unknown

Edited by Kuno Meyer

 p.41

Brinna Ferchertne inso trīana codlud.

 117b1
1. Atchīu dā choin ac congail ferda comraim co n-áne:
   is Cūculaind conmāide bās Chonrūi mic Dáre.
2. Héraind rogabsat Hērind, bātir līnmair a fini,
   gabsat cōiced cen tusled corrice Uisnech Mide.
3. Fichsetar mōr do chathaib, bātir crōdai na saithi,
   contolsat aidchi i Temair oc saiged d'Emain Machi.
4. Ba di cherddaib Chonrói dia ngeogain fēnnid Fliuchna,
   ba hed bunad a chēsta dia n-acht na hercca Iuchba.
 p.42
5. Dia sāraigestair Ultu, ba scēl fota fri turaim,
   īar feis fri curach codail bert Blathnait ō Coinchulaind.
6. Bāi Cūchulaind for īarair, blīadain lān dó hi tói,
   co fitir eōlas athlam dochum chathrach Conrói.
7. Dia mert a ben Coinrói, ba holc in gnīm dogēni,
   sech nī thērna hi sēgdu, fācbas Ērnu fo mēli.
8. Romert Blathnait ingen Minn in argain inn-Argatglind,
   olc gním do mnái brath a fhir, dáig ba maith donderuidir.
9. Cumrecht a folt do hailib, do cholbaib, cródu scélaib,
   atract foraib, Cúrói, ropo chomērgi trēnfir.
10. Docher cēt fer dia hērgiu īarna cuimriuch i n-ailib,
    trī chōecait fer cen shodain, ocus cōeca hi fuilib.
 p.43
11. Cid  117b2tarraid Cūchulaind cona claidiub fadessin,
    conidfargaibh i cossair for formnaib saera sessir.
12. Sīactatar as for slēbib, dīgalsat fēnnid Fliuchna,
    sech bertatar a cathle, actatar erca Iuchna.
13. Tarraid Senfīaccail Setnach, dīmelta lecthi a chnāmi,
    gabsi fulung co ndēni īar ndīth anma mic Dāre.
14. Ced fer gāire na flatha, ba maith fri hētacht catha,
    tescais coicait fer n-armach, īar sain damair a marbad.
15. Dosrelic Tredornán dall for slúag nUlad, nīrb inmall,
    nertlia nóethech, núall nād baeth, marbais trí fichti fírlaéch.
16. Comram Echdach mic Darfind, fil a thindrem issin glind,
    bec a fis do neoch ar atá cair cia rolá lecca ind.
 p.44
17. Comram Echdach mic Darfind ōtha rind corrici in n- glind,
    marbais cét fer fo chomlond condatarraid écomlonn.
18. Īar sain tucad écomlond for Echdaig, nī fo chumlond,
    co fil a charnd for Maig Rois a lín robói deas anfois.
19. Dosfarraid Cairpri Cūanach, marbais cét fer, dál mbrígach,
    robága fri Conchubor mani bad a muir mílach.
20. Dosfarraid Cló co mbarainn, marbais cét fer dia fairind,
    cid mór a nert hi colaind, fúir a lecht la Conchulaind.
21. Dosfarraid Rus mac Dedad, ocus tailc trén a bunad,
    ba di dígail a curad gegnatar ócu Ulad.
22. Īar sain tarraid Nemtes drúi, rofitir ní aridmbái,
    cethri dechenbuir robí, atherracht ind co fo trí.
23. Dosfarraid Foraí fīanach, fer nad gillad ar gári,
    dosfarraid Dēdornd dúalach, cartais na slúagu a háni.
 p.45
24. Tarraid Ferdomon, ferais debaid, ār bodbda bronnais,
    bí a dornd ar comlond cain do Fiachaig mac Concobair.
25. Dosfarraid  181a1mac Riangabra, Ingeilt a hainm co n-áni,
    bert Carpre mac Conchoboir fo tonnaib serba sáile.
26. Lugaid ocus Lóegaire fersat debaid dar dā bran,
    fácbaid a charpat dia chur is a faraid ina scur.
27. Cotgart Lóegaire don tslúag, mida mín ticed úad:
    “Brissem fír fer forsin lōech dús in dersamis ar sāeth”.
28. Gabsi Fergus for a grúad arnach romarbad in slúag,
    īar sain rosīach(t) cert curad for ócu amra Ulad.
29. Trí fichit láa dó for leirg, fer cecha lá inna cheird,
    bátir hé sein a hélaing condatáncatar Héraind.
30. Īar sain táncatar Héraind dia réir ar-ríg domrímid,
    secht fichet ar secht cétaib, secht cét míle do mílib.
 p.46
31. Scortside for maig Henaig, ba hann cotricht in debaid,
    acta fri alla argait, conid de attá in cath charpait.
32. For leirg lectaig fersat núall, ba hand cotránic in slúag,
    is ed a hainm foridtá ocus nocha n-ed nammá.
33. Is trúag a comrac amne Blathnaite ocus Fercertne,
    co fil a lecht díblínaib hi Laind Chindbera āssin rind.
34. Atchīu teor erca Echdai, ní meirb docengat latha,
    adchīu daglaechuin(?) beth, adchīu graige cach datha.
35. Atchīu curchu la habaind, adchīu galaind forsngabther,
    atchīu dírim dar magthech, adchīu laech forsnālamther.
36. Atchīu gin húi Nessa cessa fri fiansa forbair
    diasnad Hériu ergair, atciu-sa ¹ hi congail.
    Atchiu.

@article{G301023,
  editor 	 = {Kuno Meyer},
  title 	 = {Brinna Ferchertne},
  journal 	 = {Zeitschrift für Celtische Philologie},
  number 	 = {3},
  address 	 = {Halle/Saale},
  publisher 	 = {Max Niemeyer},
  date 	 = {1901},
  pages 	 = {40–46}
}
 G301023.bib