unknown

Loinges Mac n-Uislenn and-so

1.

Cid dia-mboí loṅnges mac n-Usnig? Ni ansa. Bátar Ulaid oc ól i taig Feidlimthe maic Daill, scēlaigi Conchobuir. Baī dano ben ind Feidlimthe oc airiuc don t-slúag ōsa cinn is sí thorrach. 5  Tairmchell corn ocus chuibrenn ocus ro-lāsat gáir mesca. A mbátar do lepthugud, do-lluid in ben dia lepaid. Oc dul dī dar lár in taige, ro-gréch in lenab inna broinn co-closs fon less uile. At-raig cach fer di alailiu is'tig lasin scréich í-sin co-mbátar cinn ar chinn isin tig. Is and ad-ragart Sencha mac Ailella: 10  “Na cuirid cor díb!” or-se. “Tucthar cucunn in ben co-festar cid dia-tá a ndeilm se.”

Tucad īarum in ben chucu.

2.

Is and as-bert a cēile .i. Feidlimid:11  R.

Feidlimid

Cīa deilm dremun derdrethar, (“a ben,” or-se)15 
Dremnas fot broinn búredaig?
Bruït[h] clūasaib cluinethar
Gloim eter do dā thoīb,—trēn-tormaid.
Mór n-ūath ad-n-āigethar
Mo chride crēchtnaigedar crūaid.

3.

20 Is and ro-lā-si co Cathbath, ar ba fissid side: R.

ben Feidlimthe

Cluinid Cathbad cóem-ainech
Cáin, mál, mind mór mochtaide
M(dot)brogthar tre druidechta drúad,
Ōr nad-fil lem féin find-̇focla25 
Fris-̇mberad Feidlimid
Fursundud fiss,
Ar nád-fitir ban-scál
Cīa fo brú-bī,
Cid fom chriöl bronn bēcestar.

4.

30  Is and as-bert Cathbad: .R.

Cathbad

Fot chriöl bronn bēcestair
Bē ̇fuilt buidi buide-chass
Ségdaib sūilib sell-glassaib.
Sīan a grúade gorm-chorcrai; p.4435 
Fri dath snechtai samlamar
Sét a détgne díänim.
Nīamdai a béoil partuing-deirg—
Bé dia-mbiät il-ardbe
Eter Ulad erredaib.40 
Gēssid fot brú búirethar
Bē ̇find ̇fota ̇folt-lebor,
Imma curaid-cossēnat,
Imma n-ard-ríg-īarfassat.
Biät īarthur trom-thoraib45 
Fo chlí chóicid Chonchobuir.
Biäit a béoil partuing-deirg
Imma dēta nēmanda,
Fris-mbat formdig ard-rígna,
Fria cruth ̇ndīgraiss ̇ndīänim.

5.

Do-rat īar suidiu in Cathbath a láim fora broinn inna mnā coro-derdrestar in lelap foa láim.

“Fír,” ar-se, “ingen fil and ocus bid Derdriu a hainm ocus biaid olc impe.”

Ro-gēnair ind ingen īar sin, ocus dixit Cathbad:

Cathbad

55 A Derdriu, maindēra már,
Dia-msa cóem-ainech cloth-bán.
Cēsfaitit Ulaid rit ré,
A ingen ̇fial Feidlimthe.

Biäid ētach cid īar tain60 
Dot dáig, a bé for lassair.
Is it aimsir—cluinte se—
Lȯnges tri mac n-Uislinne.

Is it aimsir gním dremuin
Gēntar íarum i n-Emuin.65 
Bid aithrech coll cid īar tain
Fo[r] foīsam maic Roig rogmair.

Is triüt, a bé co mbail,
Longes Fergusa ó Ultaib,
Ocus gním ar-coínfed guil70 
Guin Fiachnai maic Conchobuir.

Is it chin, a bé co mbail,
Guin Gerrci maic Illadain,  p.45
Ocus gním nat lugu smacht,
Orggain Eogain maic Durthacht.

75 Do-gēna gním ̇ngrānda ̇ngarg
Ar ̇feirg ri ríg n-Ulad n-ard.
Biaid do lechtán i nnach dú;
Bid scél n-airdairc, a Derdriu.
(A Derdriu)

6.

80  “Marbthar ind ingen!” ol ind óic. “Ni-thó!” ol Conchobor. “Bērthair lim-sa ind ingen i mbārach,” ol Conchobor, “ocus ailebthair dom réir féin ocus bid sí ben bías im ̇farrad-sa.”

Ocus nira-lāmatar Ulaid a chocert immi. Do-gníther ón dano: 85  Ro-alt la Conchobor co-mbo sí ingen as mór-áillem ro-boí i n-Hérinn. Is i llis fo leith ro-alt connach-acced fer di Ultaib cosin n-úair no-foad la Conchobor ocus ni baī duine no-lēicthe issin les sin acht a haite-si ocus a mumme ocus dano Lebarcham, ar ní-éta gabáil di ssidi ar ba ban-cháinte.

7.

90  Fecht n-and didiu baí a haite na ingine oc fennad loíg ̇fothlai for snechtu i-mmaig issin gaimriuth dia ̇funi di-ssi. Co-n-acca-si ní, in fíach oc ól inna fola forsin t-snechtu. Is and as-bert-si fri Lebarchaim:91  “Ro-pad inmain ōen-̇fer forsa-mbetis na tri dath ucut .i. in 95  folt amal in fīach ocus in grúad amal in fuil ocus in corp amal in snechta.”

“Orddan ocus tocad duit!” ar in Lebarcham. “Ni cían úait. Atá is'taig it arrad .i. Noísi mac Usnig.” “Ni-pam slán-sa ám,” ol-si, “conid-n-accur-saide.”

8.

100  Fecht n-and didiu baī-seom int-í Noísi a óenur for dóe inna rrátha .i. ina Emna, oc andord. Ba bind immurgu a n-andord mac n-Usnig. Cech bó ocus cech míl ro-chluined, no-mbligtis dā trian blechta d'immarcraid ūadib. Cech duine rod-chluined, ba lór síthchaire ocus airfitiud dóib. Ba maith a ̇ngaisced dano. 105  Cīa no-beth cōiced Ulad i n-ōen-baili impu, acht corro-chuired cách díb a triur a druim fri araile, ni-bertais búaid diib ar ̇febas na ursclaige ocus na imdíten. Bat comlūatha dano fri conaib oc tafonn. No-marbdais na fīada ar lúas.

9.

110  A mboī-seom didiu a oínur int-í Noísi i-mmaig, mos-ētlan-si cuci i-mmach amal bid do thecht secha ocus nis-n-athgéoin. “Is cáin,” ol-se-sseom, “in t-samaisc téte sechunn!” “Dlegtair,” ol-si-si, “samaisci móra bale na-bít tairb.” “Atá tarb in chóicid lat,” or-se-sseom, “.i. rí Ulad.” “No-togfainn-se etruib far ̇ndís,” or-si-si, “ocus no-gēbainn 115  tarbín óag amalt-so.” “Ni-thó!” ol-se-sseom. “Cid fo bīthin fáitsine Cathbad.” “In dom fémed-sa adeiri sin?” “Bid dō immurgu” or-se-ssem. La sodain fo-ceird-si bedg cuci corro-gab a dá n-ó fora chinn. 120  “Dá n-ó mēle ocus cuitbiuda in-so,” ol-si, “manim-bera-su latt.” “Eirgg ūaim, a ben!” ol-se. “Rot-bia ón,” ol-si-si. At-racht la sodain a andord n-ass. Amail ro-chūalatar Ulaid in-nunn in n-andord, at-raig cech fer díb di alailiu.

10.

125  Lotar maic Uislenn i-mmach do thairmesc a mbrāthar. “Cid no-taí?” ol-seat. “Na 'mma-̇ngonad d'Ultaib it chinaid!”

Is and at-chúaid dóib a ndo-rónad friss.

“Biaid olc de,” ol ind óicc. “Cīa beith, noco-bia-so fo mebail céin bemmit-ni i mbethaid. Ragmai-ni lee i tír n-aili. Ni-fil 130  i n-Hērinn ríg na-tibre fāilti dún.”

Batar eat a comairli. Ro-imthigsetar in n-aidchi sin. i. tri coīcait láech dóib ocus tri coīcait ban ocus tri coīcait con ocus tri coīcait gilla ocus Derdriu i cumusc cáich co-mbaī etarru.

11.

Bātar for fōesamaib céin móir mór-thimchell n-Érenn 135  co-trīallta a ndíth co mmenic tria indleda ocus chelga Conchobuir ō-thá Ess Rúaid timchell síar-des co Beinn Étair sair-thúaid iterum. Ar-aī-de trá conda-[to]roīfnetar Ulaid tairis i crích n-Alban. Con-gabsat i ndīthrub and. Ōnd úair ro-scáich dóib fíadach in t-slébe, do-elsat for cethra fer n-Alban do thabairt chucu. Do-chótar-side 140  dia ndīlgiund i n-ōen-ló co-ndeochatar dochum ríg Alban conda-rragaib ina munteras ocus coro-gabsat amsaini acca ocus ro-suidigsitar a tige issind ̇faithchi. Im déigin ina ingine do-rónta na tige conna-hacced nech leo hí ar dáig na ro-marbtais impe.

12.

Fecht n-and didiu luid in rechtaire matain moch co-rralai 145  cor imma tech-som. Co-n-accae in lānamain inna cotluth. Do-chūaid īar sin coro-dúsig in ríg.

“Ni-fūaramar-ni,” or-se, “mnaī do di̇ngbāla-so cosin diu. Atá i fail Noísen maic Uislenn ben di̇ngbāla ríg íarthair domuin. Marbthar  p.47 fo chét-óir Noīsi ocus foath in ben lat-so,” ol in rechtaire. 150  “Acc,” ol in rí, “acht eirg-siu dia guidi dam-sa cech lāa fo chlith.” Do-gníther ón. A n-at-bered immurgu in rechtaire frie-si chaidchi, ad-féded-si dia cēliu in n-aidchi sin fo chét-óir. Ūair naro-étad ní dī, no-erálta for maccaib Uislenn dul i ̇ngābthib ocus i cathaib ocus i ndrobēlaib ar dáig coro-mmarbtais. Ar-aī-de batar sonairti-sium 155  im cech n-imguin connar-étad ní dóib asna amsib sin.

13.

Ro-tinōlta fir Alban dia marbad íarna chomairli frie-si. At-fét-si do Noísin.

“Imthigid ass!” or-si. “Mani-digsid ass in-nocht, nobor-mairfither i mbárach.”

160  Lotar ass ind aidchi sin co-mbātar i n-inis mara. Ad-fīadar do Ultaib an-í-sin.

“Is tróg, a Chonchobuir,” ol Ulaid, “maic Uislenn do thuitim i tírib námat tre chin droch-mná. Ba ferr a comaitecht ocus a mbíathath ocus a nem-guin ocus tuidecht dóib dochum a tíre ol-daas 165  a tuitim lia náimtiu.” “Tecat didiu,” ol Conchobor, “ocus tíagat commairgi friu.”

Berair chucu an-í-sin.

“Is fo chen linn,” ol-seat. “Regthair ocus tæt Fergus frinn i commairgi ocus Dubthach ocus Cormac mac Conchobuir.”

170 Tīagait side co-ngabsat a lláma di muir.

14.

Baí immurgu imchosnam im Fergus dia churiud do chormannaib a comairli Chonchobuir, ar as-bertatar maic Uislenn nadcon-ístais bíad i n-Hērinn acht bīad Conchobuir i tossuch. Luid īarum Fiachu mac Fergusa leo ocus anaid Fergus ocus Dubthach 175  ocus do-llotar maic Uislenn co-mbátar for faithchi na Emna. Is and dano tānic Eogan mac Durthacht rí Fernmaige do chórai fri Conchobor, ar ro-boí i n-essíd friss i cíana. Is ē-side ro-herbad dia mmarbad ocus amsaig Conchobuir immi conna-tīstais cuci-sium.

15.

180 Bātar maic Uislenn ina sesum for lār na faithche ocus bātar inna mnā inna suidib for dōu na h-Emna. Luid didiu Eogan cuccu inna thur iarsind ̇faithchi. Do-lluid immurgu mac Fergusa co-mbaī for leth-láim Noísen. Feraid Eogan fāilti friu la béim forgama do gaī mór i n-Noísin co-rroīmid a druim triit. Fo-ceird 185  la sodain mac Fergusa co-tuc a dí láim dar Noīsin co-tuc foí ocus co-tarlaic fair anúas ocus is samlaid ro-bíth Noísiu tre mac Fergusa anūas. Ro-marbtha īar suidiu sethnón na faithche conna-térna  p.48 ass acht a ndechuid do rind gaī ocus di giun chlaidib; ocus rucad-si in-nunn co Conchobor co-mbaí fora láim ocus ro-cumrigthe a lláma 190  íarna cúl.

16.

At-chūas do Fergus īarum an-í-sin ocus do Dubthach ocus do Chormac. Tāncatar side co-ndernsat gníma móra fo chētóir .i. Dubthach do marbad Mane maic Conchobuir ocus Fiachna mac Feidilme ingine Conchobuir do guin dond ōen-̇forgab ocus 195  Fergus do marbad Thraigthrēoin maic Traiglethain ocus a brāthar ocus sārugud Conchobuir impu ocus cath do thabairt eturru īar sin isind ōen-lōu co-torchratar tri chét de Ultaib eturru ocus ingenrad Ulad do marbad do Dubthach rīa matain ocus Emain do loscud do Fergus. Is ed lotar īarum co Ailill ocus co Meidb ar 200  ro-fetatar is sí lānamain foda-rōelsat ocus dano ni-bu chūl serce do Ultaib. Tricha cét ba é lín na lloi̇ngse. Co cenn sē m(dot)blíadna déc niro-an gol na crith leu i n-Ultaib acht gol ocus crith leu cech n-ōen-aidchi.

17.

Blíadain di-ssi trá i fail Chonchobuir ocus risin rē sin ni-tib 205  gen ̇ngāire ocus ni-dōid a sáith do bíud na cotluth ocus ni-tūargaib a cenn dia glún. In tan didiu do-mbertis na hairfiti dī, is and as-bered-si in reicni sea sís:

Deirdriu

Cid cāin lib ind læchrad lainn
Cėngtae i n-Emain īar tochaim,210 
Airdiu do-ci̇ngtis dia taig
Tri maic adlæchda Uisnig.

Noísi co mmid chollān chain—
Folcud lim-sa dó 'con tein—
Arddān co ndam nó muicc mais,215 
Asclȧng Aindli dar ardd-ais.

Cid milis lib a mmid mas
Ibes mac Nesa nīth-mas,
Baīthium riäm—rén for brú—
Bíäd menic ba millsiu.

220 Ō ro-sernad Noísi nár
Fulocht for feda fīan-chlār,
Ba millsiu cach bīud fo mil
Ara-rālad mac Usnig.

Cid bindi lib in cach mí225 
Cuslennaig is cornairi, p.49
Is sí mo chobais in-diu:
Ro-cūala céol bad bindiu.

Bind la Conchobor for rí
Cuslennaig is cornairi;230 
Ba bindiu lem-sa—cloth n-ell—
Sían no-gebtis maic Uislenn.

Fogur tuinne toirm Noīsi
Ba cēol bind a bith-chlóisi.
Coblach Arddāin ro-po maith,235 
Andord Aindli dia ūar-baith.

Noísi, do-rōnad a ̇fert.
Ba dirsan in chomaitecht.
Dō ro-dālius—drong tria alt—
In dig tonnaid dia-n-ērbalt.

240 Inmain berthán áilli blai,
Tuchtach duine cid dind-blai.
Ba dirsan nad-[̇f]resco in-diu
Mac Uislenn do idnaidiu.

Inmain menma cobsaid cáir;245 
Inmain óclach ard imnāir.
Īar n-imthecht dar feda fál,
Inmain costal i tiugnár.

Inmain súil glass carddais mná;
Ba hamnas fri ēcrata.250 
Īar cúairt chaille—comul sær—
Inmain andord tria dub-ræd.

Ni-cotlu trá,
Ocus ni-corcu m'i̇ngne.
Fáilte, ni-tāet imm airi,255 
Ōr nach-taidi mac Tindle.

Ni-cotlu
Leth na haidche im ligiu.
Fo-ceird mo chēill imm dru̇ngu;
Sech ni-lu̇ngu, ni-tibiu.

 p.50

260 Fáilte, in-diu ni-dam úain
I ndáil Emna—ercdair saír—
Na síd na suba na sám
Na tech már na cumtach caín.
(Cid cāin)

18.

265 In tan dano no-bīd Conchobor oca hālgenugud-si, is and at-bered-si in reicni sea sīs:

Deirdriu

A Chonchobuir, cid no-taí?
Do-rurmis dam brón fo chaí,
Is ed ām [i] céin no-mmair,270 
Do s(dot)erc lim ni-ba romair.

Ní rop āilliu lim fo nim,
Ocus ní rop inmainib
R[o]-ucais úaim—mór in bét—
Connach-acciu-sa comm éc.

275 A i̇ngnāis is toirrse lem
Tucht dom-adbat mac Uislenn.
Caurnán cir-dub dar corp ̇ngel.
Ba sūaichnid sech ilar fer.

Dā ngrūad corcra cāiniu srath,280 
Bēoil deirg, abrait fo dæl-dath;
Dēitgen némanda fo lí,
Amal sōer-dath snechtaidi.

Ba sūaichnid a eirred ̇nglan
Eter fīanaib fer n-Alban.285 
Fúan cāin corcra—comul cóir—
Cona imthacmu̇ng derg-óir.

Inar srólda—sét co mbríg—
I-mbuī cét ngem—ilar mín.
Fora imdēnum is glē290 
Coíca u̇nga findruine.

Claideb ór-duirn ina láim,
Dā gaī glasa co ngoth-grāin, p.51
Finden co mbil óir buidi,
Ocus taul argait fuirri.

295 Fo-rruïch frinn Fergus find
Ar tabairt darsa mōr-lind.
Ro-rir a einech ar chuirm.
Do-rochratar a mōr-gluinn.

Cīa no-betis forsin muig300 
Ulaid im gnúis Conchobuir,
Dos-mbēruinn uili cen chlith
Ar gnāis Noīsi maic Uisnig.

Na briss in-diu mo chride;
Mos-ricub mo moch-lige.305 
Is tressiu cuma in-dā muir,
Madda ēola, a Chonchobuir.
(A Chonchobuir)

19.

“Cid as mó miscais lat at-chí?,” ar Conchobor. “Tu-ssu ám,” or-si, “ocus Eogan mac Durthacht!” 310  “Bia-so dano blīadain i fail Eogain,” ar Conchobor.

Dus-mbert īarum for láim Eogain. Lotar īarna bárach do ōenuch Macha. Buí-si īar cúl Eogain i carput. Do-raṙngert-si na-haiccfiuth a dā cēile for talmain i n-ōen-̇fecht.

“Maith, a Derdriu,” ol Conchobor, “súil chærach eter dā rethe 315  gnīi-siu etrum-sa ocus Eogan.”

Ro-baí ail chloiche mór ara cinn. Do-lléici a cenn immon cloich co-nderna brúrig dia cinn co-mbo marb.

Lȯngas mac n-Uislenn in-sin ocus longas Fergusa ocus aided mac n-Uislenn ocus Derdrenn.

320  Finit.

@book{G301020B,
  title 	 = {Longes Mac n-Uislenn: The Exile of the Sons of Uisliu},
  editor 	 = {Vernam Hull},
  edition 	 = {0},
  note 	 = {42 + 187 pp. 1–42 Introduction; 43–51 Text; 51–59 Variant Readings; 60Ndash;69 English Translation; 70–161 Notes; 162–184 Glossary; 185–187 Indices (185–186 I. Index of Personal Names; 186–187 III. Index of Place-Names)},
  publisher 	 = {Kraus Reprint Co.},
  address 	 = {New York},
  date 	 = {1971}
}
 G301020B.bib