóifid rodruine i n-ónmite. ⁊ atchessa .i. athcisaige. Co sailfiter etaige cen líga 24800  .i. co n-aicfiter étaige cen datha .i. cen imdenma óir is argait.  188c 10 Soifid eṡmbretha i rrigu ⁊ tigernu .i. soibbretha ⁊ fingala. Sóifid digaire ⁊ rosire i mmenmain cech dune .i. menma mór.

24805  Conna fogenat mogaid na cumala a comdedu conna cechlat  188c 15 ríg nacha cocerta. conna coistifet ind airchinnig fria manchu ⁊ a mmuntera.

cona fodena in císaige craic a dligid dia ̇flaith .i. abbad do erraid. 24810  conna fogena in manach dia dilius. cona fodema in ben brethir  188c 20 a cétmuntire uaste. conna fogenat. meic ⁊ ingena a n-athre. nach a mmathre. cona urerset felmaic a fithithre.

 188c Sóifid cách a dán i saíbforcital ⁊ i saibintliucht do chungid  188c 25 derscaigthe dia fithithir corop maith lasin sosar bith ina suidiu. 24815  ⁊ a sinser uasa chind. conaba imdergad lasin ríg vel lassin tigerna ragas do sainól vel sainithe ar belaib a chele foḋngena. vel ar belaib  188c 30 a dámi ⁊ a thascuir dodisia.

Conaba imdergad lasin fer trebtha bith ic lȯngud iar n-iadad a thaige frisin fer cerdda renas a ainech ⁊ a anmain ar bratt ⁊ ar  188c 35 24820  biad. co sáife cách a óil fria cheile oc sainól ⁊ oc sainithe. Co llinfa rosant cach ndune. Co rirfe in fer uallach a enech ⁊ a anm a.in ar lóg oenscripuil.

Dichrechnaigfither fele. dínsémtair popuil. 24825  dibdabtair flathi.  188c 40 dinsémtair gradai. digradaigfider domnach. diromnaibter littre .i. saebchiall estib. vel cena ndathug.ud. 24830  Dichlannaigfitir filid .i. conna biat filid acht baird nammá Forbuascaigfider ̇firinni  188c 35 .i. fíroscaigfider ass ind ̇firinni. Forosnaibter gúbretha in domain dedenaig. 24835  Forloscfiter torthi iarna tadbsiu. iar la tola n-echtrand ⁊ daescarslúag. Biaid forlucht for cach bruig. Brogfaitir cricha i rroilbi.  188c 50 bid romag cach rȯfid. 24840  bid rȯfid cach romag. Ar fogena cach lín a muntire. .i. biaid a ord i mbreith a muntire i calad. Ticfait iar sein tedmand ili ancride. Atcha ellma uathmara. 24845   188c 55 Lochait bledmand crand .i. biaid dorchatu and in tan blaidfait na craind ic maidm. Gaim dullech. sam subach .i. dorcha. 24850  fochmuine cen messu. errach cen blathu.

 188c marta la nuna .i. gorta.  188c 60 .I.edmand for cethraib. 24855  bedcacha.

11. Cathcharpat serda

 189a ATchondarc and carput féig foduirn fethamail findruine. co llús co llúas co llangliccus. co pupaill uanicda Co fertsib  189a 5 findruini. Co rrothaib finduma. Co creitt uraird dírig drésachtaich 24860  dásachtaig caemchnessairt cholggfata. cholggatchain. Co carput chraeslethan chraesluath. ar da n-echaib cróda comardda. At  189a 10 íat bágaig bruiche bolgruisc. At é dronchobcha. At íat cendbeca cruindbeca baslethna. leslethna. Cruich lúig. At iat redgcaig bedgaich bolgsróin bruinnideirg co lluas ainle vel chliabaig dar cétroí 24865   189a 15 vel side gaethe dar cend magdaire machaire. Is é tricci ⁊ tarpigi ⁊ trebarluas connagat na eich ardmora aibinni atchonnarc amae.

Atchonnacc and araile ech luath lutlugmar luglemmennach.  189a 20 maignech tairngech fulud cetharchrua. lúth buada beres conbenas. Aíblech tened trichemruaid taitnes dar craes a globarchind. 24870  Dofuil araile and ech cenand cael coscrundfata seng seta seredchael.  189a 25 casmȯnggach chaschairchech drondub dualach dualbras iṙforad ard imamnais.

Dofuil sin charputsin laech folṫfind foltlebor nirt chomsid  189a 30 cumachtaig. lainech derg daigerla na láim. hí ar derglassad 24875  anflaith uas én etarluamnaig uasaib dó Dofuilet tri fuilt arin laechsin. folt dond fri tuind. folt find iar n-irmedón. mind n-orda  189a 35 ra tuigedar. Uii. tibri cechtar a da grúad.uii. ruithni cecha tibri dibside. uii. meic imlesain cechtar a da rosc. rind glasgorm gér lais. Uii. meóir cechtar a da lám. Dofailet araile cechtar a 24880   189a 40 da choss. Fuan casscorcra imbi. Mílech óir deirg issin brutt osa bánbrunnichair. Dofuil léine slemunchael sítaide i caustul ra gelchness dó Dofilet cethri léinti fichet tarsibsin ammuig  189a 45 anechtair. ar is iatsin bít ri baccaib ⁊ refedaib dósom. Dofuil cathchris comlaind imbi. Cȯngeib ó chond a leisi co holl a ochsaille. 24885  Dofuil inar fandchlechtach forórda immi. neoch mar iṁfúaig  189a 50 snáthat d'ór iarna írbrunniud vel d'argut arna sochumtach. Dofuil berṅfuathbróc srethach sróllaide cona cimais de banór bricc ria sechtair. Congeib ar tiug a bánsliasat co cumtuch a chuirp.  189a 55 Dofuil cathbarr cirach clárach comecartha do gemmaib solusglana 24890  do chumtuch ingantach tiri Arabiae .i. críchi na Sorcha. a ferand mín Manannam doberthe dosom do ascid ̇flatha. Dofuil bopulsciath  189a 60 dub delgnach díchummais. cona deich findbolggaib fichet findruine.

 189b cona imlind airaird ordaide cona slaitt comthind chreduma cona bil aithgéir argdidi. cona loss imthróm iarnaide. fedagin fail co 24895   189b 5 cuired i talmain hí do chur ber ⁊ sleg ⁊ saiget ⁊ rend ⁊ arm ⁊ faebur. Cona slabraig linig loga dar gelgualandchur dó Dofail claideb claslethan cruaidgér cona da traigid n-imchumside eter  189b 10 da n-og n-iṁfaebair dó Co feit co cruas co colgdirgi. co llethad finna fri barṙfoth. ra gére ⁊ áithe ⁊ eltnadacht dó Co truaill 24900   189b 15 ̇féta ̇fichthi finddruine. co n-imsci̇ng airgdide co cumtuch órda. Da sleig crandmóra cendglassa cúicrindi curatta laiss. is iat nemnecha faeburgoirti co crú dia ruamnaitis rind. Co súanmib  189b 20 ruisc rogaid. tria ̇fagaib na crand ciaburderg.

Ara comsid círdub i n-airinuch in charpait. Cochullbratt sróllaide 24905   189b 25 imbi. Clár gemnide do lííc logmair cȯngeib dara béletan conid dín ar derdain ⁊ donind dó, na léic bréic tessaidechta na inorbairt gréni chuci. Crand casmȯngach na láim. magarscís echraide.

 189b 30 Samalta lim ra trí airdi ind echradsin. elta duben ós chind arbaige. vel ra cáer tentide. vel ra cith snechtaide. ba samalta lim na fóit 24910  tarrruada tairrdergga curit i cleithe ̇firmimenti ic drecma erma  189b 35 darsin mag. Ba samalta lim fri spȯncaiblig teined trichemrúaid taitnes dar craes glóbarchind dóib.

Flesc arggit gil i lláim ind arad ic sobrostugud na hechraide na  189b 40 tiagat céim forddail acht ammar as dess ⁊ as less ⁊ as licht lassin 24915  óclach atchonnacc. At.

12. Do nemthigud filed

 189b 45 DO nemthigud filed i scélaib ⁊ i comgnimaib in so sís da n-asnís do rigaib ⁊ ̇flathib .i. uii. coicait scél .i. coic coícait de primscélaib  189b 50 ⁊ dá coícait do ̇foscélaib. ⁊ ní hármiter na fosceóilsin acht do chethri 24920  grádaib tantum .i. ollam ⁊ anrath ⁊ cli ⁊ cano. Acus iss iat so na prímscéoil .i. Togla. ⁊ tana. ⁊ tochmarca. ⁊ catha. ⁊ uatha. ⁊  189b 55 imrama. ⁊ oitte. ⁊ fessa. forbassa. ⁊ echtrada. & aithid. ⁊ airggne.

.i. It iat so trá na Togla .i. Trechuairt Tigi Lir. & Tunide Tige  189b 60 Burig. ⁊ Smutgal,Tige Duma. & Deochair Tige Cathbath. & Togail 24925   189c Tige Nectain. & Togail Bruidne Uí Dergga. Togail Bruidne Broin meic Briuin. ⁊ Togail Bruidne Huí Duile. & Togail Bruidne da Choca.

.ii. Tána tra in so .i. Táin Bó Cualnge. Táin teora n-erc Echdach.  189c 5 Tain Bó Rois. Tain Bó Regamain. Tain Bó Flidaisi. Tain Bó 24930  Fraích. Tain Bó Fithir. Tain Bó Faílín.,I ain Bó Gé Tain Bó Dartada.Tain Bó Craebain.

 189c 10 iii.Tochmarca in so sís. Tochmarc Meidbe.I ochmarc nEmire. Tochmarc Ailbe. Tochmarc Etaine. Tochmarc Faefe. Tochmarc Feirbe Tochmarc Finnine. Tochmarc Grene Finne.Tochmarc 24935   189c 15 Grene Duinne. Tochmarc Saidbe ingine Sescind.Tochmarc Fithirne ⁊ Darine da ingen Tuathail. Tochmarc mna Cruinn. Tochmarc Eithne Uathaige ingine Crimthaind

.iiii Catha dano in so .i. Cath Maige Tured. Cath Talten. Cath  189c 20 Maige Mucrima. Cath Dromma Dólach dara díta Cruthnig. Cath 24940  Maige Rath. Cath Coraind. Cath Cláire. Cath Toíden. Cath Temrach. .u. Uatha im in so .i. Uath Angeda. Uath Ecalsa. Imchummair.  189c 25 Uath Belaig Con Glais. Uath Licce Blada. Uath Maige Uatha. Uath Maige Imbolg. Uath Beinne Etair. Uath Locha Lurgan. Uath Dercce Ferna. Uath Úama Crúachan.

24945   189c 30 ui. Imrama dano in so .i. Imrom Maele Duin. Imrom Hua Corra. Imrom Luinge Murchertaig meic Erca. Longes Breg Léith. Longes Brecain. Longes Labrada. Longes Fothaid.

 189c 35 Oitte dano in so .i. Aided Con Ruí Aided Con Culaind. Aided Fir Dead. Aided Conaill. Aided Celtchair. Aided Blai Briugad. 24950  Aided Loegaire. Aided Fergusa. Aided Chonchobuir. Aided Fiamain.

 189c Aided Mael Fatharlaig meic Ronain. Aided Taidc meic Cein. Aided meic Samain.

 189c 40 Fessa im in so .i. Fess Tige Fir Blai. Fess Tige Bichair. Fess Tige Tulchinne. Fess Tige Trichim. Fess.Tige Lí Fess Tige Line. 24955   189c 45 Fess Tige Guit. Fess Tigi Gnaair. Fess Tigi trí mac Demonchatha. Fess Tigi Auscle. Fess Tige Mell Dolaig. Fess Cruachan. Fess Emna. Fess Alend. Fess Temra. Fess Dúin Bolgg. Fess Dúin Buchet.,

 189c 50 Forbossa dano in so .i. Forbais Fer Fálga. Forbais Etair. Forbais Aichle. Forbais Dúin Bárc. Forbais Dúin Binne. Forbais Fer Fidga. 24960  Forbais Life. Forbais Ladrand. Forbais Dromma Damgaire.  189c 55 Echtrai im in so .i. Echtra Nera Echtra Fiamain. Echtra Con Ruí Echtra Con Culaind. Echtra Conaill. Echtra Conchobuir. Echtra Crimthaind Nia Náir. Echtra Macha ingine Áeda Ruaid.  189c 60 Echtra Nectain meic Alfroinn. Echtra Ailchind meic Amalgaid. 24965  Echtra Find i nDerc Ferna. Echtra Aedain meic Gabrain. Echtra Mael Uma meic Baitain. Echtra Mongain meic Fiachna.

 190a Aithid im in so .i. Aithed Mugaine re Fiamain. Aithed Derdrinne  190a 5 re macaib Uislenn. Aithed Aefe ingine Eogain re Mes Dead. Aithed Naise ingine Fergusa re Nertach mac ui Léith. Aithed mna Gaíeir 24970  meic Deirg re Glass mac Cimbaetha. Aithed Blathnaite ingine Puill  190a 10 meic Fidaig. re Coin Culaind. Aithed Grainne re Diarmait. Aithed Muire re Dub Ruis. Aithed Ruthcherni re Cuanu mac Cailchin. Aithed Eirce ingine Looirn re Muridach mac Eogain. Aithed Díge  190a 15 re Laidcnén. Aithed mná Ailella meic Eógain re Fothud Canann

24975  .xii. Airgne dano in so .i. Argain Maige Cé Gala mac Febail. Argain Átha Hí Argain Dune Dubglaisse. Argain Dinn Ríg. Argain  190a 20 Atha Cliath. Argain Duine Delga. Argain Tuir Chonaind. Argain Ailig for Néit mac Indui. Argain Belcon Breifne. Argain Cairpri Cind Caitt for saerchlannaib Herend. Argain Echach fora maccaib. 24980   190a 25 Argain Chaille Chonaill. Argain Donnán Ego. Argain Maic Da Thó Argain Mac Magach. Argain Side Nenta. Argain Sratha Cluada. Argain Sleibe Soilgech. Argain Ratha Rigbaird. Argain  190a 30 Ratha Ruis Guill. Argain Ratha.Túaige. Argain Ratha Tuaisle. Argain Ratha Tobachta. Argain Ratha.I.imchill. Argain Ratha 24985  Cui̇nge. Argain Ratha Cuillend. Argain Cróchan. Argain Cathrach  190a 35 Boirche. Argain Ratha Blai. Argain Ratha Gaila. Argain Ratha

 190a Uillne. Argain Ratha Náis. Argain Benne Cé Argain Ratha Granaird. Argain Ratha Búirig. Braflang Scóine. Aigidecht Artúir.

Is amal phrímscéla dano ármither na scelasa sís .i. Tomadma 24990  ⁊ Físi ⁊ Serca. ⁊ Sluagid. ⁊ Tochomlada .i. Tomaidm Locha Echach. Tomaidm Locha Éirne. Fís mná Nemid.  190a 45 Fís Conchobuir. Fis Cuind .i. Baile in Scáil. Fis Fursu. Serc Callige Berre do Fothud Chanand. Serc Dubi Lacha do Mȯngan. Serc Gormlaithe do Niall.

24995   190a 50 Sluagid tra so .i. Sluagad Augaire Móir co hEtáil. Sluagad Dath Í co Sliab nElpa. Sluagad Neill meic Echach co Muir nIcht. Sluagad  190a 55 Fiachna meic Baítáin co Dún ̇nGuaire i Saxanaib. ⁊ primsluagid Herend archena.

Tochomlod Partholoin dochum ̇nHerend. Tochomlod Nemid co 25000  Herind. Tochomlod Fer ̇mBolg. Tochomlod Tuathe De Danand.  190a 60 Tochomlod Míl meic Bile co Espáin.Tochomlod Mac Miled a hEspáin i nHerind.

Tochomlod Cruithnech a Tracia co Herind. ⁊ a thochomlod ó  190b Herind co Albain. Tochomlod Longsi Fergusa a hUltaib. 25005  Tochomlod Muscraigi de Maig Bregoin. Tochomlod na nDési ó Themraig. & Tochomlod Clainne Echach Mugmedóin a mMide. amp  190b 5 Tochomlod Céin ó Chassiul. & Tochomlod Dail Riatai i nAlbain. & inní ro hort ⁊ ro bíth ⁊ atbath. ni fili nád chomgne comathar na scéla uile.,

13. Na Trí Fothaid

 190b 10 NA trí Fothaid .i. Fothad Airgtech ⁊ Fothad Carptech. ⁊ Fothad Canann. Oendé ⁊ Cloendé ⁊ Trendé a n-anmand.Tri meic sin Fainnchi ingine Náir meic Aurmora do Aradaib Cliach. & Téite  190b 15 ingine Maicniad meic Lugdach meic Dáre Deirg meic Gnathaltaig 25015  meic Nuadat Necht meic Sétnai Sithbaicc. Bert Fannchi emnu  190b 20 .i. tri fermaic. Atberat araile do Ibdachaib do Ultaib a mbunadas .i. da mac do Iriel Glúnmar. Forc ⁊ Imboth. Fosracaib Rectaid Rigderg i nAlbain. Ro maidset catha remib comtar fasa crícha  190b 25 mára i nAlbain coro giallsat do Rechtaid Rigderg. A quibus Tuatha 25020  Forc ⁊ Imboth. i nAlbain. Dollotar .lll. anair co ngabsat Cluichri Cliach ⁊ ní fortaat. Gabsat crích Mani ⁊ Fiachrach Aidni. ⁊ crích  190b 30 ̇mBascind a comarbus a senathar Echach meic Luctai .i. Uathni ⁊ Éli. dí ingin Echach meic Luctai. Tír nEile otá Sinaind sair ⁊  190b 35 fodess.Tír nUathni otá Sinaind siar ⁊ fothúaid co Dergderc. Conid 25025  ó anmannaib na mbansin dogardar a cenela. Ár dolluid in dara  190b 40 n-aí .i. Éile co hÉli Rigderg conid de dogarar Éli. Luid dano araile .i. Uathne co Fergus Foltlebor conid de dogardar Úaithne. & ro batar cethri níaid do chlaind aicce .i. Uathnia ⁊ Drúthnia. Caínnia ⁊ Deochnia.

25030   190b 45 Tri meic Nuadat Nécht. Gnathaltach sen athair na Fothud. & Baiscne senathair Find. & Fergus Fairge senathair rigraide Lagen. amal asbert Find.

1. Na tri Fothaid
    190b 50 firsat Macnia Lugdach luind Daire Deirg.
   25035  daig garg. Gnathaltach.
   gair nith Nuadu Nécht.
2. Di gablai gel̇fine
   Galioin Find fir Umaill.
    190b 55 argg tricc Trénmór.
   25040  triur saer sanb Soailt.
   sȯfer bríg Boiscne
   boda nar Nuadu Necht.
 p.839
3.  190b Lond Lugaid. Find file. Ros Ruad.
   rupthe Fergus fiadu Fairge.
   25045   190b 60 falnath nia Nuadu Necht
   nind niamtha nath. N.

14. Inis Dornglais ro gab Crimthann

 190c INis Dornglais ro gab Crimthand mac Fidaig for maccaib Echach Mugmedoin Dochuatar meic Echach Mugmedoin  190c 5 for {⬌} iar tain i mMumain iar n-éc Crimthaind meic Fidaig. 25050  co tartdad cath do {⬌} .i. cath Corad Caenraige cor {⬌} siar ⁊ coro gonad Fiachra mac {⬌} Acus is é ros gon Máge Messchor  190c 10ach co n-erbailt i Foroí coro hadnach {⬌} Coíca giall tucsat meic Echach aníar iar ̇mbrissiud in chath {⬌} I cind mís iarsin chath robo m {⬌} Coro hadnacht na géill beo {⬌} ind ríg. Is iar 25055   190c 15 sain ro gabad Dún Daire da Bróc Caílle Galeng for bru {⬌} ⁊ Ailella. Co rrucad Ailill i ̇ngiall {⬌} ⁊ coro marbad Ailill and lasin ríg

15. Temaile fáid Miled Espáin

Temaile fáid Miled Espáin d {⬌} druim Témaile. is é ro inni {⬌}  190c 20 Espáin tuirthet a chlainne co br {⬌} profetia eius baile,Themaile. 25060  uoc {⬌} Tolomrad assin bailesin cen deg {⬌} i ̇nHerind .i. baile  190c 25 Beaid. ⁊ fer {⬌} & Sirnai. & Assail. Temaile o {⬌} Slúag de Liniu. sluag di Liu. ⁊ r {⬌}

A Cín Dromma Snecta so sis

Asberat senchaide boí longes ingen {⬌} Ebríb ar cind mac 25065   190c 30 Miled i nHeredo rála anfud mara issin n-ocian de Muir Tirrén co ndasralatar i nHerind. Bátar {⬌} re maccaib Miled. Asbertatar iarum fri maccu Miled ba tochu dóib a tir fein ⁊ ni treic fitís  190c 35 cen tinscra friu ar chardes doib. Is de at fir crenda mnáa i nHére co brath

Aír imchrenait lanamna isin domun olchena Abratruad gilla Conchobuir meic {⬌} Ergab gilla Fergusa. meic Roig {⬌} Calbmether gilla Celtchair.  190c 40 Cromm Slige gilla Conaill Cernaig. 25075  Garbrétach gilla Cormaic Cond. Longes Fuibne gilla Eogain meic Durthacht. Trotgal gilla Fergusa meic Leti. Balcbend gilla Ailella meic Matach

16. Mugdorn ingen Moga Duib

 190c 45 Conan gilla Find.

1. 25080  Mugdorn ingen Moga Duib
   de chuiciud Ulad ardmuir
   cétben ra meil bróin mbind.
   ria mnáib
2. Nabal in ben fiad cach slóg.
   25085   190c 50 ba cumal la Partholon.
   Nabal tuc na seotu ille.
   Nabal tuc na hindile.

@book{G800011D,
  title 	 = {Book of Leinster, formerly Lebar na Núachongbála},
  editor 	 = {R. I. Best and M. A. O'Brien},
  edition 	 = {1},
  note 	 = {xvii + 356 pp.},
  publisher 	 = {Dublin Institute For Advanced Studies},
  address 	 = {Dublin},
  date 	 = {1965}
}
 G800011D.bib