‍

CELT document G100011

Annála Connacht

‍

Header
Annal
Contacts
Formatting

Annals of Connacht

Unknown author

Annála Connacht

1224

p.2 1a

Calann Enair for Luan ⁊ sechdmad uathad esca fuirri 2 ⁊ in nomad bliadain don chiccal noedecdai hi acus in dara 3 bliadain x. don cical indictionis acus don cical tsholardo hi ⁊ 4 bliadain bisig hi. Anno ab incarnatione Domini nostri Iesu 5 Christi mille cc. xx. iiii.

Cith adbal aduathmur do ferthain a cuitt do Connachtaib 7 isin bliadain-sin .i. hi Tir Mane acus hi Sodan ⁊ ind Uib 8 Diarmata ⁊ i Clainn Taidcc, dar fas teidm ⁊ galar adbalmor du 9 buaib ⁊ d'ellach na crich remrati-sin iar caithem feoir ⁊ duillebair 10 ⁊ na doine do chaithed a llachd ⁊ a feoil dognith tendes meuthoin 11 ⁊ galra exsamla doib. Nirpo hingnad tra na derbardi-sin 12 do tocht i Connachta in tan-sin. Ba mor tra int olcc dorala 13 doib ann .i. Cathal Crobdergg mac Toirrdelbaig Moir h. Conchobair 14 Ri Connacht .i. Ri ba mo grain ⁊ urud ar cech leth 15 isind Erinn; Ri is mo dorondi di crechaib ⁊ do losctib ar Gallaib 16 ⁊ Gaidelaib bitis ina agaid; Ri is crodae ⁊ is antrenta re hescardib 17 tanicc riam; Ri is mo ro dall ⁊ ro marb acus ro chirph 18 do merlichib ⁊ d'escardib na rige; Ri fo ferr sith ⁊ same tanicc 19 do rigaib Erenn; Ri is mo ro toccaib do manestrichib ⁊ do 20 chomtinolaib cinti bethadh; Ri is mo ro tshas do chlerchib 21 ⁊ do bochtaib do biud ⁊ do thenid ar lar a longpuirt fein; Ri 22 is mo ro forbtig Dia do cech maith du rigaib Erenn; Ri is mo da 23 tucc Dia du mes acas du chlais acus du thorad; Ri is geanmnaide 24 tanicc du rigaib Erenn; Ri ro congaib he fein ar oenmnai 25 posta ⁊ dorone continaitt do Dia dara hes nocur marb; Ri 26 ro chaitetur tuatha ⁊ ecolsa, faind ⁊ mna acus deblena, somaine 27 amail ro tingellad i llebraib ⁊ i mboilidaib noem ⁊ firen riam 28 Ri is mo fuair do thubaisib ina rigi ⁊ ro tocbad Dia estib imaseach; 29 1b Ri ro chosain a llos a lam rigi acus flaithess p.4 1 co fortren feramail; Et is re remes ind rig-sin ro gabad dechmad 2 do Dia ar tus ind Erinn; In Ri firen forglide-sin ⁊ in cathmilid 3 cundail craidbech certbrethach do ecc i nn-aibit manaig leith i 4 mmanestir Chnuicc Muaide iar mbreith buada o doman ⁊ o 5 deman–⁊ is e fein ro edbair in manestir cona ferann du Dia ⁊ 6 dona manchaib– hi sex kalendas Iuin arai laithi mis greine, 7 Dia Luain immorro arai laithi sechtmaine, et a adlacad co 8 huasal onorach, iarna beith se bliadna ar trichait hi lanrige 9 coicid Condacht amail isbert in fili .i. Dondchad Baccach h. 10 Moelconaire i nduain na Rigraide:
1. 11 Rige in Croibdeirg ba saim sin12
  ar tuitim Cathail Carraig.13
  Se bliadna x. do budein14
  ar xx.it bliadan blathred.
15 In lxxii. anno aetatis sue, amail asbert an fili .i. Nede h. 16 Maelconaire:
1. 18 Tri bliadna is lethbliadain lib19
  aiss in Croibdeirg a Cruachain20
  cusan trath fuair a athair21
  bas os Erinn forlethain.
22 A Purt Locha Mesca do gened ⁊ a nUib Diarmata do hailed 23 ag Tadc h. Con Chenaind, ⁊ ocht mbliadna ar tri xx.tib o bas 24 Toirrdelbaig co bas Cathail Croibdeirg amail derbas in cronicc.

Aed h. Conchobair .i. a mac budein do gabail rigi Connacht 26 dara es, uair ba ri ar tothacht re lamaib a adur reme, ⁊ do 27 badur braigti Connacht uli urlama ina laim, ⁊ ro cetaig Dia 28 do-sam in rige-sin. Uair ni dernad do ulcc hi Connachtaib 29 re faebar gabala rigi do-som acht mad oenslat ar sligid na Cruaiche ⁊ ro benaitt a lama ⁊ a cosa don ti dorone, ⁊ oenben do 30 tsarugad du mac h. Mannachan, ⁊ ro dallad inn fo chetoir.

Dond Cathaig mac Arechtaig h. Raduib toisech Clainni 32 Tomaltaig do hecc i n-ailithri hi Topur Patraicc in hoc anno.

Moelsechlainn mac Taidc h. Cellaig ri h. Mane.

Gilla na Noem Crom h. Sechnusaig ri lethi iarthuraigi 35 Ceneoil 1cAeda na hEchtgi do ecc in hoc anno.

p.6

Murges canonach mac Ruaidri Ua Conchobair, duine is 2 comdese tanic do Gaidelaib riam i llegund ⁊ hi cantuirecht ⁊ a 3 uersdenmaidecht do ecc isin bliadain-sin ⁊ a adnacal hi Cunga 4 Feichin iar mbuaid ongtha ⁊ aithrigi.

Domnall h. Cellaig ri h. Mane mortuus est.

Cu Chenann h. Con Chenaind do ecc isin bliadain-sin.

Mathgamain h. Cerin ri Ciarraigi Locha na nArne do 8 ecc in hoc anno.

Moel Isa mac in espuic h. Mailfagmair persun h. Fiachrach 10 ⁊ h. nAmalghaid ⁊ adbur espuic do marbad do mac Dondchada 11 h. Dubda ar caithem a bid ⁊ a tened ina tig fein, ⁊ ni na derna 12 nech aili riam d'Ib Dubda clerech do marbad don aicme-sin.

Aed mac Conchobair Moenmaigi du ecc oc tudecht on tSruth 14 ⁊ on Ierasolim isin bliadain-sin.

Meicc ind Uga do thoidecht a nErinn d'aindeoin Rig 16 Saxan, ⁊ forbuise cocaid ⁊ esrain do fas dib ar Gallaib na hErenn, 17 nogur ergidar Goill Erenn ina n-agaid ⁊ gur hinnarbaid a n-ucht 18 Oeda h. Neill rig Ailig ocus gur tinolsat Goill ⁊ Gaidil Erenn 19 da n-innsaigid .i. Aed mac Cathail Crobdeirg Ri Connacht ⁊ 20 Dondchad Carprech h. Briain ri Tuadmuman ⁊ Diarmait 21 Cluasach Mac Carthaig ri Desmuman ⁊ maithi Erenn archena 22 cenmotha Cenel nEogain ⁊ Conaill, cur rancatur Murthemne 23 ⁊ Dun Delgan ⁊ corab ass sin ro iarsat geill ⁊ etire o maccaib 24 ind Uga ⁊ o Aed h. Neill. Is ann sin tanicc Aed cona Gallaib 25 ⁊ cona Gaidelaib gurro innset et ar sligthib Sleui Fuaid ⁊ ar 26 dorsiu Emna ⁊ ar Fid Conailli ⁊ gur grennaigsit ima n-indsaigid 27 isna hinataib-sin. Cid tra o'tconncatur Goill Erenn gurbo 28 herdalta ind imdegail-sin d'fagbail doib, is hi comarli doronsat 29 sith ⁊ sosad re hUilliam ⁊ risind Iarla ⁊ breth Rig Saxan risna 30 sithaib-sin; ⁊ ro sgailset asind inad-sin gan comaid gan 1d chis o Aed h. Neill don dulad-sin.

Sluagad mor la hAed mac Cathail Crobdeirg cu Caslen 32 Aird Abla hi crich Tetba, co ndeachadur arin caslen, gur losgetar 33 ⁊ gura marbsatur cech aen fuaratur and du Gallaib ⁊ du 34 Gaidhelaib.

p.8

Maelmure h. Condmaich espoc h. Fiachrach ⁊ Ceneoil 2 Aedo quieuit in Christo.

Espoc Conmaicne .i. Gaillepscop mortuus est.

Maelcoimgin h. Scinginn airchinech ⁊ caipellan Ardda 5 Carna in Christo quieuit.

1225

Calann Enair for Cetain ⁊ xviii. fuirri, m.ccxx.quinto 7 In x.mad bliadain don cical noidecda hi ⁊ in tres x. don cical 8 indictionis ⁊ solarda hi.

Amlaib h. Beollan arcinnech Droma Cliab, sae n-enig ⁊ tigi 10 aiged Erenn, do ecc in bliadain-sin.

H. Mailbrenainn abb manestrech na Builli do ecc do cuislinn.

Comergi mor du ergi la Toirrdelbach mac Ruaidri ⁊ la 13 hOed mac Ruaidri ⁊ la hOed h. Neill do chosnam coicid re 14 hOed mac Cathail Crobdeirg, tre forcongra Duinn Oicc Mec 15 Airechtaig rigtuisig tSil Muredaig, i ndigail a feraind ⁊ a aicidechta 16 do bein de, ⁊ o ro inta-som do intatur Connachta uli .i. 17 Sil Muredaig ⁊ Iarthar Connacht ba Oed h. Flaithbertaig ri 18 Iarthair Connacht, acht Mac Diarmata nama .i. Cormac mac 19 Tomaltaig.

Cid tra acht tanicc Aed h. Neill leo co lar tSila Muredaig 21 ⁊ ass-side co Fedaib Atha Luain, co rrabatur da oidche oc 22 Mullach hUainide, ⁊ du lomaircsid Loch Nen ⁊ cur ruccsat 23 seota h. Conchobair leo ass. Accus tancatur ass-side cu Carn 24 Fraich ⁊ do rigatur Toirrdelbach mac Ruaidri ann sin, ⁊ do 25 imtig Aod O Neill da tig iar sin. Uair robo tarisi le macaib 26 Ruaidri a n-airecht fein arna cuired do cech oen fo leth dib-sin, 27 acht mad Cormac mac Tomaltaig Meic Diarmata ⁊ Dauith h. 28 Flainn ⁊ a aes grada archena.

Dala immorro Aeda meic Cathail Crobdeirg dochuaid i 30 nn-ucht Gall, 2a⁊ dorala co sodanach do-som. Uair is ann 31 batur Gaill Erenn for cuirt moir hoc Ath Luain ⁊ ba cara do-sam 32 cech oen dib trena athair ⁊ tremit fein. Ar ba hacmaingech 33 tuarasdail ⁊ tindlaicti e-sim ⁊ a athair reme doib.

p.10

Tuc-som leis tra in Iustis ⁊ Goill Erenn in neoch roba 2 lor leis dib, ⁊ ro erig Dondchad Carprech h. Briain cona sochraiti 3 leis ⁊ Ua Mailsechlainn cona sochraiti.

Is and sin do teichetur lucht Moigi hAe ⁊ na Tuatha i 5 lLuignib rempo ⁊ hi Tir nAmalgaid rea mbuaib ⁊ rus facsat meic 6 Ruaidri cin tsochraite cin tinol oirechta, ⁊ ni raba ina farruth 7 taissig na rigdamna dib acht mad gilli ech ⁊ gilli fritholma. 8 Tancatar meic Ruaidri rempa co Cill Cellaig ⁊ beccan sluaig ⁊ 9 rigdamnad mar oen riu do bith ar cul a mbo ⁊ a n-innile.

Dala meic Cathail Crobdeirg immorro cona Gallaib do 11 indsaig iat-som mar a raibi Toirrdelbach cona toisechaib ⁊ ni 12 raibi acht gilli ech ⁊ fosluag mar oen riu. Uair dochuaid Aed 13 mac Ruaidri ⁊ mac Murcertaig ⁊ Domnall h. Flaithbertaig ⁊ 14 Tigernan mac Cathail Micuran ⁊ meic Toirrdelbaig meic Ruaidri 15 do anacal bo ⁊ muintire Fergail h. Taidc tuc comlugi riu; 16 ⁊ is amlaid ro bai-seicc, conid e Connachtach dochoid dara 17 comluigi ar tus re macaib Ruaidri, ⁊ tucustur mac Cathail 18 cona Gallaib d'anacal a bo ⁊ a muintire ina cenn-som leis.

Is ann sin dorala Gaill hi cend Toirrdelbaig meic Ruaidri. 20 Ro erig-seicc ⁊ a thaisig ⁊ do chuiredar a fosluag rompa ⁊ tancatar 21 as co halaind cin daine do marbad dib. Uair do-anicc Donn 22 Occ Mac Oirechtaig ⁊ Flaithbertach h. Flannacan ⁊ uathad 23 don rut Eoganach dara n-es.

Issin lo-sin dorala siredh hi cenn Echmarcaig Meic Branain 25 ⁊ se uathad sochraiti ar lar doiri choilli etir a mnaib ⁊ a bu, 26 ⁊ doroni-sem antsoidecht engnama oca marbadh 2b 27 acht ind imarcaid do degdainib do breith fair. Iss ann sin do len 28 Aed mac Cathail Crobdeirg cona Gallaib meic Ruaidri ind 29 oidchi-sin co Miliuc ⁊ do bai tri haidchi ann sin ac arcain Lugne 30 ar cech leth immi.

Is indochonaich dorala d'U Egra ann sin sith iarna arcain 32 do denam dar cend in becain do faccbad ac Luignib. Iss 33 and do batar meic Ruaidri in tan-sin ⁊ a ndruim re Loch Mac 34 Eredaig i nGlinn na Mochart. Is si comurli dorone mac 35 Cathail Crobdeirg dol ⁊ a Gaill i ndiaid bo na Tuath ⁊ Sil Muredaig 36 ⁊ Clainni Tomaltaig slige nachar smuain duine dul du Goll co p.12 1 brath .i. hi Fid nGatlaig, cur riachtatar Ath Tigi in Mesaig ⁊ 2 nochan fuaratur bir na bundsach isin tsligid-sin. Da rarcetur 3 Cul Cernuda ⁊ taucatur dilgenn ara buaib ⁊ ara dainib isin 4 lo-sin. In neoch docuaid dib isin mag min dib nachar baditt 5 ro harcit ⁊ ro marbait. Truag amh sin, cach aen do gab co 6 Dub Chungai ro baditt, ⁊ is amlaid dogebthea na cairr cona 7 cessachaib ⁊ a llan intib do lenbaib arna mbaduth. Du neuch 8 terna dib o Gallaib acus o badath d'imircechib Clainni Tomaltaig 9 dochodar drong dib hi Tir nAmalgaid ⁊ dochuaid h. Dubda 10 fuithib ⁊ nir faccaib oenboin acca-side.

Dala immorro clainni Ruaidri is i comurli doronsadd 12 ac Loch Mac Feradaig scailed do denam noco scailtis a Goill o 13 mac Cathail Crobdeirg .i. da mac Ruaidri Toirrdelbach ⁊ Oed 14 ⁊ mac Magnais ⁊ Dond Oc do dol a n-ucht I Flaithbertaig a 15 fir comluigi; mac Murcertaig h. Conchobair ⁊ Tigernan mac 16 Cathail do dol ar cul a mbo ⁊ a muintire ⁊ sith do genam tara 17 cend, noco n-imtigtis a Goill o mac Cathail Crobdeirg.

Dala immorro na lethe thess do Chonnachtaib nirbo 19 ciuine doib ⁊ nirbo suamnige. Uair tancatar Goill Laigen ⁊ na 20 Muman ⁊ Murcertach h. Briain rempa; tancatar immorro 21 Goill Desmuman ⁊ Sirriam Corcaige; 2cdo aircsidur ⁊ 22 do marbsadur cech oen ara rucsadar. Rob olcc tra la mac 23 Cathail Crobdeirg a toidecht-sin isin tir. Ar ni he ro chuir iat acht 24 o'tchualatar a fuair an Giustis gona Gallaib d'etalaib do gab 25 tnuth ⁊ format hiatt. Is don ruathur-sin ro marbait cetri meic 26 Meic Murchada ar oenlathair. Ba truag tra in setten ro chetaig 27 Dia fon coiced is ferr ro bai a nErinn tes ⁊ tuaidh, tair 7 tiar. 28 Ar ni cocled in macocclaech a chele ac crechad ⁊ acc arcain 29 acht combad tresee do. Do cuirid tra mna ⁊ leinb, faind ⁊ 30 oicctigeirn re huacht ⁊ re gorta don cocad-sin.

Dala immorro Aeda meic Cathail Crobdeirg tanicc remee 32 co Mag nEo ⁊ dochotur meic Murcertaig Mumnig ina tech ar 33 comaircib ⁊ ar slanaib tar cenn a mbo ⁊ a muintire. Dochuaid 34 arnabarach co Cill Meodoin ⁊ do comraicsit na tri sluaig do p.14 1 Gallaib and sin, ⁊ is becc narbo lan an coiced uli dib etir Gall 2 ⁊ Gaidel.

Iss and sin tanicc Aed h. Flaithbertaig ar coraib ⁊ ar slanaib 4 maithi Gall ⁊ Dondchada Carprig h. Briain a cairdiusae 5 Crist hi tech meic Cathail Crobdeirg ⁊ in Giustis ⁊ dorigne sid 6 dar cenn a bo ⁊ a muintire ris, acus mac Ruaidri do indarba uad. 7 Do imthig mac Cathail Crobdeirg ⁊ a Goill mar aen fris cu Tuaim 8 Da Gualann ⁊ do leicc imthecht do Gallaib Laigen ⁊ Desmuman 9 ⁊ do bi a dal fein d'innlacad in Giustis dar Ad Luain. Doronne-sim comurli aili ann sin .i. impo dochom h. Flaithbertaig ar 10 cula, ar nir tharise leis mar do faccaibh e, ar ro batur meic 11 Ruaidri allaniar do Loch aice ⁊ a chliamain fein .i. Dond Occ mar 12 aen riu. Iss and ro delig mac Magnusa re maccaib Ruaidri 13 ⁊ do innsaig hi Tir nAmalgaid ar cend a bo ⁊ a muintire ⁊ fuair 14 iat co sodhanach cin creich cin argain, ⁊ rucc leis iat i nn-ucht 15 h. Ruairc, ⁊ dorigne creich moir ar Pilip Mac Gosdelb 2d 16 co senamail. Dala immorro Donnchada Charprig h. Briain 17 do chuir maithi a muintiri ⁊ a aesa grada remi co n-edalaib 18 mora torthicha bid ⁊ etaig ⁊ argain bo ⁊ ech.

Is ann sin dochuaid Aed mac Ruaidri ⁊ Eogan h. hEdin 20 ara cind urtharsna uathad do degdainib ⁊ nir hanad ann sin ac 21 Mumnechaib re huruad meic inn Ardrig ⁊ du luid-sein forra ⁊ 22 do gab oes grada Donnchada Charprig ⁊ ba trom na hetala do 23 facbait ann sin ac Aed mac Ruaidri. Is ann sin dochuaid Dondchad 24 Carprech da tig ⁊ dorigni sid ⁊ baiti connell re hAed 25 mac Ruaidri do gab du laim cin toidecht i n-agaid mac Ruaidri 26 aris, dar cenn a aesa grada du lecon as, ⁊ niro chomaill-sim 27 sin. Uair do anic arin sluaiged ba nesa a cetuair i nd-agaid mac 28 Ruaidri. Is ann sin tra tanicc mac Cathail Crobdeirg ⁊ in Giustis 29 co calad Insi Crema tar es Gall Laigen ⁊ Desmuman ⁊ Mumnech 30 d'imthecht, ⁊ rob ecen d'O Flaithbertaig Inis Crema ⁊ 31 Oilen na Cirqi ⁊ artrigi inn locha aris do thabairt tar cenn a 32 bo ⁊ a muintire.

Tanic reme mac Cathail aris co Tuaim Da Gualann ⁊ 34 dochuaid reme aris d'inlacad an Giustis ⁊ do facaib se uathad 35 do Gallaib maithi ⁊ sersenaig imdai aici. Ar nir tharise leis-sem p.16 1 Connachtach acht mad uathad becc. Tuc-som ann sin maithi 2 inn arechta i llaim Gall i ngell re tuarastal .i. Flaithbertach h. 3 Flannacan ⁊ Fergal h. Taidc ⁊ sochuidi aili do Connachtaib, 4 ⁊ is doib fein rob ecen a fuaslacad.

Iss ann sin do erig h. Flaithbertaig aris acus mac Murcertaig 6 ⁊ na rigdamnada archenae dochum mac Ruaidri tar es 7 a Gall do imtecht o Aed mac Cathail Crobdeirg, ⁊ do chuir mac 8 Cathail techta ⁊ scribenna d'innsaigid Gall d'indisin doib in 9 athimpaid ⁊ d'iarraid thuillid sochraiti. Do freccrad co soindib 10 e-sim. Uair ba tuillmech na turusa-sin do Gallaib, uair do 11 gebtis etala mora ⁊ ni fagbaitis gada na imsergna.

3aTuccad Gaill Laigen do-som don dulad-sin ma 13 Uilliam Cras ⁊ Macaib Grifin sochuide mor, ⁊ o tancatar do 14 innsaig-sim meic Ruaidri dar Tachur siar ⁊ do gab reme suas a 15 nIb Diarmata mur a cuala meic Ruaidri do beith cin tsochraiti 16 ⁊ cin a lucht comlugi do rochtain chuctha. Is ann sin do chuir 17 Aed mac Cathail Crobdeirg Fedlimid a brathair ⁊ maithi da 18 muintir sochraiti moir do Gaillsersenchaib ar creich dochum 19 Eogain h. Edhin ind Uib Fiachrach Aidni ⁊ do batur adaig 20 longpuirt ind Ard Rathain do chur na creichi mochtrath arnabarach.

Do chuala h. Flaithbertaig ⁊ meic Murcertaig ⁊ siad ac 22 innsaigid mac Ruaidri Goill do dol ar creich dochum Eogain 23 a fir comlugi ⁊ a mbeith ind Ard Raithin. Is hi comurli doronsad 24 innsaigid Ardda Raithin ⁊ dolae i cend Gall isin matin 25 mochtrath ⁊ in baili du loscad i cenn Gall. Da innsaigset cu 26 maitin iat gur rabatur mochtrath ar faithqi Arta Rathin.

Is si comurli doronsat ann sin Tuathal mac Murcertaig 28 Mumnig do chora ar tus isin mbaili mana Gallaib ⁊ in neoch 29 da thinecad do Gaidelaib mar aen ris; h. Flaithbertaig ⁊ m-Murcertaig imman mbaili imoig.

p.18

Is latir dana dacuas isin mbaili ann sin. Is he Gaidel 2 ro frecair mar oen ris Taichlech mac Aeda h. Dubta, ⁊ o dochodur 3 co mer dana isin mbali do thechetur Goill sair ⁊ siar asin 4 baili ⁊ tucad in maidm sair ar Gallaib. Na Gaill immorro dochodur 5 siar ina maidm asin baili, is iat thucc in maidm ar a raibi 6 do Gaidelaib ar cul an baili allamuig. Ni raibi immorro Gaidel 7 bad beodha ina in lucht ara tucad an maidm-sin siar, acht nar 8 cetaig Dia sodhan orra.

In lucht dochotur sair asin baili do len Tuathal ⁊ Taichlech 10 h. Dubda iat. Do cetloit Tuathal Constapla na nGall ⁊ 11 do toit le Taichlech he. Ba sodan mor do mac 3baib 12 Ruaidri can beith isin maidm-sin. Is don maidm-sin siar do 13 marbad Mathgamain mac Aeda meic Conchobair Maenmuigi ⁊ 14 mac Gillacrist Meic Diarmata ⁊ re mac meicc Amlaib meic 15 Airechtaig ⁊ Niall mac Fergail h. Thaidcc, ⁊ do marbad in ti 16 ro marb he .i. brathair Culen h. Dimusaig.

Dala mac Ruaidri immorro ro comraicsed arnabarach re 18 h. Flaithbertaig ⁊ re macaib Murcertaig ⁊ re Tigernan mac 19 Cathail ⁊ re Donn Occ, ⁊ tancatar-sin rompa andes co Druim 20 Cenannan. Is ann sin tanicc Aed mac Cathail Crobdeirg cona 21 Gallaib ina ndegaith. Is hi comurli doronnad acca-som cech 22 nech dib d'innsaigid a bo ⁊ a muintire ⁊ meic Ruaidri d'facbail. 23 Tancatar meic Ruaidri rempa asin tir, uair ni raibi Gaill na 24 sochraiti aili accaib a praipi. Et dochuaid Donn Occ aris ⁊ meic 25 Ruaidri a n-ucht Aeda h. Neill. Et nir fas don tsluaiged-sin 26 doib-sim acht in tir do bi ina hoentecli toraid do lot ⁊ do lanmilled 27 trempa.

Dala meic Cathail iarom do innsaig h. Flaithbertaig ⁊ 29 tuc geill ⁊ aitiri uad don dulad-sin. Tanicc reme anuas co 30 Qill Meodoin ⁊ co Mag nEo i ndiaig mac Murcertaig ⁊ Tigernain 31 meic Cathail Micurain ⁊ doronsatur sith dar cend a mbo ⁊ 32 a muintire, ⁊ dochodur hi tech meic Cathail Crobdeirg ar slanaigecht 33 Donnchada Charprig ⁊ maithi Gall Erenn. Is cumsanad 34 rangus a less-sin, uair ni raibi qill na thuath a Connachtaib 35 can milled.

Iar n-arcnib ⁊ iar marbad doine ⁊ bo in tire ⁊ in talman 37 ⁊ iar cur chaich re fuacht ⁊ re gorta tanicc teidm morgalair 38 isin tir ⁊ isin talmain .i. cenel tescha, tresa folmaigti na bailida p.20 1 can duine beo do facbail intib, ⁊ do thernatis araili on teidm-sin 2 ⁊ ba huathad.

Flann mac Amlaib h. Fallamain taisech Clainni hUatach 4 do marbad le Fedlim mac Cathail Crobdeirg isin chacad-sin.

Amlaib mac Ferchair h. Fallamain taisech 3c a 6 duthchusa fein is ferr tanic do ecc isin oenmis ⁊ a mac do marbad 7 .i. Flann.

Tadc h. Findachta fer grada d'Aed mac Ruaidri do 9 marbad la muintir Meic Aedacan ar sired creichi isin cacad 10 cetna-sin.

Muredach h. Finnachta taisech Clainni Murthaili do 12 ecc i nd-artrach ar Loch Orpsin ⁊ se slan ic dol inn.

Conchobar mac meic Taidc h. Cellaig ri h. Mane ⁊ Ardgal 14 a brathair, tech do gabail forra diblinaib do macaib Taidc 15 h. Cellaig ⁊ a loscad inn .i. fer a duthcusa fein ba ferr enech ⁊ 16 engnam ⁊ ba lia ⁊ ba sochla tanicc.

Gilla Corpti h. Mugroin do ecc isin bliadain-sin ⁊ a adnacal 18 hi Cunga Feichin.

Moel Brigti h. Maicin app Topair Patraic quieuit in 20 Christo, mac oge ⁊ ecnaid, ⁊ is leis ro tinscanad tempul Topair 21 Patraic ⁊ ro forbad a tsanctair ⁊ a cruceda co mortsaethar i 22 nd-onoir Patraic ⁊ Mure Bantigerna ⁊ Eoin ⁊ na nApstal.

Duarcan h. hEgra ri Luigne ⁊ Tadc h. hEgra ⁊ Etain 24 ingen Diarmata meic Domnaill h. Egra mortui sunt.

Goill ⁊ Mumnig do dol for Termann Coelainn ⁊ tucad 26 ar na nGall iar sin tre firtain Coelainn.

Int arbur oca buain a haithli Feli Brigti ⁊ in trebad i 28 n-oenfecht.

1226

Calann Enair for Dardain ⁊ naemad xx.it d'ais esca fuirri, 30 ⁊ int aenmad x. don cical noedecda hi ⁊ in cethramad x. don 31 cical solarda ⁊ indictionis hi. M.cc.xx.vi. Embolismalis. D.

p.22

Tigernan mac Cathail Micuran meic Toirrdelbaig Moir 2 Rig Erenn do marbad la Dondchad h. nDubda ⁊ la a macaib, 3 rigdamna ba mo enech ⁊ engnam do Clainn Conchobair ⁊ 4 dorone do neichib suaichinti sodanacha connice sin.

Domnall mac Ruaidri h. Flaithbertaig do marbad do maccaib 6 Murcertaig h. Flaithbertaig iar ngabail tigi imme doib 7 fein ⁊ d'Fedlimid mac Cathail Crobdeirg. Truag am in gnim-sin, 8 adbur rig Iarthair Connacht do marbad ⁊ gan tir ⁊ gan 9 duthcus d'fagbail dara chend.

Fergal h. Taidc in Teglaig taisech luchta tigi Cathail 11 Crobdeirg ⁊ a meic na degaid do marbad do Dond Slebi h. 12 Egra ri Slebi Luga, fer ardraith moir ⁊ risi mo ler t 3doitt 13 do doinib.

Aed mac Duinn h. Sochlachan airchinnech Cunga, sai 15 chantuirechta ⁊ certglesae ⁊ glesa crot, ⁊ mar aen re gles do 16 denam do fein nach dernad reme, ⁊ ropa sai ar cach cerd etir 17 dan ⁊ gribdacht ⁊ scribinn ⁊ ar cech n-eladain dognith, do 18 ecc in hocc anno.

Nuala ingen Ruaidri h. Conchobair banrigan Ulad do 20 ecc i Cunga Feichin ⁊ a hadnaccal co honorach i tempul chanonach 21 Cunga.

Aed mac Domnaill h. Ruairc do marbad la Cathal h. 23 Raigillig ⁊ la Conchobar mac Cormaic h. Mailruanaig ar Loch 24 Aillinni.

Aed h. Flaithbertaig do gabail d'Oed mac Cathail Crobdeirg 26 ⁊ a thabairt i llaim Gall do.

Condmach h. Tarpa espoc Luigne in Christo quieuit.

Matha h. Maelmochergi quieuit in Christo.

Murgiuss Mac Diarmata do marbad in hoc anno.

Sluagad do denam d'Ua Neill co ranicc immell Connacht 31 ⁊ a intad cin nach tarba, ⁊ athtinol do denam do ⁊ braigti 32 Ceneoil Conaill go gabail do ⁊ mac h. Domnaill.

Caslen Cilli Moiri do loscad la Cathal h. Raigillig in 34 hoc anno.

Toirrdelbach mac Mailsechlainn mortuus est.

1227

p.24

Calann Enair for Aine ⁊ dechmad uathad fuirri. In dara 2 bliadain x. don cical noiecdai ⁊ in v.ed bliadain x. indictionis 3 ⁊ solarda hi. Anno Domini m.cc.xx.vii. Communis. C.

Cuirt mor do denam do Gallaib Erenn ac Ath Cliath ⁊ 5 Aed mac Cathail Crobdeirg Ri Connacht do gairm fuirri ⁊ fell 6 acus mebal do denam fair no co tanicc Uilliam Maruscal a fer 7 caradraid fein cona sochraiti ar lar na cuirti cuice, co rucc les 8 ar ecin esti immach he ⁊ cur innlaic imslan ina tir budein.

Dala Aeda meic Cathail Crobdeirg asa haithle sin doroinni 10 coinne ac Lathaig Caich Thuathbil re hUilliam Mares mac 11 Sefraid, 7 ni deachaid-sim dar Lathaig innond acht mad uathad 12 do dechduinib .i. Cormac mac Tomaltaig ⁊ Diarmaid mac 13 Magnusa ⁊ Magnus mac Murchertaig h. Conchobair ⁊ Tadc 14 mac Mathgamna h. Cerin ⁊ Ruaidri h. Mailbrenainn. Acus 15 tanicc Uilliam Mares ochtur marcach isin coinne arin lathir-sin. 4aDo chuimnig Aed in fell ⁊ in mebal doronadh 16 i nAth Cliath fair. Ro erig resiu do torlingseet na Gaill ⁊ ro tsin 17 a laim i nUilliam Mares ⁊ ro fecrad co beoda feramail he o a 18 muintir in tan-sin ⁊ ro gabad Uilliam Mares ⁊ Magestir Slemne 19 ⁊ Uga Airddin ⁊ ro marbad Constapla Atha Luain leis and sin 20 ⁊ ro chuir na Gaill-sin dar Lathaig suas, ⁊ tanicc-sem ⁊ in neoch 21 do bai do Connachtaib ina fochair ⁊ ro arcedur in marcad ⁊ 22 ro loscedur uili, ⁊ ropa gnim sochair do Connachtaib uili sin 23 uair fuair-sim a mac ⁊ a ingin acus braigdi Connacht ⁊ sith do 24 Chonnachtaib uili da hes.

Dond Sleui h. Gadra ri Sleui Luga do marbad don Gilla 26 Ruad .i. do mac a derbrathair fein ar ngabail tigi ind odchi 27 air. In Gilla Ruad fein do marbad inn fo cetoir tre imdell Aeda 28 h. Conchobair.

Mac Airt do gabail ⁊ a ben ⁊ a oiti ⁊ moran da muintir 30 maille fris.

p.26

Gorta mor isin bliadain-sin sechnon Erenn uili ⁊ tedm 2 ⁊ ar mor ar dainib do galraib examla .i. do fuacht ⁊ do gorta 3 ⁊ do cech cenel galair arcena.

Lodbais Ri Francc do ecc in hocc anno.

Morsluaged la Mac Uilliam hi Connachtaib ⁊ la Aed mac 6 Ruaidri h. Conchobair cor losced leo Inis Meodoin ⁊ cur aircsed 7 in tir uli ⁊ cur gabsad braigti.

Sluagad la Sefraid Mares ⁊ le Toirrdelbach mac Ruaidri 9 i Mag nAi co ndernsad caslen i rRind Duin ⁊ cur gabsad braigti 10 thShil Muredhaig.

Aed mac Cathail Crobdeirg do dol a Tir Conaill docum 12 h. Domnaill. Impod do atuaid aridisi ⁊ a ben do thabairt leis. 13 Meic Thoirrdelbaig do thecmail chuce isin tSegais. A ben ⁊ a 14 eich do facbail do. In ben dochora i llaim Gall iar sin.

Sluagad eli do Toirrdelbach mac Ruaidri ⁊ le Gallaib 16 Mide i nIarthar Connacht co ndernsat creich moir ar Aed mac 17 Ruaidri h. Flaithbertaig ⁊ dolaa 4b doib asside a crich 18 Cera ⁊ braigti mac Murcertaigh do gabail doib as-side ⁊ numir 19 do martaib do thabairt do Toirrdelbach as cach tricha cet ina 20 timchell.

Cu Mara h. Domnallain do marbad i ngemil do Ruaidri 22 Mac Duinn Slebi i ndigail a athar ⁊ se crosda.

Brian mac Conchobair h. nDiarmata occisus est in hoc 24 anno.

Dionis h. Mordai do crosad do espoc Oli Finn.

Caislen Atha Liacc do denam la Sefraid Mares.

1228

Calann Enair for Sathurn ⁊ xx.i. fuirri ⁊ in tres bliadain 28 x. don cical noidecda ⁊ in sesed bliadain decc don cical solarda 29 hi. Primus annus indictionis. M.cc.xx.viii. Communis. BA.

Aed mac Cathail Crobdeirg h. Conchobair Ri Connacht p.28 1 re re cethri mbliadna, amail asbert an fili .i. Donnchad Bacach 2 mac Tanaide h. Mailconari :
1. Do bai Rath Cruachan na cath,4
  istad ingine Echach,5
  iiii. bliadna, bert can celg,6
  ag Aed mac Cathail Crobdeirg.
7 do marbad d'oenbuilli do thuaig sairsi i cuirt Sefraid Mares 8 ⁊ se oca folcad oc mnai in tsair, acus an fer do buail he do 9 crochad ac Sefraid arabarach. Tre faslach immorro mac Uga 10 de Laci ⁊ Uilliam .i. Meic in Giustis doronad in fell-sin arin 11 flaith firen forglidi-sin. Et adubrad conab tre ed do buail in 12 saer e. Uair ni raibi ind Erinn cre duine bad aille ina bad 13 beodha inas.

Cocad adbalmor do fas etir da mac Ruaidri h. Conchobair 15 tar eis Aedo meic Cathail Crobdeirg .i. Aed ⁊ Toirrdelbach, 16 ar ni thucc in mac ba so dib oirrim don mac ba sine, gur milled 17 Connachta uili etarro ⁊ co raibi na haenfasach o Es Dara co 18 habaind h. Fiachrach bu des acht mad becan i Sleib Luga ⁊ 19 Lucht Artig nama.

Ricard mac Uilliam Burc do toidecht o Rig Saxan ⁊ 21 giustisecht na hErenn do tobairt leis do. Et cuirt mor do suidiugad 22 ag Gallaib Erenn ⁊ ag Goidelaib ⁊ Connachta etir 23 rig ⁊ toisig Erenn im da mac Ruaidri .i. Toirrdelbach ⁊ Aed. 24 Truag 4c am in comuirli doronad ann sin .i. rige do tabairt 25 don mac ba so ⁊ in mac ba sinem do dichur .i. Toirrdelbach mac 26 Ruaidri, ⁊ cen guth ina agaith d'engnam na d'uasli na d'enech. 27 Cid tra acht ro togadur Connachta uili in tan-sin Aed mac 28 Ruaidri i fiadnaise Gall ⁊ Gaidel, ⁊ ar toidecht doib don chuirt 29 do indsaig-sim ⁊ Connachta leiss co Carn Fraich meic Fidaig 30 ⁊ do rigad ann sin e-sim, amail ba gnath do cech rig ro gab 31 Connachta riam.

Dala immorro da mac Toirrdelbaig meic Ruaidri .i. Maelsechlaind 33 ⁊ Brian in cein do bas arin cuirt do tinolsad bu imda 34 ⁊ muintera ⁊ rucatur leo i ndithriub Ceneoil Dobtha meic Aengusa p.30 1 ⁊ tara montib, co rancatar Snam Rathine acus co ndechadur 2 tharis hi Fid Conmaicne.

Dala immorro Aeda meic Ruaidri do chuir tinolti, amail 4 ro bai, ina ndedaig ⁊ do ben na bai dib ⁊ tucc maidm forro, 5 ⁊ ro marbad Mailsechlainn mac Toirrdelbaig leis isin tressin.

Dauid h. Flainn toissech Sil Mailruain do ecc fo crois in 7 hocc anno.

Murcertach mac Flaithbertaigh h. Flannacan do marbad le 9 macaib Taidc h. Gadra.

Gilla na Naem mac Ruaidri mortuus est.

Ardespoc Atha Cliath .i. Henri o Londain quieuit in 12 Christo.

Ruaidri h. Maelbrenainn do hecc in hoc anno.

Niall mac Congalaig h. Ruairc ri Dartraide ⁊ Clainni 15 Fer Maigi do marbad le da mac Airt meic Domnaill I Ruairc .i. 16 Art ⁊ Amlaib, ⁊ Amlaib Gerr mac Neill meic Congalaig do 17 marbad hi fotraccadh la hAmlaib mac Airt cetna.

Fer(gal mac Si)triuca h. Ruairc do marbad la maccaib 19 (Congalaig) h. Ruairc.

Mac Raith h. Mallachta quieuit.

Aed mac Donnchada h. Fergail do marbad la hAed mac 22 Amlaib h. Fergail.

Gorta mor hi Connachta isin bliadain-sin ⁊ ro harcit cella 24 ⁊ tuatha inte ⁊ ro dichuired a clerig ⁊ a lucht eladna archenae 25 hi crichaib ciana comithce iarna cur re fuachd et re gorta re 26 cocad clainni Ruaidri in tan-sin.

1229

4dCalann Enair for Luan ⁊ aili uathad fuirri ⁊ in 28 cetramad bliadain x. don cical naedecda hi ⁊ in sethdmad x. 29 don cical solarda et in dara bliadain indictionis hi.

Gilla Isu h. Clerig espoc Lugne quieuit in Christo.

Gilla an Comded h. Dulendain comarba Feichin ⁊ Muredach 32 h. Gormgaili prioir Insi Mac nErin mortui sunt.

Dub Essa ingen Ruaidri h. Conchobair ben Chathail Meic 34 Diarmada do ecc ina caillig duib.

p.32

Dionis h. Morda espoc Sil Muredaig do chora a espocoiti de 2 in hoc anno.

Diarmait Mac Carthaig ri Desmuman mortuus est.

Girard h. Cathan canonach dob eolcha isin urd chananach 5 quieuit.

Diarmait h. Fiaich ap recglesa Gilla Molasi h. Gillauran o 7 Thuaim in Christo quieuit ⁊ a adlacad a nArd Carna.

Diarmait Mac Gilla Carrthaig aircindech Tige Baithin, 9 uasalsacart ⁊ in nech dob ferr derc ⁊ daennacht ro bai hi centur 10 Connacht, quieuit in Christo. Et is fo adlacad in chuirp-sin 11 dorala in contin ⁊ in esaenta moir etir manchaib na Builli ⁊ 12 canonchaib na Trinoite co rabi da la ⁊ da oidchi i tempul Dromai 13 nar lecsed na manaig a adlacad co ndeachaid se do chert uatha 14 fo deoid i cinn in tres la.

Lochlainn h. Mannachan do marbad hi fell do derbrathair 16 a athar budein.

1230

Calann Enair for Mairt ⁊ tres x. fuirri ⁊ in coiced bliadain 18 decc don cical noedecda hi ⁊ int ochtmad dec don cical 19 solarda et in tres bliadain indictionis hi. M.cc.xxx. Communis. 20 F.

Intod d'Oed mac Ruaidri ⁊ do Connachtaib arcena ar mac 22 Uilliam Burc ⁊ ar Gallaib Erenn tre faslach Duinn Oicc meic 23 Duindchatha Meic Airechtaig ⁊ Cormaic Meic Diarmata ⁊ a 24 aesa grada. Uair do radsad-sein breithir nach betis ac tigerna 25 do berad hi tech Gall iatt co brath. Doronsad tra crecha mora 26 ar Gallaib, .i. Aed mac Ruaidri ⁊ Iarthur Connacht do arcain 27 meic oic Uilliam ⁊ Addaim Duib; Donn Occ immorro ⁊ meic 28 Magnusa ⁊ glaslaith Sila Muredaig d'arcain Meic Gosdelb ⁊ Tiri 29 Maine co hAth Luain.

Cid tra acht ro tinol Mac Uilliam Erenn uili 5a⚑ ⁊ p.34 1 a Gaidil ⁊ tanic hi Condachtaib ocus Feidlim mac Cathail 2 Crobdeirg leis do tabairt rigi ⁊ airechdais do ⁊ do innarpa Oada 3 meic Ruaidri ⁊ cech Conductaigh ele dar impu fair. Tancatar 4 ar tus rempa co caisdel Bona Gaillue docum Oadha Ua Flaithuertaich. 5 Is and-sin dochuaid Oadh mac Ruaidri do fórithin h. 6 Flaithbertaig ⁊ Condachta lais fa maccaib Murcertaig h. Concubair. 7 Ocus do battar Condachta allaníar do Gallim ⁊ Goill allanair ⁊ 8 debtha mora cech loi eturra. Do battar tra Goill samlaid ⁊ ni 9 ro etsat geill na aitiri na sith o Condachtaib. Is si tra comairli 10 doronsat Goill iar sin tudhecht i ndiaigh inna mbo ⁊ inna munter 11 do techset hi sleibtibh ⁊ íarculaib in tire ocus in talman, ⁊ ind 12 oilenaiph mara, ⁊ tancatar an adaich-sin co Droichet Ingine 13 Goillin ⁊ is and ropa matan doiph. Is and sin ro fhiarfaig Mac 14 Uilliam : 15 'In fuil slighi etraind siar ⁊ loch hi ticfatais ni do Condachtaib 16 secha inuas ?'. 17 Do frecratar na heolaig he : ' Ata co deimin,' or siat. Do 18 córaig-sium a marcsluagh imma Cunga siar ⁊ imma Inis Medoin. 19 Is and sin dorala drong du Condachtaib oc tudhecht o Chaunga 20 mochtradh arna cur tharis isinn oidche riam ina triaraib ⁊ ina 21 coicfheraib co hamhglicc anfaitech, ⁊ ro marbait uathadh do 22 degduínib 'ma oes ngradha Magnussa meic Muircertaig I Concobair 23 .i. Diarmait h. hEdnechain ⁊ Lochlaind Mac Clesan ⁊ Tadc 24 mac Gilla Crist h. Moilbrenaind.

Dala Gall immorro tancatar a haithli in tsodain-sin co 26 Magh nEo na Sachsan. Tancatar arabarach co Topur Patric ⁊ 27 atraidhset conanaigh ⁊ laucht cinnti bethad docum Meic Uilliam 28 5b ⚑et du iarsat ar derc air cin beith aidchi acca. Et doratad 29 doib-seom sin. Et tancatar Goill rempa siss co Muine Maicin 30 ind aidchi-sin. Robo lescc tra le Gallaib techt o Moig Eo connici 31 sin, acht nach fuaratur braigdi na haitiri o Magnus mac Murcertaig, 32 et o nach fuaratar tancadar arabarach co hAchad 33 Fabair Umaill et do gabadur longport isin baili allaniar don chill, 34 i Margenan ar bru Locha Crichan. Et tanicc Magnus mac Murcertaig 35 ina tech ⁊ tucc geill ⁊ braigdi doib. Dala immorro Gall p.36 1 dochodur arna n-orther co Muine Maicin aris ⁊ do batur adaig and. 2 Dochodur as-side arnabarach co Mag Sine et ais-seicc ina 3 n-uidedaib ar fut Luigne co Ceis Corainn Cruitiri. Dochodur as-side 4 hi Coirrsliab na Seguse ⁊ do lecedur na heolaig uatha in 5 gnathsligid moir ⁊ tancatar isan sliab uili can tortim can turbrodh.

Dala immorro Aeda meic Ruaidri ⁊ Cormaic meic Tomaltaig 7 ⁊ Duinn Oicc ⁊ tSila Muredaig archena, do batur isin choillid. 8 Et is i comuirli doronsad o rosiachtadur a mbu ⁊ a muntera leo 9 co Sliab inn Iarainn ⁊ i ndaingnib ⁊ i ndrobelaib, cen uid cin 10 chomuirli ar Gallaib in tan-sin.

Adubairt immorro Donn Occ na dingned amlaid sin. Is i 12 comuirli dorone-sin ann sin dola allaniar do Gallaib nocur riachd 13 Findcharn ⁊ a braithir fein et ocbadta tSil Muredaig Muillethain 14 ⁊ a Gaill fein ⁊ mac Domnaill Bregaig h. Mailsechlainn 15 cona Gallaib ⁊ Brian mac Toirrdelbaig, ⁊ do batur ag feithem 16 Gall seacha; ⁊ do chuir Donn Occ lucht debta chuctha, ⁊ do 17 bai debaid maith aca cothagud ar Gallaib. Do bai-sem ⁊ a costad 18 ar mullach in chairn ⁊ a spes isin debaid. Iss and sin do chuiretar 19 Gaill sluag timchill imon carn do sersenchaib ⁊ do marcachaib 20 diarmide, et nochar airigedur nocur timchelsatt 5c aniar 21 imme in carn ⁊ do faccbad Dondd a oenur and sin ⁊ uathad 22 da braithrib ⁊ Brian mac Toirrdelbaig, ⁊ is gairit do leged a 23 n-aeninad iad amlaid sin. Do focrad tra ⁊ do haithned Donn 24 Occ and sin et se a aenur ⁊ do loigedur sersenaig imdo air ⁊ do 25 badur coic saigti ann-som ann sin ⁊ rucc aenmarcach air-sem fo 26 deoid ⁊ ni raibi d'arm aice-sim acht tuag amain ⁊ nir lec-sim 27 in marcach air ⁊ do chuired gai in marcaich de lesin tuaig. Do 28 dortsed na sersinaig uili ina cend fo deoid ⁊ ro timchellad in 29 trenmilid anoir ⁊ aniar ⁊ ro toit-sim ann sin le himarcaid na 30 n-anrad oca airlech.

Dala immorro Aeda meic Ruaidri do bi don leth anair do 32 Gallaib oca feithem ⁊ ni thucc debaid na tachar doib ⁊ ni da 33 deoin tucc nech aili, ⁊ dosiacht in maidm soir ina chend ⁊ ni 34 fitir-sim Dond do toitim ann sin, ⁊ dochuaid as ar los a lama 35 cin domasi cin digbail, ⁊ aen dib do bai ac loigi fair do inta-som 36 fris ⁊ tuc urchur d'foga do gur gab crand trit, ⁊ do leced e-sim 37 ⁊ a raibi ina fochair cin a insaigid. Eachtigern mac an brethiman p.38 1 h. Minachan ⁊ daine eili nach arimther sunn do marbadh doib 2 in la-sin.

Cid tra acht o dorala in sodan-sin do Gallaib ⁊ o ro marbad 4 Dond Occ, do chuiredar Gaill a nGaidil ⁊ a sersenaig co 5 Sliab ind Iairn ⁊ tucsaddd crecha mora leo ⁊ is sochuide ro cuired 6 re fuacht ⁊ re gorta ann sin ⁊ ro marbad mna ⁊ lenim ⁊ 7 ro tharrnochtaid do neoch na ro marbad dib, ⁊ tuccsatt crecha 8 mora toirticha leo dochom longpuirt na nGall. Et tancatar as-side 9 co calad Cairrci Locha Ce acus do batur ann-side da oidche 10 ⁊ sechtmain, ⁊ tucsat 5d rigi d'Fedlim mac Cathail Crobdeirg 11 ⁊ do innarbsad Aed mac Ruaidri a n-ucht Aeda h. Neill. 12 Et do imtigetar Goill da tigib ⁊ do scailsed co subach somenmnach.

Aed h. Neill ri Coicid Conchobair ⁊ cosnamaig Lethe Cuinn 14 Cetcathaig re Gallaib ⁊ re Leth Modha Nuadat ⁊ rigdamna Erenn 15 de iure do ecc isin bliadain-sin, Ri na tuccc geill na etiri na cis 16 do Gall na do Gaidel, Ri dorad marbtha ⁊ madmanna mora ar 17 Gallaib, Ri roba cothugad do Gaidelaibh uile do neoch ro bith 18 ar innarba dib no ar sechran, Ri rob feli ⁊ rob indegduine tanicc 19 d'feraib Erenn riam.

Gilla Isa h. Clerig espoc Luigne quieuit in Christo.

Iosep Mac Teithedan espoc Conmaicne quieuit in Christo.

Gilla Carthaig h. hElgiusan canonach ⁊ ancaire quieuit.

Donnslebi h. hInmainen manach naem ⁊ ardmaigestir 24 saer manestrech na Builli mortuus est.

Maelmoire h. Maileoin comarba Ciarain Cluana M-Nois quieuitt.

H. Cerballan espoc Chlainne Eogain quieuit in Christo.

Roolb Petit espoc na Mide uir religiosuss ⁊ caritatimus ⁊ 28 Dei famulis in Christo quieuit.

Maelsechlainn Mac Fir Edinn uasalsacart ⁊ maigistir 30 leginn in Christo quieuit in nobitsi manaig hi manestir na Builli.

Art mac Airt h. Ruairc do marbad per dolum do Ragnall 32 h. Finn.

Mac Raith Mac Gerraig espoc Conmaicne quieuit in 34 Christo.

p.40

Maelsechlainn h. Mannachan do marbad da braithrib fein.

1231

Calann Enair for Cetain, m.cc.xxx. primo ⁊ a cethair fichet 3 fuirri ⁊ in sesed bliadain dec don cical solarda ⁊ in cethramad 4 bliadain indictionis hi. Communis. E.

Feth fo lige ingen Conchobair Meic Diarmata ben Murcertaig 6 Mumnig meic Toirdilbaig moir h. Conchobair do ecc isin bliadain-sin, 7 ben is mo ⁊ is ailli ⁊ is feli ⁊ is inrucca ⁊ is ferr clu tanicc 8 do Leth Chuind, ⁊ rob i sin mathair Magnusa meic Murchertaig 9 Mumnig ⁊ Conchobair Ruaidh ⁊ Tuathail ⁊ Toirrdelbaig Sacairt 10 .i. prioir reclesa Petoir ⁊ Poil.

6aDubchablaig ingen Conchobair Meic Diarmata do 12 ecc i manestir na Builli in hoc anno

Duinnin h. Maelconaire ollam Sil Muredaig Muillethain 14 meic Fergusa do ecc in hoc anno.

Flann h. Connachtaig espoc h. mBriuin quieuit.

Fedlim mac Cathail Crobdeirg do gabail la Mac Uilliam 17 Burcc hi Miliuc tar slanaigecht maithi Gall Erenn.

Flaithbertach h. Flannacan dux Clainni Cathail Meic 19 Muredaigh Muillethain do ecc i manestir na Bailli i n-oilithri ⁊ 20 se iarna crosad.

Sluagad mor le Domnall h. nDomnaill ri Tiri Conaill ⁊ la 22 hOengus Mac Gilli Finnein dochum Cathail h. Raigillig ⁊ co 23 rucsatt longius leo for Loch Uachtair cur aircsiutt Eoinis ⁊ 24 cur marbsat in sted gel is ferr ro bai a nErinn ⁊ co rucsat seoit 25 ⁊ maine ⁊ indmus ⁊ maithes an baili uili leo.

Dionis h. Morda espoc Oli Finn iar cur a espocoite de ar 27 desercc acus ar crichnagad a bethad ind Oilen na Trinnoiti ar 28 Loch Ce do Dia ⁊ do Chlarus Mag Mailin d'airchidichain Ola 29 Finn ⁊ don urd chanonach inn inait cetna xviii. kalendas Ienuarii 30 in eadem insola quieuit in Christo.

Dubthemrach ingen h. Cuind ben Flaithbertaig h. Flannacan 32 mortua est.

Conchobar Got h. hEgra ri Luigne mortuus est.

Tinscna baili marcaid do denam la Cormac mac Tomaltaig 35 hi Purt na Carce.

p.42

Macc Neill h. Garmlegaig dux Ceneoil Moain mortuus est.

Dondchad h. Conchobair do gabail espocoite Oli Find dar 3 es Dionis h. Mordai.

Gilla Isa Mac Samradan dux Tellaig Echach quieuit.

Ualgarg h. Ruairc ri Brefne do ecc i n-oilithri ar sligid an 6 tSrotha.

1232

Calann Enair for Dardain ⁊ coiced uathad fuirri ⁊ in 8 sechtmad x. don cical noidecda hi ⁊ in fichetmad bliadain don 9 cical solarda ⁊ in coice

We use cookies to help give you the best experience on our website. By continuing without changing your cookie settings, we assume you agree to this. Please read our cookie policy to find out more.

Annála Connacht

Annals of Connacht

Unknown author

Annála Connacht